關於 三福化工歷史股價 ，我們在網路上蒐集到這些相關的討論、資訊與評價

［今日寫呢啲］今日寫得短。

澳門股單嘢，其實前晚（星期二）已知，唔係我有內幕，係新聞報晒美股都跌晒。但我都冇特別寫，一來冇買，二木冇推，三來你知咗都走唔甩。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

之後點？文入面講，但照計呢，非美國嗰三間（銀河27，新濠200同澳博880）影響細啲。不過又提返你，之前搞教育股搞科技股，都係本土公司。至於撈唔撈底之類，就Patreon講

肯定嘅係，雖然中資科技股都跌，但港股啲下跌比例唔算誇張，恒指都仲十幾隻成份股有得升。只要你夠分散，照計唔會十分傷。當然有啲人硬係鍾意一注all in ，就貴客自理了。

正如另一方面，美股彈返啦，你唔係濟買港股嘅，今年點會輸錢？我個垃圾美股倉大升2%添，仲要十隻有九隻升（真係十隻！），可能又預示風險胃納返嚟

理文化工嘅，冇乜好講啦，邊位有買仲渣住嘅話我知。叻仔。我係冇買過嘅

另外，微軟都不用賣關子，加派息（碎料），同埋宣佈大規模回購。當然股價係接近歷史高位的，「咁你去買恒大咯，抵買」

最後，都唔賣關子，開埋名，睇緊隻Sportradar．睇咋下，冇叫你買，仲要研究下，雖然幾有趣，但李佳芯都幾有趣，Stephy都幾有趣。都係要繼續鑽探研究 鑽探研究。

Sportradar，新股嚟的，上市兩日，第一日大跌，昨晚升返啲，至少係啲一上市升幾倍嘅嘢。體育（大）數據，Michael Jordan同 Mark Cuban有份投資（佢地使唔使識大數據？）。留意有間同業上市，表現都麻麻。聽落幾過癮，客人係乜？隱憂係乜？Patreon講 ．

每日一圖，兩個都講通脹。第一個畀你見到，同返歷史比（呢十年八年啦，唔係咩石油危機年代），你見而家啲通脹明明唔明。但你又好似聽新聞話好高。關鍵係你點量度。你睇核心通脹，按月計，就完全唔高的。咁預示乜？文入面講

第二圖，畀你見到低學歷嘅人，對通脹預期比高學歷嘅高一截。係咪佢地唔識嘢？又未必。係咪佢地特別悲觀？都未必。呢個分歧係近幾個月先有的，之前幾年並唔係咁。點解呢排會有呢個分別？文入面講

Good read 兩篇都講學術研究，實驗設計。

第一篇，講空閒時間同快樂嘅關係。點度快樂？當然係自評。你可以話自己住索馬里都好開心的。正如之前都貼過嘅文，講人工同快樂，當然越高人工越快樂，但只係up to a point，去到某個水平，再高人工都唔會帶嚟幾多開心（實際上個數字係五六萬蚊港紙，我自己都發現係差不多，我問過身邊嘅朋友都係，固然都係越多越好，但你由一兩皮嘢上到五六皮嘢時係極開心的，打後都開心，但冇咁誇張）。點解會咁？文入面講

咁空間時間都係，你日日忙到屎都唔得閒屙，當然唔會開心（所以記得返公司屙，我諗係白領工作嘅唯一福利，你唔屙而你同事屙，即係佢加咗人工）。但又係up to a point．呢個仲極端，見到太得閒嘅人呢（好似我而家咁），原來就反而冇啲 中等得閒嘅人咁快樂。

第二篇，黑人歧視。講呢啲好敏感，唔係我唔願意講，而係你見好多人都上腦，根本大家都唔係拗緊同一樣嘢。咁做學術研究，梗係搵啲可以量度嘅嘢，最簡單係人工。呢個課題都研究咗好耐，話「歧視」嘅原因有三種，第一係品味上（人就係唔鍾意啲平時少見嘅非我族類），或者係統計上（例如黑人犯罪率高，或者某國人就係X，咁固然唔係所有XX人都係X，但，在你冇更多嘅資料下，「歧視」係「理性」的。例如女仔坐順風車搵返女人，不代表所有男人都係色狼，亦唔代表女人唔會係連環殺手，但你懂的），甚至係潛意識上。

以前做過嘅研究，咪睇黑人球員嘅人工。但只係話黑人球員人工低啲，不代表「歧視」，可能黑人球員屎波啲呢？所以實驗方法係睇同一個人工水平下，見到少黑人球員嘅球會，表現係不及多黑人嘅球會，咁咪見到歧視。

亦因為咁，似乎因為市場力量，人工上歧視黑人球員，已經少咗好多—因為你搵自己笨，會唔夠競爭力。呢個亦係經濟右翼一路講嘅嘢。

今次呢個研究，都見到意甲（點解揀意甲？你懂的）在人工上冇特別歧視黑人球員。但新聞紙評分就有啦。

但，我見佢個研究，似乎都係就咁講黑人球員低啲分。咁呢個per se不能證明歧視喎，可能佢地真係差啲呢？比較好嘅做法，應該去比較啲客觀啲嘅數據評分網站（大把），同埋新聞紙嘅評分。如果啲黑人球員明明數據評分網站都唔低分，但新聞紙比得低，咪證明佢地有呢個歧視現象。

係喎，成篇文我都講埋咁滯，但想睇原文嘅，Patreon吧

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

【龔成問答信箱】（Q18881-Q18900）

Q18881：

老師我係你學生，我想問分析ROE、毛利等財務數據時，是否不能單純數字分析，還需要很多長遠目光和對經濟的了解？我仍未能完全掌握。

龔成老師：

其實當我地分析財務比率時，你不能只睇數字，要同時配合「企業」、「大環境」。

例如今年盈利比上年度上升了10%，而ROE下跌了3%，你要分析，點解？

你首先要分析翻，佢收入點解會上升10%，分店多左？加價？大環境向好？其他行家的情況如何？

之後要睇翻ROE跌的原因，是盈利下跌，再投資方面的回報較弱，還是甚麼原因，當我地分析ROE時，往往要配合派息比率及負債因素去進行分析。當然，我會較建議分析長期的ROE情況，而不是個別的一年情況。

但你最重要記住，數字是死的，我地作為投資者，一定要將佢「意義化」，要配合當年的企業經營情況、大環境，去配合分析。

------------------------------------------------

Q18882：

Ar Sir, 1446鴻福堂，我研究過企業是有質素的(對員工好，今年又派特別息比小股東)，但打不入內地市場，今年上半年疫市竟然也賺了一些。

將來也衹可以主力本地市場，佢地話稍後會嘗試打開外地市，甘Ar sir你點睇佢地將來的發展和賺錢能力?

鴻福堂上市5年，但股價現在是0.450，你會否認為此企業被估值低左呢?

是否值得現在投資呢?

Ar sir, 甘有時會出現企業質素好，但唔代表賺錢能力強的情況嗎?

