【龔成問答信箱】（Q13841-Q13860）
Q13841：
老師，之前見你講過1177現時略貴，建議有6-7元入。但你又曾說這股有質素，想問下如果係有質素，點解你會覺得佢會跌到6-7元?會唔會有可能去到果D價?
龔成老師：
其實咁樣的，中生製藥（1177）有質素，有潛力的股票，這類股有長線投資的價（這亦是我地投資的原則，只投資優質股）。
上述所講的是「質素」。而優質股，都會分平宜/合理/貴。
價值投資者，會以企業的業務價值及資產價值作基礎，去為企業進行估值，即是這間企業，值多少錢，這就是我所講的合理價。
這股$10以上有少少貴，$10以下進入合理區，$6就更好很好的入貨區（我自己的貨平均是$6）。
這是一個平貴的區分，並不是表達「這股將會跌到這區」，因為我地從來不會做所謂的「預測股價」。
巴菲特、彼德林區等全球最大賺、最高回報的投資者，要明確表明「無人能預測股價走勢」。
所以，我只是因應平貴、企業的優質度、投資值博率等因素，去設定投資策略，例如貴的位，不入，或只入小小；平的位，掃貨，但這不代表會到某些位，我地無人知的。
這股如無貨，$10以上小小入一注，或月供，可以。但最好是等$10以下正式入（要分注），如本身有貨，就更加要等$10以下先入。
------------------------------------------------
Q13842：
老師，想問若果每月8000入盈富，約三年後，大約可獲利幾多！？
龔成老師︰
以恆指平均年回報10%計﹐3年後大約會增值至31萬。但你要明白，3年係一個較短的時間，投資股票就等同投資企業，就算再優質的企業，都要時間去成長，中短期都會出現波動。
31萬只係一個估算，到實際情況有機會會有不同。其實我地進行月供股票，只要每月定額供款和長期進行，買入價會自然地平均，從而減少因價格波動造成買貴貨架風險。
我地一般希望月供最少5年，這樣才可以有效減低價值波動對你回報所造成的風險。
------------------------------------------------
Q13843：
你好龔老師,我持有以下的，請問我應該投資那些企業比較穩陣?我今年34歲, 現我持有的都跌左好多...我應該趁低價入其他貨嗎?
[email protected]
[email protected]
[email protected]
[email protected]
[email protected]
[email protected]
[email protected]
[email protected]
[email protected]
[email protected]
[email protected]
[email protected]
[email protected]
龔成老師︰
首先你要明白一點，首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。
我地投資會運用「先增值，後現金流」作方法，初期應投資較多增值類資產，較後期則應投資較多保守類項目。所以係放配投資項目時，會因應番你的人生階段。你年青，應以增長力為主。
越秀房產（0405）、國際家居零售（1373）、港燈（2638）、越秀交通基建（1052）這4隻股票增長力唔強，只算是收息股，以你年紀就唔係咁合適。
如果持貨唔多，可持有。長線可以用一些平穏增值股如盈富（2800）、港鐵（0066）、金沙（1928）、煤氣（0003）、恆基（0012）、中銀香港（2388）等代替。
------------------------------------------------
Q13844：
我想問一下819 天能動力你有咩睇法？
龔成老師︰
天能動力（0819）主要係中國從事研發、生產和銷售新能源鋰動力電池、特殊用途鉛動力電池、電動自行車鉛動力電池；廢舊電池回收處理；以及智慧能源解決方案業務。
佢業務都正面的，但盈利就比較波動，因為幾年前曾出現過虧損，這是扣分的地方。但近年已無這問題，見佢生意同盈利都有理想增長，同時現價唔貴。
但佢都有一定的負債，這會提高左企業的風險，這點要注意。這股有投資價值，但由於規模不大，加上股價波動，投資注碼不能太多。
------------------------------------------------
Q13845：
龔sir, 請問你點睇京東方A 000725 呢隻股？ 有質素嗎？ 估值大概到咩位？
龔成老師︰
坦白講，我自己唔熟識內地股票，所以只能比一些簡單的意見，給你參考一下。
京東方A（深交所︰000275） 全名京東方科技集團股份有限公司（BOE）創立於1993年4月，是一家為信息交互和人類健康提供智慧端口產品和專業服務的物聯網公司。
