關於 一汁一菜集團 ，我們在網路上蒐集到這些相關的討論、資訊與評價

豬豬雲南之旅「尋菇記」

牛肝菌被譽為世界四大名菌之一，成日喺西餐食到，估唔到翡翠拉麵小籠包推出全新菜單「尋菇記-牛肝菌篇」， 竟然用牛肝菌做中菜、 做小籠包？ 咁創新嘅食法，作為潮流最尖端嘅豬豬梗係要去食啦。 我、豬豬、姐姐、婆婆、 食咗個四人餐「 滋味牛肝菌套餐」，八個菜再加四碗飯，都係$688。抵到呢～

我好想大大力推介「牛肝菌小籠包」。皮薄，裏面多汁多到爆先係高潮。湯汁鮮美加上香濃嘅菇香，更能突顯肉餡嘅鮮甜。 由於成件事發生得太快喇，我好想再試多次爆汁嘅感覺，於是情不自禁又追加一籠。 實在好好味吃過不停。

如果想大大啖試吓雲南新鮮嘅牛肝菌，「牛肝菌炒雞柳」係必點。鑊氣夠，一上枱已經菇香撲鼻。等我試真啲牛肝菌，嘩～好厚身有口感～鮮嫩～ 菇身軟腍不老。加上嫩滑嘅雞柳，絕配！ 愛菌族必吃。

你睇下豬豬食得咁開心就知啦，每一道菜都好好味，就連甜品豆沙鍋餅都超水準。剛剛炸起外脆內軟，豆沙餡超細滑而且唔會過甜，豬豬食咗三塊。 牛肝菌套餐做到十月中咋，一定要再去翡翠拉麵小籠包食多幾次，錯失咗就要等多一年先食到當造嘅牛肝菌， 天啊～我第時食唔返咁點算？

翡翠餐飲集團 Crystal Jade HK
#crystaljadehk #翡翠拉麵小籠包 #翡翠 #尋菇記 #牛肝菌 #尋菇記牛肝菌篇 #知味成就滋味 #小籠包 #年度最佳小籠包

【龔成問答信箱】（Q22661-Q22680）

Q22661：

你好襲成老師，最近941中移動宣布派息，我本身早兩個月開始月供股票，但又未供足整股，

想問問我會唔會收到佢既派息之類？同麻我想收到佢派息要係幾時前買入佢股票！謝謝

龔成老師︰

只要你係「除淨日」那天之前，持有相關股票，就可以收到是次股息。

以你持有中移動(0941)，只要你在除淨日前的收市日，依然持有，就可以分到股息。

至於有多少，就視乎所當天收市，你所持有股數。未供足整整1手，係無影響，都會有得收股息。因為派息係持「股」數，而非持「手」數計。

每股會有HKD1.63股息，假設你持有10股，就會收到HKD16.3。但由於銀行或證券行，可能會收取苦干費用，故實際到你戶口的金額，有機會比HKD16.3少。

而「除淨日」那天，股價就會扣除派息部份，例如原來股價$10，派息$1。但這天你依然未會收到股息。

------------------------------------------------

Q22662：

我係進階班學生，有事想請教，大行報告「维持“买入”和目标价 34 港币，潜在上行空间为24%

我们维持 2021/2022 年非 GAAP 口径 EPS 预测人民币 0.75/0.95 元。我们 维持“买入”评级和并使用 SOTP 方法得到目标价 34.0 港币，

对应 38.9 倍 2021 年 PE，潜在上行空间为 27%(2021 年 8 月 12 日收盘价)。

我们预计 2021E/2022E/2023E 年 EPS 分别为 RMB0.75/0.95/1.09，维持“买入”评级和目标价 34.0 港币。」

呢3個資料點樣得出目標價34蚊啊？

龔成老師︰

其實大行唔係單憑這3個資料，去得出目標價HKD34。

佢地係因應小米(1810)不同分部特性，再利用相關應估值方法，去計算出各分部各自市值和每股價值。

在加總後，再給預一個折讓比重，從而計出每股目標價為HKD34。詳細係用左什麼估值法，你要睇翻份報告先知。(如果唔記得點去分析，你可以睇翻我，進階班第8堂教的內容)

而2021-23年的每股盈利，係純粹一個估算得出的主觀的數字。

記住，我地係決定用唔用而D數字時，必先要確定相關估算，是否合理。佢這3年的每股盈利預算，都偏向合理。

但每估價值去到HKD34，我就有少少保留，因為這樣的話，佢2021年市盈率去到分別38倍，唔算好平。我會保守少少，預佢市盈率約為25-30倍，即現時大約係合理區頂位，會較為穏妥。

