Search
雀巢 奶蓋芝士烏龍茶味甜筒 🍦
-
將台式飲品變成甜筒老實講其實係幾有創意，
話曬甜筒九成九都係朱古力雲尼拿嗰啲味，
頂多一係求其出隻紫薯抹茶又話限定口味咁😂
呢個別注口味就真係至少令人覺得有花心思，
分為奶蓋芝士味雪糕同烏龍茶味雪糕兩層，
上層芝士味雪糕空氣感較強所以會比較foamy，
口感介乎軟雪糕同忌廉之間，
帶微微鹹香模仿返芝士奶蓋嘅味道，
而烏龍茶味雪糕可能因為扭紋混合埋牛奶雪糕
所以烏龍茶味唔算濃烈而係比較清香，
但都綽綽有餘比想像中突出，
整體嚟講其實我覺得值得一試，
何況出街買杯黑糖乜乜已經食到三個甜筒😂😂
.
———————————————-——
📍7-ELEVEN Hong Kong @7elevenhk
—————————————-————
.
Voracious雪糕
👆🏻👆🏻👆🏻👆🏻👆🏻
經典流心雙輝月餅 ($338)
-
仲有兩星期就中秋節，
有無人同我一樣八月已經開始喪食月餅😂🤤
出名嗰幾間奶皇月餅同美心流心奶皇年年都好搶手，
呢盒皇玥出品唔洗搶又高質，
仲係由前半島奶皇月餅始創人葉永華師傅監製，
流心雙輝月餅包括流心奶皇月餅同流心芝麻月餅各四件，
可以一次過試曬兩款產品；
值得一提嘅係佢哋嘅月餅盒真係精緻又實用，
分兩層嘅皮革盒可以循環再用完全唔浪費👏🏻
.
.
🔻
月餅放室溫未經加熱已經相當流心，
但流心奶皇比流心芝麻油膩感重，
拎上手已經感受到芝麻月餅外皮明顯乾爽得多，
不過用焗爐翻熱後外皮酥脆有如牛油曲奇，
富牛油香而且厚薄適中，
更加唔會出現皮餡分離嘅情況
.
流心芝麻月餅係由葉師傅首創，
芝麻餡同奶皇餡兩者同樣幼滑細膩，
質感油潤綿密但唔會過分黏稠；
芝麻餡嘅黑芝麻味香氣濃郁，
而奶皇餡嘅鹹蛋黃味同奶香亦醇厚平均，
色香味俱全，
比起美心嘅絕對有過之而無不及🏅
.
.
🔻
佢哋都有其他傳統同特色月餅選購，
我另外食咗無流心嘅經典奶黃月餅($318)，
奶味比起流心版本更加突出，
個人就比較鍾意流心呢款🤤
.
仲有由盧覓雪同葉師傅一齊研發嘅風花雪玥系列，
精選月餅($318)一盒有朱古力、芝士、紫薯同伍仁月餅各兩件，
我自己就最鍾意朱古力味，
食落好似朱古力Fudge😍
芝士味標榜用上意大利頂級芝士，
奶香當中混和陣陣鹹香，
創新但毫無違和感🤤
不過就略嫌紫薯月餅嘅紫薯味唔太突出🍠
.
———————————————
📍 皇玥 @ipastry.hk
網上訂購：www.ipastry.com.hk
———————————————
.
Voracious其他
⋯⋯⋯⋯⋯⋯⋯
Voracious網店
👆🏻👆🏻👆🏻👆🏻👆🏻
芋頭麻糬貝果 ($38)
-
諗返原來都食過好多款Dear嘅芋頭包，
鮮奶金沙芋頭包、芋頭麻糬貝果、
蜜芋奶油意式軟法包、芋頭麻糬軟包、
招牌花型紫薯包嘅芋頭變奏版、白味噌蜜芋卷等等等等，
每款都念念不忘😆
當然對佢哋其他麵包蛋糕我都係忠實粉絲，
但係覺得有番薯南瓜芋頭呢啲款式係特別出色🤤
.
尤其是唔似一般麵包店咁隨時可以去食，
因為係用當造新鮮食材做材料，
所以出咗一次都未必會好快再出返，
食嘅時候就更加珍而重之🤤🤤
除咗招牌花型紫薯包嘅芋頭變奏版有幸食到兩次之外，
其他芋頭包都淨係遇過一次😭
希望今年中秋會再出鮮奶金沙芋頭包🤤
.
.
🔻
想當時第一次出呢款貝果嗰時好早就全數沽清，
撲空一場之後隔咗一星期好好彩再出多次，
嗰次終於終於終於都比我搶到喇✌🏻🤤
大大個圓碌碌脹卜卜好似肚臍咁真係好可愛🤤
.
呢度嘅貝果係日式貝果而唔係美式貝果，
唔似美式貝果密度咁高咁煙韌有咬口，
而係走另一種平易近人嘅鬆軟路線，
焗過後外層酥脆微韌中間保持柔軟帶空氣感🍞
.
麻糬同芋頭份量夠多亦好平均地分佈貝果當中，
芋泥質感粉糯而且味道天然甜度低微，
加上麻糬嘅煙韌黏糯口感真係無懈可擊🤤
.
—————————————————-
📍Dear Coffee & Bakery (大圍)
積運街2-8號海福花園地下22號舖
—————————————————
.
Voracious麵包
Voracious_mochi
⋯⋯⋯⋯⋯⋯⋯⋯
Voracious大圍
👆🏻👆🏻👆🏻👆🏻👆🏻
Jun 8, 2016 - 1055 Likes, 66 Comments - Yau | HK Food Enthusiast (@voracious.foodie) on Instagram: “#紫薯糯米糍 ($12) - 煙韌野頭號忠實粉絲 紫薯 ... ... <看更多>
除咗之前Po過嘅桂花紫薯貝果 Voracious好丘， 呢四款都係我食過嘅味入面最鍾意嘅 . . 好丘貝果令人愛不釋手嘅原因， ... <看更多>
voracious紫薯 在 Voracious 香港飲食- 紫薯番薯雞蛋仔($32) - 記得十世前第一次喺旺角 ... 的推薦與評價
Facebook ; 見到呢隻味， 但當時嘅紫薯份量寥寥無幾所以 ; 一般， 久別重逢今次再食估唔到大有進步 ; ， 見到整底雞蛋仔透出夢幻紫色已經 ; 先聲奪人， 而且每一粒都充滿綿密粉 ... ... <看更多>