關於 邊間中學會教呢啲嘢 ，我們在網路上蒐集到這些相關的討論、資訊與評價

話說表侄女帶埋佢男朋友（係呀，我寫左兩年文，終於出現一對異性戀角色啦！！！） 黎倫敦探我地兩位老人家，咁我地都唔可以待薄客人，所以，第二日我地去左都幾出名嘅Dishoom 食個印度版的英式早餐。

作為洋腸界代表（我諗應該無人同我搶呢個title了吧？），我不得不說呢度嘅腸係真心ok，外脆肉實多汁，一擺落口就知道係靚野，呢方面無得彈！

炒蛋軟滑是基本，但這裡還加上印度香料，非常惹味，也不會蓋過蛋香。人到歐洲，請你務必要試試這裡的牛奶和雞蛋，絕對跑贏香港啲國產垃圾蛋幾十萬條街。我又講多句，依家英國印有獅子嘜的雞蛋已經講明可以生食，所以啲炒蛋就算生嘅你都唔駛驚。

麵包中間𠝹開煎過，比起用焗爐更勝一籌，一咬下去是鬆軟的質感與麵包的麥香，然後才是焦脆的中層，我倒是吃了一整個，才猛然想起可以用來夾炒蛋，但淨啪都真係好正！

另外茄汁焗豆亦是畫龍點睛，加入了印度香料，帶著與別不同的微辣，讓人欲罷不能，用來沾麵包也很好吃的！

正所謂「包到食時方恨少」，夾了炒蛋，又夾不了蜜糖煙肉，夾了煙肉又沾不到茄汁焗豆，呢個時候，就係考驗愛情的時間— 情深款款秋波暗送望著老公：官人我要... 你個包。

結果：個死佬仲要拿拿臨咬多兩啖慌死我會搶佢...

#原來他不夠愛我

想當年杜十娘以百寶箱試真情，今日人妻先生以百搭早餐試老公，滄海桑田物換星移，唯一沒變的是天下紅顏多薄命，世間男兒都負心... （巨蟹座的悲情小劇場絕對能夠不斷重播重播又重播，比亞視還厲害）

#再見啦無野啦完場啦你唔愛我啦

咳... 說遠了，我地返返黎食評先！

其實我地仲叫左兩種飲品，一種係印度奶茶，另一杯係芒果乳酪。芒果乳酪上面灑上茴香籽，好喝是必然的啦！至於印度奶茶，更加巴閉，無限添飲，你喝完一杯侍應就會問你會否要續杯，基本上上餐前一杯，中段一杯，食完早餐後一面聊天一面喝著又是兩杯。老實說，就算是一杯收這個價錢我覺得合理，因為真的很好喝，更不用說現在變成無限添飲。

拿，老實講句，大家去旅行都係求開心，請大家唔好用「返本」呢啲U字頭啲乞兒飲食心態去狂飲人地但又唔多叫野食，仲要老奉係咁叫侍應幫你refill，到時候人地取消呢個offer又係大家攞黎衰。得些好意須回手、是非曲直在心中，學table manner之前，要先學manner。人家餐廳是付足了誠意，就不要用討債的心情，去將對方吃個不死不休，做人嘛... 放過別人，即是放過自己，輕鬆地欣賞食物吧！

最後，為了將港豬形象發揚光大，貼多幾張圖，食飽又去左行博物館。真心推介：一睇就知未袪靈完成、會在晚上作祟的小朋友肖像畫，以及偷聽隔離屋XXOO的死八婆人妻油畫一幅。

#我究竟睇左啲咩
#CLS食評一則
#飲飲食食最開心
#我想講個侍應手臂好粗
#不過印度嘅我唔岩
#啲接吻技巧差到不予置評
#真係唔好浪費大家時間
#中學時老師無教架咩
#等陣先
#邊間中學會教呢啲嘢
#呢啲係咩食評

眼前身穿紅色碎花裙的跨性別女性Alice，舉手投足都充滿女人味。「他」年多前30歲左右才變成「她」，在實現「女孩夢」的過程歷經艱辛，在穿回女裝的一刻，她才能喘一口氣。三十而立，她決定做回自己，接受性別重置手術。縱新身份帶來新挑戰，如今的她以自己喜愛的身份堅定應對，「我會企硬，唔會反悔。」

Alice從小就意識到自己和一般男生格格不入，他們喜歡車、遊戲機，她卻偏愛洋娃娃，「覺得女仔可以着裙、化妝，好靚。」她曾偷偷穿家人的衣裙等等在鏡前扮演公主，滿足自己內心的小女孩。一次她不禁向男生透露自己想穿女裝的心聲，卻換來他們訝異的目光，此後她便知道「做女仔」這個想法是「錯」的。

