關於 一齊 好物理治療所 ，我們在網路上蒐集到這些相關的討論、資訊與評價

🌟諾諾陽陽X媽咪成長記錄🌟
生BB後唔止係睇住BB成長，其實媽咪都一直成長👍🏻眨吓眼，陽陽已經半歲大啦👏🏻👏🏻今日終於的起心肝寫呢個成長記錄❤️比個叻叻自己同諾諾陽陽👶🏻

陽陽身體狀況
陽陽一出世，醫生做身體檢查發現BB腳仔有內彎情況，唔多正常，擔心係 #馬蹄內翻足 ，要專介睇物理治療跟進🥺
滿月時發現陽陽舌頭👅有 #心形舌 ，可能係 #黐脷筋 ，決定出去睇兒科醫生👨‍⚕️睇睇洗唔洗 #剪脷筋 😖
到差唔多3個月大，陽陽又出現時不時痾血便嘅問題😨又要去醫院🏥
好彩以上嘅問題基本上都解決晒🙏🏻細佬叻仔👏🏻希望加固一切順利。

諾諾成長
諾諾性格外向，理解能力好強，所以有時好難教🥴事事要求講佢嘅道理（總之佢要有得益）前排一唔順佢意就發脾氣喊😵真係好嘔血；細佬出世，諾諾要適應工人姐姐離開同埋自己唔再係屋企唯一嘅小朋友，我覺得佢做得好好👏🏻有次好深刻，我煮緊晚飯，諾諾扭計食零食，我唔比，佢發脾氣之後開始喊，我無視佢繼續煮，之後連細佬都喊（其實個下我都好煩躁，好無助，好想爆埋一份🤦🏻‍♀️）突然奇怪點解得返細佬喊聲？出廚房望下，原來諾諾一邊抹自己眼淚一邊摸細佬塊臉氹佢，個一刻我覺得諾諾成長咗啦👏🏻

媽咪心情
細佬有咁多狀況，我好自責自己陀BB個時陀得唔好😢當時唔開心想搵人傾訴，無奈工人個時啱啱走，有好多家務事要忙，辭職後家庭負擔又大咗，總總事加埋一齊，重到我連訴苦嘅時間都無，只可以專心去適應新生活（眼淚在心裏流）。
捱咗一段時間，宜家慢慢適應到新生活，諾諾乖緊，細佬大緊，見到佢兩兄弟相親相愛，我終於覺得自己由生存變返生活，相信之後會越嚟越好🙏🏻

多謝大家睇晒，希望大家都越嚟越好，難過嘅都會過去，我哋會越嚟越堅強👍🏻

#諾諾陽陽 #二寶媽 #hkkids #湊仔日常 #親子blogger #hkmami #媽媽日常 #香港媽媽 #hkkol #hkmama #hkmommyblogger #全職媽媽 #媽媽博客 #育兒分享 #hkbaby #hkfamily #sohappy◽️ #hkinfluencer #媽咪心聲

終於有啲時間同大家分享一下
Jayden B 出世後10日發生咩事
👉無一個阿媽係生完仔就會即刻識揍仔👈
我哋每日都在學習當中成長
#做咗人媽咪內心要強大
#長文慎入

• 產後住院所有事需靠自己
生完之後醫生話有個5蚊銀大嘅傷口需縫針、BB俾姑娘清潔過後就抱過黎肌膚接觸，有約1個鐘嘅時間抱住BB，📷影下相打下視像電話報下母子平安。然後我就比啲姑娘推去產後病房 — 8樓大房，由哩一刻開就分隔。過完床之後姑娘就同我拎晒要用嘅野放喺床頭櫃，由於過咗晚餐提供嘅時間，老公就喺便利店買咗啲野俾我食 (補給補給)，老公拎埋走佬袋👜啲野喺門口交收，佢就可以返屋企休息。食完野嘗試產後第一次小便，㩒鐘叫姑娘佢會俾個尿兜你喺床上痾，痾到半個兜嘅量確保排尿系統無問題，先可以慢慢落地。姑娘將BB👶🏻推返黎身邊，母乳姑娘會過黎教餵母乳嘅姿勢同點先叫正確，初嘗親餵🤱🏻讓阿B埋身食奶；另外開始手擠母乳刺激胸部分泌乳汁，先試用1ml針筒擠出 #黃金初乳，不過姑娘知我地未上奶都會同BB補飲奶粉或水奶。