龔成老師：

鴻福堂（1446）質素算是不過不失，未算高質。產品都有一些支持者，但發展力卻不強。

睇翻財務數據，每年盈利不高，生意多年來無特別增長，反映佢在開發市場方面，只是做得一般。

現價算是合理，無低估，但就唔見到有好大的投資價值。

------------------------------------------------

Q18883：

老師你好，我一直不懂投資，直到幾年前在公司同事遊說下，嘗試接觸投資股票，但因為什麼都不懂，他說什麼好我就跟着買什麼，結果幾年下來買的一路下跌

以為等着等着就可能會上升，但似乎越跌越多，我就開始嘗試去看一啲投資書籍，才發現自己一直犯的錯誤，我想問問老師

我應該繼續擺股票一直等上升返，還是應該賣晒佢，換一啲有實力前景的公司，因為擺下擺下都已經蝕左唔少，我應該點處理？

龔成老師：

首先你要明白一個概念，我地持有一隻股票與否，關鍵位是企業質素、前景，不要被買入價影響。買為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

如果企業有質素，但股價短期下跌，就不用擔心。

如果企業無質素，但你現時蝕錢中，繼續持有只會令你財富繼續貶值，因此要賣出。

如果企業質素轉差，就有可能要減持，因為這股佔你組合的比例，未必值得太多。

------------------------------------------------

Q18884：

老師你好:我今年27歲。持有以下股票，但不知道應不應該繼續持有，定沽左部分購入更有潛力如9988或1177？

2128中國聯塑 $15.79@2000股
3662奧園健康$8.1@3000股
1810小米集團$15.29@3000股
2013微盟集團$10.16@4000股
1448福壽園$6@4000股

感謝你繁忙中解答! 祝安好!

龔成老師：

上述都是有質素的股票，其實你可以長線持有，只是部分潛力股，可能風險度會高少少如微盟集團（2013），你佔組合的比例就不宜太多。

記住，買入價不是重點，重點是該股的質素、前景，你持有的比例。

至於阿里（9988）與中生（1177），你都可以加入的，阿里就最好回翻D，而中生現價就可以開始小注。

現時大市合理區，未算平，你都要留有一定的現金在手。

------------------------------------------------

Q18885：

Hi 我儲蓄唔多，家庭開支太大。我有14萬，如果拎呢舊錢去投資， 買收息股， 想穩年年收息， 揀邊隻好？

如果想買阿里巴巴其實咩價位入最好？美國大選係咪會影響股市會下跌架？

最後如果我想買你既書睇， 邊本比較好？ 因為我係新手學買股票

今日去買左3本你既書

我都好耐無睇過書。

想問9988，如果想長揸，依家個價買係咪會太高？
應該大約幾錢入？

仲有1810我都想長揸，依家呢個價入都可以嗎？

龔成老師：

首先，你要想清楚自己的投資方向，想收息，還是增長，自己的風險承受程度如何。

至於中短期因素，就唔需要太著重，最重要是期的財富配置。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

阿里（9988）是增長型的股票，風險較高，最好回翻少少先，至於小米（1810）都是潛力股類別，但最好都是回翻少少先買。

如果你較初階，建議你投資ETF。

例如盈富（2800）。如果想較高增長，就安碩恆生科技ETF（3067），不過現價唔平，如投資，只能小注慢慢入，或月供。

你保持閱讀，增加左基本知識先，投資唔好急。

------------------------------------------------

Q18886：

老師點睇303，我見佢都幾賺＄，派息都吾錯，但書中沒介紹

龔成老師：

偉易達（0303）作為收息股，可以，但增長力就不算強。因為佢近年有些業務正向下，這會令股價向下，所以無無介紹，去到現水平，算是合理，股價相信唔會再大跌，投資值博率開始出現。

雖然近年的股價較一般，但本質都未算差，但就唔叫好強。

佢過往派息比率高達9成，成立於70年代，業務是電子產品，這麼高的派息，反映管理層明白這公司已過了最高增長的年代，之後只會是平穩增長。

公司已不需要每年投資發展，反而管理層、大股東，偏向想收息，因此這是重派息多過重發展的公司。

雖然佢係某些業務做得不錯，但發展心不強，同時大環境並不是高速增長，故相信佢之後都會平穩。近年這公司的生意，都是平穩增長，如果比較幾年前的盈利，都是差不多。

如果你目標係收息為主，此股可投資，但不能太過大注。

------------------------------------------------

Q18887：

龔sir，您好，今年年頭已經在Facebook專業看你關於投資的知識，還買了《80後百萬富翁》《50優質潛力股》學習，但我本人比較保守，遲遲都不肯動手，終於在今個月買入了幾隻股票。

本人23歲，有現金50萬，現持有：
2800 [email protected]
2382 100@130
1177 [email protected]
1928 [email protected]

還想入0027，現價合理區中部，我比較想直接入一手，你覺得可以嗎？

我唔係太想月供，因為我覺得月供回報好慢，但我明白可以平均買入價，所以好難做決擇。

還想入1211，但現價略貴，你覺得回到幾多可以直接入一手。

另外2382轉換去0285你覺得好嗎？這兩隻股你點睇？邊隻潛力會較高？謝謝龔Sir

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

所以，你現時23歲，唔需要太保守。而現金要適當運用，當然，現時大市未算平，唔能夠盡用現金的。

現時你持有的，都是有質素的，可長線。

至於現價加銀娛（0027），可以的，但要留意賭業佔你的組合比例會開始多。

如果唔想月供，就自行分注入，但就要留意現時股價未算平。

至於比亞迪（1211），最好去翻$80先入，當然，未必見到，如果好想入，最好都去翻$100以下先分注。

舜宇光學科技（2382）與比亞迪電子（0285）都有質素的，不過現時比亞迪電子，所以，你持有舜宇就得。

------------------------------------------------

Q18888：

龔sir, 小弟今年24歲，月入大概3萬至3萬5
每月有一個月供九千既15年基金計劃

到年頭先發現到咁係好傻既儲法，之前都試過炒牛熊結果輸左幾萬蚊，之後買左龔sir幾本書睇發覺要改變投資策略

然後而家扣曬家用洗費每月大概有五千蚊放係股票市場
而我而家拎有既股票係

港股
788 @1.5 16000股
981 @26.95 500股
1368 @3.09 3500股
1810 @10.4 2400股
2638 @7.43 500股

中國股票市場
601985 @4.39 600股
2665 @2.6 1200股

想請教一下呢個投資組合算吾算合理/合格，亦想了解一下有無繼續投資落去既遠景，唯一好岩心水既小米已經升到成18蚊，仲好吾好繼續買貨，定係等佢回一回？我自己對呢間公司既信心就好大下。