------------------------------------------------

Q22663：

龔sir 想問下買德福花園（舊，但係有四百幾尺，實用），定係將軍澳嘅新寶城（新，唔夠400呎），投資價值較高。

龔成老師︰

從投資角度計，論位置、交通、生活配套、物業大小等。整體而言，會係德福較好。而且係大型屋苑，都係加分地方。

但將軍澳不是無可取地方，因為佢樓齡始終較新，而且將來將軍澳至藍田隧道完成，會令佢同東九商區進一步拉近，都會提升佢物業價值。

所以，好難話邊個投資價值，會係明顯高一班。

如果你係用來自住，可以考慮埋生活上因素，去再作決定。

如果係投資，現時租金回報率唔算高，其實投資優質股，反而值博率會更好。

------------------------------------------------

Q22664：

想問下3339中國龍工及3380龍光集團值得長線當收息股嗎？

龔成老師︰

中國龍工（3339）主要業務為製造及分銷輪式裝載機、壓路機、挖掘機、起重叉車及其他基建機器。佢的產品有出口至俄羅斯、中東、澳大利亞及非洲等地。

雖然近年生意不差，但以過去5年計，生意與盈利都有波動情況，這點不得不注意。而企業的賺錢能力算是中等。

以企業的質素來計只屬中等，現時不貴，股息率都算吸引，但業務波動是風險，因此投資不能大注。但長線基本上可以的。

龍光集團（3380）都有質素的。

佢係中國一家於粵港澳大灣區住宅市場的一體化物業發展商，並發展長三角核心都市圈及西南、中部城市等區域。

主要於中國從事物業開發、物業投資、建築及裝飾以及一級土地開發：物業發展分部開發、物業租賃分部、建築及裝飾等。

過往業務發展不差，生意與盈利都有增長，不過負債就少少高，略有風險。這股都有長線投資價值，現價合理區中間位。

你用來收息都可以，但行業性質令佢會較波動，如果物業發展收入減少，有機會影響到派息，故不建議太大注碼。

------------------------------------------------

Q22665：

阿Sir, 你好.我想請教下, 如何選擇收息股, 手上有10萬... 因為想安排退休之後仍然有糧出. 十分感謝

如果想每月有大約8-1.5萬收息, 要多少資金及選擇什麼股票投資? 再次感謝

龔成老師︰

你可以考慮目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。

(你可睇下我本《50穩健收息股》當中仲有好多)

現時大市在合理區，你可以先用一半資金，分注買入上述收息股。餘下一半，等大跌市才動用。

如果你希望退休時，每月有0.8-1.5萬蚊現金流，以股息率6%計，你需要本金160-300萬。

若你現在無這筆資金，你就用我之前講的平穏增長股和潛力股，去累積這筆資金，為退休作準備。

------------------------------------------------

Q22666：

感謝大師您的指點。但由於恒指最近呢次插水，經濟環境不好手持蟹貨又多，個人都是節衣縮食。如大市能比較有力反彈，

港澳經濟又回復正常流動，我都想親身向老師請教請教。那麼大師對大市後市看法如何？是見底了會反彈？還是還有下行空間？thx

龔成老師︰

中短期大市點走，我唔知。

我地投資唔應該用"估走勢"架方法去投資，正確方法應該係去理解企業長線質素和前景，再了解佢處於平定貴，之後去進行資金配置。

現時大市在合理水平﹐但部份潛力股依然係略貴。你可以因應自己現時組合情況，去作出配置。

------------------------------------------------

Q22667：

如果我用以下策略可唔可行：

平穩增長
港鐵 2手
盈富基金 3手
領展 3手
長建 2手

潛力
騰迅 1手
港交所 1 手
安碩恆生科技 4手
GX 中國電動車 1手

平穩：潛力約6:4，總本金約27萬

再月供小米，騰迅及盈富基金

另外，這些股票過往增長率加起來約有幾多？

龔成老師︰

以你28歲年紀計﹐這個組合係可以。而月供部份，建議你用指數基金做主力，因為另外2隻都係潛力股，咁樣會平衡D。

現時大市只在合理區，27萬可先用一半，分注入貨，餘下的就等大跌市。

現時平穏增長股，都在合理區，可以開始入貨。但潛力股只係合理區頂，暫時不要太大注。而當中港交所(0388)更是略貴，要回2,3成才可以開始慢慢儲貨。

你以上組合，長線計你預年增長約10-12%。但這只是估算，而且你潛力股較多，不確定性較大，最終你都要睇大市情況。

------------------------------------------------

Q22668：

龔sir，我之前買入的2137騰盛博藥，買了三手，20蚊買，今日升左超多⋯雖然升很多，但我又有少少擔心，怕它會跌很多⋯唔知仲揸唔揸好…

我見佢D信息佢嘅 研發的新冠中和抗體有很好的數據，好似好有前景咁，求你的建議

龔成老師︰

騰盛博藥（2137）屬有危有機類。

佢主要從事生物製藥業務，專注於研發傳染病療法。候選藥物產品管線例如有ＢＲＩＩ－１７９（ＶＢＩ－２６０１）及ＢＲＩＩ－８３５（ＶＩＲ－２２１８）：授權引進候選藥物（其中ＢＲＩＩ－１７９為核心產品），許可範圍為大中華區（中國內地、香港、澳門及台灣）。

用於開發ＨＢＶ（乙肝病毒）的功能性治癒，已在中國內地、香港、新西蘭、澳大利亞、泰國及韓國完成ＢＲＩＩ－１７９的１ｂ／２ａ期臨床研究，及正在中國開展ＢＲＩＩ－８３５的２期臨床研究。

這類股較難分析，因為要了解藥品將來的價值，以及市場情況。

佢一定會有好多研究，但你要明白由研發到場化，係要好幾年時間，而且當中有好多不確定因素，例如研發失敗、不能成功申請藥物上市等。

只可以話有危有機，這股不建議大注。若佢佔你組合較多，而你有已有不少獲利，可以考慮沽少少，去平衡風險。

------------------------------------------------

Q22669：

老師，請問對00267中信有何睇法？是否歸納為水桶2？是否有投資價值？

龔成老師︰

中信股份（0267）係綜合企業，有多項業務：

（１）金融業分部提供銀行、信託、資產管理、證券和保險等服務。

（２）製造業分部從事生產和銷售特殊鋼、重型機械及鋁輪轂等。

（３）資源能業源分部從事原油、煤炭和鐵礦石在內的資源及能源產品的開採、加工及貿易等業務。

（４）工程承包分部為基礎設施、房地產和工業項目等提供承包和設計服務。

（５）房地產業在中國內地主要從事綜合體和商業地產項目的開發和管理以及城市更新和發展業務。

雖然業務多，但不算做得好好，每項業務的發展力都不強，整體質素只是一般。

現時股價有合理區中下部，投資價值不是無，但這股增長力始終一般。此股算係水桶1至2的股票，主要都係收息，對股價唔好有太大期望。

------------------------------------------------

Q22670：

想問「海底撈」同「雅生活服務」？6862有貨，但唔多。麻煩晒！

如果要估值，呢兩隻應該用什麼估值方法

龔成老師︰

海底撈（6862）正本質是不差的，長遠仍會正面，不過中短期會弱。

第一，管理層有講過，之前市場對佢地公司過度樂觀，估值偏高。第二，管理層話公司面對中國的市道，其實業務不是一直都好的。

加上這股之前貴，相信中短期股價仍一般。

不過以長遠來說，這股仍有質素的，佢以「海底撈」品牌經營火鍋店及外賣業務，火鍋菜單由鍋底、醬汁蘸料以及在鍋底烹飪的食材三個主要部分組成，可點單鍋、鴛鴦或四宮格鍋底組合，餐廳提供多種調料及食材，以及供應小吃、酒和飲品。

