【龔成問答信箱】（Q15841-Q15860）
Q15841：
龔sir你好，現在我情況很壞，係信用卡現金套現左好多錢去炒股，匯等等，但輸光，欠左近30萬。
幸好有份正職，但人工得22K，而家每月要還成28K，2個月後可以還少d, 但都要20K一個月，我感到好難捱，又唔想min pay，請教有咩出路？
龔成老師：
首先，你之前太過進取，而你之後，心態上不能「我要好快追翻條數」「我要投資賺錢盡快還晒錢」，你心態愈急，就愈容易出事，記住，財不入急門。
理財是一個長期累積的過程，你要用穩健的模式進行。
你可以找一些兼職，同時定一個合理的每月還款數，信用卡的息太高，無人會借信用卡去買股票，因為回報一定不足抵償利息與風險。
理論上，你應該盡快還錢，但我擔心你現時生活壓力太大，所以，建議你每月還合理數就得，比自己少少空間。
同時，在你學懂正確投資，懂得分析企業質素與計算價值，學懂長線穩健投資前，不要再買股票。
我已經不是第一次見到你這類個案，其實，只要你投資前，學習一些正確的理財概念，學習巴菲特的價值投資法，結果將會大不同。所以點解我咁強調要先學習，後投資。
------------------------------------------------
Q15842：
你好龔成老師
有啲問題想請教你
2月尾入了盈富基金@26.300/2500股，再入了盈富基金@25.800/2500股，共5000股平均買入價@26.129 ， 跌到落25.450，請問盈富基金還會一直下跌嗎？
另外，見到盈富基金寫全年派息0.930 ， 意思是一年派一次息嗎？5000股x0.930嗎？
但又見到有2019年4月一次中期息15仙，同年11月末期息78仙，即是派了2次？
另外有見過寫著每股派息，請問和全年派息的意思有什麼分別，中期息15仙和末期息78仙的分別是怎樣計的？謝謝解答
龔成老師：
無人知大市會唔會再跌，記住，唔好估之後的升跌，所以我地的做法，就是分注策略，例如我經常叫人做的「月供」，就是其中一種方法，這可以有效減少一次過在高位買入的風險。
你買入盈富的策略太密，我地每一次分注，最好相隔10%，先可以有效令買入價平均。另外，大市波動，唔好估之後的升跌，要同時留有資金等機會。
至於派息方面，佢一年派2次息的，所以合共為，佢每一次都會公布派多少，例如2019年就是「15仙+78仙」，即是你如果上年收息，就會收到0.930。
然後你只要將你手上持股，乘以0.930，就是你全年收息。當然，這只是上年度，下年度未公布，所以未知。
------------------------------------------------
Q15843：
龔sir,1) 現時大市在合理區下部，想買入盈富基金，買入策略為月供2000元，當去到一些再低價就入一注
兼加大月供金額至3000到4000，如果不跌向上，就一路月供2000由佢，請問這樣做會否太保守，或太煩複，你有何建議？
2)由2018年8月開始月供銀娛及吉利汽車，直到現時已有一段時間，雖知兩隻都是優質股，但平均買入價格仍高於現價(銀娛51元，吉利14.5元)，不禁在心理上有些影響，請問點解月供買入仍是虧損，要做點咩調整嗎？
3)中國平安下跌了不少，請問咩價位先到便宜價？
謝謝！
龔成老師：
1）可以，但最重要是同時留有現金，現時已經可以加大月供金額，同時可以部分用現金。但大市波動，24000以下初步進入平宜區，但這是一個「區」，會跌到幾多無人知，所以資金要慢慢用，留有現金。
你最重要是睇翻你現時現金的比例。
2）因為月供是一個長期的策略，一般要5年，最少要3年，所以太短未必見到效果，加上股市一定有時短期下跌，你不用將這刻放大，睇長線就得。
月供，最重要是長期進行，不用理這刻情況。
3）平安（2318）有質素，現時在合理區中下部，分注投資可以，但預左佢中短期都會幾波動。因此同時要留現金。
------------------------------------------------
Q15844：
hello, 之前有問過該如何投資. 想問實際操作該如果把資金分段投入股票市場達到先增值後現金流?謝謝
上次建議: 一年內慢慢將$70萬分注投資這些股: 2800, 1928, 0066, 0270, 2388, 1038, 0012, 1211
目前已入手:
盈富(2800) 2500股 平均 $26.54
金莎(1928) 800股 平均 $36.6
現在恆指往下, 我該預逐手買入嗎? 怎樣分階段的strategy較好?謝謝老師!
