用邏輯和學術發展中醫。有個咁既題，即係中醫都冇乜邏輯學術可言
得罪講句，中醫應該都好大部份係偽科學了。當然呢個係用比較狹義嘅定義。呢個課題好多人講過，我只分享些小個人睇法，有好多人講得比我好。
首先，好狹義嚟講，科學根本就係西方嘅嘢，中國嗰啲應該好難叫做科學。頂多數學近磅啲，其他學科，有嘅係工程知識，有知道實驗結果。但就冇嗰套體系，亦似乎係冇咩科學精神科學方法。對，中國有好多發明，工匠技術一度領先世界，一早發現畢氏定理，呀祖沖之又點點點 – 但So did 啲阿拉伯撚。而嗰啲，其實都應該唔係科學（勉強要講，阿拉伯撚的科學比中國近磅）
呢度一講已經好難收拾，但如果N年前讀書讀過中國語文及文化都大約知道，中國人重道輕器，啲機械嘢係奇技淫巧。另一方面，傳統中國在科學上有好多發現 但就係冇咗嗰套系統。 路遙知馬力， 之後就唔夠人鬥的了。 對，我地好早知道「勾股定理」「楊輝三角」，好早計圓周率計到N個位，甚至識得點去解聯立方程。 但有冇留意呢啲全部都係「算法」，「結果」，係有用嘅東西。 至於點解會咁，點證明，甚至數學嗰堆咁嘅咩假設推論證明，係冇乜點出現的。
醫學上，可能都係咁上下。千幾兩千年前你可能領先世界嘅，甚至嗰時仲有啲科學嘅成份。但因為成個框架起得唔好，而家剩低嘅，應該冇幾多係咩「科學」。
呢度點都會又整到啲玻璃心。先旨聲明我都算係個大中華膠，但有啲嘢，係冇就冇，冇得呃。日本在明治維新前嗰啲都唔係叫科學，我唔見日本仔拎返啲N年前嘅仙術出嚟打飛機。但中國人硬係大國包袱（事實亦係），一次過整走晒前人啲嘢，有啲難（呢個亦係某啲人認為洋務運動失敗嘅原因）。
講到洋務運動，讀書都知，或者聽陶傑都有講，你只學人哋船堅炮利呀，只學理工，唔加埋背後果套政治論述呀民主呀乜乜係唔得的。 但我認為唔止係咁。 俄羅斯一樣係帝制（其實甚至戰前德國都係）， 但至少人哋啲科學係科學咯。 我唔認為學科學要學埋背後套人文先work， 至少短期一定唔係。
咁其實好多嘢都唔係科學，但不代表冇存在意思。宗教唔係科學，占星算命都唔係（儘管好多人企圖話你知係），文學音樂都唔係。 唔係科學本身唔係一個問題，但唔係當係就好大問題。
而我見好多中醫仲係唔多肯承認呢樣嘢。 即係難聽講句， 中醫同啲怪雞另類療法，本質上冇乜分別。 呢度當然激嬲好多人， 喂， 幾千年文化喎。 咁咪幾千年文化嘅另類療法， 或者更不客氣地， 幾千年文化嘅偽科學咯。 你唔會因為啲中東撚跳求雨舞跳左幾千年就話嗰啲係科學嘛， 對不？
近年啲疫苗撚呀 自然療法撚呀 周兆祥呀 素人父母呀之類當道，實在令人好頭痕。 但若果呢班人貫撤始終， 咁冇問題。 係愚眜啫。 但人當然有愚眛嘅理由。 正如 Kyrie Irving有相信地球係平嘅自由，我地就有恥笑佢嘅自由 （順帶一提， 條友讀 Duke的， 邊位想送個仔女去讀， 三思。 教啲咁嘅友出嚟， 唔知教嘅教屎片定讀嘅讀屎片）。
有云科學霸權， 真係好煩。 對，科學就係咁霸權的了。 因為人哋有過程有實驗嘛。人地有可證偽性嘛（即係理論上啲嘢可以錯，而中醫理論係唔會錯的）。 你唔信咪撞個頭埋牆睇下痛唔痛， 飲杯酒切自己賓周睇下會點。 試下香爐灰開水會唔會好返 （有時係會的， placebo 嘛， 呢個亦係中藥嘅一大問題）。
事實上， 不容爭議嘅係， 大佬， 中醫有病自己都睇西醫啦。 正如啲咩反科學霸權撚， 咁你個仔賓周生瘡你送佢去睇西醫定去比周兆祥幫你念力消腫？
