關於 stellasheaa銅鑼灣 ，我們在網路上蒐集到這些相關的討論、資訊與評價

🥩$295任食安格斯西冷🥩
喺牛扒群見到有人介紹 #FRITES 逢星期一有#steaknight 安格斯西冷任！價錢唔貴，位位$295+10% ，全晚可以任食西冷！第一碟會有埋薯條，之後如果想再加，好似+$30。不過相信唔會有人再另外加⋯因爲第一碟薯條嘅份量已經好多⋯再加應該食唔到牛扒⋯
🤭🤭🤭🤭🤭🤭🤭🤭🤭🤭
我嘅記錄係全晚一共食咗3塊，朋友就由1.5-6塊不等⋯另外，我地仲叫咗佢地比較出名嘅青口鍋、心太軟同每人一杯飲品～因為全晚淨係食扒，感覺真係有啲太單調！
🥘🍹🥘🍹🥘🍹🥘🍹🥘🍹
第1塊先試一試Medium Rare～但感覺有啲過老，邊位食落都幾嚡⋯加上扒入面有筋，肉味唔重，所以都幾失望⋯
第2塊就試一試Rare⋯外表比第一塊好好多，成塊扒睇落飽滿好多！肉味其實都係一樣唔算濃，但起碼食落肉質比較軟腍咬得開⋯
第3塊同樣選Rare！但今次比上一塊老一啲，但點都比第一塊Medium Rare好⋯
🥩🥩🥩🥩🥩🥩🥩🥩🥩🥩
整體嚟講⋯啲扒嘅質素比較參差⋯每次都要睇你好唔好彩，派到邊塊⋯因為有朋友食到一塊有勁多筋，咬都咬唔開⋯
就牛扒方面⋯真係好一般⋯不過都明一分錢一分貨，可以食得比較生同肚容量夠大，都可以不妨一試，唯幾十蚊塊扒無乜要求⋯
但如果好似我其中一位朋友，食得塊半⋯叫下其他野食同飲品，唯返$500/位⋯就真係建議去其他地方散叫喇⋯
🍹🍩🍹🍩🍹🍩🍹🍩🍹🍩
酒精類飲品平均每杯$100。整體味道都唔錯，當日有一杯比較難忘嘅係Wake me up，飲落去咖啡味超濃，配上淡淡酒香，唔錯！
甜品方面，餐廳會主動問需唔需要寫字，如果有人生日，送嚟嘅時候，會有幾位侍應嚟唱生日歌，氣氛好好～
📍📍📍📍📍📍📍📍
FRITES Belgium on Tap (曦巒)
銅鑼灣希雲街38號曦巒地下1號舖
📍📍📍📍📍📍📍📍
👉🏻想睇更多吃喝玩樂資訊？Follow我啦！
FB：stellasheafoodiary
Ig： stellasheaa
Blog：Stella's hea食玩部屋
YouTube : https://www.youtube.com/channel/UCXPATomyWsZumEe4cT4OBEw

#stellasheaa銅鑼灣
#hkeat #hkFoodie #food #HK #hkfood #foodie #instafood #foodoftheday #foodporn #allyoucaneat #相機食先 #香港 #吃貨 #任食 #hongkong #FRITES #steak #牛扒 #銅鑼灣 #Angus #安格斯 #青口 #mussels #比利時餐廳 #cwb