龔成老師：
我地買入時，一定要分注，慢慢入，每次的價格最好相距10%，同時最好分成3-5注，慢慢動用現金。你可以逐手買入。如不懂，就月供。
如果你未能掌握當中的技巧，我會建議你用時間平均法，你將資金分成3-5注，每隔2-4個月入一注，分開動用你手上的$70萬，例如每3個月入一次，每次$15萬。
你要計翻每隻股票想持有的比例（盈富（2800）可較多，其他平均分配）。
------------------------------------------------
Q15845：
龔成老師，你好！我是新手，有追求你的Facebook, 問現在可入市2800，0005 及0003嗎？還是再等？ 謝謝你
（本身沒有任何股票）
龔成老師：
如果你本身無股票，這刻已經可以分注投資。上述都是有質素的股票，但要留意，匯豐（0005）只是收息股，唔好對股價增長有太大期望。
由於你是新手，建議你只動用小部分資金，例如你有$100萬，只用$30萬，分注去買入股票，餘下不要心急動用。
買入時最好分注，無人知幾時最底，所以用平均策略是最好。
------------------------------------------------
Q15846：
老師你好
有50萬Cash 手頭冇買野
想買增值潛力高既股票
1211
現價40 合理區 想問平價個rage 係幾多左右
同埋012 恒基 增長力強唔強
龔成老師：
恆基（0012）與比亞迪（1211）都是有質素的股票，都是可投資的，前者較穩健，後者潛力高（不過不建議佔組合比例太多）。
現價已經是合理價，基本上可以投資。
如果你手上有資金，可以分注投資，但建議同時投資盈富（2800），唔好只集中2股。
留意，大市好波動，買入要分注，慢慢用，同時要留有一定的現金。
------------------------------------------------
Q15847：
老師，請問若想買煤氣，係咪最好等佢月尾公怖是否有10送1才買？
本身有600幾碎股，所以想買多4手賺紅股變相多1手
另，恆地（12),甚麼價位可以買入？
龔成老師：
其實10送1不是買入與否的理由，因為當10送1進行時，股價會自然地下調10%，所以只是左手數與右手數的問題。
煤氣（0003）是有質素的股票，現價合理，分注投資可以。
至於恆基（0012），現價合理，已經可以買入，但要留意，佢同煤氣同系，因此合共不宜佔組合比例太多。
另外要留意，大市波動，你要分注投資，同時要留有一定的現金，慢慢用。
------------------------------------------------
Q15848：
想老師解答一下1號長和
龔成老師：
長和（0001）本身業務不差的，但只是綜合企業，增長力較一般。加上歐洲業務佔一定的比例，因此中短期都會較弱，但長遠仍是有質素，但增長不強。
------------------------------------------------
Q15849：
你好，龔城，我想問下999 ( IT ) 依家跌到3年低位值得買入嗎？睇返依家零售業銷售額係咁下跌，長遠來說，IT這些靠零售收益的公司還值得投資嗎？
我想問你點睇150 Hypebeast ？
龔成老師：
I.T（0999），本質不算好差，過往的生意都穩定（但增長力就不強），但最近就出現較差的情況，但我相信這只是中短期，長遠計，仍是不差的。
當然，你可能會見到佢中短期，股價仍會好差。但只要我地用長線投資的角度，就可以有一定的回報，當然，都要承受翻中短期的風險。因此不建議大注。
HYPEBEAST（0150）主要從事製作有關時裝、生活時尚、文化及音樂的數碼內容、發行印刷本雜誌、提供廣告服務及有關創意代理服務。
同埋係旗下電子商務平台「ＨＢＸ店」銷售第三方品牌服裝、鞋具及配飾等。
之前增長快速，之前最大的問題是估值，唔平。到近期，市道差，股價回到合理水平，但小注好了。
