關於 一次過試晒咁多口味 ，我們在網路上蒐集到這些相關的討論、資訊與評價

【$2000 買到啲咩好物？幫你Plan 好計住Budget😏｜8月私心推介🎙 】
等小編幫你精打細算🧮，計住Budget推介幾個私心精選抵買系列😎，攞盡 #Daydaycook送你額外獎賞 ，用Alipay俾錢落單買夠$500 / $1500 即送你好禮 🎁！仲有10%購物金回贈💰！

🧹屋企乾淨啲系列｜非常時期更加唔可以鬆懈🛡
1️⃣ Deerma德爾瑪 五合一蒸氣殺菌清潔機
https://bit.ly/3AtOvGU
#任個地方材質都輕鬆殺菌 👕
✅蒸氣物理去油污、水漬及殺滅細菌
❌無需化學清潔劑，無懼化學殘留

2️⃣ Morphy Richards 衣物烘乾殺菌護理機
https://bit.ly/2VGVq0n
#出完街嘅衫即刻消毒無難度 👕
🙆‍♀️一鍵全面消毒，殺菌率達到99.99%，兼烘乾及除蟎祛味！

瘦身必備系列｜夏天為大地帶嚟🦵
1️⃣日本JUJY 爆脂瘦身儀
https://bit.ly/3yFcEcS
#夏天飲甜野太多係時後爆吓脂啦🥵

2️⃣ ZEAMI真米 智能全自動脫糖家用電飯煲 3L
https://bit.ly/3xD5wwo
#減肥都無懼飯癮

3️⃣BRITA - Active 運動濾水瓶
https://bit.ly/3yJRRF8
#做運動必備 #水樽都可以有濾水功能

4️⃣Hiterter 便攜式電動榨汁機 旅行榨汁杯 [3 色]
HK$118.00
https://bit.ly/37DZVez
#可以跟住你周圍走嘅榨汁機

5️⃣Magic Spoon Grain Free Cereal 試食裝 Blueberry + Cocoa) HK$250.00
https://bit.ly/3CNuZXy
#不一般嘅早餐脆 #生酮早餐 #無麩質 #無穀物

🥳Let’s party 系列｜Party 更係要食得出色😎🎉
1️⃣【牛匠．岩手牛】和牛燒肉綜合套餐(入門版) 3-4人份 🔥
https://bit.ly/3sbSy7P
#有晒日本和牛Q嘜認證 #仲有豪華A5靚牛版

2️⃣DayDayCook 盆菜 1-2人份
https://bit.ly/3xEfnSt
#盆菜唔係新年專利嚟 🤣

3️⃣【金博家】麵食試食套裝 (六款各一)
https://bit.ly/37BcFTo
#一次過試晒咁多口味 #亞洲第二台灣第一 #五辛素麵食

4️⃣日日煮尊尚松露醬油月餅禮盒 （四件入+台灣皇家松露薄鹽醬油）
https://bit.ly/3sc1KJ8
#中秋拉近你我心的距離 #手工製傳統月餅

5️⃣名水豚燒肉綜合套餐 3-4人份
https://bit.ly/3m1jTZm
#嚟自日本靚豚肉 #唔洗排隊等位

獨樂不如眾樂，同朋友夾埋買多啲嘢，仲攞埋額外獎賞優惠賺到盡🥳！
---------------------------------------------------------
📲查詢更多可Inbox / WhatsApp: 59337771
立即查詢：https://api.whatsapp.com/send?phone=85259337771
#daydaycook #ddc #daydaycook #Daydaycook送你額外獎賞

疫情嚴重，大家都應該多啲留喺屋企，可能都一段時間無去酒吧、有無掛住啲起晒泡嘅啤酒呢？今個冬至、聖誕同新年，同埋同住嘅屋企人一樣可以開Party，搞搞新意思，今日就同你睇吓！

首先介紹下呢部 Green House 家用啤酒機，睇個樣就好Pro喇，成部機都只係重 2.6 磅， 對比起其他啤酒機算係輕！拆開頂蓋，放入兩粒 2A 電之後，就可以開機，唔洗插電，超方便！等我放罐啤酒入去，加埋保冷套，之後冚返蓋就搞掂！整杯試下先！呢部機透過 40hz 嘅頻率以超聲波打出泡沫，用泡沫阻隔啤酒同空氣接觸，令啤酒減少氧化，冇咁易產生苦味同酸味，用家仲可以調節泡沫和啤酒嘅比例，調教出一杯識合自己口味嘅啤酒，隨時隨地感受新鮮啤酒風味！

跟住介紹呢部進階版 Cocktail 啤酒機就仲好玩！原理同頭先部機大致一樣，不過就可以同時放入兩罐唔同嘅啤酒或者飲品同果汁，唔只平時嘅細罐，大罐或者支裝都放得入㗎！呢部 Green House Cocktail 啤酒機一樣只需要用兩粒2A電，只要喺機面「拍」個掣，就可以揀翻想部機出溝好嘅cocktail，定係其中一邊嘅飲品，用家一樣可以調節泡沫和啤酒嘅比例！等我 Mix 杯 Cocktail 嘆下先！ Cheers!