請龔sir俾啲意見賜教一下，多謝你

龔成老師：

衍生工具好難賺錢的，之後唔好再玩。

至於基金計劃，要具體分析先會知當中的質素。不過，月供$9000可能有點多。

至於現時持有，我無特別分析內地股市。港股方面，持有的相是有質素的股，大致上無問題，中芯（0981）唔建議大注。

中國鐵塔（0788）、小米（1810）可長線。小米開始貴，唔好心急加注，原有貨要長線持有。

特步國際（1368）都可以，但質素不算最高之列。

港燈（2636）只是收息股，未必適合你的年齡。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你的持有大致無問題，現時大市未算平，如果要入貨，要慢慢分注入，唔好太急，要留有現金。

------------------------------------------------

Q18889：

Hello, 本人有一物業，銀行估價300萬，現收每月租金6300，如果賣了，買股票收息，能達到財務自由嗎？

有推薦的收息股嗎？感謝

龔成老師：

假設套現得到$300萬現金，之後全部投資收息股，但到5%股息。

一年預期會收到股息，$15萬，每月平均會收到股息$12500。能夠財務自由，就要睇你的消費金額。

要留意，投資收息股，最好只作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。

你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

如果你能承受到風險，有些更有超過8%、10%的高息股，但股價就略有風險，要自己衡量，佐丹奴國際（0709）、中石化（0386）、互太紡織（1382）等（記住，股價略波動，只能小注）。

但要留意，現時股價只是合理，未到平宜，因此買入時宜分注，同時不能用盡現金。

------------------------------------------------

Q18890：

龔老師妳好，請問港鐵00066而家入算抵嗎？

同埋小米集團01810
係咪都屬於回落緊

感謝龔老師

龔成老師：

港鐵（0066）現價合理，可以分注投資，長線持有，這股有質素的。

至於小米（1810）有質素及增長力，不過，現價唔算平，去翻$18以下會較為合理。所以最翻落少少先開始分注。

------------------------------------------------

Q18891：

老師你好！ 家人之前幫我買了00136, 10萬股 已蝕了8k，00871, 10萬股蝕了35k, 02858, 一萬股蝕了60k, 還有02882, 10萬股蝕了38k， 現在 應該怎麼辦

龔成老師︰

恒騰網絡（0136）比較麻煩，因為暫時的業務賺錢能力仍弱，不確定性大，你唔好再加注。如果佔財富太多就減持，如果不算多，就持有先，到反彈到一定程度後就慢慢賣出。

中國疏浚環保（0871），業務不佳，5年有3年處於虧損狀態，投資價值不高，加上核數師意見中，曾經出現了修定報告，這反映當中有少少問題，但其後算是調整翻，但這都反映，這企業有些地方有古怪，要小心。

近期股價大幅波動，炒多過實際，風險高，因此對這股有保留，賣出會比較好。

易鑫集團（2858）企業仍處於燒銀紙的狀態，這類股風險較高，不過，我唔敢話佢完全無潛力。

這類股估值難，不確定性較高，只可以話，小注好了，暫時我未能確定佢業務真的向好。

香港資源控股（2882）主要透過全資附屬公司勝力經營電鍍化工品貿易業務。另外，透過收購香港珠寶零售連鎖店－金至尊品牌，去踏足珠寶零售業務。

此股連年虧損，再加上2019年在核數師意見中出現"保留意見"，代表盤數可能有問題。建議你沽出，轉至其他優質股。

睇翻你以上持股，質素上都比較唔理想。我建議你在再投資前，去多讀投資相關書本、年報，新聞和相關課程。提升自已選股能力後，才再出手。

------------------------------------------------

Q18892：

請問的士牌是一個好投資嗎？

龔成老師：

的士牌，現金流工具，好處係投資者可利用借貨，付首期購入的士牌，然後收取每月穩定的租金收入，原理與買樓收租一樣。

按揭成數高、管理不難、買賣成本低、限制少，所以都是一個不差的投資工具。

不過，近年出現的叫車程式，對佢有一定的影響。相信長遠，的士牌的增長有限，只是一個平穩及收息的工具，前景只是中等。

現價合理。我會認為，如果資金真的較多，作為整個財富配置的其中一部分，都可以的。

------------------------------------------------

Q18893：

你好 龔老師，我只持有三隻股票
分別係9988 300股平均價係$262.67

IGG 10000 股 平均價$9.37
303 偉易達集團 1500 股
平均價格係50.67$

個倉overall都有賺

但想減持股票數量/ 優化股票組合
要如何做好？唔捨得蝕放

龔成老師︰

首先，如果你個倉只有3隻股票，會有"過度集中"架問題。

任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於3成，而單一企業不要高過15%。

另外，當我地選擇投資項目時，會參照自已人生階段。年輕時，可以用"平穏增長股" + "潛力股"，到中年"潛力股"比重要減少，到近退休應集中在"收息股"上。

你持股中的IGG（0799）和阿里（9988）係潛力股，而偉易達（0303）偏向收息股。

你應睇翻自己人生階段，去調節組合持股。

最後，IGG（0799）是有風險的類別，雖然佢財務數據不差，但業務本質的不確定性大，軟件及遊戲都是變化較大的行業，這種不確定性可以令企業好勁或好弱，因此你要明白這點。

這股可以有潛力，但投資時，不宜太大注。

------------------------------------------------

Q18894：

老師好,向你請教後經過一年多了
早前停工大半年,可惜錯過了3,4月時的大跌市
最近在閱讀你的年報勝經,希望能了解多點關於年報的訊息

回想1年半前的自己,發覺對投資認識更多後不知不覺心態更比以往只做定期較為進取得多,亦開始明白知識真正的重要性。

目前月入2萬8千,持有股票組合約28萬,定存30萬,現金約20萬

恒生銀行2手 成本197
金沙5手 其中2手成本47.6 月供部分約3手成本35.57 月供2000

盈富 4手 成本26.96 月供3000
比亞迪 325股 成本43.87 暫時停止月供
恒地 1手 成本34.7 月供2000
煤氣 3手 成本13.91 月供2000
長建 1手 成本50.29 月供2000

首先多謝老師介紹比亞迪並帶來不錯的回報

可惜早前月供期不長,持貨量不多,於80元時覺得價格稍貴停了月供,並採取了升一倍放一半的策略

如今只剩下不足一手

本來打算於60元左右價位時恢復月供
豈料「一升冇回頭」,現在更升至接近140元的價位
似乎較難期望回落至60元左右的價位

1.請問這情況下老師會建議採取甚麼策略?恢復月供還是應該繼續持貨並改為投資其他潛力股?

另外我打算在美股戶口開戶後月供約HKD$2000 ARKK及HKD$3000 VOO,分散地區投資風險

並於定存中抽取3-5萬轉移到即將推出的ibond賺取較高回報

2.請問我投放在月供部分金額會否太多,令將來持有現金不足?

3.目前持有煤氣3手,恒地1手。明白恒地及煤氣屬同系股票會有集中風險,有否需要調整目前的策略如停供增長力減弱了的煤氣?

