《讀者投稿》
真係忍無可忍。
小朋友出生後，因為想省錢，6299就叫我地搬返去佢地個到住，然後佢地搬走。點知廢柴C6唔知點同兩佬傾，搬左返去，99就俾AA超能膠痴實左唔願走日日係到住。
婚前我已經同C6講過話唔要同任何一方父母同住，但廢柴C6係媽寶，攪唔掂佢媽，一同佢媽講話要私人空間，99就發哂脾氣，講啲嘢係情緒勒索，就同C6講：連你都咁對我，宜架係咪趕我走？（6299關係唔好）
問題係，唔係我地話要搬入黎，係佢地想我地搬入黎。我自己有經濟能力可以租到樓，雖然租屋唔大，但起碼係自己地方。
我一搬入去我覺得好委屈，成間屋我冇話事權，我想要個櫃放嘢都唔得。因為間屋要整嘢，所以我同BB返左去娘家住。然後到搬返去個日，我仲衰過客人，C6完全冇同我準備過一樣嘢，我嘅行李原封不動，我搬入去嘅嘢一啲都冇執過，最過份係，拖鞋，牙刷，水杯乜都冇我份。好彩我有先見之明，我自己去買。到而家我每一日放工返到呢個唔屬於自己嘅家，我無時無刻都想喊，好唔開心。但C6怪我唔就佢屋企同做乜要逼走佢屋企人。仲話佢屋企人已經讓步左好多。
然後好多嘅不滿，就係我99 成日係我仔面前講，媽咪唔要你啦，你唔記得媽咪囉，呢啲冇腦嘅說話，我只係出左去食飯，夜返，佢就抱住我仔講唔記得媽咪啦!
之後，我病咗返咗娘家住左晚，我一入門口，99就抱住我仔話：媽咪唔要你啦。真係好L嬲。 搬返黎我淨係個人可以搬黎，唔可以有自己意見，唔可以有自己思想，而家99仲要講埋呢啲ON9說話。
仲有好多多不可思議嘅嘢，夾唔到。搬反黎C6唔知點解變晒，變到另一個人咁，變得同佢屋企埋同一陣線，覺得我有問題，我就嚟要同C6離婚。
好不可思議，一個99可以破壞我同c6嘅關係，我覺得好傷心，我咁辛苦生左個仔出嚟，然後c6而家揀佢屋企，而唔要我。
＃我的極品四大長老
c6牙刷 在 [寶寶] C6牙刷- 看板BabyMother - 批踢踢實業坊 的推薦與評價
爬文大家很推C6牙刷
我眼殘買錯優美C6牙刷，覺得毛好硬啊，這不能給寶寶刷吧
請問健康牌的C6刷毛真的夠軟嗎，還是都差不多呢
--
※ 發信站: 批踢踢實業坊(ptt.cc), 來自: 36.235.126.126
※ 文章網址: https://www.ptt.cc/bbs/BabyMother/M.1506581379.A.551.html
... <看更多>