在中國有好多分店，以及外國都有。

有規模，有品牌，整體正面。相信長遠仍有發展的。

不過，這股市場之前比佢好高估值，就算近期回落，最多只能稱為合理區頂，一定未平。你有貨可長線，但暫時只建議小注，股價始終波動。

雅生活服務（3319）不錯的，佢無論在業務本質、規模、品牌、財務數據、前景，都是理想的，反映這企業有一定的質素。

加上這企業的背景因素，以及行業的發展，相信這企業的前景不差，有長線投資的價值。

整體是有長線投資價值的。現價合理，不過股價都會有時出現波動，投資宜分注進行。

這2隻，由於都有一定增長力，我建議你用翻市盈率比較法，會較好。

但雅生活服務（3319）和其他物管股，好多上市時間都唔長，你基本上唔會找到一個有意義的行業市盈率。

因此，我地只能憑佢業務性質，去大致估算市盈率區間，你預大約15-20倍。

而海底撈（6862）都有類似情況，但佢相對增長潛力會較高，你預25-30倍左右。但計算每股盈利時，最好參考早一年，因為疫情令本年數字代表性弱左，你參考2019年會較好。

------------------------------------------------

Q22671：

老師，小米 合理價 幾多點？

金沙中國 但唔怕政治 影響

龔成老師：

小米（1810）有潛力的，佢的產品性價比高，相信在全球好多個國家都會有市場，佢長遠只會進一步增長。

同時，佢建立的平台是佢長遠的增長動力，先賣手機，再利用手機的平台延伸銷售小米家電。長遠正面的。

這股可長線，現價合理區頂位至略貴，小注分注可以，但唔好入得太急，預佢股價仍波動。回多10%更有投資值博率。
金沙（1928）長遠仍有質素的。政治因素有少少，但風險度唔算高，我相信佢好大機會取得賭牌。

佢中短期會弱，加上全球疫情反覆，都對佢有不利影響，不過，相信這只是中短期，以長遠的角度分析，企業仍是有質素的。

在正常的經營環境分析，佢持有的資產好有質素，行業本身好賺，雖然疫情略有反覆，但全球疫情最壞的情況，相信已過。佢長遠是收息及平穩增長型。

但由於仍有未知數，加上之前虧損，因此將企業估值調低左。

現水平在大約在合理區中下部分，如果本身有貨，可長線，耐心持有就得，如果無貨，現價已經可以分注，但都要留現金。投資貨要有心理準備，中短期會弱，要長線，企業有長線投資的價值。

------------------------------------------------

Q22672：

龔 Sir 早晨 麻煩幫我分析吓組合啱唔啱？

我是一位單親媽媽48歲 獨力養14歲兒子 沒有任何贍養費 公務員月入4萬 現時每月儲一萬現金 月供股票一萬 現時現金有18萬 股票如下 :

水桶一 :
788 有10000股($1.48)
1211 有500股($210)
1448 有4000股($8.11)
1810 有1288股($23.14) 月供$1000
9988 有100股($258.6)

水桶二 :
2800 有3543股($28.19)月供$2000(之前$5000)
9月起會新加如下月供 :
66 將會月供$1000(幫兒子儲)
823 將會月供$5000

水桶三 :
1310有2000股($12.76)
1398有668股($4.49)月供$1000
2638有2000股($7.83)

現在已上了8月班第一堂 希望阿Sir比D意見我 計劃52歲退休 退休金約200萬 每月領$13000長俸 麻煩晒

目標4年後有多200萬 現時住公屋

水桶一係咪太多？

龔成老師︰

你水桶1的確係偏多，佔左你組合一半以上。以你48歲年紀，水桶1大約佔組合3成好了。

但由這些股票都有質素，你唔洗沽出，只需要用未來新資金，投資一些平穏增長股和收息股，令個組合回復平衡，咁就可以了。

至於月供方面，選股和策略(一半供、一半儲蓄)係無問題。但資金分配上，我唔建議集中係領展(0823)，佢雖然有質素，但始終係單一企業，分散風險能力較弱，你用翻盈富(2800)做主力，會較為穏當。

另外，由於於尚有4年就退休，潛力股就不要再加注，時間短，會令個風險太大。另外，平穏增長股和收息股比重，大約各一半。

餘下18萬現金，你就等大跌市機會，才出手入貨。

而且，當你愈接近退休之年，收息股佔組合比重，就應更多，到退休時，應100%持有收息股。故你要在做月供同時，慢慢調整組合持股，為退休做準備。

我假設投資回報有7%（連股息再投資），你每月投資$20000 + 現有資產約70萬(持股和現金)，4年後大約會增值至190-200萬，故這樣安排相信很大機會達至你的財務目標。

再加上你退休金200萬，將這些資金投放入收息資產，以6%息率計，每月大約可以創造現金流2萬。你可以以此作參考，調整你計劃。

但當然，你唔需要太急於去動手，投資係一個長線配置，你先上完堂，有個完整概念才開始，會更好。

------------------------------------------------

Q22673：

龔Sir，你好~ 有幸在疫情初期認識你，參照你的建議購買了以下是從現有的投資組合：

175 33.45@1000
788 1.52@10000
1211 34.2@500
2388 23.75@3000
2800 24.67@4500
9988 205@200
1928 26.2@400