「性格、身形問題，中學成日畀人欺凌」，為努力符合社會對男性的既定形象，她努力健身令自己變得健碩，漸漸外表愈來愈陽剛，身邊目光終不再異樣。她以為自己終可以男性形象生活下去，無奈心中的小女孩總在夜深人靜時襲來，「返到房匿埋嘅時候，想做女仔嘅念頭就會出嚟，我刻意睡覺唔諗令自己好過啲。」

「我係屢次壓制自己嘅性別焦慮，但工作後係愈來愈強烈」，偷偷穿家人的女裝已未能緩解其焦慮，她開始花錢置裝，易服視人，「但每一次除落嚟都覺得好可惜，太短時間，好想再着一次。」踏入三十歲，她開始認真思考自己的性別問題，「我唔想到我老，有家庭仔女後先決定，到時好多解釋，係更難。」一直渴望以女性形象工作和生活的她，決定為自己完夢，在醫院接受荷爾蒙療程，並排期進行性別重置手術。

不過，她亦想不到職場會成為其完夢的阻力。同事親睹她由「男」變「女」，開始以異樣目光看待她，「佢哋直情係唔同你講嘢，有啲人係話接受唔到。」即使Alice公司聲稱有性小眾友善政策，不過缺乏教育，政策如同虛設，「佢以為我係男先想請，點知變咗女人。」變性後，她的工作能力無改變，但工作評級卻一落千丈。

在公司遭受不平等對待之外，連使用公司洗手間都成她每日一大難題。「醫生紙寫明我需要以另一個性別生活，係要用女廁，但佢（人事部）唔畀」，Alice當時處變性的過渡期，未能更換身份證上的性別，其公司則因此堅持她應使用男洗手間，「佢話我入女廁會令女同事不安同焦慮，警告我再入去可能會有後果。」

「我自己都過唔到心理關口去男廁，惟有去殘廁啦。」面對職場上的冷嘲熱諷，Alice亦感心灰意冷，曾生辭職的念頭，「但我覺得好唔抵，好似被人迫走咁，而且我上司只係社會嘅縮影，係成個社會都好歧視呢件事。」她亦試過提議公司調她做不用對外溝通的職位，望減少對公司形象的傷害，「其實我好傻，咁樣係令人更歧視。」

性小眾的平權路從不易走，社會對他們仍然充滿歧視和誤解。Alice現時積極參與跨性別人士活動，希望大眾對他們認識更多，打破一般上司對性小眾就是「搞搞震」、不工作的誤解，「企出嚟就係想喚醒香港大眾、特別係老闆同埋人事部同事，畀多啲關心，唔好先用有色眼鏡看待我哋，其實我哋同一般人無分別。」

為消取大眾對跨性別人士的偏見，一直致力為性小眾人士服務的「世界公民協會中國香港」在11月21日至30日，在九龍佑寧堂舉行「跨卓藝術展」，展覽將展出分別11位跨性別模特兒的個性照片，讓大眾能夠看見他們最真實的一面，展覽更備有巡迴播放室播放相關議題影片，公眾歡迎在每天下午3時至9時半前往參與。另外，會方更安排了5場免費特備節目，如真人圖書館等讓跨性別人士分享其生命故事，由於座位有限，有興趣的朋友請預先登記報名。

活動詳情:
https://www.facebook.com/112262582767260/posts/637577350235778/　

如欲參加特備節目，請填妥以下報名表格：
http://www.123formbuilder.com/form-5536945/form

最近林太講多嗰句係「n班未開學就要諗定k1讀乜嘢，唔係呱？」 冇錯，升學嘅煩惱真係日日新鮮，又到選校期！ 其實林小姐愛玩有冇時停嘅個性， 佢或者適合一啲風格自由嘅幼稚園，尤其是需要空間多自由探索，但面對升小學嘅壓力又唔可以忽略academic，好難諗啊!

今日同一眾 #全職bb聯盟 媽媽sss 就去咗參觀 位於將軍澳嘅 Grace Garden， 調景嶺站一出過對面馬路就係啦，交通都算方便，入到學校發現雖然唔係十分之大，但所有佈置都充滿巧思！ 最大嘅位置係禮堂，旁邊位置有一個小小嘅舞台，今日就放置咗畫畫工具，禮堂仲有個小小嘅帳幕係家家酒bb區， 仲有牆壁上蒙特梭利遊戲、 小小圖書閣、 小小攀爬設施等，每一個角落都係小朋友探索嘅空間!

媽媽梗係快快手去參觀課室， 呢度嘅課室同其他 幼稚園嘅課室好唔同， 冇一排排小朋友桌椅， 反而有遊戲地墊，遊樂設施，仲要每間課室都各有不同，就好似去咗playroom一樣!