返到公司或者出去郊遊，都想飲番杯？ 呢款便攜式啤酒機就啱晒！呢部機可以安裝喺唔同 size 嘅罐裝啤酒，通過每秒 4 萬次超聲波震動，造出 7：3 嘅黃金泡沫比例。 只重115g ，而且只需要 2 粒 3A 電就可以運作，隨時隨地放喺背囊拎出嚟用都得啦！

日本 Green House 家用啤酒機賣緊 HK$988，Cocktail 調酒機都只係賣HK$1188。另外日本Green House無線Handy便攜啤酒機就賣HK$438。喺Unity Tech網站同埋全線 Techlife by Fortress就可以買到！

月餅做法 材料 、 月餅食譜 | 就快到中秋節啦, 除咗同屋企人去賞月外，不如搞搞新意思，試下自已整中秋傳統月餅，令今個中秋更加有意義同難忘啦 ! 今日教大家整傳統月餅 , 方法簡單，自己係屋企都整到㗎！親子廚房、親子活動 白蓮蓉 奶皇 在家造月餅 homemade mooncake recipe 广式月饼

首先睇睇所需要嘅材料！

餅皮
中筋麺粉 120克
菜油 兩湯匙
鹼水 2克
轉化糖漿 85克

餡料
按口味 可選購
鹹蛋黃、低糖白蓮蓉、奶皇
玫瑰露酒 適量

掃面
蛋黃 1隻
水 少許

50克月餅模 1個

一站式買齊所需材料 - 東源號：http://www.tungyuenho.com.hk/

餡料方面，今日我就揀咗低糖白蓮蓉同埋金沙奶皇蓉兩款現成嘅餡料。超市未必有齊以上咁多種材料，尤其係月餅模同現成餡料，我就揀咗去連續6年榮獲Famous Brands Hong Kong 香港著名品牌嘅東源號買，一站式有齊所有用料，睇下！口味多到數唔晒！唔想舟車勞頓，仲可以上佢哋網站一次過訂曬所有材料，應有盡有，方便快捷 ！

齊料就開工整月餅喇！首先我地要搓月餅皮，將油同鹼水加到轉化糖漿入面，搞拌混合，再加入麺粉，呢個時候記住唔好再用打蛋器，因為麵粉糰會卡喺打蛋器中間，好難攪拌㗎！粉團搓至無一粒粒就可以啦！然後將粉團包住保鮮紙放於室溫大約3個鐘備用。如果係夜晚整，亦都可以放落雪櫃一晚。

今日其中一款會造嘅月餅係蛋黃白蓮蓉，我哋可以先處理鹹蛋黃。將適量嘅玫瑰露酒倒落鹹蛋黃上，跟住喺焗盤上排好，放入已預熱到150度嘅焗爐焗7分鐘就可以拎出嚟，攤凍待用。

新手造月餅，我會見議餅皮同餡比例大約係18克比32克。首先示範下簡單嘅金沙奶皇餡先！由於唔使放蛋黃，只需要量32克嘅金沙奶皇搓圓就可以喇！

跟住到處理有蛋黃嘅餡喇！先量一量鹹蛋黃嘅重量，之後用低糖白蓮蓉補齊到32克，跟住將蓮蓉壓成薄皮，放入鹹蛋黃，慢慢包好，唔夠蓮蓉嘅部份可以用陰力慢慢向上推，之後搓成圓型，待用。

跟住到抖涼咗嘅餅皮喇！量18克嘅餅皮、上下用兩張保鮮紙鋪平，跟住用棍碌成厚薄均勻嘅餅皮。跟住就可以將頭先整好嘅餡料放喺餅皮中間，慢慢包好再收口，唔好心急！之後再搓圓就可以喇！