• 種豆靜脈注射
因為早產咗少少嘅關係，阿仔雙手種唔到豆但比人吉到瘀晒，最後種咗落左腳💉，見到佢日日都要打抗生素、乙肝疫苗第一針及卡介苗、抽血驗肝功能等等… 😢簡直心都痛埋啊～ 到DAY 4 姑娘話今日終於唔洗再打針針可以拆咗粒豆喇！不過仲有好幾個問題要解決：左腳掌有輕微嘅馬蹄足內彎，出院後需要做物理治療一段時間；左耳聽力測試唔合格同埋要睇骨科… 放心！媽咪會同你一齊渡過每一個難關。

• 胎糞及尿液顏色反映身體狀況
第一日見到佢排出嘅胎糞💩由黑綠；於第3、4天後，完全排完胎糞以後，大便顏色會呈橙黃色或是黃色👏 證明你嘅用心，努力餵食係成功嘅！(觀察尿液濃咗，如濃茶或可樂咁嘅色；同埋啲屎屎變成灰白色等症狀，加上留意皮膚泛黃程度，需立刻送醫檢查。)

• 新生嬰兒黃疸
滿心歡喜原先以為哩日(DAY 5)可以出院，點知兒科醫生睇完阿仔話黃疸膽紅素指數偏高需要即時轉去照燈，初為人母嘅我難忍同BB分離，更何況當時姑娘都答唔到我要照幾多日、要分隔幾多日？當佢問我叫我決定今日去或留時真係好掛住老公同屋企啲貓🐈，但又唔想掉底個仔一個喺醫院喎，心情好矛盾… 加上同房對面床開刀生都已經出得院，送佢出門口果下超心酸😔 但最後都選擇就繼續留院，到老公打視像電話黎，見到雞髀同西米係咁嗲個電話就忍唔住果種好想返屋企嘅情緒，喊咗出黎💧 話比自己聽：「我知道我要堅強 ，STAY STRONG，我可以的！」真係唔知可以為佢做啲咩，唯有默默地泵奶送去俾佢食啦～ 其後老公都出黎再補給物資、探我同去探阿B。由於只限1人入去探訪，哩個機會就俾爸爸探吧，始終我都見咗佢咁多日，爸爸就由佢出世果日到而家隔咗成4日先見到… 哩晚無咗室友同BB喺房，望住房個窗外落雨閃電⛈特別寂寞。

• 回家後又再照燈
住院咗6日，終於收到好消息🥰 可以同阿仔一齊出院返屋企喇！好興奮咁換晒出院衫辦出院手續，等埋老公過到黎再去果邊病房接埋Jayden B，返到去公公婆婆爺爺嫲嫲急不及待都即刻上晒黎睇BB (無人係黎睇我架囉…)。第二日陪月正式返工，不過隔日去健康院檢查完，又要即時去屯醫擺底佢照燈😢 到底幾時先可以退黃唔洗再照燈呢？最後留咗一晚，隔日就收到電話話Jayden指數降返可以出院，又要出去接佢出院，連日都奔波勞碌，媽媽心都累埋～

• 夜晚才是作戰狀態
基本上BB出院後返到屋企嘅日子，全部時間都係俾晒BB～ 想擠啲時間黎做自己野真係有啲難道(除非你有工人姐姐)，餵夜奶係新手父母必經之路，日間盡量爭取時間休息，有咩就交比陪月處理，正所謂「佢訓 你就要訓」😴💤 先可以唞足精神準備夜晚嘅作戰！

照顧初生嬰兒係會攰啲，但都係值得嘅～
最緊要有另一半 @donlaukt 同你並肩作戰
各位新手父母 共勉之💪

#新手媽媽 #新手爸媽 #香港媽媽 #孕婦日記 #孕媽媽 #36週1日 #早產 #baby #babyboy #BB來了 #出世 #生產日 #生仔 #母子平安 #生產紀錄 #種豆 #黃疸 #生理性黃疸 #初生b #新生兒 #jaydenb成長記