【上堂啦！】
1/ 呢度嘅上課模式主張探索空間， 頭十分鐘係 #孩子探索環節 ， 小朋友響不同的「遊戲站」，以激發興趣和學習， 唔好以為佢哋自己玩老師就冇嘢做， 佢哋一直都從旁觀察同埋協助，等小朋友玩得更放心盡情！ （媽媽備註: 後來上堂嘅時候，老師仲同林小姐回顧佢做咗啲乜嘢，真係好細心！）

2/ 然後10至15分鐘就係 #小組活動 ， 包括林小姐最鍾意嘅唱遊活動， 一齊唱唱歌跳跳舞， 跟住老師做動作，老師話可以培養孩子注意力，聽覺記憶和遵循簡單指示的能力！

3/ 然後25分鐘就係瘋狂 #MessyPlay！ 其實真係比較少見幼稚園有messyplay玩，well u know，真係可以好messy! 不過 呢個遊戲 真係可以幫助小朋友發展感官 同認識世界，林小姐由細細個開始就好鍾意咁樣玩！

4/ 上堂休息當然需要 #茶點時間 ！其實除了作為心理同身體休息時期，仲可培養群體生活及自理能力等等。

5/ 點心時間之後， 就有10分鐘寶箱探索箱， 老師係每一個箱裏面都準備唔同嘅玩具，要小朋友自己 #選擇 一件玩具，唔係亂咁拎出嚟玩㗎， 然後玩完就要學習 #tidyup ! 小朋友從中學習選擇同取捨， 同時要學習 分享同交換等等， 同平時老師派玩具或者放哂的玩具喺度任玩，真係有啲唔同！

｛林太總言｝
其實每間幼稚園嘅課程都各有特色，點樣去選擇合適嘅課程問小朋友絕對唔容易，家長每一次參觀嘅時候真係要細心留意每一個細節，比如今日參觀一間幼稚園，好似淨係不停玩，但其實很細節上真係做得唔錯， 例如老師都會好細心留意小朋友嘅一舉一動，不吝嗇去讚賞小朋友，令小朋友信心大增，而且遊戲嘅設計雖然好似好free flow， 但其實大部分都經過細心設計， 希望佢哋可以從遊戲中學習，呢個好重要!

?Grace Garden 教學模式
Grace Garden 用嘅係The Early Years Foundation Stage (EYFS)早期基礎階段 #每個孩子都是獨特的 #孩子們通過積極的關係學會堅強和獨立 #啟用環境可以促進兒童的正確學習和發展 #兒童以不同的方式和不同的速度學習

Grace Garden International Kindergarten & Nursery
https://www.gracegarden.edu.hk/
免費試堂查詢
Tiu Keng Leng Campus: 3547-1338
Lei King Wan Campus: 2702-9778
Email: enquiry@gracegarden.edu.hk

#GraceGardenInternational #幼兒園 #教育 #早期基礎階段 #遊戲的學習 #兒童學習 #International #kindergarten #nursery #EYFS #playgroup #freetrialclasses #preschool #bilingual #language #fun #play #HK #hongkong #littlepopstarchannel #POPSTAR #星光博客 #PopStarGlobal #popstarevent2019

中三揀科好似啲人結婚咁，錯！係慘過結婚，因為人地結婚一兩年發現性格不合都仲可以離婚，你發現你揀咗嗰科性格不合呀？除非你有兩三個X喺手，否則學校隨時唔比你drop，見到人地讀到舐舐脷，你想轉又無得轉，然後焗住讀焗住考焗住個成績跟你成世，諗起都覺得慘。因為你覺得咁慘，因為你覺得咁無奈，因為你覺得你自己掌握唔到自己既命運，於是同佢地一樣，啲人結婚之前就要搵風水佬去夾夾個時辰八字，而你就希望老師點條生路你行，話你知你適唔適合讀佢嗰科。

可惜既係，風水佬其實都算唔到自己要喺天橋底擺檔，你老師當年一樣算唔到自己適唔適合讀自己教緊嗰科，問來問去最後都無人話到俾你知你未來讀咩科會讀得好，就算我真係神算算得到你會讀得好，你都可能諗其實讀其他科會唔會更好。同學們，其實未來既嘢無人講得埋，潛質就係睇唔見先叫做潛質，所以今日想講既，唔係咩人會讀得好，而係咩人會讀得唔好，睇下你中唔中喇！