咁耐無出去食野，今次終於到我去Chill吓喇！呢間餐廳位於銅鑼灣V Point嘅30樓，由於樓層較高，一邊可以睇到高樓夜景，而另一邊露天位置仲可以睇到海景添～
🌃🌃🌃🌃🌃
不過由於當晚落大雨，所以無得坐露天位置，與海景無緣⋯好彩仲有高樓夜景，夾雜著閃電雷雨，又係令一種感覺。
⛈⛈⛈⛈⛈
Oyster Motoyaki $196@4
［分數：8/10］
精緻嘅焗蠔2件為1份，加入咗蛋黃醬同芝士去焗，芝士焗至金黃，表面帶微脆，香口非常。而蠔肉嘅時候控制得啱啱好，濕潤有口感，同蛋黃醬好夾。
🦪🦪🦪🦪🦪
Korean Wagyu Tartare $198
［分數：8/10］
最令人期待嘅和牛他他！賣相吸引非常！
食之前將蛋黃、雪梨、和牛拌勻。拌匀後，他他入口嫩滑非常，還有點芝麻香，若果牛味再濃一點就更好了
🐮🐮🐮🐮🐮
Pan-fried Cod with Tomato and Thyme Sauce $168
［分數：8/10］
鱈魚皮煎得帶點金黃焦面，入口帶微脆。雪白嘅鱈魚肉質嫩滑。旁邊再配有少量蕃茄同百里香醬汁，可以去一去膩感～
🐟🐟🐟🐟🐟
Clay Pot Chicken Piti Piti $178
［分數：7/10］
呃like一流嘅菜式！因為雞煲送上黎之後會再加入玫瑰露再點火～雞脾皮同樣經煎過，所以變得薄脆香口。另一樣最特別嘅係，雞脾上方放有臘味碎粒，好香口好好食～
🐥🐥🐥🐥🐥
Mentaiko Udon Carbonara $138
［分數：8.5/10］
提到Carbonara 最為人熟悉一定係意粉，但佢地就用咗烏冬去取替～先將蛋黃拌匀再食，因為加入咗明太明，所以帶微辣。另外亦有加入煙肉同金菇，醬汁稠度甚高，又香又有口感。
🍝🍝🍝🍝🍝
The Jasmine Fairy $138
［分數：8/10］
用了天鵝玻璃酒杯盛載著，送到時還霧著煙，打卡一流！小小的玻璃天鵝內，一共混合了7種材料！當中包括了Vodka,Jasmin Liqueur,Ginger Liqueur等⋯入口甜甜的，非常適合女仕～
🥂🥂🥂🥂🥂
Blueberry Smoothie $98
［分數：7/10］
朋友選了一杯無酒精嘅冰沙，藍莓係用鮮果打出嚟，有少少果肉夾雜喺沙冰之中，飲落唔會好甜，有陣糖果嘅味道，好解喝。
🍹🍹🍹🍹🍹
Shisha - Zeng Hookah $390
夜少少餐廳會教暗啲燈光，之後開始有人陸陸續續叫Shisha～ 店方推介咗一款佢地嘅特色口味俾我地-grapefruit mojito，底下有啲生果同薄荷，清清地有啲薄荷味，幾特別～
👇🏻👇🏻👇🏻👇🏻👇🏻👇🏻👇🏻👇🏻
Zeng (銅鑼灣)
銅鑼灣登龍街18號V Point 30樓
📍📍📍📍📍📍📍📍📍📍
想睇更多吃喝玩樂資訊？Follow我啦！
FB：stellasheafoodiary
Ig： stellasheaa
Blog：Stella's hea食玩部屋
YouTube : https://www.youtube.com/channel/UCXPATomyWsZumEe4cT4OBEw