4.現時月供部分除了盈富的成份股外均屬舊經濟股及平穩增值型。有感今年疫情經濟受創下舊經濟股表現差強人差,「升市無份、跌市一齊跌」。如今股票組合也是靠比亞迪一隻支撐著其他股票的虧損。

　請問有需要檢討及重整名單,新加1-2款潛力股或新經濟股以增加第1個水桶的佔比及作風險平衡嗎?

5.騰訊及阿里巴巴等科網股均升至歷史高位,市場亦出現針對新經濟股的過熱訊號。如果作重整股票組合名單,是否應該待回落至合理價才轉馬?

6.中國阻止外匯流失,對金沙的基本面有影響嗎?

7.老師對即將上市的螞蟻集團有何看法?記得你提過IPO一般以稍貴的價錢上市,但考慮到螞蟻集團的獨特性,是否應該抽這隻IPO?如否,哪個價位才算合理價?

8.同樣,港交所的合理價應為多少?我對港交所及必瘦站一直有興趣,尤其看到老師介紹及持有必瘦站後對它更有信心。但再購入這2隻股票後會否持有過多股票令組合變得混亂?

問題稍多不好意思,期待老師的賜教

龔成老師︰

1） 比亞迪（1211）現價偏貴，我建議回到$100以下，才再開始翻月供會較好。$80以下先正式買入。

此期間，你可以供住盈富（2800）先，或其他潛力股都可以。

安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園（1448）

投資美股去分散地區性風險，係可以。只要你對這些股票係了解，同埋佢地係適合你年紀，咁就無問題。

如果你未到退休之年，IBOND我就唔太建議投資。

2） 以現時大市在合理區計，每月儲蓄大約用一半做月供，一半儲起等大跌市機會，咁會較好。

3） 問題不大，煤氣（0003）近年係弱左，但長線投資價值依然存在，你可以維持月供策略。

4） 其實你月供股票，都係有質素。受大圍環境變差影響，難免會跟隨下跌。現時你月供的股票，反而因為調整而值博率高左，所以照月供就可以。

至於是否雖要加入一些潛力股，就視乎你年紀。如果你係較年青，長線的確應該加入1,2隻潛力股，去提升組合增長潛力。

5） 騰訊（0700）及阿里巴巴（9988）現價的確係偏高，如果直接1手手咁入貨，我就唔建議。但若以月供形式，去慢慢儲，現階段依然係可以進行。

6） 內地政府主要想防止太多資金外流，這樣難免影響到賭場收入。但由於金沙（1928）主要以中場客為主，影響預期相對其他以貴賓廰為主的賭場同業為少。

而且，這個只會係中短期因素，長線集團發展依然係正面。

7） 無錯，好多IPO上市價都會偏貴。但我地要考慮埋佢質素和潛力，去取得一個平衡點。

但由於螞蟻集團上市資料未公布，故現時很難說是否值得買入。

8） 港交所（0388）是壟斷企業是典型的優質股，值得長線持有。

在$300水平以上就開始貴，你最好等佢回到合理區附近，才開始慢慢入貨。此股算有一定潛力，加入組合係可以。

必瘦站（1830）有質素的，佢生意穩定，同時有平穩增長的情況，佢盈利都不錯，保持增長。

比較特別的是，佢的派息比率高達100%。代表佢有自我成長的能力，不用投資太多的資金，都能令企業成長，這是佢優質的地方。同時反映管理層重派息多過企業增值，因為管理層未無太大的發展意慾。

不過，近年管理層有所改變，表示有可能減少派息，投入更多在發展方面。雖然派息少左，但潛力就有所提升。

整體而言，佢業務有一定不確定性，未知之後的業務、盈利、派息會點發展。現價合理區頂。

------------------------------------------------

Q18895：

龔成老師你好! 本人39歲, 未婚, 未有結婚生小朋友打算

本人現與母親住在公屋兩房單位, 母親是主婦, 自己月入HKD65000-.

1-2年前開始閱讀你的文章, 增值投資認識不少. 現有現金180萬左右, 股票10萬元, 基金5萬元.

想提供更優質的生活給家人及增加家用空間, 有置業打算. 有兩個方向, 不知如何是好.

- 用綠表購入3房二手居屋, 700萬, 9成按揭25年, 首期開支HKD一百萬左右, 月供需 HKD28328左右. 預留50萬裝修, 餘下30萬再作投資. 但二手居屋已有20年, 怕日後轉售有困難

- 先用50萬以租置計劃買下現有公屋單位. 另外, 外出租用3房私樓住 HKD2-2.2萬. 餘下130萬先作投資.公屋單位現估價250萬, 禁售期後轉售獲利200萬.
待2年後,

不知樓價是否再有下調,加上自己的130萬以首置買入私樓3房, 裝修費用後餘下投入債券基金收息, 可協助供按揭

請問那個方案比較好? 或有其他建議? 謝謝!

龔成老師︰

從平衡與穩健角度考慮，方案一「用綠表購入3房二手居屋」較好。

雖然居屋在投資價值未必及私樓，但從自住角度，不差的，而你最大的目的是「優質的生活給家人及增加家用空間」，相信這一步較穩陣地去做到。

至於買公屋的方案，由於你的目的只是借公屋作跳板，期望樓價下跌並之後買私樓，由於樓價下跌存有不確定性，到2年後賣出較難確定樓市情況，因此存在未知數。

如果到時要再等，你就要持續支付租金，加上年齡漸大令按揭年期有可能受影響，所以不確定性較高。

另外，債券基金有好有壞，要留意，有不少網友同我分享，投資債券基金出9現了賺息蝕價的情況，所以唔好以為一定能依靠當中的現金流，唔好比佢的高息吸引。

------------------------------------------------

Q18896：

龔sir你好~機緣巧合下係fb見到你嘅分享，獲益良多~啱啱都買左你兩本著作（股票勝經和50優質潛力股，閱讀中）了解到時間是令財富增值的不二法門，想就住自己的情況問下意見~

我今年30歲，單身，月入將近2萬。扣除1/4家用，1/4生活花費，1/4雜項（先儲埋支付包括保險，或者家裡要換的家電或電子產品等等比較大的支出），剩下大概5000能用作每月投資。

個人的目標是希望45歲前能儲到250萬用作移民，並且之後能靠被動收入維持生活。

現時只有投資美股（半年前開始，因為可以一股股買，資金少易入手），投資左26000港幣左右。暫時睇有6%升幅（買得比較雜，有2/3都係大公司）你認為需要轉返d錢返黎嘛？定係繼續放？咁之後仲入唔入錢過去？

港股方面，有1手中生（1177），7.92買入打算長揸~另外有5萬左右現金，係咪應該拎一半黎投資？定揸住等個市跌返少少先？

另外睇到龔sir的分享，想開始月供股票的計劃。

打算每月供2500蚊盈富（2800），1500蚊比亞迪（1211），1000蚊阿里，（9988），依個配搭可以嗎？（假設唔再投資落美股果邊）雖然長期供股票可以平均成本，但係見到近日阿里同比亞迪都創新高...宜家開始供可以嘛？