------------------------------------------------
Q15850：
我係80後，零股票經驗，想學股資增加被動收入，想請教下你： 係網上聽你講過叫啲新手可以$3000買盈富，再用多$2000買多兩隻股，我想問下係咩股？
龔成老師：
每個人不同的，盈富（2800）是一個組合，50股，都有一定的質素，加上有平穩增長力，因此適合大部分人，至於餘下的選股，就要睇翻這人的投資目標。
當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。
例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。
你這個年齡，是財富增值的黃金時期，要好好把握，盡你一切的力量去儲蓄、投資、學投資知識。
你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股只能小注。
你可以考慮盈富（2800）$3000。
另外再加2隻（每隻$1000）：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。
如果你不懂股，就集中供盈富$5000。
------------------------------------------------
Q15851：
龔成老師，你好。
本人今年27歲，收入約25K
我係2017年近年股市最熾熱既時候學人買股票，
分別係17年到18年間買入以下股票，全部機乎係最高位。
果時仲未識到龔成老師你，
全部都係睇d財經節目跟風買，
一開頭係升咗少少既，
但隨後貿易戰，股價一路跌都無再上返買入位。
175 吉利汽車 $25.4 /1,000股
656 復星國際 $17.8 /1,500股
939 建設銀行 $8.1 /10,000股
我知道我持有既都係D優質股，值得長期持有，
所以我一直都無將佢賣出，
可是部份跌咗一半有多，
令我開始有D後悔我無及早止蝕，待適當時機先再買入。
因此，我想問，以上情況我應該點做？繼續持有？
另外，我每月月供 盈富基金$2000，港鐵$2000
現金約$22萬，另有$6萬定期，會於6月到期。
我見恆指終於跌到2萬4，準備分注入市。
心水股票有金莎(1928)，恆基(0012)，
請問老師我應該點分配好？
同埋咩價位比較合理/便宜？
有無咩值搏股推介？
感謝老師！
龔成老師：
現時你持有的股票，要上翻買入價，相信要一段時間，因為你當時在「貴」的水平買入。不過，好彩是這些股票不是無質素，而我睇翻不是佔你整個財富組合太過多的比例，因此，這刻你可以守往先，但不要增持，預佢要較長時間先上得翻去。
月供方面，你現時所供的，都是優質股，保持長期進行就得。
至於現金，你可以考慮盈富（2800）、金沙（1928）、恆基（0012），現價合理中下部，你已經可以分注投資。另外，太古地產（1972）都可以留意。
不過，大市十分波動，你運用資金時，一定要慢慢用，要有一定的現金在手。分注慢慢入。
------------------------------------------------
Q15852：
你好，教我的MPF在高位入了美國股票基金。
現在已蝕左好多。
我可以怎樣做？
龔成老師：
如果你距離退休的年齡仍有一段年期，其實不用擔心，因為強積金是長線投資，中短期的波動好正常。同時，不要在大跌市時賣出基金轉其他，就要你想轉，都要等市況好轉先考慮。
美國股票基金長線仍有價值的，但都不能夠過份集中，你要建立平衡的組合。
------------------------------------------------
Q15853：
hi 成哥 我係你書迷 今年23歲仔 想問下宜家股市動盪 但似乎仲會再創低位
現時我大約有五萬現金 想買兩至三手2138之後再等時機 但現在2138 算唔算已經跌入便宜價 洗唔洗再等一等.
