【on.cc東網專訊】09.22.2016 歌手泳兒（Vincy）跟髮型師男友Ziv拍拖五年，感情穩定，泳兒講到兩人亦試過吵架：「冇嗌交好唔正常，大小事都會有，嗌交係要嘅，因為可以更知道對方諗乜，同埋唔嗌交嘅話鬱住喺心反而仲衰，我係有咩會直接講嘅人。（佢氹番你？）大多數都係，其實唔需要特登氹，突然間cool down就冇事。（試過冷戰？）我唔鍾意冷戰，我係嗰啲要解決就會解決嘅人，唔會逃避。」她亦大談男友令她改變很多：「佢係一個比較感受人生嘅人，呢方面令我知道生活唔係淨得工作，會留意多啲周圍，因為當我一做嘢我就會focus喺嗰樣嘢到，例如我練歌可以練到飯都唔食，會好歇斯底里，或者唔見嘢就一定要搵到佢為止，但佢係搵唔到就會relax，所以呢兩樣嘢溝埋就係好，本身我哋係兩個極端。（一開始唔慣佢呢啲價值觀？）有時都會忟，但某啲時候都會覺得自己太緊張，兩個人相處之道就係要搵到個方法，無論兩個好相似或唔相似都好。」
問到可有計劃何時組織家庭？Vincy坦言：「以前有囉，依家冇，以前可能要30歲前結婚生仔，但依家過咗啦，所以過咗就唔set，覺得好多嘢喺人生係好突發，好多嘢唔plan係好啲，往往你plan嘅同現實都係有段距離，所以都係順其自然，可能到有一刻突然我想嘅就會做。（接受到閃婚？）接受到，如果係啱嘅人就會接受到，嗰刻feel到就OK。」她亦坦言沒有正式跟男友傾過結婚：「我哋都係好憑感覺，同埋大家事業都好忙，未需要傾住。（認定佢係結婚對象？）呢個我唔敢講，我覺得依家呢個狀況係幾開心，將來嘅嘢冇人知，如果我哋關係愈來愈好，咁絕對係有呢個可能性。」
兩個人相處之道 在 【主題推薦---夫妻之間的相處之道】 ㅤ... - i聽聽 的推薦與評價
主題推薦---夫妻之間的相處之道】 ㅤ相愛容易相處難，結婚對兩個人來說很容易，但要長相廝守下去卻需要兩個人一步步的相處，但這真的非常困難， ... ... <看更多>