上述的股票我打算長綫持有，唯一擔心的是175是否應該放？還有9988是否應該增持？以我現在的投資組合，下一步買的股票應該考慮哪個行業？博彩？醫藥？

另外，也想請教你人生規劃的意見，本人今年33歲，女，月入21K，另外有200萬現金做定期，剛置業及未婚，供樓壓力都大（每月大約12k），一直都想增值自己，

但苦無方向，生活就好像比層樓困住自己，請問龔Sir您認為在沒有特別的愛好下，應該怎樣尋找自己的價值呢？

感謝您一直以來不辭勞苦為我們解答問題，感謝！

龔成老師︰

先講你投資部份，以你33歲年紀，應先努力做好財富增值。你現時持有股票，都有質素，係可以長線持有。

吉利(0175)本身的質素不差，擁有一定的銷售網絡及品牌，不錯的市場策略及定位，而又能把握中國汽車市場增長的機遇。

長遠來講，佢的品牌與發展在中國仍理想，2018年，吉利透過旗下海外企業，動用超過$500億人民幣收購戴姆勒股份公司9.69%股份。由于戴姆勒股權結構分散，所以吉利已經成為了戴姆勒集團最大單一股東。

另外，佢早前杭州灣新工廠正式發布純電動新品牌新車「極氪（ＺＥＥＫＲ）００１」，宣布吉利進軍高端電動車。

這些動作不單有利佢有中國發展，同時長遠，可能加快了海外發展速度。因此，這股長遠仍是正面的。

但現價已經係略貴，現貨可持有，但暫時不要加注。

至於阿里巴巴(9988)近期有較多不明朗因素，雖然長線企業質素，唔算有明顯轉差，但風險係高左，估值上都會有少少調整。

但由於未影響到核心因素，因此你照持有係無問題。由於你本身有貨，要再加注，最好等佢回多少少先。

而定期，本身只係定息產品，無增長力之餘，利息回報都不高。建議你用來投資優質股，效益會更好。

以下股票，都適合你。

除了200萬現金外，如果你每月都儲到錢，建議你都做下月供股票。用月用一半儲蓄做月供，另一半儲起。

大市現處於合理水平，那200萬資金，你可以先用50-80萬，以"分注"形式慢慢入貨。餘下資金和每月儲蓄，就等大跌市機會出現，才大力度掃貨，並長線投資。

係進行配置時，緊記唔好集中係個部企業或行業。個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

至於如何尋找自己的價值，這個問題其實可以好複雜，而且都無一個特定答案。

如果你而一刻未找到自己興趣，或者人生目標所在。其實唔需要急，只要你多去接觸不同的人和事、睇多D不同書籍，慢慢去開闊視野，自然就會慢慢找到人生目標。

但緊記一點，這個人生價值評分，是你比自己，唔係人地比你。你要分清楚，是你自已的人生目標，還是純粹別人的期待。

只要你好好認真面對自己，一定可以找到專屬於你自己的人生價值，加油!

------------------------------------------------

Q22674：

龔成老師你好。我一直都有閱讀你所寫的書籍。目標是希望可以盡快財務自由，一生三宅，錢滾錢。

現有資產如下：
現金90萬

煤氣(3): 9883股
領展(823): 1369股 (另每月供$4000，股息會選擇以股代息）
長江基建(1038): 500股
小米(1810): 400股
金沙(1928): 800股
盈富(2800): 3018股

阿里巴巴(9988): 100股
巴郡Class B (brk.b): 10股
Snow: 10股
SPY: 11股

灣仔住宅210呎市值$400萬(按揭餘330萬)

打工月入3萬，自己小生意月入2-3萬左右。一個月大概會用1萬2千作家用或日常開支

想短期內（大概2-3年）再購入一個大尺數的住宅，資產上應該如何部署？應否如你書中所說，呢段期間增加股票百分比以分散風險？

我是否應提高月供股票的銀碼以加快速度提高股票比例？以上資產是否可以繼續持有？謝謝老師！

龔成老師︰

若你想累積資產，去購入一個新物業，用以上股票，係適合。

但個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

在創建組合初期，組合金額較少，出現超標都係可以接受。但長線你要參照這指標，去維持組合的平衡性，才算理想。

你現時煤氣(0003)明顯係超標，因此你最好沽少少，換至其他優質股上。

以你收入計，只月供$4000領展(0823)實在太少，建議你用每月儲蓄一半，去做月供，另一半就等大跌市機會。

月供方面，你可以選擇投資在平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)。如果有投資美股，可投資VOO。

或潛力股︰安碩恒生科技(3067)、比亞迪(1211)、中生(1177)、福壽園(1448)、小米(1810)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。如果有投資美股，可投資QQQ。

但潛力股波動性較高，而你預期會在2-3年會動用這筆錢的話，由於時間不長，建議集中係平穏增長股會較好。

大市現處於合理水平，那90萬資金，你可以用多20-30萬，以"分注"形式慢慢入貨。餘下資金和每月儲蓄，就等大跌市機會出現，才大力度掃貨，並長線投資。

而物業方面，你現時單位呎數太細，我比較建議有最少300呎，即一個家庭最低要求呎寸，投資價值會較好。

如果你灣仔個單位係投資用，你可以考慮3年後，用佢細屋換大屋，這樣長線增值潛力，相信會較好。

最後，你係創建一個財富組合時，除了要有質素外，都要有平衡性。意思就是，唔好太偏重於個別資產類。

就好似你現時首要目標，係增值置業。但你係置業同時，最好留有一定優質股進行增長，否則成個組合就會偏晒係物業個邊，造成風險。

------------------------------------------------

Q22675：

你好，龔成先生，我係55歲人士，前幾年離職後沒有穩定工作，最近重新入職，將有穩定收入，扣除住屋開支，每月可儲蓄4萬，想問如何善用這五年儲蓄，為退休增添收益

適合做月供股嗎？如何配置？謝謝

龔成老師︰

以你55歲年齡，是應該為退休做準備。但係進行財富增值時，就不宜完度進取，因此，你可以用「平穩增值股」+「收息股」，作為投資目標。

至於月供，其實任何人士都適合，特別係投資經驗較淺，不懂估值的投資者。可以透過月供，用平均價格買入法，去平衡買貴貨風險。

因此，你係可以做月供股票，目標係供「平穩增值股」+「收息股」，比例你預大約各一半。如果你想保守少少，你可以加大「收息股」部份比重。

但這個組合比例，不是一直沿用至退休。而係隨著年齡增加，你要慢慢增加收息股的比例。到退休時，收息股應佔100%。

目的是，讓你可以在退休後，透過收息股的現金流，支援你退休後的生活。

策略上，你每月5成儲蓄，即是用$20000做月供。其餘先儲起，用一邊月供一邊儲蓄的策略。

平穩增值股，例如指數基金、金沙（1928）、長建（1038）、中銀（2388）、港鐵（0066）、恆基（0012）、粵海（0270）、領展(0823)。如果有投資美股，可投資VOO。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。