跟住我哋再篩啲中筋麺粉，將搓好嘅月餅粉團碌一碌中筋麵粉，再放入月餅模入面，一隻手撳實個模，另一隻手大力壓10下左右，再脫模就可以喇！

將月餅排喺焗盤上邊，用噴壺離遠噴幾下，等餅皮唔使太乾。之後放入已預熱到攝氏160度嘅焗爐焗10分鐘。

焗緊嘅時候就可以準備蛋漿。將少少水加入蛋黃入面再攬勻就可以。月餅焗咗10分鐘後，可以拎出嚟，趁熱用掃輕輕咁將蛋漿搽到月餅面嘅花紋位，搽好一次後可以上多一浸，之後放落已預熱到170度嘅焗爐焗多9分鐘。搞掂！簡單又好食嘅傳統月餅出爐喇！

啱啱出爐嘅月餅表面會比較乾，不過放兩三日之後，月餅就會「回油」，睇吓！賣相唔錯㗎！快啲試下啦！祝大家中秋節快樂！

岑老先生以五仁伴上半生，姪子承其念默默耕耘。 若稱苦瓜為半生瓜，那五仁月餅就是半生月餅了。年少不懂，嗤之以鼻，閱歷加深，才識甘香。當冰皮、奶黃、榴槤月當道。

位於皇后大道西的老餅家，仍舊只做傳統月餅，其中五仁果子月，更是台柱，用足欖仁、杏仁、核桃、瓜子、芝麻， 堅持人手製作，吃起來，口感複雜，有軟有硬，味道細膩，連甘帶甜，直如半世人生， 順逆相纏，甜苦交錯，形成百般滋味，點滴在心頭。 西環，屬舊社區。所謂的舊，不限於建築外觀，更指內涵。不少傳統老店，動輒半世紀歷史，老味盎然。 皇后大道西這家老舊中式餅店，每逢立秋過後，總見水洩不通。 「一個豆沙燒餅唔該！」「兩件桂花（糕）兩件芝麻（糕）。」「五仁月點賣？」

餅店名叫卓越，每年臨近中秋，都在忙個不停做月餅。門外餅櫃，除了各式唐餅、南瓜燒餅、缽仔糕、豆沙酥餅外， 早已騰出一半空間放售月餅，五仁、金腿、豆沙、豆蓉、蓮蓉蛋黃，盡是傳統款式，每款數量不多，都是即做即賣，確保新鮮熱辣。月餅都在舖後工場做，兩旁各有一張工作枱，工具和材料放得井然有序，乾淨企理。工作枱前，只見一個人，穿汗衣、低着頭、全神貫注地工作， 將一個又一個的圓粉糰壓進模中，用力敲打，啪一聲，敲出一個餅印清晰分明的月餅來。

他是老闆岑俊傑，卓越由他叔叔岑兆卓於四十多年前創立，最初在土瓜灣，後來搬至西環，兩叔姪拍住上製餅，六七年前，年約七旬的岑兆卓打算退下火線，由於兩名女兒無意接手，餅店續交阿傑打理。

入行前，阿傑只是普通打工仔，在地盤做測量工作。直至2003年沙士來襲，面臨失業，徬徨之際，叔叔跟他說餅店師傅想辭職不幹，叫他回去幫手，「咁我又無工開，咪試吓囉。」就這樣，放下測量尺，拿起麵粉棒，由低做起，成了餅店學徒。

十幾年過去，學徒變成老闆，身份變了，責任大了。雖然阿叔最初經常落店助陣，但阿傑直言壓力好大，不信自己有能力傳承，又怕不能達到阿叔要求。可是每當想到，如果不接手，餅店就結束，便捨不得，硬着頭皮撐下去。繼承了餅店，也繼承了傳統，每年堅持手做月餅，未曾間斷，因為單靠機器做不到最佳口感，惟有人手才能達到要求。月餅一盤接一盤出爐，要數最受歡迎的，定是招牌五仁月。

五仁月製作工序繁複耗時，加上口味複雜不及蓮蓉討好，這年代沒太多人懂欣賞，市面也較少有。但阿傑自知小店，做蓮蓉月不夠大品牌鬥，倒不如專心做自己最耍家的五仁月，期望殺出一條血路。

$500斤欖仁做餅

他也真的跟足傳統做，五仁包括欖仁、杏仁、核桃、瓜子及芝麻，只挑最高質素。欖仁最貴，只買西山出產，質量最好，今年約$500一斤，每手月餅就得用上四五斤。百物騰貴，不少餅家或會選擇降低用料質素和份量以節省成本，阿傑卻不這樣做，因他深信客人食得出，亦過不了自己那關，只好實牙實齒幹下去。果仁要先放到焗爐烘香，核桃焗完更要以人手把外衣捽走，以免苦澀味影響成品。只是市場有去衣核桃供應，何不使用呢？「去咗衣嗰啲食落去就無咁重嘅核桃味，所以到最後都係唔用，自己辛苦啲啦，嘥啲時間啦！」

