Search
【#劉擎：2020西方思想年度述評】 #三萬字全文
告別2020年，讓我們跟隨學者劉擎的腳步，回望這一年。
#上篇·美國大選與民主危機
序言：漫長的告別
如期而至的政治危機
特朗普現象的根源
偶像的黃昏尚未來臨
#下篇·國際變局與歐洲趨勢
難以修復的舊秩序
現實主義的戰略轉向
歐洲的關鍵時刻
馬克龍的反擊
https://bit.ly/3rRE8I9
用你選擇的媒體，決定你看見的世界
#加入會員：http://bit.ly/2wVfM6g
#學生方案：https://bit.ly/3bUODnu
#端傳媒 #西方思想年度述評 #廣場 #學術
《香港奇蹟如何發生?》 我現身在 Bali，但見到香港平安夜不再平安，香港是否一定要咁差? 奇蹟可以如何在香港發生? 3000名員工抽獎故事分享....
大家嘗試 Practice RANDOM ACT OF KINDNESS 隨意的善舉!
聯絡李根興 Edwin WhatsApp (+852)90361143
#勵志故事
故事內容全文:
琴日平安夜，可惜份份報紙都話香港無平安。香港係唔係一定要咁差呢?
從前某家公司有一個傳統，每年聖誕節夜都會舉辦晚會，並舉行抽獎。抽獎的規矩是: 每個員工都繳交十元美金做為基金，全公司共有三千人，換句話說，共能募集到三萬美金，而被抽中的幸運兒，就可以將這些錢全抱回家。
晚會當天洋溢著熱鬧的氣氛，每個人紛紛在紙條上寫下自己的名字，投進抽獎箱中。但是，一個年輕男子下筆時卻猶豫了。因為他想到，公司的清潔阿姨體弱多病的兒子最近要開刀，但她卻沒有錢支付手術費用，讓她非常煩惱。雖然佢個人同個清潔工從來無傾過計，而儘管知道抽中的機會渺茫，只有三千分之一的機會，但男子還是在紙條上，寫下了那名清潔工的名字。
緊張的時刻來臨了，老闆在抽獎箱中翻攪了一番，最後抽出一張紙條，而男子也在心中不斷地禱告：希望清潔阿姨可以得獎，接著老闆慎重宣布得獎人的名字.............. 奇蹟發生了！中獎的竟然真的是那位清潔工！整個晚會爆出歡呼聲，清潔阿姨連忙上台領獎，幾乎喜極而泣的她，感動地說：我真是幸運！有了這一筆錢，我兒子就有希望了！
晚飯開始啦，男子一面想著這個「聖誕奇蹟」，一面踱步到抽獎箱旁，他順手摸出一張紙條，不經意地打開一看，上面寫的，竟然也是清潔阿姨的名字！男子非常吃驚，接連又抽出好幾張紙條，上面的字跡雖然不一樣，但寫的名字全都相同，——都是那清潔阿姨的名字！男子紅了眼眶，他赫然明白，世界上真的有聖誕節的奇蹟，只不過，奇蹟不會從天上掉下來，而要人們自己去創造。
故事帶出什麼理念?
聖誕節前，我公司每人派咗封利是，有大有細， 我話有機會大家嘗試 Practice 下 "Random Act of Kindness." (隨意的善舉)。 意思是 (1)雖然你唔識嗰個人，(2) 你唔期望有任何回報，(3) 佢亦都唔期望你對佢做任何事情嘅時候， 嘗試做啲嘢幫下佢，甚至乎幫佢畀錢，買啲嘢比佢。
可能係喺魚檔道見到個婆婆想買條魚食，就幫佢畀錢。 可能係見到個遊客來到香港想買杯咖啡嘅時候，就請佢飲杯咖啡。 可能係坐喺茶餐廳個卡位嘅時候，就請對面唔識嘅情侶食個常餐。 唔需要原因， 只係希望為人間， 尤其是亂世中，送出點溫暖。It's not about money，每日洗唔到幾錢。只是想從自己出發，為香港做啲好事。
記住 (1) 你唔識佢，(2) 你唔期望有任何回報，(3) 佢都唔期望你俾佢任何嘢嘅時候，就係 Random Act of Kindness 嘅最好機會。.... but believe me， 最後最開心嘅，得到最多嘅，可能係你自己。
如果香港700萬人都願意咁做，香港任何奇蹟都會變成發生。記住，奇蹟不會從天上掉下來，而要靠人們你我逐個逐個自己去創造。
#隨意的善舉，#奇蹟不會從天掉下來
P.S. Really! 大家記住試下做 Random Act of Kindness, 最開心的會是你自己。三個條件: (1) 你唔識佢，(2) 你唔期望有回報，(3) 佢唔期望你幫佢。
畀錢畀乞衣唔計在內(因為佢期望你俾錢佢)， 餐廳俾多些小費唔計在內(因為你是有回報，待應對你好啲)，請朋友食飯都唔計在內(因為你認識佢)。
最近我就幫了個婆婆在魚檔俾錢$30買魚食，幫了個伯伯在街市俾錢$18改短條長褲。也幫了個遊客帶住三個女買$36杯咖啡飲，及在茶餐廳卡位請對面的婆婆食$22的早餐。
It's not about money.... but believe me .... 最開心的會是你自己。每次做完，我自己都 yeah! 笑足成日。
李根興創業之友 https://www.facebook.com/EdwinNetwork/
李根興商舖之友 https://www.facebook.com/edwinprimeshop/
李根興 youtube 商舖創業及投資分享https://www.youtube.com/channel/UCEN66AnLghXESgCDIsz-3Nw
《十大麻雀館點做生意? 你要知》相信是香港歷史上最詳盡關於麻雀館點做生意的影片。
第十: 香港麻雀館的歷史
第九: 麻雀館行業現況
第八: 麻雀館如何出牌?