當中業務包括AMOLED、VR/AR等新型顯示器件及傳感器件的进步、指纹辨識和安防等傳感器领域。這些領域在未來都會被更廣泛應用，故該行業會有發展優勢。
我自已本身無特別研究這企業，但你可以從佢盈利能力、未來行業前景、產品相對對手有無獨特優勢、財務狀況等因素去考慮佢是否值得投資。大前提係，你必需要對此企業了解，知道佢優質點所在，才好落注。
------------------------------------------------
Q13846：
龔sir，我想問1373for收息，月供定直接分注買入好d？
龔成老師︰
國際家居零售（1373）主要從事家品貿易、發放特許經營權及提供管理服務。
此股正面的，整個業務的發展模式不差，是穩健的股票類別，不過，增長力不強。
現時股息已近8%，有長遠投資價值。由現價不貴，你可以考慮用分注形式入貨。
------------------------------------------------
Q13847：
老師，我想做税貸買入超值股，有什麼提議？
1211, 2388, 2778，2009, 799
港股會跌返落24000點左右嗎？ 762 現價$7.13 好吸引, 2319 PE 高，會否貴左啲？
12, 16, 17 也吸引
龔成老師︰
其實，我地不是要「估後市」，而是做「策略」。近期股市雖回了不少，但我地無人知跟住個市會升會跌，幾時到平宜區，會有幾平，我地唔會知，但我地可以測量現時市況的狀態，從而作出合適對策。
另外，利用低息税貸買入超值股，從中賺取息差是可以。但我自己會視借貸投資，是我最後一張「皇牌」，真的有需要時才會動用，即是見到一個明顯的投資機會，全世界都平貨，值博率好高時，才會動用。
你以上所講的股票都有質素，但IGG（0799）比較波動。而金隅集團（2009）前景不差，但雄安新區對佢的真正影響，仍要觀察，這2隻都不宜太大注。中國聯通（762），現價合理，但未算平。而蒙牛（2319）已偏貴，只能月供。
------------------------------------------------
Q13848：
成哥想請教你，你98蚊買左2018 瑞聲科技，之前大跌，而家重回60蚊以上，而家呢隻前景是否不再是潛力股了？
是否快放好？
龔成老師：
瑞聲（2018）以聲學業務作為核心，這是佢最強的技術，雖然佢近年有搞其他手機設備的周邊業務，都只是一些輔加位，並不是核心。
在長遠的發展上，聲學雖然仍有進步及增加應用空間，但不是好強。相反，光學的應用仍有好強的增長，所以你見
舜宇光學（2382）的增長較強。
瑞聲有質素的，你可以長線持有，相信之後仍有增長，但就是中度增長類別。你要衡量自己的投資目標，去決定是否繼續持有與否。
------------------------------------------------
Q13849：
龔成老師，你好，近一兩年通過朋友認識你，開始每日追睇posts 同有買你80後百萬富翁系列既書，多謝你既分享，令我開始認識投資方面知識，現在股市跌市中，想弄一個比較全面既平穩增長組合，所以想請教一下：
我今年三十一歲，月入25000，現金40萬，每月可投資大概8000 ：
現有
恆生200股@161
太古地產1000股@23.45
中石化10000股@5.704
月供
盈富 2500
恆地 2000
港鐵 2000
比亞迪 1500
1. 以上股票中石化一直下跌，但此股收息是不錯的，我應止蝕嗎？請問以上現有股票恆生，太古適合長線持有或有質素嗎？
2. 未來都想繼續加注優質股，但怕自己眼光不够好，所以選擇了月供，請問我的月供組合適合嗎？
3.如想增加月供組合或想一手手買入，請問應加入什麼類型的股票較合適？
龔成老師：
1）中石化（0386），質素算是不差，但又未到好好，始終這只是商品企業，沒有一些太大的優勢。生意近5年只是上上落落，無乜增長力，這是受油價等因素影響，反映佢處於一個被動的狀態。
所以，這股只是收息股，唔好對股價有太大期望。
所以，這股作為收息股，適合度只屬中等。你小注持有可以，又或等佢有較大的反彈後先賣出，這股不用急賣出，你在適當時機才賣出，轉其他股，是可以的。
2）月供是很好的投資策略，因為買入價能有效平均。
你上述所選的，都是有質素的股票，已經可以開始進行月供。最好是加入盈富（2800），你的組合會更加平衡。
3）盈富及其他穩健類別的股，如恆基（0012）、港交所（0388）、金沙（1928）。
------------------------------------------------
Q13850：
想問下股息係咪派息×持股數量,如果1手500股,派息$3
那收息是$1500,對嗎?