本人係投資新手，都係今年先開始慢慢學習，問題比較多，唔該曬龔sir~

龔成老師︰

當我地選擇投資項目時，應參照自已人生階段。年輕時，可以用"平穏增長股" + "潛力股"，到中年"潛力股"比重要減少，到近退休應集中在"收息股"上。

中生（1177）有質素和適合你，長線持有就可以。而美股方面，你可以睇翻你現有股票，是否有增長力、企業是否優質、行業前途如何、財務狀況等，去決定是否值得持有。

但我想你清晰翻2點，首先，唔好因為"入場費平"，就去投資一隻股票。我地選股重點係"企業質素"，一隻$50000入場費架優質股，長線可以繼續升。一隻入場費只要$500架劣質股，最終係可以跌到1蚊都無。

另外，大公司唔代表一定有投資價值，佢都可以係連年虧損。所以，投資前要了解清楚，唔好見係有名或者大公司，就盲目去投資。

以你年紀，投資策略可以比較進取。你現時月供選股可以，但由於現時比亞迪（1211）偏貴，你最好等佢回到$80左右，才開始月供，現時可以先用其他潛力股代替。

潛力股︰安碩恒生科技（3067）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園（1448）

學習方面，除左睇我架書，你可以多睇財經新聞、企業年報和上些相關課程。

本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。課程時間，你可以留意我FB。

------------------------------------------------

Q18897：

龔sir 2800 或者3067 之類既 ETF 或者基金增長會唔會比普通既股票慢?

因為我見到好多時你都係叫人穩陣d就買2800, 但佢真係比普通股穩陣? 但我以前睇過佢派息又唔會派得特別多,以新手入市又唔算好平,所以有呢個疑問。

我依家開始要慢慢了解下車股,其實車股係咪都係睇佢賣車同有無研發新產品之類?

好似以我所知內房就睇賣樓,有多負債,土地儲存,同國策之類。呢種分析方向是否正確? 你會唔會建議人同行業分開投資大同細既公司?

例如2333相對175係細隻d, 175買大份小小,2333小注咁樣?

原來係有人贊助佢地推介人買股票,難怪講呢d野既人好多時係咩基金董事之類既人。

龔sir之前話長線投資,咁我幾時先知道嗰個股票我應該要食糊?

因為我都有一個股票係咁,(3883)係美國總統一開始同中國玩貿易戰既時候5蚊左右買左2,3手,一路揸都揸左有2到3年,佢由5蚊跌左落4蚊

之後高位升到13蚊,但我都無放,依家落到7個幾,咁我係咪錯過左最好賺錢既時機? 因為有d後悔無係12蚊嗰陣放,覺得佢可以有能力升上去無放。

依家你建唔建議轉投其他板塊如車股,因為依家內房既國策收得有d緊,雖然人仔有升,但內房都無乜升。所以就想問咁算唔算長線投資錯過食糊機會?

我都買左本年報勝經睇,慢慢學下野先。

龔成老師：

盈富（2800）有平穩增長能力，不是高增長類，但由於有50隻股在其中，風險得以分散，以我地投資，一定要「先想風險，後想回報」，因此，先平穩風險，同時有平穩回報，這是好選擇。

至於安碩恒生科技（3067），原理相同，而當中是潛力股，不過，不少現價都唔平，所以買入時唔好一次過入，要慢慢分注，或月供。

至於汽車股，要睇佢的產品，客戶對象，品牌，過往賣車的數據，優勢，研發能力，有沒有與其他公司合作，長遠發展，財務數據等。

無論車還是內房，你分析時，重點是睇「這企業」，你現時是買入一間企業，就要用企業的角度，分析當刻及長遠的情況，同時買入價是否合理。

至於你話細隻大隻，你唔好比股價數字、入場費多少影響，最重要睇「企業」。

另外，唔好理中短期的股價波動，最重要是長期持有企業，如果企業有質素，可以一直唔放。如果升到貴，賣部分都是可以的。

你現時的想法，同一般散戶一樣：「著眼在短期升跌，以為自己能在高位賣出」，如果你繼續這樣想，結果只會與他們一樣（根據統計，香港散升，有9成在長期計是輸錢的）。

------------------------------------------------

Q18898：

龔老師您好，有事想請教，周不時睇到有啲所謂大行不斷作出或修改估價，這是為什麼呢？睇到有啲書話被某某機構阻擊，這又是什麼意思，唔明點解一隻股會有不同機構給予不同估價，咁會唔會被弄到停牌除牌架？

龔考師早晨，補充詢問這些曾被質疑評估及阻擊的股我們又應該如何分析應對？

龔成老師：

其實大行報告，都不能盡信，有時可以參考下，有時有佢地本身的目的。

例如本身佢沽空左某股，然後就發表報告，講這公司有問題，之後就會令股價大跌，佢地就可以從中獲利。

所以，這些報告，參考下好了。

其實好少會搞到停牌，除非該公司自己本身有問題。或者最多為澄清，而暫時停牌。

我地睇到這些報告時，唔好盡信，要自己睇翻財務數據的可信性，同埋這股票過往的獨立核數師意見。

------------------------------------------------

Q18899：

1) 我在32.4入了一手金沙，得知現時金沙處於合理區的低位，有意再入一手，但後來獲得更多資訊後覺得銀娛會相對更大潛力，如再入金沙好像會有點矛盾，我相信金沙和銀娛並不適合同時持有。我對金沙應採取甚麼方向？

2) 多謝你上次的回答建議我加大潛力股的比例，我之後閱讀了50倍升股，實在大開眼界，我對數間公司都有投資興趣，想請教應投資次序和現價是否處於合理區。

354 中軟國際
6869 長飛光纖
522 ASM Pacific
謝謝解答！

題外話，我之前去尖沙咀誠品購書時發現你的書在商業投資類都受歡迎，我在早上時發覺在短短十五分鐘已有人選購和閱讀。

龔成老師：

1）比較平衡的做法，是投資銀娛（0027），因為這可減少你集中風險。其實兩隻現價都合理的，金沙較適合收息及平穩，而銀娛則有增長力，兩隻同時長期持有，可以的。

2）在這3股中，中國軟件國際（0354）、ASM PACIFIC（0522）的優質度會較高，暫時可留意這兩股，中國軟件國際在合理區，而ASM PACIFIC在合理區中上部。但始終業務都會有少少波動，因此投資唔能夠過份大注。

哈哈，多謝報料！

------------------------------------------------

Q18900：

老師你好,我看了中國光大綠色環保(1257)既中期報告,咁就有以下既問題/分析,希望可指點一下!!

(1) 2020年收益同2019年收益好接近,但2020上半年係疫情較嚴重時候,咁如果2020都可以做到2019同期既收益,係咪算唔錯?

(2) 損益表入面既"財務費用"係咪指利息支出既意思?如果係既話,推測公司將收入既一部分去還錢,就會影響公司長遠發展,呢個推測合唔合理?

(3) 另外,"財務費用"高過上年,而且公司負債係高過上年,請教下兩者會唔會有關係?

