蒜香白酒蕃茄蜆肉意粉 $88
一直想黎但一直都未黎，因為地點就係好唔就腳😂好懶得特地過黎，而後尾朋友提起原來可以帶埋狗狗，終於～黎探探路先！
地方唔算太懶搵，一出電梯，右手邊，你就會見到山脈流川～個燈箱。慢慢行入去，環境都算闊落，有遊戲提供，例如：波子棋等兒時遊戲，仲有啲兒時玩具/食物可以購買（戒指糖，吹泡泡）。
點餐/結賬同時進行，而餐具請help your self ，而食完野都請將餐具歸還於清洗嘅架內。
點咗蒜香白酒蕃茄蜆肉意粉，中伏之舉
✨蒜香：沒吃到
✨白酒：有吧？
✨蕃茄：有對意粉有作用嗎？
✨蜆肉：就蜆肉飯味道吧～你唔係想有幾鮮好甜，令個意粉都香埋？🙈
✨意粉：可能我唔係我口味，乾，硬，食落仲口乾，而啲汁（白酒？無咩作用，差啲想問下可唔可以比啲芝士粉）
我就一般麻麻，朋友：仲🙅🏻過自己煮🙊
香煎帶子墨汁意粉 $88
一碟係絕對唔夠食，點多碟香煎帶子墨汁意粉～
咦，依個反而唔錯哦。起碼食落唔會口乾乾，越食越口渴😂
墨汁意粉用黑色碟，放心，你一定會睇到啲墨汁意粉😂墨汁成功咁攻略成每條意粉，食落都幾creamy，唔好旨意好味都嘩嘩聲，但比起之前個碟蒜香，依碟簡直可以話：好味😅 帶子都唔錯，都幾帶彈性；芝士粉伴碟，個人覺得仲痛苦，因為本身個意粉已經好夠味，但對於啲重口味嘅人🙊梗係想撈埋啲芝士粉一齊食，又香而味道更濃，但得個少少芝士粉又邊會滿足到？而你撈埋啲芝士粉反而更難品嚐啲墨汁～意粉，咁即係加好定唔加好？（好難揀呀）
不過大家食嘅時候要小心，啲墨汁唔止會攻陷每條意粉，佢仲會攻陷你嘅👄同你嘅牙隙，係唔會放過你，所以請準備好～紙巾！
繽紛樂冰山 $65
黎得山脈流川，你又點可以錯過佢地嘅金莎/繽紛樂系列😏 貪心嘅蘋果乾當然要點個張相睇落好靚又大大杯嘅繽紛樂冰沙！你一定有聽過：好野係值得等待嘅～所以，依杯野，等到同台，三杯飲品，2碟食都黎咗，而我，仲等緊。
嘩嘩嘩，杯野黎個時我真係嘩～好似好正呀！20%chocolate+10% kinder bueno+30%milk+40%ice：咁多層次抵佢整咁耐嘅!
當我以為插住嘅係大半條嘅繽紛樂時，其實，係得一粒咁大把，所以你多過一粒，係你好彩😂，得一粒？乖，唔好唔開心，係正常嫁，10%嘛。
唔好理，即刻飲一啖先～好有朱味，因為佢地加咗啲朱古力醬係杯身，但味道會越飲越淡～可能用咗40%冰打製，杯內存在大量嘅冰粒，請耐心等候冰粒溶化先～有野飲，人地係繽紛妹冰山～有名比你叫冰山，比啲時間佢溶化啦！叫得繽紛樂冰沙，唔多唔少會有期望過有咩特別，但。。有啲野教曉你，黎一次就夠啦。
All Day Breakfast $118
雖然點咗啲野食同飲品都麻麻地咁，但其實仲點咗個All Day Breakfast，見到大多數人都會點嘅野，又係一個common 嘅菜式，邊會難食哦。
無錯，唔難食嫁，但你唔會覺得佢好食；3.6牛乳炒蛋，唔香更唔潮，啲蛋接近燉蛋嘅texture ，我地係用spoon弟；而其他食物如腸，菇等，無咩特別，唯一特色係鹹；而薯塊？其實係一粒粒嘅薯仔，大家唔好搞錯。
唔會話難食，但，我唔會再點。
狗狗可以吃芝士嗎 在 對狗狗最好的十種『人類食物』 - Facebook 的推薦與評價
接下來整理了十種對於狗狗很有幫助的人類食材給大家參考，可以適量地添加在飼料 ... 因此不要讓狗狗吃到果核的部分，雖然不會立即有害，但若長期食用則會累積毒素。 ... <看更多>