龔成老師：
對。
但你要留意，在財經網站見到的股息，是上年度的全年股息總和。
現時是2019年，由於這個年度仍然未完，所以企業不會出到2019年的業績及派息。所以最新的資訊，就是2018年全年的數據。
即是2018年全年，佢派息$3，如果你持有一手，收息就是$1500。
------------------------------------------------
Q13851：
請問823我現在固定有進行月供，現在屬於便宜區嗎？我見佢最近業績都唔錯
龔成老師：
領展（0823）現時只處合理區中上部，未到平宜。
這是由於佢過往一直都有少少貴，就算近期由高位回落左唔少，都未算平。因為市場認為佢優質，有增長力，這類股要落到平，唔易。
這刻都有投資價值，質素仍在，但就不能一次過入，要分注投資。
------------------------------------------------
Q13852：
老師，最近屋企人俾左10萬人民幣我，以前一直由佢哋保管，想了解下點運用呢舊錢最好。
背景:
1. 打算2-3年內結婚，一直有儲錢結婚，呢筆錢出現會加快儲夠錢
2. 現時供樓中，因此停左月供股票
有以下想法:
1. 轉做港幣，全數放落供樓高息戶口，作結婚用途
2. 轉做港幣，一半作結婚，一半繼續月供股票
謝謝指教
龔成老師：
如果你本身已有準備資金結婚，那這筆錢，就可以有部分可用作投資，最緊要你要明白「投資，一定是長期，即是這部分就不打算結婚時動用」。
如果你本身已有物業，投資股票是較好的方法，你可以用方法2，以月供股票模式，去累積財富，盈富（2800）是最好的選擇。
------------------------------------------------
Q13853：
龔成哥哥你好，我想請教下，31歲，月入2萬中，戶口65萬，現時1成用黎做咗定期，8成用黎買咗股票(長和、長建、電能)。
因為資產增值太慢，加上而家經濟差，股市前景唔明朗，可以點樣改變先加快資產增值呢？一直想買樓收租又唔唔敢搏
龔成老師：
雖然你現時投資的，都是有質素的股票，但就太集中在長和系，這會出現集中風險，你最好調整翻。
另外，你這個年齡，是財富增值的黃金時期，要好好把握，盡你一切的力量去儲蓄、投資、學投資知識。
你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注。
所以，你可以增加你組合的增長力。
中短期股價可能會波動，但只要我地長線投資，就不用理會，反而中短期可能有一些投資機會（因此不能這刻用盡現金）。
至於物業，中期會因香港的經濟而向下，所以你可以等機會。但相信不會跌好多，而當香港社會運動完結後，樓價又會慢慢向上。
------------------------------------------------
Q13854：
老師你好，本人持有3 手 友邦 在79.5 時買入 佔總資產(持有現金加股票) 約15%
在學習投資知識和瀏覽你專頁後 知道這是在偏貴的價值買
自己打算先繼續守 若價錢回升後就放出2手 剩下1手 長線投資 你認為可以嗎?
雖然友邦具質素 因買入價偏貴 自己感到風險始終略大
另外想問570 現價值博率高嗎?
白雲山近期股價回落不少 現價是合理區中部嗎 請問甚麼價錢才算便宜?
多謝老師
龔成老師：
友邦保險雖然你買入價有少少貴，但不算好貴，因此不用擔心，加上這股有質素，就算略略貴，我地都可以接受，因此，你不用擔心，你就算長線持有都無問題。
我地決定繼續持有一隻股與否，最重要不是睇買入價，而是這股的質素，長遠發展。
至於中國中藥（0570），這股有質素，但增長力不強，現價合理。都可以投資的。
白雲山（0874）不差的，市場預期佢增長減慢，加上賺錢能力略有回落，因此股價受壓，現價合理。長遠來說，這股仍有質素，不過要注意股價波動風險，不宜大注。
------------------------------------------------
Q13855：
【理財個案--年輕人，5年儲$100萬！】
早晨老師，我之前睇左你的片：「理財個案--年輕人，5年儲$100萬！」
想請問下我現年25歲是否都適用於:5年存到100萬嗎？
如可以，投資組合應該如何?月供股票額度幾大愈快?