另外中國石油宜家仲有冇投資價值呢 希望可以得到你寶貴意見 祝身體健康
龔成老師：
香港醫思醫療集團（2138），業務增長唔錯，生意保持向上，相信香港的市場仍有，佢的業務仍會向上的。
暫時睇佢的業務，整體是正面的，行業仍增長，相信有投資價值。不過，就算佢跌了不少，現價唔算平，最多只是合理區。記住，不是跌得多就是平。
要考慮佢的風險與回報，雖然過往增長理想，但是否仍有好大的市場，這點仍要觀察。
投資值博率算是中等，如果注碼不大，都可以投資的，長線投資有可能有收成。你可以小注投資，但不建議太集中在這股。
至於中石油（0857），不是無質素，但商品企業，質素不算最高之列，這類股不宜佔組合比例太多。
這股現價合理區底，都可考慮。
但要留意，大市波動，你要小心運用資金，唔好一次過用盡。要分注，同時留現金，慢慢用。
------------------------------------------------
Q15854：
龔成老師 您好！
小弟今年27歲，投資新手，現月入4萬元，每月儲3萬，有兩個問題想請教一下意見。
1）早前$55買入2000股匯豐，但見到而家匯豐面對咁多負面因素，環球經濟向下行＋減息＋收入下跌＋疫情，我應該決斷止蝕沽出，轉入其他更優質股票，還是繼續持有？
2）我想建立一個長線既投資組合，分別2800，3，12，2388，823，66，組合比重應該如何分配？如何去判斷股價平貴？
希望老師可以比小小意見
龔成老師：
1）當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。
例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。
你這個年齡，是財富增值的黃金時期，要好好把握，盡你一切的力量去儲蓄、投資、學投資知識。
你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股只能小注。
因此，匯豐（0005）並不適合你，你等佢上翻多D時，轉其他股票。
2）盈富（2800）可以佔30%-50%，餘下就分配到這5隻股票。這些都是優質股，是平穩增長型股票，適合你的。
至於平貴，這就要進行企業估值。但要計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。
簡單來說，要考慮企業的生意、盈利、現金流等財務數據，同時要比較行業，考慮這企業的經營情況，之後的環境又會如何。這都是計算的基礎。
但如果要深入計算，基本上要好仔細的研究企業，要分析好多財務數據用比率，先至有較完整的答案。
------------------------------------------------
Q15855：
成哥你好，
我今年33歲，月入26k, 儲蓄大概15萬。
之前比較少接觸關於股票方面既資訊，最近股市大跌，開始留意藍籌的股票走勢
剛買入6手0823
之前聽你講恆指有機會跌穿2萬4
我想之後會買入 2 手66 同3手 939
想問 0823， 66 同939 這個投資組合好嗎
我屬於比較保守型
希望應穩定收息及平穩增長
先謝謝你在社交平台的教導，令我有所得著
龔成老師：
當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。
例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。
你這個年齡，是財富增值的黃金時期，要好好把握，盡你一切的力量去儲蓄、投資、學投資知識。
你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股只能小注。
因此，建行（0939）以你的年齡來說，並不適合。但如果你是保守投資者，小注都可以。
至於領展（0823）、港鐵（0066）都是適合你投資的。
另外，建議你加上盈富（2800），這是好適合你的投資。
留意翻，大市波動，你要慢慢分注投資入，同時留有一定的現金，等機會。現金一定要慢慢用，唔好心急。
------------------------------------------------
Q15856：
1:老師，想問假設1隻優質股長期都係合理區頂，例如總共想買10手，咁合理區頂呢個部份，最多入幾多手?
2:想問假設自己已持有1層物業，其實仲有冇需要買第2層黎收租?，因為其實租金個回報率好似得2，3厘，既然係咁，不如買類似金沙既股票收息組合未仲好，有5厘息之餘，仲有升值既能力，定係股票升值其實追唔上樓既升值，所以先選擇樓比較好?
