🔥徇眾要求，愚公計劃Vol.2正式展開！
最近我做咗好多好多好多個Career Coaching，無論係免費嘅定係收費嘅，見過好多大學生、職場新鮮人，或者係有兩三年工作經驗嘅求職者。超過九成嘅人當中都有個問題，就係冇一套正式去見工嘅西裝、恤衫、領帶、袖口鈕、飾品等等......
問過佢哋，都有唔同嘅原因：
1. 覺得唔會經常見工所以唔使特登去買一套正式嘅西裝
2. 價錢問題
3. 唔知道如何入手
4. 唔知道點樣去配襯、配搭所以就求其問親戚朋友借，甚至乎唔啱尺寸都冇問題，因為「只係用一次」
5. 屋企冇位擺
6. 覺得見工唔使着西裝都可以
但係面試點可以唔可以比一個最好嘅第一印象同埋一個最佳狀態人哋睇到。正確的Dresscode係對自己及公司嘅尊重。將心比己，如果你做老闆你都想上嚟公司見工嘅人可以睇落Corporate, Articulate & Presentable.
而我亦經常聽到一啲因為配襯得唔好/冇正確嘅Dresscode；要問朋友借錢去買西裝；西裝已經破損到有好多污跡或者窿；又或者係因為種種問題買唔到西裝嘅人，佢哋因為呢啲問題冇咗份工，我好想幫佢哋。
有見及此，愚公計劃Vol.2主要針對：
- 因為各種原因唔可以擁有一套屬於自己嘅西裝嘅求職者
- 大學生
- 職場新鮮人
- 三年或以下工作經驗嘅求職者
- 經濟能力負擔唔起Career Coaching的求職者
- 因抗爭而失業嘅青年、青年政治犯
之前打工嘅時候，有個老闆成日叫我哋每日都要着唔同嘅西裝同恤衫仲有領帶、袖口鈕，所以屋企儲儲埋埋都有超過十幾套西裝（連褲）、五十幾件恤衫、三十幾條領帶及超過二十對袖口鈕。同埋，幾個月前我同幾個設計界數一數二嘅朋友去香港珠寶展，貪過癮都入咗一堆10K玫瑰金首飾(耳環、戒指、頸鏈），當時諗住送俾朋友做禮物或者面試嘅時候作配襯用途。
因為而家自己開咗自己嘅獵頭公司唔使日日都全套西裝打Tie咁樣返工；再者，我肥咗10幾個碼，有啲西裝已經唔啱Size。有考慮過捐畀慈善機構或者社福機構，但係問咗幾間佢哋都話暫時唔考慮收一啲咁「正式」嘅衣服，因為冇迫切性，與其成箱成箱咁樣掉去垃圾站，我不如用一個超級超級超級便宜嘅價錢賣比有需要嘅人，收到嘅款項部份會用作捐畀星火。
是的。各位，我現在用一折到三折售出我嘅西裝、領帶、袖口鈕及一些女性首飾。當中會有一啲我唔同時期着用過嘅西裝，譬如係啱啱入職時候着嘅、度身訂做(Bespoke)嘅、攞Top Biller去攞獎嘅Lucky Suit、去見工或者去見客時會着嘅；首飾方面，有我同幾位時裝界達人一齊去挑選，適合於用做聖誕節禮物或者送俾朋友去見工時配襯嘅，呢啲通通都可以用一折到三折購買，即係四位數字都唔使就可以擁有！其實同送冇乜分別。
針對購買嘅客戶，我會同時間用$500（原價$2000）同你做一個40分鐘嘅Career Coaching，教你點樣着衫、儀容及如何面試，仲會同你做一個Mock Interview，透過做模擬面試教你如何避免自殺式問題/表現及如何令到面試官對你加分；又或者可以用優惠價$50（原價$128)買我本新書。Career Coaching名額大約有15個，先到先得，部分收益同樣會捐畀星火。（因為我未整理好總共有幾多套西裝、貨品要賣，所以名額有可能會多過/少過15個。）
講真，愚公計劃嘅目的係幫到更加多有需要嘅人，而家用$1000都唔使嘅價錢買套本身原價接近五位數字嘅西裝、或者其他領帶、恤衫等等，好過你去出邊買或者問朋友借。
因為太多款式所以唔會擺相喺依個專頁上面，歡迎WhatsApp / PM查詢。我會因應你嘅背景及情況，針對性咁樣去建議你應該購買邊一種產品。當然女性讀者又可以問我點樣用一個咁平嘅價錢去買一啲首飾，或者男朋友送俾女朋友都好好。
到時會係我嘅辦公室交收及做Career Coaching。同時間，我會留低你嘅資料，會因應你嘅背景幫你做免費求職配對。
再講多一次，一折到三折！四位數字都唔使就買到一啲咁正嘅產品，同埋差唔多半價再半價做Career Coaching，預期好快會售罄。快啲PM我啦！
#愚公計劃
#各有各做
戒指訂做香港 在 DIAHOLIC 香港GIA鑽石求婚戒指及對戒私人訂製專門店 的推薦與評價
DIAHOLIC 香港GIA鑽石求婚戒指及對戒私人訂製專門店, Kowloon, Hong Kong. ... 求婚鑽戒訂製陳列室15年珠寶經驗優質GIA鑽石現貨鑽石廠批發【專. ... <看更多>