(4) 現金流量表中, "經營活動所動用之現金"比上年高左幾倍,可以點解釋?謝謝老師！

龔成老師：

1）可以咁講，不過，我地分析時最好用較長期的角度分析，中期業績只是輔助，但不是分析的核心。我地要用長期的角度去了解左企業先，再因應中短期業務情況去調整。

2）對，即是融資方面的成本，我地會睇翻佢的成本多與少，佔盈利比例多少。以及分析佢的風險度。

3）兩者有關的，要睇翻佢高左是否到了危險水平，還是仍可接受。

4）當中涉及較多的會計因素，好難在這裡簡單解釋。但經營活動現金流保持正數並有向上情況，一般都是利好的。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q14941-Q14960）

Q14941：

老師，想請問老師覺得什麼時候適宜賣走現在的股票呢？

另外，我應平均分佈於三四隻你所推介的股票嗎？謝謝老師

龔成老師︰

其實賣出持股，我唔會有明確的目標價。

我賣出基於下列幾個原因：由於我買入的是優質股，若買入後發現自己犯錯，這股不是優質股，又或這股核心的質素轉差，變成非優質股，這時無論賺蝕都會沽貨。

又或是市況過熱，市場處牛市三期的狂熱狀態，例如2015年的大時代狂熱時，我便會採用多沽少買的策略，但當時的市況未到極度狂熱，所以我亦只是沽出了一部分的貨。

此外，股價要是嚴重高估，例如市況狂熱，又或自身的原因令股價爆升，都有可能沽出。

若然你無法掌握到我上述所講的，可簡單用「升一倍、放一半」的原則，沽出後等同收回成本，餘下的貨就不用再理會，長期或永遠持有，因為這部分已經是淨賺。

至於組合方面，你可以平均分布在我提供的優質股。分多少隻，你可以睇翻自己總資金，一般6至8隻會較理想，如果資金較少3-4隻都算可以。

大前題是，組合唔好出現過份集中某行業或企業的情況。例如你資金平均分佈4隻股票，每隻佔25%，但其中2隻為恆基（0012）和領展（0823）。

雖然2隻都優質，但由於同是地產股，當地產業出問題時，就會嚴重影響你組合回報，所以要避免這種情況出現。

------------------------------------------------

Q14942：

龔Sir剛完成股票班班，多謝你的教導，令我對股票有認識。

雖然課程中的知識我暫未能完全撐握，但我報了進階班，希望可以繼續跟你學習，在這期間，我會努力溫習。

遇到問題，希望你不介意我電郵給你！

我正在做0027的估計，但有個問題，我發現課堂的note 中市盈率的數值，與新網站的資料有有距離

而在計算估值時，過往市盈率的數值直接影響便宜區的計算， 可以怎處理？

即使睇年報，想自己計回過去10年之市盈率，但年報中只能找到每年的每股盈利，卻找到年末的市價。請問可以從那裏找到當年年末股價？

另外我想問下，0027 是否算是潛力股（水桶1），而1928 是水桶2？

麻煩老師！
謝謝！

龔成老師：

因為新網站只提供了年末的市盈率，而我過往是利用高低計平均數，如果要新網站要有高低計平均，則你要轉為付費先有相關數據。

否則，你可以自行計算。

方法就是你找翻每一年的股價，以及每股盈利，就能計算到市盈率（你可以上YAHOO財經，找到每天的歷史股價），我都同新網站反映左，左想加翻「每年最高及最低的股價」，佢已經處理中。

因為之前用開的網站，突然死左，所有野都亂左。

銀娛（0027）是水桶1、2之間。
金沙（1928），是水桶2。

進階班見！

------------------------------------------------

Q14943：

你好，龔成，最近買了一層樓自住，我與先生都有研究過比高位下降了約15%，覺得是合理價才決定買入，亦相信短期內沒有負面因素令樓價大跌。

可惜，最近有肺炎的負面新聞出現，始終擔心會像沙士一樣，令經濟受挫，影響樓價，擔心是否做錯決定。

想問一下你對未來香港樓市的睇法及走勢。謝謝！

忠實讀者上

龔成老師：

你唔好太著重「之後樓價的升跌」。

你自住，之後的樓價與你無太大關係，最重要是你「每月的供款多次」，如果你不是加按或賣出物業，而只是自住，你根本唔需要理出面的樓價，安心自住就得！

太多人「期望自己買到最平價」，但要明白，好多野是根本無得分析的。

我相信，香港經濟中短期會弱，樓價會在中短期向下，不過，長遠的供應仍是不足，因此長遠仍是向上。

------------------------------------------------

Q14944：

老師， 我月供緊$1500盈富基金， 剛剛出了花紅有$10000, 我想儲起， 我是否應用這$10000 再買一隻月供股票？應買哪隻優質股？都係月供$1500?

龔成老師︰

我唔建議你用這$10000去多月供一隻股票，因為你下年未必一定會有此花紅。月供係需要長期（最少數年）定額供款，去達至平衡價格波動的目的。

你那花紅可等大市回調才買入一些優質股，雖然金額唔大，好多股票未必能買到一手，但也有些一手面額較細的優質股可以留意。

如領展（0823）、港燈（2638）、工行（1398）、陽光（0435）等，一手只要$10000以下。

------------------------------------------------

Q14945：

你好龔成，家父剛剛退休，退休金有2百萬。想問下這些財產應怎樣分配？只買收息股？

現時冇樓冇車

龔成老師︰

由於你父親己退休，那這刻應集中建立現金流類別的資產。

你可以利用$200萬，投資收息類別的產品，你可以建立一個組合。先將這筆錢分成三部分，第一是現金，你預$50萬，第二是銀行或保險公司的產品，約$50萬-$70萬，你可以到銀行問問，目標是一些保本，低風險，但有持續現金流的產品。

第三就是收息股，你可以建立一個收息股的組合，目標是5%、6%的股息率的收息股，例如港燈（2638）、香港電訊（6823）、工行（1398）、置富（0778）、陽光（0435）都可以。

這樣安排的話，每月大約可為你父親提供$6000現金流。

但留意翻現時大市只在合理區，買收息股時，要分開多注，慢慢入貨。

------------------------------------------------

Q14946：

龔成老師您好，以下係個人嘅財務狀況。
25歲，每月16K
月供（823）$2000 （2800）$2000
一手滙豐，一手港鐵。每月儲$ 6000。

之後有機會再入港鐵或中電。
目標係5年後，150萬。
因為很擔心香港前景，希望移民。
請問這樣的話，可以做到嗎

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你年紀計，應以增值為主。滙豐（0005）和中電（0002）增長力欠奉，唔係咁適合你，但現貨可以持有。

