Search
【即時新聞】示威者開路 讓患肌肉萎縮症職員乘的士離去
於二時半時，有位律政中心保安指大廈內有位患肌肉萎縮症的職員預約了輪椅的士，望的士抵達後示威者能讓路。約半小時後，有輛的士抵達下亞厘畢道，集會人士隨即開路。示威者原要求輪椅人士於律政中心閘門外上車，以免有其他人跟車離去，但其後示威者亦讓的士內進以方便輪椅人士登車；當示威者確保只有該名職員上車後，在場人士拍掌送別的士離開。
【一念傷殘，一念健在】
早嗰排試揸新款混能的士，外表同倫敦的士非常相似，我個人稱呼佢做倫敦的。唔少上車嘅乘客都話後座闊落咗，少部分CALL車嘅乘客上車第一句就問係唔係跟錶，只可以好似教小朋友咁不厭其煩重複眾所週知嘅答案：香港所有的士理論上都係同一個價錢㗎啦。
倫敦的其中一個大賣點係輪椅可以直接上落，由以前要預約要加錢先有輪椅的士，到新的士全面進場後，就隨手截到嘅都係輪椅的士。本來我唔預計用到呢個功能，畢竟之前揸開夜晚，出入要坐輪椅嘅人，身體限制咗佢地嘅活動時間，好少喺夜晚遇到。
嗰晚經過山林道，一個女人喺泊滿道路兩旁嘅車陣中間穿出截車，好彩車速唔快加上我都全神貫注，倫敦的嘅煞制又敏銳，迅速停低開門上客。點知，個女人截停我之後唔上車，只係拉住車門轉頭大喝：「我搵到車喇。」我諗哥倫布發現新大陸一刻嘅歡呼聲，都不過如此。不過好快我就明白佢點解咁興奮，一個矮少嘅身影，艱難地穿越車同車之間嘅縫隙，本來坐埋一邊嘅代客泊車職員，仲特登企喺身埋黎監視，金睛火眼咁睇住有無撞花佢地客戶嘅私家車。我見狀落車打算拉低輪椅板俾乘客成部輪椅上，點知佢要求個女人幫手搬佢上車。
「部車上到輪椅喎。」我估計乘客唔知道呢一點，特登提醒佢。
「司機都話上得呀，唔駛搬啦。」個女人都勸喻坐喺輪椅上嘅乘客。
「我叫你幫手就幫手搬啦，唔好要我講兩次好唔好？」乘客極不耐煩咁講，我都唔敢再出聲，企埋一邊等佢一坐上車就幫手抬部輪椅上車尾。好快，正後面部貨VAN嘅響安聲已經催促我加快動作，有人做第一個後，後面嘅私家車、的士都紛紛仿效，雖然佢地睇唔到發生咩事。我上返車關好門就開車，去到街尾先問乘客其實要去邊。問到係去沙田某屋苑後，本來諗緊點問乘客點解咁堅持唔成㗎輪椅上，直接問又好似無咩禮貌咁，呢個時候個女乘客已經代我問咗。
傷殘乘客嘅答案令我驚訝：「講極你都唔明嘅，我哋成部上要用好耐時間，啲安全帶又複雜，係，唔使好耐時間，之不過對其他人嚟講，白等多一分鐘，就係多一世紀，咁後面啲車點呀？有位停車都算，呢度周圍都泊滿車，點樣放板上？我哋唔方便啫，唔駛拉埋人落水嘅，唔駛死已經好好，唔好當正自己有特權先得㗎。」「咁要上就要上㗎啦，咁唔鍾意咪叫佢地打斷自己對腳感受下囉，我都係想你舒服啲啫。」語帶哭音嘅照顧者，令本來理直氣壯嘅乘客都不知所措。
「放心啦，的士阻住人上落，係路邊違例泊車呀、上落貨車做成啫，啲人最鍾意blame the victim㗎啦，同埋佢哋都係鬧我哋的士司機嘅啫，唔會怪個客嘅特殊要求嘅，你哋可以放心喎，輪椅成部上，應該舒服好多？」我嘗試開解返女乘客，同時問一問輪椅乘客。
「我哋搭過啦，太貴喇。預約又唔方便，我寧願就咁行出街截，你呢部輪椅車，如果BOOK你要加幾多錢呀？」輪椅乘客反問返我。「唔駛另外加錢㗎，呢部都係普通的士黎啫，不過佢預備咗載輪椅嘅空間同安全帶咁解。我都聽講過輪椅的士唔容易BOOK，到呢部車全面入到市場時，你哋去醫院呀之類應該會方便啲？定係你哋搭開復康巴士都方便？」「希望會啦，復康巴士好少位㗎，話滿就滿，同埋我哋都想去街嘅，平時我自己揸車添，係今日食團年飯會飲酒先搭的士咋。」
乘機向乘客請教下佢哋出街嘅煩惱，原來現有嘅復康服務都幾唔方便，搭的士比司機拒載更加係家常便飯，女乘客非常不滿，反而豁達嘅輪椅乘客就話「你都要體諒下人地㗎，你唔尊重人點要求人地尊重你？你睇，今次咪一擊遇到好司機囉。」，搞到我幾唔好意思。確實，照顧輪椅人士出街，需要比常人更高嘅時間成本、運輸成本，呢啲額外嘅付出，輪椅人士本身分秒咁付出緊，連帶同佢哋生活相關嘅人都要付出，但係呢啲特殊開支，根本應該係政府去付出，由政府津貼佢地出街嘅額外成本。的士司機肯做，的士本身嘅硬件齊備，欠缺政府嘅支援，只會無止盡咁製造社會摩擦。輪椅乘客無因為自己傷殘而變得自負，反而感謝交通意外後仍然健在，並且儘量降低自己對其他人嘅影響，未免關愛得過分，的士車廂入面難得嘅小和諧，唔知道政府見唔見到呢？
堯周邊商品:http://bit.ly/Yaotshirt
如果喜歡我的神魔影片可以訂閱我的頻道哦，
以下是我的粉絲團，
歡迎按讚追蹤更多動態！https://www.facebook.com/WeAreSBY/
#聖鬥士星矢 #神魔之塔 #冥界篇
堯周邊商品:http://bit.ly/Yaotshirt
如果喜歡我的神魔影片可以訂閱我的頻道哦，
以下是我的粉絲團，
歡迎按讚追蹤更多動態！https://www.facebook.com/WeAreSBY/
#聖鬥士星矢 #神魔之塔 #冥界篇
堯周邊商品:http://bit.ly/Yaotshirt
如果喜歡我的神魔影片可以訂閱我的頻道哦，
以下是我的粉絲團，
歡迎按讚追蹤更多動態！https://www.facebook.com/WeAreSBY/
#聖鬥士星矢 #神魔之塔 #冥界篇
輪椅的士 在 專業輪椅的士 - Facebook 的推薦與評價
專業輪椅的士. 1192 likes · 12 talking about this. 1.按照政府的士咪錶及其他收費, 另外再加預約服務費$100/$120； 2.連同輪椅乘客最多總共4位； 3. ... <看更多>