第一，你唔夠理性。咩係理性呢？理性既相反唔係感性，你睇多啦A夢都會喊嗰啲都可以係一個好理性既人，其實理性既意思，係你做決定既時候會考慮既係啲咩？一個理性既人，當佢做決定既時候，佢會盡可能諗下自己做決定既理由合唔合理。正常人大多數時候做決定都唔理性既，你落床邊隻腳會著拖鞋先？你點知而家喺你屋企嗰個女人一定係你呀媽？點解你覺得大隻佬多數係gay既？其實我地好多時候唔會諗自己既決定既理由，通通都係由習慣、印象、直覺等等黎做決定，因為咁樣最快，最有效率，亦都通常係好準確既。日常生活OK既，但係放落Physics入面呢，好一部分既同學之所以Physics讀得唔好，都係衰太習慣用直覺黎做決定，見到加速度有「速度」呢兩個字，就會覺得混亂，日常生活有摩擦力，所以一定要俾力啲嘢先會keep住郁，呢個印象入咗腦，以後一做到Newton’s first law就錯晒。理性既人鍾意思考，而思考好費時好費力好費精神，好多時俾人感覺係「咁樣咪得囉，點解你要諗咁多？」但係呢種願意思考既態度，正正係讀好Physics既一大重要元素。(DSE出卷最鍾意陰啲人用直覺做決定，目的其實係想將啲因為睇得多而習慣咗啲題型既人篩走，盡量想令到啲真係對Physics有理解既人高分。)

第二，你想像唔到。乜嘢係想像呀？就係你只係知道好片面好片面既資訊，然後你就要去構想一個好具體既內容，呢個過程其實要運用你腦入面既大量記憶體，情況有啲似你睇小說，小說只係寫啲文字出黎，啲資訊好片面，當你見到呢啲文字，你就要用想像力，去建造一個具體既情境，你要完整咁感受呢個想像出黎既世界，你就要記住入面每一個你想像出黎既物件既顏色、質感，每一個動作既聲音、節奏，呢啲既內容可能同你生活完全脫勾，意味住你仲要抑壓住你覺得唔習慣既衝動，所以你個腦喺想像既時間其實係不斷run緊。讀Physics其實同睇小說好相似，小說會逐字逐句話你知而家個場境係點，每一個人物做緊呢乜，而Physics一樣，喺Wave同optics入面尤其喺，Wave入面會話你知一個空間入面唔同既粒子既動作，從而要你想像返個大環境係點，Optics鍾意畫一兩條光線就表達晒所有其他光線，因為做唔到動畫，所以過程中好靠想像力，你個腦唔可以同時呈現出呢啲想像，你就會有諗諗下又唔知做緊乜既情況。(其實為左淺化Physics ，而家DSE出卷已經盡量俾多啲圖你，等你少啲出現想像唔到既情況，但係咁亦都反向證明咗，好多人係因為想像唔到而攞唔到分。)

第三，你數學出事。其實數學能力係Physics能力一個好重要好重要好重要既指示劑indicator，一來係Physics要計數，二來係Physics同數學所需要既能力需要有唔同，但亦有好大部分重疊。前者就大家都明，真係數學好屎既人，就會出現計計下計錯數既情況(DSE為左呢班人，已經盡量減少計數、或者係減少啲要計得複雜既數)，後者反而係重要啲，雖然有好多數學既內容其實係應用唔到喺DSE Physics上面(上到大學情況就唔一樣)，但係由於數學好既人，通常就係邏輯能力強，心思細密僅慎，語文能力普通而覺得數學入面搵到成功感既人，呢樣同Physics人既特性係十分之相似，所以數理數理呢兩科，成日俾人當係孖公仔咁樣唔係無原因。(不過真係會有數學好Physics差或者Physics好數學差既人存在，而且個人觀察，通常啲人都係數學好Physics差，咁可能係同第一點有關，Physics比起數學無咁好操。)

不過最後，以上都係講幾個有機會出事既位，但係未講到最多人出事既位，最多人其實讀Physics讀得唔好，係因為一個字，懶！老實講，有好多嘢係可以靠努力、靠啱既方法做到返黎，所謂努力，唔只係講你而家放幾多時間，仲講緊你由幾時開始努力，我自己成個小學英文嗰科都得過且過，大個英文唔好都唔好意思話自己無語言天份，因為我望住英文辣辣聲嗰堆，你知唔知人地細個花幾多時間同心機放喺語文度？你錯過咗學習能力最高既童年，上到中學你就會覺得自己比人地無天份，但你唔知道既係，呢啲所謂既天份，係有得靠努力、靠啱既方法追得到。要講「我失敗係因為我無天份無潛質」既門檻其實係好高好高，因為當你講得出呢句既時候，代表住既係你已經盡晒可以盡既力，試過無數既方法都唔得，咁你先可以咁講，而事實上，幾乎呢個世界無人可以咁講，所以我地可以做既，係當你想做得好既時候，用啱既方法，用努力去做好佢，「我究竟有無潛質呀？」其實諗黎都多餘。