現時月供盈富（2800）和領展（823）都適合你，但資金配置上，你可以將盈富加多$1000至月供$3000，而每月儲蓄為$5000。

每月儲蓄的$5000就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

以恆指過去年平均回報10%計（連股息再投資），你每月投資$10000，5年後大約會增值至約73萬。如果你要達至150萬，你加大每月投入或投放年期才可以。

------------------------------------------------

Q14947：

老師你好！本人31歲，月入28k。現時擁有現金10萬，和月供盈富基金，現值20萬，入手平均價$26.5。

本人因為未來志向，會在今年九月開始全職讀書兩年，所以會在八月離職，我計算過生活費連學費後，讀完書之後應該差不多完全用盡積儲。

想請教一下我現在的資產應該怎樣部署？

龔成老師︰

由於優質股需要時間去增值，最好唔好動用你現有股票。你可以睇下有無辦法去找兼職，或者一些網上小生意去增加收入。

就算未能維持過往月供金額，也希望保持倒一個接近金額。

由於月供是希望透過長期定時定額供款，去平衡價格波動，因此完全中斷2年不太理想，而且現時股市在合理區，更不宜這樣做。

------------------------------------------------

Q14948：

龔成兄，綠葉製藥2186什麼價便宜價？現價5.69屬於便宜，合理，貴？你對綠葉有什麼睇法？想買入，thx.

龔成老師︰

綠葉製藥（2186）正面的，佢主要銷售腫瘤科、心血管系統以及消化與代謝三個領域的新藥品，基本上都係有市場的，加上佢過往的生意增長唔錯，市場仍發展中，所以長遠不差。

綠葉的負債的確是扣分的地方，雖然在比率上仍不算有問題，但近年的負債增長好快，這一定會令企業的風險度提升，在估值上都會略減。

當然，你要預佢業務中短期會有波動，現價於合理區偏低位置。

------------------------------------------------

Q14949：

成哥 呢家個組合是甘的同個佔比 是平衡組合嗎？ 我標注左資金分配既用意

1211 25% 核心
1928 18% 核心
1177 10% 核心
1448 7% 經常見吾到合理價 小注
178 3% 用作小小注
1373 10% 不大注
737 10% 不大注
778 10% 不大注
1876 3% 用作小小注
823 9% 不大注

我會計劃往後累積既資金 都係用番呢個%佔比去分配落去

龔成老師︰

你組合有少少散，而且潛力股、平穏增長股和收息股都有。

我地投資會運用「先增值，後現金流」作方法，初期應投資較多增值類資產，較後期則應投資較多保守類項目。所以係放配投資項目時，會因應番你的人生階段。如果你年青，可以"平穏增長股"+"潛力股"，但你已近退休之年，就應集中在"收息股"去創造平穏現金流。

以下我幫你股票歸類，你可以按自己人生階段，去為自已組合造修正︰

平穏增長股︰金沙（1928）、178（莎莎）、國際家居零售（1373）、領展（823）、百威亞大（1876）
潛力股︰比亞迪（1211）、中生（1177）或福壽園（1448）
收息股︰合和（0737）、置富（0778）、

留意翻，百威亞大（1876）雖有潛力，但始終上市時間短，估值困難，此刻只建議持有小注，同時你要明白當中的風險。

合和灣區發展（0737），即是之前的合和公路基建。大股東轉左做深圳投控國際資本控股基建有限公司（即是深圳旗下的公司），暫時在業務上，仍然是持有公路。

不過佢改得名，相信之後會有唔同，之前只是持有公路收路費，但之後相信會有搞作，可能有野發展。因為過往是收息股，而家可能有發展，雖然之後的股價可能會升，但股息有可能減少，因此風險會略略增加。

------------------------------------------------

Q14950：

你好龔老師，我見到老師寫post介紹1044，但之前升幅不少， 再加上現在形勢， 值不值現在入市？

始終我我點怕 ，經濟衰弱 ，影響股市樓市 ，所以我一月頭已清倉，但我對1044是有興趣

龔成老師︰

我地決定否投資一隻股票，關鍵位係睇企業質素和前景。好似早前社運，現在武漢病毒而D中短期因素，我地係唔需要睇得太重。

恆安國際（1044）主要業務為在中國生產，分銷及銷售個人衛生用品，零食產品及護膚產品。

恆安擁有多個品牌，如「心相印」、「安而康」、「品諾」、「安爾樂」等，而業務大致可分為紙巾產品、衛生巾產品、一次性紙尿褲產品、零食產品。

恆安具有品牌，又處於增長中的市場，前景不俗，故此企業為不錯的優質股。不過，市場競可能令毛利略為受壓，但相信隨著此企業發展更多較高毛利產品，影響不算大。

長遠來說，恆安仍有一定的前景，故有投資價值的，但各成本上升，有可能對盈利略有不穩。現價在合理區偏低位置，你無貨可以考慮現價重入第一注。

緊記優質股我地係要"長線持有"，才可以達至最佳財富增值效果，"短炒差價"唔係一個正確做法。

------------------------------------------------

Q14951：

想問下隻345 維他奶
高價（$4x）入左1手

仲有無前景?

應該繼續持有等反彈定係換第2隻?
Thanks !!

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

維他奶國際（0345）是很不錯的優質股，這股在兩年前出的《50優質潛力股》，已推這股為優質股，更有「4分」的小數高評分，可見有一定的優質度。

這股前景正面，雖然最近有明顯回調，但未見佢有核心質素有問題出現，可以繼續持有。不過，你持有的時候處貴水平，因此要耐心小小守。

------------------------------------------------

Q14952：

龔成老師
想問788中國鐵塔
我1.73入

想問老師我應該大概咩位放
通常老師賣出的策略係點？
感激

龔成老師︰

其實沽貨，我不會有明確的目標價。

我賣出基於下列幾個原因：由於我買入的是優質股，若買入後發現自己犯錯，這股不是優質股，又或這股核心的質素轉差，變成非優質股，這時無論賺蝕都會沽貨。
又或是市況過熱，市場處牛市三期的狂熱狀態，例如2015年的大時代狂熱時，我便會採用多沽少買的策略，但當時的市況未到極度狂熱，所以我亦只是沽出了一部分的貨。

此外，股價要是嚴重高估，例如市況狂熱，又或自身的原因令股價爆升，都有可能沽出。

若然你無法掌握到我上述所講的，可簡單用「升一倍、放一半」的原則，沽出後等同收回成本，餘下的貨就不用再理會，長期或永遠持有，因為這部分已經是淨賺。

中國鐵塔（0788）有質素的，這股本身有質素、有前景，中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。

佢現時的收入正不斷增長，盈利都保持向上，但股本回報率不高，是這股較弱的地方。由於這股有發展力，你可長線持有。

------------------------------------------------

Q14953：

你好老師，依家我22歲，大約有15萬現金，亦有穩定收入，請問依家適合開始月供股票嗎？如果budget 3000至4000，全部用黎月供港鐵適合嗎?

