［Stand Up Meeting是廢的］繼續鞭打開會文化，都係譯文，呢啲文鬼佬寫得好過我多多聲。
管理學大師（其實我有啲怕呢啲友）Peter Drucker講過，“One either meets or one works. One cannot do both at the same time.”。你一係開會，一係開工。開會就意味唔係開工。佢更加認為，在最理想嘅世界呢，根本就唔使開會。因為個個應該知道自己要做乜。佢認為公司分工應該清晰，唯一要開會嘅情況，就係唔同崗位嘅人一齊要合作解決某件事
咁但，大師都會過時，大師都死咗十幾年，大師死時你都未用Facebook。而家嘅企業員工，梯圖同職能轉嚟轉去，有啲公司鼓勵你在唔同部門rotate，啲添又起又拆，同大師年代唔係好同。
但無論如何，大師呢句都係鏗鏘有聲：“An organisation in which everyone meets all the time is an organisation in which no one gets anything done.”—成日開會嘅組織，就係冇嘢做嘅組織。
不過睇返，近年好多公司都係do things 唔係 make things，其實你都唔係好知佢地做乜，如果日日睇住啲友，就只係見到不停開會。
開會之惡真係人人皆知，連HR CEO 都咁講。所以又另外有啲企管天才（又一班低能仔）鼓吹企住開會—咁所以你就有嘢快講有屁快放，唔會開會開太耐。
Tesla 嘅Elon Musk 亦都係最憎開會嘅人，佢先係真正「不開會嘅CEO」。佢親自寫電郵，話畀啲員工知，拿如果你開會發現你冇嘢補充呢，就企起身走人啦。佢話：企起身走人唔係冇禮貌，阻人時間迫人磨爛蓆先冇禮貌！
Tesla啲工程師係咪真係咁做，唔知，但亦唔關你事，反正多數公司都唔會畀你咁把炮。做小薯嘅，人叫開咪開咯，老細未話散會點敢走人？靈魂出竅另一回事。所以問題嘅元兇，梗係call meeting 嘅人，即係，老細。唔使望唔使出面請乾收銀，老細咪就係浪費效率嘅源頭。
本文作者認為，唔好開不必要嘅會。講就易，咁具體啲：開會，係因為有個問題存在，而開會可以畀到答案。例如：我地同某公司嘅合約三月到期，邊個去跟？我地要做乜先保證佢會續約？呢啲就值得開會講
又或者，每個星期例會，講下我地上星期做過乜今個星期要做乜，可以。但如果係某人（埃汾按：老細）有乜鬼嘢要宣佈，就多餘啦：請用 Whatsapp，或email。
作者認為「企住開會令到個會快啲完」完全係捉錯用神，戇居。問題係嚟自唔應該開會傾嘅嘢拎去開會傾。如果真係有問題要解決，個個人都要認真考慮，就要坐低慢慢諗。如果你想快手搞掂嘅，就可能根本唔使開會。
好啦，有問題要答，決定咗要開會，咁乜水應該出席？正確嘅答案係：解決到問題嘅人。—作者話唔一定係老細。但我話你知實務上不太可能，華人老細特別覺得自己乜七都識—梗係我識解決問題啦。
作者教人lead 會，好啦，你提出個問題。然後，合埋你把口。作者以前做部門主管，每次都在自己筆記本度寫SU兩個字母，唔係學生會唔會蘇愷，係Shut Up。有讀者話應該係STFU，塞朵忽噏。應該聽人講嘢，唔好打斷人，唔出聲嘅都鼓勵佢地講嘢。然後試下提問，到個個講完，你就做個總結（我頂，咁似考英文嘅？）。作者奉勸大家要持平啲，就算你認為啲意見弱智都好，唔好忽略。人鍾意知道自己嘅意見有人聽。
然後做決定，不過作者只係輕帶過，「投票又得拎共識又得」，然後決定邊個跟進，講埋點樣匯報—留意唔代表要開多次會！
最後一句：留意下自己花幾多時間開會。又係大師嘅名言：如果開會佔你工作多過四份一時間，呢個組織係廢嘅
睇咗咁多，係咪都冇乜得著呢？唔緊要，係預你開會睇呢篇文嘅。企管專家研究咗一百幾十年，仲未研究到點樣阻止開會浪費時間。
peter su名言 在 Peter Su - 說得太棒了！ 這裡有挖不完的經典名言→ Mark語錄 的推薦與評價
Peter Su. 說得太棒了！ 這裡有挖不完的經典名言→ Mark語錄 · Timeline photos · May 13, 2014 ·. View Full Size. Zack Hsiao and 2,340 others like this. ... <看更多>