［今日寫呢啲］快評嘅，主要講Bitcoin大跌（高位65000跌到一度見30000，都幾誇張）會唔會造成咩系統危機。入面有詳細講，但簡單答案係唔會。你睇股市，睇匯市債市啲反應就知。固然有人輸錢，但每日都有人輸錢。係喎，有人話句嘢廢，但你輸錢甚至走數，係不足以成為系統性危機的。舊年負油價嗰時，夠話頁岩氣公司爆煲，又話中國銀行啲行輸錢自己上身（事實），Interactive broker啲客走數自己要上身（事實），但結果有何影響？你唔量化就講乜都假，事實有幾多機構會受影響？金融機構更加少。
每日一圖就正，首先係講ETF持股%，同股價表現，有個唔太強但負數嘅相關性。原因？文入面有解。
另外，有個圖睇返，過去10年美股嘅「調整」- 調整指5%回落。咁過去十幾年美股都極強，但你估下有幾多次5%嘅調整？答案係超過10次。5%，等於道指跌1700點，你仲唔話股災？但根本家常便飯，一年梗有一兩次，你可以諗下，你可唔可以避開晒佢，低位買返，然後下一次調整前沽貨？
仲有，美股對上一次5%嘅調整，你估下係幾時？係大半年前了。今年3月又好，早兩星期又好，個個叫晒救命，咁到底你買咗乜？哦，你話你有大志唔會買指數咁廢，咁你啲嘢之前又係咪跑贏呢？係嘅，咁做乜叫救命？
Good Read嘅，救你光頭佬法則，冇計，人做咗首富就放個屁都香。其實講就易，實情幾虛無，不過都學下神髓：唔使等100%資料齊晒，甚至唔使等90%，有70%好做決定啦。因為，等90%唔知等到幾時，而除咗浪費時間，亦有機會令你錯失機會。另外，唔好怕犯錯，好多時錯咗可以之後改正返，而你十個決定入面錯一兩個根本唔係咩大問題。
另一篇？又講「直接上市」vs 傳統IPO。即係而家一講傳統就人人喊打，華爾街投行就正仆街（Elon Musk在笑），但投行幾時有拎支槍迫你要經佢上市？從來你都可以自己上架喎，咁點解咁多公司仲畀錢佢地賺？傻的嗎？不過呢篇就正由Spotify管理層解你知，固然有偏頗，但都係大路答案：你唔集資，而間公司又夠出名咪得。咁至於點解唔集資都要上市？你話呢？CoinBase點解上市？
至於Bitcoin大辯論嘅，都冇乜好講，信者恒信 不信者繼續唔信。同中學走去講廢唔廢除死刑呀差不多，你諗得出嘅論點都有人講過晒，不過呢篇表達得較好。同場仲有加映埋「正方觀點」，「點解睇好Bitcoin」，話保護世界各地人權，維護言論自由添呀，真係巴閉。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
廢除死刑論點 在 [討論]支持死刑的理由- 看板PublicIssue 的推薦與評價