餘下的另一半現金，我地就等機會，當大市出現較大回調，就加大力度掃貨，然後作長線投資。

------------------------------------------------

Q22676：

龔成老師你好!依二年除左睇新聞都比較小用Facebook,但都間中有緣份睇到你在網絡上解答讀者問題,交流同分享投資心得,非常配服你一直可以保持到敬業樂業既心態!

最近一直希望可以開始用自己香港既現金投資,因為我深明財富增值利用複息效應同時必須跑贏通脹,亦非常同意投資要有均衡組合,分散風險.同時要避免短炒圖利心態.

我今年28歲,年收入約港幣55萬左右,由於我目前長駐外國工作,日常開支主要會用自己外國戶口既收入,

香港戶口扣除家用每個月會有約1萬可以用作投資.儲蓄方面會係外國戶口做,每個月約7千.

目前儲蓄約有港幣35萬 - 港幣戶口約佔20萬(全現金,無負債)，暫時外國戶口部份打算保留現金作為應急之用.

我依個星期爬佐你既文章同埋問答與分享,亦見到你有集中推介十幾隻股票,我係投資新手岩岩起步所以希望得到你既指教睇下以下組合點樣 :

平穩增長股:
0002 月供 1000
2800 月供 2000
0012 月供1000

潛力股:
0388月供2000

其他4千暫時打算保持現金,等大跌市再加注入手以上4種,同時亦都想將現時一半現金(約十萬)買以下2種股票 :

3067@3000股 已買[email protected]
3110@2000股

想請問現時價位是否適合或者我應如何分注?

短期目標係可以係3年內連儲蓄可以滾存到150萬,5年達到200萬. 其中一半可以用黎做首期.

最後我想請教你既係我現時工作穩定,亦有望可以在2萬內加薪到年薪70萬,我收入增加部份應該投放係月供股票上定係直接一注注買入呢?

有心理準備股票會放中長線所以希望選擇正確亦可以得到你既意見嬌正心態!下年如果有機會番香港夾到你既時間,一定會報名參加你既投資倍升股課程!

祝事業順利及最重要身體健康!

龔成老師︰

你的投資理念，大致上都正確。只要你選擇正確的優質股，在合理區價，甚至平宜水平買入，並長線持有，自然就可以獲得唔錯回報。

我地做財富增值，一般希望做到架合理回報，係每年增長10-15%。

我假設投資回報有10%（連股息再投資），你每月投資$10000 + 20萬現金，5年後大約會增值至100萬。你現時這個目標，用股票投資去做，風險會好大，較難達到。

如果你無其他增值方法，建議你按部就班，透過月供和買入優質股，去為自已資產作增值。

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時28歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

你現時月供策略和選股，都係可以。如果你本身外國戶口，每月都有額外儲蓄，你可以再加大少少現時月供金額，都無問題。

但如果你每月儲在外地戶口$7000，係生活費，或者用於當地生活應急，就不用調整，照現時計劃就好了。

大方向係用每月一半儲蓄做月供，一半儲蓄等大跌市機會的策略。

現時大市在合理區，你30萬現金，可以用10-15萬去分注入貨，餘下部份同樣等大跌市。選股方面，派息基金(3110)無乜增長力，主要係收下股息，唔適合你年紀。

你可以用以下股票代替，而安碩恒生科技(3067)係適合你投資，但唔好全數只入3067。

因為我地配置時，除了要考慮質素外，都要顧及平衡性。個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

安碩恒生科技(3067)係科技股指數ETF，故算係單一行業，只宜佔組合最多3成。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)。如果有投資美股，可投資VOO。

或潛力股︰安碩恒生科技(3067)、比亞迪(1211)、中生(1177)、福壽園(1448)、小米(1810)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。如果有投資美股，可投資QQQ。

平穏增長股，現處於合理水平，可分注入市。但潛力股，部份係略貴。

現時只有安碩恒生科技(3067)、ＧＸ中國電車基金（2845）、騰訊（0700）、阿里（9988）、中生製藥（1177）、福壽園(1448)、QQQ勉強算在合理區中上至頂部，可分注入貨，其餘都略貴，想買就要等一等。

------------------------------------------------

Q22677：

龔老師，想問下 6823
總負債點解噤高到6成
但派息又超過100%
公司噤既情況係唔係唔健康?

謝謝 解答

龔成老師

第一，佢負債比率雖然有少少高，但未到危險，因此整體問題不大。

第二，佢本身業務穩定，以及現金流穩定，所以就算負債有少少高，佢都有足夠的現金流去支持佢的情況。

至於佢派息，雖然100%，但由於有很強的現金流支持，因此無問題。整體穩定，是理想的收息股，不用擔心。

------------------------------------------------

Q22678：

你好！龔成老師, 本人現在22歲, 剛畢業, 現月入$15,000。

計劃:
月供美股:$10000HKD
(主力供ETF :VOO, QQQ, ARKK, VUG), 每月各1股左右。

家用&日常洗費&現金儲備:$5000HKD

請問老師現在我這樣的組合會否過於進取?應否更多分散投資, 例如投資高質潛力港股?