謝謝你
龔成老師：
25歲，仍是一個年輕的階段，絕對適合我之前所講的「理財個案--年輕人，5年儲$100萬！」，你可以用這個模式去操作。
當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。
例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。
你這刻應該投資「平穩增值股」及「潛力股」，如果你投資技巧未算強，潛力股不能太多。
你可以將每月剩餘的資金，其中5-7成，用作月供股票，盈富（2800）等都可以，餘下儲現金，等機會增值。
------------------------------------------------
Q13856：
老師，期權係咩，好似話有好多策略？
值得投資嗎？
龔成老師：
簡單來說，期權是一種衍生工具，合約賦予買方一項權利，去買賣指定項目，該指定項目可以很廣泛：股票、市場指數、貨幣、商品等，例如以某指定價位買入某股，或以某指定點數沽出指數。而坊間的認股權證（窩輪），亦是期權的一種。
由於期權可分為認購期權（Long）及認沽期權（Short），而投資者又分別可作買入（Call）及沽出（Put）的動作，因此會組成以下4 個投資模式：
1. 買入認購期權（Long Call）
2. 沽出認購期權（Short Call）
3. 買入認沽期權（Long Put）
4. 沽出認沽期權（Short Put）
由於期權多用作投機，而投機要成功十分難，因此，我不建議投資。
------------------------------------------------
Q13857：
老師，分散投資好？
定係集中投資好？
龔成老師：
我會建議適當的分散投資，但不能亂投資，當中每一隻股票，都是優質股，你都要對佢有一定的認識，才可投資。
分散投資的好處是減少非系統性風險，是很好的投資策略，但如果你未時間選股、睇咁多股票，就簡單投資盈富（2800）。
------------------------------------------------
Q13858：
1:老師，睇完你的書後，請問如果以我地呢d收入低想買樓，但每個月得萬2蚊收入左右，係唔係應該用股票追細價樓，再用細價樓追大價樓?thanks
2:股票需要1年檢視1次，1年檢視應該年頭或年尾定月結日先做
3:回應番第1個問題，如果抽出增值後既股票換細價樓既首期，之後每月可能要拎出1舊錢黎供樓，同埋冇左之前股票既速度，因為愈大舊錢既股票。
正常會滾出更大既錢，面對呢個情況，應該點做，我未睇財務自由行，唔知入面會唔會有我呢個問題?thanks
4:想問你點睇網購生意呢類，之前聽過人講，係大陸廠拿貨，再賣比人，賺中間差價，咁樣呢類生意有冇咩風險?
龔成老師：
1）對，你這就先用盡一切方法，提高收入，減少支出，令你的本金增加。下一步就是投資股票。
讓你的財富不將滾大，到樓市在適合時機，而你財富又足夠時，可以先投資細價樓收租。同時你再儲資金投資股票，令股樓並行。
2）通常會在企業出業績後，做一次較大的檢討。中期業績則小型檢討。
3）買樓應該是收租的，所以一定會以投資的角度，尋找租金回報率較高的物業。
目標是收金能夠支付全部或大部分的每月付樓支出。
你這刻的確會用左一筆現金，所以要盡力儲到更多現金數。
4）所有生意都有風險，但你唔好想得太多，好多野做左先，見步行步就得。你當然要小心版權，以及法規問題。
------------------------------------------------
Q13859：
你好老師，打擾你了，想問941現價值得入嗎？可揸短線？中線？長線？thx
龔成老師：
中移動（0941）有質素的，但賺錢能力就比過往略有減弱，因為中央對電訊業行「提速降費」的政策，對佢長遠的賺錢能力將有影響。
這股可投資，但只是平穩增長型，以及有股息的類別，增長力不算強。
中短線投資不適合。
長線都可考慮，但不建議太過大注。
------------------------------------------------
Q13860：
老師，領展 港鐵 金沙
呢啲呢應該計做潛力股定優質股？
龔成老師：
領展（0823）過往是潛力股，但近幾年，發展的情況已比過往慢，因此只是平穩增長股。
金沙（1928）、港鐵（0066），一向都是平穩增長類的股票，金沙是收息及增長都有的類別。
上述的，都是有質素的股票，都有投資價值。
----------------------------------------------
多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。
另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。
vr睇樓好處 在 全新#VR睇樓GUIDE 2.0 代理線上同步睇樓360度如置身現場 的推薦與評價
雖然有距離，但仍保持社交! 由您主導# VR睇樓 GUIDE 2.0 代理同步一齊睇實時回應】疫情下#安在家中 睇樓 ，用 VR 係首選，實景 睇樓 360度睇清睇楚! ... <看更多>