信地球係平嘅嗰班友，都仲有人走去真係試下做實驗（後果就唔係幾好啦）。 如果你中醫自己都睇西醫嘅，就都唔使點討論落去。
中醫剩返嘅生存價值，應該就係啲乜鬼藥材方面嘅東西。咁的確呢啲神秘東西， 鬼佬冇接觸過嘛。 咁中醫做咗咁多年實驗 （主要係拎活人嘅生命嚟做）， 總有啲成果。 然後呢啲東西， 邊樣邊樣可以幫到乜乜， 就自然入去西醫體系啦。 你啲藥材可以存在， 但你套理論就真係唔得的了。 因為科學嚟講， 都係較好， 即係較有解釋能力嘅， 取代較差嘅。
但同時間呢啲中藥材嘅東西， 大把日本人做緊。事實上日本原本中醫/漢醫係主流，明治維新後就完全唔要呢套嘢，但保留咗「漢方藥」，相信中國都係行呢條路。不過人哋行早你N年，真係優秀嘅民族。 香港人唔好笑， 香港人都仲好多信中醫的， 五十步先百步啫。
仲有一樣，我寫咗咁多，你都明顯知道我係唔會睇中醫嘅 除咗一樣嘢。就係跌打！ 拿， 呢樣就真係中國文化精粹啦。 鬼佬就真係唔多興的， 做物理治療就有。 大家都知， 扭親呀之類， 就真係睇跌打好， 你同西醫講都唔會笑你。 我估啲西醫唯一會睇中醫之時就係跌打。 頂多比你加埋刮痧 針炙之類。
咁但，不幸地，跌打係好有用，好受認同，西醫都認同 – 但都唔係科學咯。
後記- 大家睇過MMA徐曉冬打殘太極拳嘅故事啦。依然有啲國術膠唔認輸，覺得「規則都唔同點比」，「柔道又去同跆拳打咩」。咁其實好簡單啫，咪無限制自由搏擊咯，咁你估係咪太極老人反敗為勝？ 我可以話你知， 你set十種規則，有九種半都係唔夠人打的。
中醫西醫，其實一樣可以比到高下。但當然聰明嘅中醫唔會應戰，中醫擁護者亦會用類似嘅邏輯去忽悠你。 你又爛賓周我又爛賓周，咁我睇西醫你睇中醫咯， 睇下個好得快啲。 哦你會話體質唔同我條賓周原本就健康。 咁OK， 好似玩橋牌咁， 醫好之後（如果你果條醫得好的話）， 換位， 我睇中醫你睇西醫咯。 如何？ 哦， 中醫呢唔係咁膚淺嘅，唔只係醫好你賓周算。你睇西醫醫好咗你咋，但其實你啲陽氣冇晒 （如何驗證？）
等於早前一樣有人去挑機，挑戰中醫把脈驗孕。 都唔好要你同西醫啲儀器比咁慘。就你自己同自己比， 到底中醫把脈， 比起亂撚咁鳩估， 係咪significantly different ？ 定只係鳩估？ 呢個好簡單嘅實驗啫。 北京西醫出十萬蚊。 冇人敢試。 有人報咗又話唔公平， 總之就係， 恕不吱吱。
可能啦， N年前太極拳真係好好打， 中醫真係好勁。 但而家2018年啦。
（更正:原來個把脈懸紅係同西醫比， 要有八成準先拎獎金。 但我好懷疑， 其實中醫把脈驗孕， 準確率有冇六成？ 我相信係比鳩估好少少， 畢竟孕婦脈博有唔同， 好似幾合符科學。 但， 更難堪嘅係， 會唔會求其搵條友把脈都分到？）
(5月8 補寫：原本將中醫同占星問卜比不恰當。畢竟中醫有work既東西。但整體仍然唔係「科學」，除非併入西豎體系。中醫近以前中國的各種「工程」「數學」findings. 。但你唔會見到有一科「中國數學」，咁點解有「中醫」as a science ?)
mma意思音樂 在 音樂整形師Morimagic - 今天教大家唱片業界常用的三個單字 ... 的推薦與評價
今天教大家唱片業界常用的三個單字MMO / Music Minus One (伴奏，無主唱） MMA / Music Minus All (無主唱及和聲等所有人聲） MMM / Music Mixed ... ... <看更多>