希望可以得到老師的回復 ! 感謝老師

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你現時22歲，十分年輕，財務負擔相對較少，進取少少都係可以。

但你要明白QQQ, ARKK和VUG都係潛力股，佢地增長潛力係高，但風險都會較大。我比較建議你用平穏增長類的VOO作主力(約佔40%)，其餘潛力股每隻約20%，咁會較好。

如果你想進取D，全部平均25%都可以，但風險會偏高，你要明白這一點。

另外，現時大市只在合理區，每月最好留有3-5成儲蓄，用來等大跌市機會。

除了美股，你都可以考慮加入一些港股，去平衡地區性風險。以下都係適合你的股票，你可以參考一下。但緊記潛力股風險較高，要控制好注碼。

平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。

------------------------------------------------

Q22679：

你認為加密貨幣可投資嗎？
小注投資如何？

龔成老師：

虛擬貨幣，我不是這方面的專家，所以我無太多意見。

如果你能承受風險，小注投資不是不可，而你一定要等倍計回報，利用以小博大的模式進行，同時明白有風險。

以本質來說，這是人為創造出來的，絕對不是「資產」，有沒有真正的價值，如何定義真正的價值，未知。

這些人為創造的貨幣，因為關注度由很少變得大，價格會大升，但這背後是否有真正的支持，我不知道。只能說，投資這些貨幣，投機味好重，可能大賺，亦可能蝕到一文不值，因為，當中有沒有價格，我不知道。

但這不代表佢無價值，佢可能好勁，只是我自己不知佢好勁定好差。

佢長遠的價值，取決於「有多少人用」，即是說，雖然無真實價值，但可以有「交易價值」，如果長遠好多人用，的確可能有高價值。

因此，這些虛擬貨幣，由於我無法作出專業分析，所以，我不會投資。

但如果你分析到佢長遠的交易大，大家都持續關注，就有價值，就值得你投資。

我並沒有支持或反對投資虛擬貨幣，只能說，虛擬貨幣風險高，因此不建議大額投資。或者你可以用以下的心態投資，首先，你預期可能會大跌，心態上只用「閒錢」投資，就算不幸大跌對你都無影響，但你的要求回報一定是倍計，博虛擬貨幣有多倍計的升幅，絕不要升少少就賣。

------------------------------------------------

Q22680：

老師你好，想問隻293點睇？謝！

龔成老師：

坦白講，國泰（0293）的質素只是一般。

其中一個風險，是油價，睇翻佢過往多年，油價對佢成本影響好大，令佢盈利十分波動，就算佢利用對沖，都唔係好成功，反而試過因對沖而蝕大錢。

另外，航空業對經濟週期較敏感，收入不穩，同時唔算係一個好賺錢的行業，因此這股的質素只是一般。

就算佢重組，得到新資金，只是比佢「捱過這一關」，並不是賺錢能力方面有改善。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

❣️翡翠拉麵小籠包限定珍菌嚐味菜單尋菇記之牛肝菌❣️

翡翠拉麵小籠包又有新攪作啦😍😍今次係世界四大名菌之一既牛肝菌！最最開心就係低至 7 折優惠推出左唔同套餐可以選擇！套餐有齊前菜、點心、小菜、湯品同甜品😋我哋揀咗四人份既滋味牛肝菌套餐🌟

❇️自選 3 式拼盤
宮廷醬茄子！酸酸甜甜好開胃！雞絲粉皮！爽口粉皮配搭麻醬好惹味！鎮江排骨好入味！肉質鮮嫩！

❇️ 四川口水雞
集麻辣鮮香爽嫩于一身！雞肉鮮嫩配搭麻辣醬汁再加一口白飯！Perfect

❇️牛肝菌小籠包
打開蒸籠，熱辣辣香噴噴既小籠包裏面鮮香肉餡同菌香四溢既牛肝菌！一啖咬開，充滿珍菌滋味

❇️椒麻酸菜魚
份量真係超級大碗！湯底麻香酸辣！裏面有好多酸菜所以好夠味！仲有大量爽脆魚片！最抵仲有好多透明闊麵！淨係食碗已經好飽

❇️宮保雞丁
呢一個爸爸都大贊送飯一流！雞丁酸辣！肉質滑脆！加埋啲醬汁酸、甜、辣！多重口感！非常惹味

❇️金銀蛋浸時蔬
佢哋用嘅鹹蛋真係好靚！充滿鹹香！配搭埋皮蛋清熱又滋味

❇️酸辣湯同宋嫂魚羹
用料十足！酸辣湯酸酸甜甜好開胃！小朋友就最鍾意飲個魚羹

❇️豆沙鍋餅
外脆內軟，香甜軟糯，食到停唔到口

每人再加埋杯特飲消暑解渴！呢度每一樣食物都分量十足！所以最後我哋都係食唔晒最後要打包走😆😆😆真係好抵食！

翡翠餐飲集團 Crystal Jade HK
#crystaljadehk #翡翠拉麵小籠包 #翡翠 #尋菇記 #牛肝菌 #尋菇記牛肝菌篇 #知味成就滋味 #小籠包 #年度最佳小籠包

環境輕鬆親切的咖啡室Classified於今夏推出全新菜單，除了提升經典佳餚的滋味外，亦加入了嶄新的國際元素。新菜單包括深受家庭歡迎的升級版人氣菜式、新增的健康素食選擇，以及在所有分店早餐和全日菜單上供應的東南亞美食。



早餐是一天中最重要的一餐，因此Classified亦認真對待，從開門營業到上午11時30分為賓客供應多款健康豐盛的早餐菜式。Classified從茶餐廳常見的港式早餐中汲取靈感，為湯通粉注入新意，推出「芝士通心粉」（港幣88元）。幼滑芝士醬包裹著彈牙通粉，配搭香脆煙肉條，再放上流心太陽蛋，滋味無窮。



