今年嘅復活節真係勁開心。
野餐上癮嘅我，當然又係去野餐啦！
（sorry 我知你地睇到悶喇🤣 但我又好想繼續同大家分享🤣🤣）
我地嘅野餐規模越嚟越大，
感謝各位媽媽個個都咁有心，分工合作，令今個復活節非常難忘🥰
內容豐富：自助早午晚餐、#EggHunt 、#復活節工作坊、創意復活蛋彩繪、復活兔禮物籃工作坊、小型氣球車比賽、人力車試玩等...
費用只需：無限心思💕
自助早午晚餐任你吃到飽，個個掛住準備，冇時間食飯，嚟到先開始第一餐🤣
美酒佳餚、精美咸甜小點。
小朋友飲品、大人有玫瑰汽酒、荔枝酒、無酒精汽酒（水）、無糖茶、珍奶🧋....等
甜品有：
四季scone、芝士蛋糕、macaron、小泡芙、
北海道紅豆綠茶千層蛋糕🍰、曲奇、蘋果批、
迷你pancake ...等
牛油果他他、煙肉荔枝串、烤雞串、黑松露雞鎚、胡麻雞鎚、日式蔬菜餅、炸芝士雞球、蒜蓉包、Parma Ham 、芝士...等！
水果有：冰震鳳梨🍍、烤鳳梨🍍、士多啤梨🍓...等
仲有大量薯片、糖果、零食。
🛍復活節小小復活兔禮物籃工作坊✂️
小朋友可以穿針引線、自己整小手提籃。
從中訓練手眼協調、提昇專注力、發揮創造力！
🥚小型Egg Hunt 🔎
我地要等到冇乜人先可以開始玩，難道最高係要阻止小朋友跟住我地收埋啲復活蛋🥚。😂
雖然收得好明顯，但個個都好投入好開心。
下年要買多啲先得🤣🤣
飛天氣球🎈/氣球賽車🏎️ 比賽！
個個小朋友都超鐘意玩！
（爸爸最自豪嘅玩具之一，每次都要讚佢買得好🤣）
🛒最後仲有坐「人力車」環節！💪🏻
辛苦媽媽又拉又推又抱上抱落🤣🤣 咁咪瘦到囉！ 👍🏻
豐富到由天光玩到天黑🤣🤣 實在太令人興奮。
個個都唔捨得走，有得食有得玩仲有禮物拎走。
見個個小朋友都咁開心，不枉我地準備咁多野！
是日活動完滿結束🥰
感謝各位出心出力，準備咁豐富嘅美食飲品。
多謝大家🙏🏻 你地太有誠意喇！😂😂🤣
快啲再約呀！😂
今次又係啟德跑道公園，位於啟德遊輪碼頭。
假期確實超級多人，不過4-5點開始有人走，我地堅持到最後，終於有個大草地俾小朋友狂奔！
💕提提大家，假期最好不要自駕❌🚗
朋友仔等車位等左個半鐘左右...
嚟到趕得切睇日落🤣 慘慘豬，辛苦晒！
今日完成左一個壯舉，我地嘅野餐團越嚟越專業喇！🤣🤣
#復活節快樂 #復活節假期 #復活節好去處
#野餐野餐又野餐
#野餐好去處
#野餐是會上癮的
#親子好去處
野餐野餐又野餐 在 野餐必備道具如何來一場完美野餐#野餐- YouTube 的推薦與評價
i+Deal 一日 野餐 日我們又來不務正業了！這次要教大家怎麼當薪水小偷(不是啦)這次要跟大家分享一日 野餐 的必備商品！只要掌握這幾個小訣竅你就可以有 ... ... <看更多>