@ Hong Kong

🔥超大火！火焰半自助餐🔥
好耐無食過自助餐喇！咁大火仲唔係高溫消毒？！依加銅鑼灣維景酒店推出咗火焰半自助晚餐！前菜、沙律、芝士、甜品、果汁類係自取任食，價錢就按自己所選嘅主菜而定，價錢介乎$308-$388。另外，每位客人都會再送一份火焰龍蝦湯同埋火焰甜品！
🔥🔥🔥🔥🔥🔥🔥🔥
如果想食海鮮，可以再另加生蠔、凍海鮮拼盤、刺身船⋯我就試咗佢地嘅生蠔同凍海鮮！
#生蠔 每份有3隻，分別有法國、愛爾蘭、蘇格蘭，3款都非常新鮮，大大隻，好鮮甜！個人最鍾意愛爾蘭嗰隻，海水味適中，蠔身又夠肥美，連檸檬汁都唔洗落，直接啪咗，正！
🦪🦪🦪🦪🦪🦪🦪🦪
#海鮮 拼盤就有長腳蟹、青口、海蝦、翡翠螺。送到之後會喺乾冰上倒啲水，製造出仙境嘅效果，天氣咁熱辣辣，見到都覺得舒服！真係一晚玩齊冰火兩種感覺！
🦀🦐🦀🦐🦀🦐🦀🦐
食完海鮮類之後，餐廳亦準備好為我地表演第一場火焰表演！先嚟個火焰龍蝦湯！先將龍蝦肉炒香，再加少少酒，再點火！哇！啲火大到嚇一嚇！火完嗰吓個香味真係充斥住成個場！再將龍蝦湯煮熱就可以上枱！龍蝦湯夠香濃，仲有大大件龍蝦肉，好味～
🦞🦞🦞🦞🦞🦞🦞🦞
飲完湯之後，可以先去出面拎啲頭盤前菜食住先，再等下場嘅主菜表演！餐廳好體貼地要求每位客人都要帶好口罩，仲有一位職員專為客人帶同除手套！食物方面，我最鍾意佢地啲芝士，其中有款法國嘅Herbes Cheese，入口又香又Creamy，送麵包/餅干都一流！另外沙律吧有燒菠蘿！食主菜前食返幾舊開下胃口都唔錯！
🧀🍍🧀🍍🧀🍍🧀🍍
主菜方面，一共有7款選擇，當中有2款桌前烹飪精選，就係有得睇表演嘅款式！有牛柳同虎蝦選擇～我就揀咗田螺黑椒牛柳，另一份就揀咗清燒茄子銀鱈魚！火焰牛柳同樣會推格車仔出嚟，喺面前煎排同點火～喺面前即煎聞到嗰種香味，真係同平時好唔同！真係色香味俱全！牛柳五成熟，控制得啱啱好，表面輕輕煎過，做到鎖水效果，肉汁鎖住喺入面，入口嫩滑富肉香。個人覺得唔需要配黑椒汁都已經好好食～
🥩🥩🥩🥩🥩🥩🥩🥩
雖然清燒茄子銀鱈魚就無得玩點火，但味道都相當唔錯，鱈魚入口嫩滑，重點係魚皮煎得香脆！再加埋燒茄子、燈籠椒、洋蔥，整體感覺相對輕怡，食完都無乜罪惡感～
🐟🐟🐟🐟🐟🐟🐟🐟
食完主菜又可以出去行下拎甜品～有芝士蛋糕、朱古力蛋糕、啫喱、迷你果撻、朱古力、泡芙、生果外⋯仲有Haagen Dazs係任食嘅！丫！麵包旁仲有個暖住嘅椰撻！表面焗得乾身，有少少微脆口感，又唔會太甜。
🍰🥧🍰🥧🍰🥧🍰🥧
火焰甜品可以開估係咩喇～火焰車厘子！
做法有啲似煮蘋果金寶啲蘋果咁，加咗邪惡嘅牛油同糖煮，又點會唔香！點火後上碟，再加上一球雪糕、忌廉、杏仁片做點綴。車厘子好大粒同厚肉，入口酸酸甜甜，作為飯後甜品，完全唔會覺得漏～令人滿足！
🍨🍒🍨🍒 🍨🍒🍨🍒
服務方面要讚一讚，職員好有禮貌，好奇問下點火嗰位姐姐，用幾多度嘅酒先會咁大火？又問佢點到咁大火會唔會好危險😂我睇到都驚燒親手。佢都好有善咁同我地傾咗陣，原來佢地訓練咗2個月，無想像中咁危險⋯厲害厲害
👍🏻👍🏻👍🏻👍🏻👍🏻👍🏻👍🏻👍🏻
優惠方面：
依加喺Openrice買現金券，有75折。
用$75就買到$100現金券，無限1次用幾張。
📍📍📍📍📍📍📍📍📍📍📍
繽紛維苑餐廳
天后銅鑼灣道148號香港銅鑼灣維景酒店2樓
📍📍📍📍📍📍📍📍📍📍📍
👉🏻想睇更多吃喝玩樂資訊？Follow我啦！
FB：stellasheafoodiary
Ig： stellasheaa
Blog：Stella's hea食玩部屋
YouTube : https://www.youtube.com/channel/UCXPATomyWsZumEe4cT4OBEw