《神人の遇見！》

今年年初見自己已經好耐冇做運動，淨係食坐瞓同煲劇，就學人響屋企跟YouTube啲大隻佬片做吓workout ，運動嘅嘢呢⋯真係唔好亂咁嚟，無意之間就整親左邊膊頭，開頭以為抖幾日就冇嘢好小事，點知情況越嚟越嚴重，不過人有時就係咁衰，拖完一日又一日，加上出鏡又唔特別覺隻手好有問題，所以一路都冇去處理佢，但每逢瞓覺砸到或者就算打個乞嗤都會痛到標眼水，已經知道好大件事，開始識驚～

正值淆底之時，疫情下又唔係咁容易安排到做物理治療，響兩個月前，經 Allen D.D] 同 邱益忠Gordon Nowitzki Yau] 嘅引薦下有幸拜會 亞洲運動及體適能專業學院 (AASFP)] 嘅周老師 Terence Chau] ，老師響佢頻密嘅schedule之中撥咗兩個鐘頭出嚟幫我個膊頭做物理治療，響佢檢查之後發現肩胛骨下面有兩條筋打咗交叉仲扭埋一齊又發緊炎，聽到都覺得棘手啦！周老師兩個鐘頭內用機用手用針再用刮好用心咁幫我搞個膊頭，只係做咗一次！！就係果兩個鐘！！困擾咗我幾個月嘅膊頭痛問題即時好返九成！太神了吧！

事隔兩個月，中間經歷過搬重嘢同埋有時都做咗啲唔好嘅動作，所以今日返去搵周老師再執一執個膊頭，相信只要我勤力做吓老師俾我嘅功課，返去拉吓個膊頭，一個月之後，肯定成個男人番曬嚟呀喂！

再次多謝周老師 Terence Chau] ！
亦好多謝 Allen D.D] 邱益忠Gordon Nowitzki Yau] 同 @wing.leung_sneaker
如果大家身體有啲乜嘢奇難雜症，唔好諗，快啲去 亞洲運動及體適能專業學院 (AASFP)] 搵周老師救吓你啦！

#你睇吓老師大隻到 #真係好堅 #變做治療變傾mirror #教練嘅師父 #嚴格嚟講係師公

水果營養豐富是常識，有些水果甚至有抗氧化功效，預防癌症、降膽固醇之外，還可以美白淡斑。說到抗氧化水果排行榜，健營物理治療及營養中心營養師Amy Tsang表示，藍莓排第一，它含豐富花青素，是一種抗氧化植物營養素，有助促進血液循環，維持血管彈性，可以預防動脈粥樣硬化，降低患高血壓或心血管疾病的風險。亦可以維持眼部血流暢順，預防眼睛疲勞，並減低藍光對眼睛的傷害，保護視網膜和晶體。不過，藍莓的草酸含量比較高，患有草酸結石的人士應該少吃；而草酸在腸道會與鈣質結合，然後排出體外，所以最好與高鈣質食物分開食用，例如牛奶、乳酪、芝士，以免阻礙鈣質吸收......

足本訪問： https://bit.ly/34zgvKW


===================================

? 8折全年睇《蘋果》即慳$121！
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube： http://bit.ly/2Md5V2k
Facebook： http://bit.ly/2MJejcp
Instagram： http://bit.ly/2EA3qpR

推薦影片:
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) (https://youtu.be/7CUTg7LXQ4M)
【街市尋寶】慈雲山街市 二百幾萬機器鮮製$24午餐肉 肉彈味濃無添加日賣500份 (飲食男女 Apple Daily) (https://youtu.be/rTrYPzECHI0)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女 Apple Daily) (https://youtu.be/svAF8pKszw0)
【假如沒有天價租】「福食」三老　唔靠綜援靠自己 (果籽 Apple Daily) (https://youtu.be/aUE2oQIDoV0)
【籽想旅行】直擊東南亞首個人妖騷後台　變性舞台一姐的日與夜 (果籽 Apple Daily) (https://youtu.be/CBBq_D0-Lsg)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 AppleDaily) (https://youtu.be/e3agbTOdfoY)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)

#抗氧化水果 #藍莓營養 #花青素
#飲食男女 #StayHome #WithMe #跟我一樣 #宅在家

飲食男女 打卡大街小巷搵食地圖
https://hk.adai.ly/e/gPF0DIjsB9

《蘋果》每日為你增值 立即訂閱
https://hk.adai.ly/e/kbo0wDsxB9