關於 uno draw 4 規則 ，我們在網路上蒐集到這些相關的討論、資訊與評價

【 #拍拖活動廢人包 - 紅都面晒！全新18+情侶版UNO】

UNO一直係唔少人嘅童年回憶，對UNO嘅印象亦都停留喺「益智」、「畀fd draw到差啲打交」嘅遊戲上，但最近有眼尖網民發現UNO竟然妖魔化，有18+成人版情侶UNO！雖然貌似就唔係官方推出，而係坊間自製版，不過無論係啲規則同shot杯上嘅動作都令人紅都面晒... 喂，阿叔想玩鋪正常UNO姐，呢副如果同女友玩好似少啲體力都唔得啵！
.
呢副「Censored UNO」講明要審批，規則尺度都有返咁上下！大致上玩法同經典UNO係無分別，不過每次用功能牌，都要用同一隻顏色嘅酒杯飲shot，仲要根據杯/牌上嘅性感動作同另一半轉甫士！即係例如你要出draw 4，就要飲返2 shot再同BB做出某啲動作。咦～好衰㗎，咁難人哋點做喎～ 呢個18+版本刺激程度爆燈，難怪網民話：「應該玩唔晒一鋪」、「唯一一次畀人daw 4唔會嬲」、「急不及待想被draw」，我真係完全聽唔明你哋講咩囉！
.
不過為咗照顧一眾純情小綿羊，除咗有18+情侶版，另外都有齋劈酒版嘅「Drunk UNO」，純碎畀人draw要飲下shot咁，一班fd圍爐玩就啱晒。不過如果你身邊有個fd玩咗幾廿次都係出錯牌/無叫UNO就大獲，因為係要罰成3個shot咁多！不過是但啦，有酒飲就開心，好想買晒兩副同另一半、fd子一齊玩啊！
.
【Censored UNO Couple Edition / Drunk UNO】
傳送門：https://www.etsy.com/hk-en/search?q=drunk%20uno
價錢：HKD$160 - 300（就咁睇落平貴都無乜分別，都可以寄去香港，大家記得格下價先買！）
.
#紅住面打呢個post #我玩開UNO好似唔係咁 #終於有兩個人玩嘅boardgame #不過好似有啲咸濕 #UNO #搞笑 #boardgame #情趣 #啤牌 #飲酒 #酒鬼 #香港人 #情侶 #愛 #愛情 #愛情語錄 #女朋友 #男朋友 #香港好去處 #拍拖 #拍拖活動 #香港 #好西 #foodie
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm介紹拍拖好去處，我哋等緊你㗎😙！

【 #港式戀愛日常 - UNO官方公佈無得疊住draw 4！】

作為一個次次玩UNO都因為畀人連續draw 4，硬食16隻牌嘅人嚟講，UNO你無嘢呀？Am I a joke to you？？
.
UNO一直係唔少人心目中嘅童年回憶！不過遊戲規則一直以嚟都有好多爭議，每次同另一半/啲fd玩之前都要講一次一陣點玩先得，費事嘈！有見及此，官方上個禮拜就「釋法」，重新講解咗啲規則，話原來draw 4、draw 2呢啲牌係唔可以疊住用。即係唔可以前一個draw完你再draw，搞到下面隻慘慘豬要硬食8隻，而係應該一有人draw 4，下面嗰個就要直接摸多4隻牌，無得用功能牌咁話... WTF？點解同我玩開唔同嘅，無得睇人炒車我玩嚟做咩？
.
除此之外，UNO早前仲有澄清話原來功能牌都可以做最後一隻，所以就算最後一隻係轉色/reverse/draw 4乜乜乜都無問題，仲叫大家不服來辯。連續爆出兩個勁爆規矩，資深玩家當然唔服，於是就引嚟網民喺Twitter圍剿UNO，話佢根本唔了解自己隻驚，又叫佢唔識就唔好講（雖然咁講有啲怪），仲有網民質問UNO，知唔知自己因為畀人連續draw 4同過幾多個fd隻抽...
.
um，連UNO都估唔到群情洶湧，所以佢都話目前Twitter情況有啲失控（This is getting out of control）。知你仲講？下！UNO破壞過嘅關係已經修復唔到㗎喇，你明唔明呀？
btw大家玩UNO又興唔興draw完再draw？
.
#當年小學雞第一次玩 #畀人draw咗24隻 #跑咗返屋企喊 #你而家同我講無得draw #得喇你出一出去先 #以後啲規矩我定 #UNO #boardgame #啤牌 #搞笑 #約會 #香港 #情侶 #愛 #愛情 #愛情語錄 #女朋友 #男朋友 #女生 #男生 #拍拖 #拍拖活動 #港式情侶 #研究
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！

📝
UNO

以前常希望有雜誌訪問小弟的essentsials（日常裝備），這好像是潮人認證一樣呢！這大概是這些文章結集成書的原因吧，既然沒人訪問，就突然開始自說自話了！是的，鄙人虛榮心很重，於是我有一段時間執書包時盡量奇怪，記得要預備一本書、sketch book、量角器⋯⋯總之每樣物件我都可以講到一個故事，但後來始終無人問津，失望！失望！於是背囊又開始慢慢減輕，但UNO還是以其實用性取回居留權而長駐背囊。

比起啤牌、手機遊戲，還是UNO更能令人迅速破冰，投入友誼圈子，大概是因爲被Draw 4真的很可怕吧，當你面對新朋友時，如果能夠累積攻擊，draw了他十張以上的遊戲牌，大概下一次見面他都會記得你這個狠角色！真的！萬試萬靈！但UNO偶然也會有它失靈的時候⋯⋯ 朋友的女性朋友失戀，去了吐露港碼頭邊飲酒，二人相對無言，朋友覺得太難頂，於是急召我去現場搶救。我其實第一次認識他這位朋友，即失戀那位，但去到就已經見到她不時表演飲泣，我自我介紹完之後她亦沒有作出任何回應，相當無禮。我坐在朋友身邊，又不太好意思與朋友對話，實在好難頂，於是我又急召多一個朋友去現場搶救原本趕往現場搶救朋友的我，朋友到步，又遇到同樣問題，大家都有口難言，我知道再這樣下去，朋友都會覺得好難頂，又會再急召多一個朋友去到現場搶救他，最後就是現實世界中無止境的draw 2和draw 4，為免受害者再度增多，亦為了打破尷尬的空間，我唯有拿出UNO，大家就開始玩起UNO了。

你有沒有試過與失戀的女人玩UNO？我告訴你：「超痛苦！」贏，她不會特別開心，只會維持目無表情，但你更加不敢擊敗她，由於她感情上已被擊敗。我嘗試過用遊戲向她暗示：「輸感情，並非輸清所有！你還是可以在UNO上反將大家一軍的！」於是我忍手，沒有draw她four，但同時上兩家都draw了我two，我明明手頭上還有一張draw two，但只因為要考慮下家感受，我放棄出牌，實在相當不盡興！

當晚我領悟到，自以為游刃有餘的處世技巧，在錯的人身上使用，只會弄巧反拙。相信在同一晚一邊喊UNO，一邊「喊咁口」的女生，亦曾將自己心入面幅UNO用錯在錯的人身上，才導致分手吧，所以UNO有一條規則是出last card前要喊「UNO」，其實是提醒自己就快結束了，you know？還真是警世呢⋯⋯ 📝

#漂流行李M78 #宇宙船 #Illustration