「香脆炸雞」（港幣108元）份量十足，是為新一天補充能量的完美之選。雞肉蘸上秘製的酪乳麵糊後炸至金黃色，肉質嫩滑多汁，然後再配搭自家製白燒汁及香煎太陽蛋，分外惹味。



夏日炎炎，Classified亦備有一系列輕盈清爽的健康早餐之選，讓賓客以輕鬆心情迎接新的一天。「奇亞籽布丁」（港幣55元）以奇亞籽、牛奶和時令鮮果製作而成； 「豆腐菠菜班尼迪克蛋」（港幣 115 元）採用全素版本的荷蘭醬，能滿足素食主義者的所有要求；而混入了多種水果的「希臘乳酪配西柚及香橙」（港幣 65 元）富含膳食纖維，是一款簡單快捷而又美味可口的早餐。



至於午餐及其他時間，Classified亦重新設計了全日菜單，為賓客帶來驚喜。餐廳今季繼續向亞洲美食致敬，新菜式包括「泰式燒牛肉沙律」（港幣 108 元），嫩滑的生牛肉片為味蕾帶來不一樣的滋味。這道沙律拌入了芝麻菜、青瓜和車厘茄，然後淋上辣椒檸檬汁，再加入薄荷、芫荽和炸蔥，令人一試難忘。



Classified重新演繹的 「越式生牛肉金邊粉」（港幣98元）靈感同樣取材自東南亞美食。這道佳餚的獨特之處在於味道濃郁的湯底。湯底用牛冧肉、牛骨和丁香、八角等香料經過72小時熬煮而成，蘊含所有食材的濃縮精華，鮮味大大提升。



此外，賓客亦可在全日菜單中找到「香脆炸雞漢堡」（港幣 128 元），即使錯過了早餐也可品嚐到餐廳備受喜愛的炸雞。兩個烤麵包之間夾著香脆炸雞，配搭生菜、醃菜、番茄、墨西哥辣椒和塔塔醬，再伴以金黃炸薯條，絕對不容錯過。



「啤酒漿炸魚薯條」（港幣138元）是Classified最受歡迎的菜餚之一，今次隨著新菜單推出也有所改變。菜式沿用傳統食譜，以嫩滑多汁的澳洲盲鰽入饌，並引入了一種更薄更鬆脆的新麵糊，更加美味。



意大利麵食方面，新登場的 「意大利蜆肉扁意粉」（港幣148元）是更清爽輕盈的選擇，很適合夏日品嚐。這道菜式使用本地採購的新鮮蜆肉，加入白葡萄酒、芫荽、番茜、辣椒和橄欖油烹調，以簡單的食材配搭突出蜆肉的鹹鮮細嫩。



另外，Classified素以優質手工芝士而著稱，其「芝士拼盤」可謂必食之選，可自選三種或五種或七種口味，定價分別為港幣180/270/360元。賓客既可根據個人喜好挑選，亦可按自己喜歡的香氣、風味和質感交給專家代為配搭。



至於甜品方面，傳統「提拉米蘇」（港幣68元）必定不會令人失望。這款精緻甜點以手指餅、咖啡、意大利軟芝士和朱古力製成，最適合配搭一杯採用餐廳標誌性Urban Coffee Roaster咖啡豆製作的烘焙咖啡品嚐。



賓客亦可點選包括馬卡龍、布朗尼蛋糕、一球雲呢拿雪糕以及一杯特濃咖啡的「咖啡小點」（港幣78元），為餐饗體驗畫上甜美句號。每款甜點份量精緻小巧，讓賓客可以一次過盡嚐多重滋味。

點心絕對是粵菜飲食文化其中重要的一環。由行政總廚蕭顯志師傅掌舵，米芝蓮二星粵菜餐廳營致會館由即日起推出全新的點心菜單，為饕客精緻演繹各色巧手美點。

全新的點心菜單於每天午市供應，包羅一系列經典及精緻蒸餃包點等，所有點心為全手工即叫即製。精選包括芙蓉海皇水晶餃﹙港幣87元﹚，飽滿的餡料以鮮蝦及帶子拌入蛋白，入口細滑。香茜鮮蝦餃﹙港幣87元﹚亦相隔三年後重新推出，翠綠色的蝦餃皮每天早上以新鮮芫茜浸泡的水混入澄麵製成，包裏嫩滑的鮮蝦、竹筍絲及芫茜碎，淡淡清香。

金腿蘿蔔絲酥餅﹙港幣78元﹚是一道展現蕭師傅及其團隊精湛手藝的點心。香脆酥化的千絲酥皮製作工序繁複，需不停反覆摺叠搓揉而成；酥脆輕盈的外層包裹著幼細蘿蔔絲，特意配上風乾雲南宣威火腿，微微鹹香更能突顯蘿蔔的清甜。蕭師傅亦將傳統中式酒席宴會的焗釀響螺重新演繹成葡汁海皇焗響螺酥﹙港幣78元﹚，將餡料釀入鬆化酥皮而非響螺殼，配以椰汁、黃咖喱及牛奶自家製成的葡汁，精緻美味。

為素食者而設精緻素菜點心

素食已成為近年所重視的飲食趨勢，蕭顯志師傅亦特別設計多款以新鮮蔬菜及菇菌入饌的素菜點心。紫紅色的紅菜松露鮮菌石榴球﹙港幣78元﹚以精緻剔透的外皮包裹著薄切的紅菜頭、雞脾菇及白菌，最後加上黑松露醬作點綴，更添香味。彩蔬竹笙上素粉果﹙港幣78元﹚是經典潮州點心的優雅變奏，餡料拌入爽脆的馬蹄、竹笙、西芹及紅椒，健怡可口。松茸野菌健怡腸粉﹙港幣90元﹚即叫即拉，皮薄幼滑的腸粉鋪滿松茸、羊肚菌、靈芝菇及花菇，菌香濃厚。

周末無限暢飲香檳及葡萄酒

凡於周六日及公眾假期的午市時段，客人亦可以每位港幣398元享用兩小時無限暢飲法國哈雪Charles Heidsieck Brut Reserve香檳、品酒師精選紅白酒、啤酒及汽水，以美酒搭配各款精緻點心佳餚。