3:老師，想問2800佢跟恒生指數係即時更新，即係升跌幾多，股價就去到幾多?thanks
龔成老師：
1）你預3手，之後會耐心等，如果1、2年都唔落翻，有可能入多2手，但唔會超過一半。
2）以現時的香港樓市，租合回報率低，投資股市的值博率較高，如果本身已持有物業的，會等大跌先考慮樓市，這刻當然會考慮股市先。
3）是即時同步的，你將恆指÷1000，就是盈富（2800）股價。但由於盈富會儲起企業股息等因素，所以你會見去恆指高少少。
------------------------------------------------
Q15857：
老師你好……想問下你點睇隻6110
龔成老師：
滔搏（6110）主要係中國從事運動鞋服產品零售業務。佢大多數門店為單一品牌門店，以所售運動鞋服產品的品牌冠名。
現時同11個品牌合作，當中主力品牌為Ｎｉｋｅ、ａｄｉｄａｓ，其他品牌包括Ｐｕｍａ、Ｃｏｎｖｅｒｓｅ等。
零售網絡包括8300家直營門店，有好強大的網絡，過往業務不差，有增長，有盈利，有正現金流，只是半新股類，分析與估值上較為困難。
新股上市前一定整靚盤數數，所以要打折扣。業務上，都有投資價值，但考慮新股上市不久，不建議大注。長線投資都可以。
------------------------------------------------
Q15858：
阿Sir，留意到中電最新發放舊年嘅每股盈利跌咗好多，連帶PE升到40幾；對比近幾年嘅數據（PE介乎10至20之間），PE去到40幾都好高。
呢個情況可以定性為「貴」嗎？月供需要暫停、等PE回落合理水平嗎？
謝謝。
老實講，唔只係中電，仲有留意到幾隻股票因為過去一年嘅各種問題，EPS跌咗好多，令PE飆升。
所以即使依家恆指（代表大環境）跌咗好多，但係呢啲股票論PE依然未算平、甚至有仲喺「貴」嘅水平。
而家月供處於尷尬情況，銀碼低咗、好似平咗，好似可以有「溝淡」、壓低平均價嘅誘惑；但係睇EPS、PE，嚇死人、唔敢增加今個月嘅月供金額入貨。
所以盼望阿Sir幫忙解惑
龔成老師：
如果有上過我堂，應該就會明白當中的問題所在，市盈率只是一個歷史數據，只用了剛剛過去的年度去計算，而你就要睇翻這年度的盈利是否有代表性。
當你睇翻佢的損益表，就會見到有特殊的支出，這是之後不會再出現的，這數目影響了中電（0002）最近一年的盈利，當然會影響市盈率。
我地要用一個「有代表性的盈利」作推算。
只要是優質，當然可以保持月供，中電無問題。
------------------------------------------------
Q15859：
你好 龔先生
1. 我現計劃開始買入0012恆基地產，$35是否只是合理區？我粗略估計$28位置才是平宜區。你有什麼睇法？
2. 我已經逐少開始入1928金沙及計劃小注3918金界。
3. 285 我$16.98買。雖然我知道這是優質股，但我認為我買貴了，你認為我值得在低位溝貨嗎？
謝謝你！祝你身體健康！
龔成老師：
1）可以進行，上述的價位分析大至正確。這股有質素，可長線，最重要是唔好一次過用盡現金，要分注慢慢入。
2）這都是優質股，無問題，但中短期同時會受旅遊相關因素影響，要長線。同時不要集中在同類股太多。
3）如果這股只佔你組合比例不多，可以加注。這股有潛力，只要耐心，一定守得到。
------------------------------------------------
Q15860：
老師，經濟會唔會大崩潰，如果美國利率減無可減，美元會唔會被消滅。。。然後世界就會邁向電子貨幣。。？
龔成老師：
無人知之後的經濟會點，我相信經濟會差，但不會大崩潰。長遠我仍是正面，我相信經濟只是中短期問題，而這時候，正是買資產的時機，過往的沙士、金融海嘯都是如此。
但要留意，無人知中短期會有幾差，所以就算買資產，都要慢慢分注，同時留有現金。
至於美元，唔會無左的，不用擔心。
----------------------------------------------
若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。
另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。
hypebeast人工 在 HYPEBEAST - 透過人工智能去擔任駕駛者的助理 - Facebook 的推薦與評價
透過人工智能去擔任駕駛者的助理. ... <看更多>