除了果仁，金華火腿更是麻煩，斬件後去走肥肉，蒸約一小時至軟身。待腿肉稍涼，再把肉塊拆絲，放機器中打成肉鬆才能使用，如此工序，又花大半小時。「始終金華火腿有個硬度，畀啲老人家食，食落去好似食咗支牙籤咁，打成肉鬆食落鬆軟啲。」他續解釋。還有冰肉，即肥豬肉，份量少卻效果大，加了便如畫龍點睛。「加咗令個餅潤啲、好食啲。」但處理冰肉，又是工夫，切粒加入酒和糖醃過夜，才可辟走臊味。他又下桔餅，要先搣成小顆粒才可用；檸檬葉又要切成碎，樣樣都是工夫竇。

材料備好，好戲才來，要把大盤散收收的材料黏合，得落糕粉，即熟糯米粉。而開糕粉必需用水，此舉最考師傅功夫。糕粉非常吸水，粉落太少，餡硬如磚；粉落太多，又不成形。阿傑笑指老師傅最怕這個工序，「做到叫救命㗎！」阿傑邊說邊從工作枱拿起一盤糕粉，慢慢撒在材料上，再加水，加點麻油、糖、玫瑰露，着手搓捏。只見他一聲不吭，專注的搓呀搓，力度時重時輕，從容自若，手法純熟，就如當年阿叔一樣有氣勢有功架。不消一會，餡料搓成小球，棒球般大小，非常足秤。餡料做好，開始做皮，糖漿加麵粉搓勻即成。糖漿也是自家製，用砂糖慢火煮稠，得花三四小時，要有耐性睇火，否則煮過頭變硬，不能搓捏。煮好的糖漿攤涼至少一整日，絕不可以沾到水，不然會「返砂」，即糖又凝結回砂粒狀。

堅持人手打月餅

月餅皮搓好再分成小球，包好餡料就可以入模。一按一壓，用力在枱邊敲兩敲，月餅就輕易的敲出來了。過程看似輕鬆，但其實壓模時力度要得宜，用死力會塞實餅模，不易敲出。敲打也如是，太用力會打鬆月餅結構，太細力又敲不出來，好考技術。月餅旺季，日打數百個，阿傑笑指年年打到手肘痛。一個一個倒模的月餅，放上鐵盤，餅與餅之間留合宜空間，月餅才能平均受熱，入爐前再髹上兩層蛋液，以添焦色。烘餅仍用舊式電焗爐，三層分為三段火力，焗月餅還得搬爐，先用大火焗出皮色，再搬到中火層慢烤。有別於現代化的焗爐，校好時間就會熄火，阿傑需要不時觀察爐內月餅的變化，一切全憑經驗。

約四十分鐘後，月餅終於出爐，餅香四溢，令人垂涎。卓越的月餅，色澤均勻，表皮偏褐色，側皮呈金黃。顏色明顯比起電視廣告上見到的深兩度，以致不少客人認為是焗燶了。原來這顏色為最好，太淺色的其實未焗透。「一個月餅好唔好食，最基本要求，睇個餅夠唔夠熟。」要判斷熟透與否，要看側皮是否帶青，淺黃色都不合格。餅焗不透，除了影響口感，裏頭仍有水分，自然就容易發霉。就連食月餅都有學問，建議最好「涼一晚冷氣」，讓內餡回油，口感更潤。

五仁月怎樣為之好食，未必人人都有相同答案。坊間的五仁月，總是硬邦邦，味道偏鹹，又或是果仁太少，口感層次不夠。但切開卓越的五仁月餅，只見餅皮透薄，餡料分佈平均。吃來潤而不膩，夾雜香脆果仁，軟硬適中。細嚼慢嚥，滲出橘子般的清甜，又有絲絲金腿鹹香，味道均衡，層次分明。有質量，自然有客人支持，難怪餅櫃的五仁月賣得特別快。真材實料，每年一到中秋，就吸引不少老街坊前來捧場。不過他們總在尋找岑兆卓的身影，求個「質素保證」。阿傑形容阿叔是店鋪「吉祥物」，只要阿叔出現，客人就認為月餅質素一定最好。