龔成老師︰

現在你已可以開始你月供計劃，越早進行，得到複息效果就越大。

以你年紀計，應以增值為主。港鐵（0066）有增長力和優質，供這個可以。但建議你可以加埋盈富基金（2800），佢係包括50間質素不錯上市公司股票的組合，可以有助你平衡風險。資金分配，可以各$2000。

至於餘下的15萬現金現金，可先動用一半以"分注"形式買入有增長力優質股。其餘一半就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

以下的股票都適合你︰

平穏增值股︰盈富（2800）、港鐵（0066）、金沙（1928）、煤氣（0003）、恆基（0012）、中銀香港（2388）、長建（1038）、粵海（0270）、領展（823）、港交所（0388）
潛力股︰比亞迪（1211）、中生（1177）或福壽園（1448）

------------------------------------------------

Q14954：

龔成老師，我想問問老師一啲理財方向。今年29歲，月入30k. 每月儲20k。

想係今年開始再儲多5k 作投資月供股票， 依家有現金300k. 我用咗2-3年先儲到呢筆錢，覺得自己儲得好慢！！

我應該點部署我嘅理財令我盡快達成第一個一百萬、 第二個一百萬？ 希望老師賜教

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你年紀計，應以增值為主。現在你每月可動用的$25000，可以5成去做月供，其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）、粵海（0270）、領展（823）、深高速（0548）或潛力股︰比亞迪（1211），中生（1177）或福壽園（1448）。

另外，現有30萬也可分一半，用"分注形式"買入上述優質股。

至於餘下15萬和每月儲下來的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

以恆指過去年平均回報10%計（連股息再投資），你每月投資$25000，10年後大約會增值至470萬，故這樣安排相信很大機會達至你的財務目標。

------------------------------------------------

Q14955：

本人$2.4元左右持338, $3.8左右 持857，他們股值很低，利息也可以，我希望大手再加注，如果可以持一年多，他們有機會回高位嗎？請賜教。

龔成老師︰

一年多唔係一個長的時間，我地一般投資優質企業都希望係5年或以上。1年會因為很多原因（非企業核心質素），令其股價大幅波動，所以很難預期佢走勢。

但長線而言，如果一隻企業有質素，佢會一直增值令股價上升。

上海石油化工股份（0338）和中海油（0857）這類商品企業，你預佢股價會比較波動，因為會較受資源價格影響，成本有較大的波動，暫時持有無問題，但又不算高質類。

此刻派息率係可以，但佢生意差時候派息會減少，你要知道這個風險。

------------------------------------------------

Q14956：

老師你好，我29歲，有30萬做緊定期，另有20萬現金，月入20k，月儲8k，未買股票

本想月供股票$5000，包括盈富，比亞迪，港鐵，恒基，但銀行手續費一隻股票每月要收$40，好似唔多化算，是否應該只月供盈富，抑或買3手匯豐長期收息？

另外，想知以下股票價位是否合理區？適合我做中長線逐手入？
1177（$11？）
823（$80？）
1299（$80？）
9988 （$210？）

唔該晒老師

龔成老師︰

如果手續費去到本金的1%，就開始高，會對你長遠的回報有一定的影響。所以你現在>3%，唔係咁理想。

我會建議你集中$5000，只供盈富（2800），由於盈富本身是一個50隻股票的組合，都可以做到唔錯增值效果。

以你年紀，應以增值為主。匯豐（0005）是收息股，增長力一般。另外定期回報很少，2者都唔適合你。

至於你所講的其他4隻股票，都有質素和增長力，適合你長線持有。但此刻都不平，你可以未來考慮加入月供。

由於你無任何貨，如果你想直接買都可以，但中生（1177）持回到$10以下較好。而阿里（9988）現價偏貴，最多只可先小注。

記得現在只是合理區，最多只宜用你資金一半，而且要用分注形式入貨。

------------------------------------------------

Q14957：

老師你好多謝你呢段時間指教,都睇左好多你既書學投資

1.暫時持股如下 你覺得有咩需要加入或踢走


中銀香港@10000 $29.5
恆基地產@2000 $38
領展@500 $79
中軟國際@10000 $4.5
中生制藥@2000 $6
福壽園@2000 $6.6

2.我購入股票價位算系合理水平嗎?

3.借貸方案,老師你經常講借貸系最後一張皇牌
我打算計劃定如果以下股票跌到呢個價位 我將會作出借貸動作

呢個方案可行嗎? 如果唔到呢D價位將不會用此方案

估算後股票便宜區
中銀$21
恒地$30
領展$60-$65
港交所$150-180
華潤置地$20

4.如果股價真系跌到呢D價位是否可以大手掃貨,變成10成股票 接近0現金配置?
定系就算去到股市已經低殘都繼續要分時間吸納?

龔成老師︰

1） 大致優質，無問題。

2） 你架買入價都合理，但我想提番你一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，就算之後價格出現波動，只要企業核心因素未被影響，我地係唔需要理會。

3） 通常我自己會視借貸投資，是我最後一張「皇牌」，真的有需要時才會動用，即是見到一個明顯的投資機會，全世界都平貨，值博率好高時，才會動用。

你用這個方法都可以，但你要留意翻唔係因為個別股票很平，就大量入貨，造成過度集中某行業的風險。

4） 在這位置你可以加大投入力度，但是否全數用盡，我有保留。建議最好保留一點資金，因為無人知會否跌更多，只能見機行事。

------------------------------------------------

Q14958：

請問880,同285 ，2018今年係未重有好大上升空間呀

龔成老師：

這幾隻股，本身都有質素的，長遠價值正面。

不過，中國經濟轉弱，2020年這些股，未必有好表現，但如果是長線投資，其實不擔心這些問題。

------------------------------------------------

Q14959：

龔成老師:你好，請問一下，347鞍鋼股票前景如何？約4.00購入，應該止蝕還是繼續持有？謝謝你！

買了很多！

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

鞍鋼股份（0347）本質屬中等，但有較受大環境影響。佢始終這只是商品企業，沒有一些太大的優勢。近年盈利上落較大，難以達到穩定生意與盈利的投資擬標。

所以整體的投資價值只是中等，雖然這刻的股息率有6.5%以上，但你見佢2018年下年因盈利回落而略減，要注意翻這個風險。

持有這股不是不可，但就不建議持有得太多。如果佢佔你組合比重很高，你最好反彈就賣出部份，轉至其他優質股。

------------------------------------------------

Q14960：

想問2013 微盟集團算是增值潛力股嗎？
咩價位為平？

龔成老師︰

微盟集團（2013）集團主要在中國從事提供軟件即服務產品及營銷服務。

佢的產品分為「商業雲」解決方案、「營銷雲」解決方案及「銷售雲」解決方案三類。

「商業雲」可助商戶開設線上業務並助彼等提升顧客參與度、轉化率、收益及忠誠度。「營銷雲」通過大數據分析能力及ＡＩ技術為商戶提供智能營銷服務。

這些都是將來發展的大趨勢，從業務潛力上，的確是有的，見佢財務數據的增長都強勁，但在估值上都唔平。

其實這些上市不足1年的股票很難去估值，佢潛力係有，但如果投資時，最好保守點小注好了。

----------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。