繼去年與韓國名廚姜珉求合作開設現代韓國料理餐廳Hansik Goo後，灶神集團今年與來自新加坡的年輕大廚Barry Quek合作，聯手打造全新餐飲概念Whey，呈獻融合新加坡風味的歐陸菜式。團隊甄選本地新鮮時令食材，以北歐料理手法炮製出具備新加坡風味、別樹一幟的美饌。餐廳坐落於中環威靈頓街The Wellington大廈，將於5月25日開始試業。

歐亞融匯料理 味蕾綻放之旅

主廚Barry在新加坡出生及長大，曾在當地米芝蓮星級餐廳Joël Robuchon及Les Amis學藝，先後加入比利時 In De Wulf、墨爾本Attica及倫敦Portland等知名餐廳的廚隊，並於2017年來港開設Beet。他遊走世界廚房後在Whey回歸家鄉味道，以香港本地食材結合新加坡美食元素，活用西方醃漬發酵技術，為現代歐陸菜注入新生命力。他憑藉其細膩樸實的烹飪風格，重新詮釋熱情奔放的獅城味道 ── 為饕客創造難忘的味覺回憶。

嚐味菜單充分展現Barry對精緻餐飲的嶄新視野，盛宴以本地當造春季蜜糖豆揭開序幕，伴上乳清及香草，清新自然；Whey的自家發酵麵包每天新鮮出爐，用上東南亞黑果（Buah Keluak）製作牛油麵包，口感鬆軟且帶異國風味；本地天然酵母酸種麵包則帶果酸味道，讓人吃過不停；煎北海道帆立貝加入大樹菠蘿醬及蝦鬆等新加坡元素，創新演繹常見食材。

主菜「肉骨茶」豬肋排以胡椒肉骨茶（Buk Ket Teh）作靈感，採用新界農場的優質豬肉，以白胡椒湯低溫慢煮，鮮嫩入味，配上豬心及自家發酵椰菜，最後淋上白胡椒肉汁，以歐洲料理手法製造亞菜風味，客人吃時可沾上自家調製黑蒜醬，惹味非常；花蟹叻沙蒟蒻飯為菜單上另一亮點，Barry兒時最愛叻沙配飯，現以蒟蒻米取替麵條，加入咖喱叻沙蟹湯，煮出香濃彈牙的蒟蒻飯，配搭經人手拆肉的本地新鮮花蟹，令人齒頰留香。盛宴最後以多款特色甜品作結，當中包括Barry原創新鮮貓山王雪糕配搭魚子醬，鹹甜兼併，激發驚喜味覺享受。

支持本地生產 關注可持續發展

Whey團隊在炮製美食同時，希望為可持續發展出一分力，因此四處搜羅本地優質海鮮、肉類，及蔬菜，並將食材物盡其用，減少廚餘。店名Whey亦含此意，乳清 （whey）是生產乳酪製品過程中，牛奶凝結後所形成的剩餘物，廚師將其轉化為醬汁以提升菜式味道層次，更用作調製雞尾酒；亦會善用蝦殼熬湯、用榴蓮籽經發酵製醋等，充分發揮食材價值。

飲品方面，Whey請來Fernet Hunter創辦人Raphael Holzer為餐廳設計專屬雞尾酒酒單，採用本地時令水果調配，讓佳餚美味加倍；同時設立瑞典品牌Nordaq Fresh濾水系統，為客人提供自家製作瓶裝飲用水。餐廳亦分別與香港品牌Sprue Furniture及FlowPlusLiving合作 ，度身訂造木製餐桌及陶瓷餐具。

自然舒適空間 與美饌互相輝映

餐廳裝潢由挪威著名建築及室內設計公司Snøhetta一手包辦。正如Whey的菜式融匯歐亞元素，其佈置氛圍亦糅合北歐民間藝術及娘惹建築特色。環境色彩配搭以平靜柔和的大地色和森林墨綠色為主調，運用藤蔓、橡木及雲石等天然素材，加以時尚黃銅點綴；同時展示各國藝術家的畫作，包括來自墨西哥的Bosco Sodi、台灣吳季璁及韓國Jiana Kim的作品，讓整體氛圍賞心悅目，營造舒適自在的用餐環境。
關於Whey

Whey 由來自新加坡的年輕主廚Barry Quek掌舵，他遊走世界廚房後回歸家鄉味道，以香港本地食材結合新加坡美食元素，活用北歐料理手法及醃漬發酵技術，為現代歐陸菜注入新生命力。Barry憑藉其細膩樸實的烹飪風格，重新詮釋熱情奔放的獅城味道──為饕客創造難忘的味覺回憶。

地址：中環威靈頓街198號The Wellington 高層地下
電話：2693 3198
電郵：info@whey.hk
網址：www.whey.hk
Facebook及Instagram：@wheyhk
餐廳將於5月14日開放5月25日起的訂座

關於灶神集團 ZS Hospitality Group
灶神集團 ZS Hospitality Group 於 2014 年成立，致力推廣亞洲美食，傳乘華人社會的美食文化。旗下餐廳包括 Hansik Goo（現代韓國料理）、營致會館（尊尚米芝蓮二星粵菜）、Miss Lee（創意中式素食）、J.A.M.（亞洲美食市集）及即將開業的Whey（歐陸新加坡）。歡迎瀏覽集團網站以查看更多資料。

ZS 是灶神（Zao Shen）的英文縮寫，在中國通俗及飲食文化上，扮演著舉足輕重的角色。相傳灶神掌管廚房及飲食，亦為家宅神之一。據說灶神除逐年監察每家每戶一年下來的德行外，亦庇祐世人溫飽有財、健康豐盛及幸福快樂。灶，意思為煮食的火爐。集團以灶神為名，一方面表達集團對飲食的堅持與追求，另一方面，亦希望透過美食與貼心的服務，為每一位客人送上最摯誠的祝福。