口硬心軟叔姪情

曾經有客人向阿叔投訴，指姪兒接手後，月餅味道變差了。阿叔總替姪兒護航，「佢咪話，『唓！呢幾年你食嘅餅咪又係佢（阿傑）整嘅！』」對客人評價，阿傑往往一笑置之，並不會放在心上，認為只需用心、盡力做好自己就夠。直到近兩三年，都再沒有聽到類似說話了。其實岑兆卓平日較少現身，但卻非常緊張中秋，最重視月餅出品，每年此刻都會落店幫手。惟都只是輔助，畢竟年紀已長，不能操勞。阿傑一貫幽默，指阿叔現時已成為一位好學不倦的「學生」，每日都要留意着股市狀況，通常收市才看到他。語音未落，門外有位老人站在餅櫃前，正凝視着那堆月餅——原來阿叔剛「下課」，回到店舖巡視業務。頭髮花白、身形瘦削的岑兆卓，甫進店就直奔餅房。仔細檢查工作枱上剛出爐的月餅，五分鐘過去，仍一言不發，阿傑慢慢走到他身旁，隨即揚聲挑剔，「呢件髹得唔夠蛋漿啦，睇吓啲字！」及後又着阿傑一同走到焗爐，繼續指點。工作上，即使是兩叔姪都無面畀。岑兆卓對阿傑更是嚴苛，諸多挑剔，沒半句讚賞，有時又嫌姪兒手腳慢，「佢就他他條條（做餅），以我咁嘅年紀，舊年我嚟幫佢開工，我快過佢好多！」

愛之深，責之切。阿傑心底裏其實毫不介意，「長輩啊嘛，咪留返啲空間畀佢?囉！」年少時期父親離世，阿傑早已當阿叔是「半個老竇」，對他敬而重之。 男人老狗嘛，都是口硬心軟。儘管在百般刁難，但看着阿傑做的餅，岑兆卓面上不時流露着笑容，堅定地說：「我哋呢個（五仁月）夠膽去打擂台㗎！」言談間就知道他對姪兒的出品絕對有信心。阿叔將畢生心血交託於手，阿傑當然不敢做壞招牌，「始終間舖係阿叔開，我點都有個責任維持住，真係唔想喺我手衰。」他自言稱不上大師傅，沒有阿叔十成功力，「始終我阿叔都累積咗咁多年經驗，如果你話做嗰十幾年就可以Cover咗佢，我就覺得，我有啲自大囉！青出於藍，我應該未去到呢個境界」，謙虛的他總在自嘲，「學到呢門手藝呢，就係對於一個以前讀書唔得嘅人，總算攞番啲技能喺身，唔使話將來靠乜搵食啦，呢樣真係要多謝阿叔嘅！」岑俊傑自知做唐餅不能發大財，已是夕陽行業，可自己不是搵錢至上的人，縱使前路難行，只要仍有能力，他都堅持守住招牌，保住阿叔的心血。

夕陽西下，他繼續走進餅房默默打拼，把僅有的傳統味道，傳承下去。

撰文：張芷澄
攝影：謝致中

卓越食品餅店
地址：西環皇后大道西183號地下
電話：2540 0858
詳情： https://bit.ly/2lD1lkP


足本訪問：https://bit.ly/2QLEAYo
===================================


? 8折全年睇《蘋果》即慳$121！
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube： http://bit.ly/2Md5V2k
Facebook： http://bit.ly/2MJejcp
Instagram： http://bit.ly/2EA3qpR

相關影片:
【生命鬥士】值得鄭秀文都讚 前女歌手車禍癱足27年 靠聲控製花椒辣椒油：即使手腳不能動 腦袋仍可很靈活(飲食男女) (https://youtu.be/gREGjaLELTg)
【大廚出軌實錄】居酒屋大廚挑機做小炒 堅持飲住酒開工 蟶子炒到又燶又韌 自家製辣霸鮑魚好惹味 (飲食男女) (https://youtu.be/hdKT95_zh3E)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女) (https://youtu.be/svAF8pKszw0)
【問問日本人】點樣分辨中國人VS香港人中國旅客經常大聲說話？ （果籽）(https://youtu.be/MaMNuX7464I)
【白化病】全身白色途人見到即彈開 白化三兄弟：變相唔使排隊都幾好 (果籽) (https://youtu.be/eZfM1wgm84w)
【的士急色男女】 男女車廂纏綿全城睇晒 業界轟放片者累死同行 20200712 (壹週刊) https://youtu.be/qCtU5Lc07Sg


#月餅老字號 #西環餅家 #飲食男女 #StayHome #WithMe #跟我一樣 #宅在家