第七: 麻雀館內設施
第六: 麻雀館規則
第五: 麻雀館員工如何分工?
第四: 麻雀館點賺錢?
第三: 麻雀館最大成本?
第二: 麻雀館如何防範老千?
第一: 麻雀館賺幾錢?
全文內容:
(旺角卡門電影開端) 這樣的電影已過時了! 已是30年前了。我並不是鼓勵你去賭錢，不過真的希望能夠跟你一起揭開麻雀館這個神秘面紗。我走遍港九新界七間不同的麻雀館，與不同的負責人私底下了解過他們如何運作。今天就跟你分享一下《十大麻雀館如何經營? 你要知》
第十: 香港麻雀館的歷史
麻雀館每月從中抽取利潤(俗稱抽水)超過千萬，是真的! 但成本高到你不能相信，為了留住客人，什麼都會送，成本十分驚人。一旦計錯數，隨時會蝕本。但要記住，是麻雀館，並不是麻雀會! 麻雀會只是普通「會所牌照」，不能抽水，牌照並不值錢。麻雀館就不同了，並不是有錢就能夠買得到。要了解麻雀館，先跟你講解一下相關的歷史。
麻雀館的歷史一定要先提雞記，與他的始創人：麻雀業鼻祖—林坤。1933年他於廟街經營了雞記士多專門售賣零食，當時如果沒事幹，便會於門口擺放幾張麻雀枱供街坊打麻雀耍樂，每人每日收一毫子。怎料來打麻雀的街坊越來越多，麻雀生意越來越好，便索性關閉士多業務，而其他士多又效法，法例又沒有監管，從此越來越多的麻雀館相繼誕生。
後來由於太過盛行，1955年港英政府決定立法全面禁賭，頭號目標就是要打擊全港成行成市的麻雀館，令麻雀業瀕臨滅絕的危機。
人稱雞叔的林坤，就組織了一個「港九麻雀商會」跟政府理論，指出打麻雀乃中國國粹，亦是平民百姓的消遣娛樂，有錢人可以去賽馬，但窮人又可以到哪裡消閒呢?
他認為香港人打麻雀就如外國人玩啤牌一樣， 如果要禁麻雀，不如一併禁啤牌。 再者，啤牌可以安安靜靜於家中耍樂，但麻雀噪音比較大，容易影響鄰居，因此於麻雀館內有規範的情況下會更好。經過他一連四個月的游說，終於能夠說服港英政府，於1956年刊登憲報，宣佈麻雀業合法化。並以一副麻雀牌的總數144隻作上限，發出144個牌照。 油麻地雞記亦因此而成為香港第一間持牌麻雀館。
當時港英政府為免鼓吹賭博，牌照上英文名稱是以Mahjong School (麻雀學校)， 因此輸錢會被取笑為交學費。
第九: 麻雀館行業現況
麻雀館的現況? 以前麻雀用竹製造，因此麻雀館又名竹館。麻雀館一向予人感覺是江湖人物的生意—品流複雜，烏煙瘴氣，粗口橫飛，龍蛇混雜，打架霸地盤，刀光劍影，無法無天，動不動就拉去後巷拳打腳踢，沒有監管的九反之地。加上七八十年代，很多警匪/英雄/江湖電影中，麻雀館內的暴力情節為大眾洗腦，如果你未入過麻雀館的話，以上全部都可能是一個假像。
因此，2007年起業界就團結起來，全行通過不能夠再將麻雀館外借拍江湖片，免得形象再受損。
但老實說，形象已經負面便很難改善，令很多第二/三代皆不願意接手，再加上顧客群老化，最衰落的時候是2003年沙士一役令到很多間麻雀館倒閉。新牌又難以申請，舊的相繼倒閉，現在全港就只剩下大約六十間持牌的麻雀館。
沙士後鹹魚翻生，多謝 (1) 自由行，(2)新移民，(3)很多麻雀館都放棄廣東牌， 引入深圳牌的碰槓牌玩法，亦即全沖牌，俗稱「跑馬仔」以鬥快食糊為目標， 只可碰，不可上，不再浪費時間造牌及計番，除食糊能夠收錢外，開槓亦有錢收，以及 (4)自動麻雀機的盛行，縮短時間至每局三至五分鐘就完成，立刻付款。減少出千的機會。新玩法吸引了不少年青人以及大陸客，現在可以說是從返麻雀業界的黃金歲月。
第八: 黃金歲月? 麻雀館如何出牌? 現在的牌照正式稱為「麻將/天九牌照」，由民政事務總署發出。出牌條件包括:
. 不得於中午12時至午夜12時以外的時間營業
. 18歲以下人士不得內進
. 不能向客人提供任何貸款或賒帳
. 抽佣不能多於牌照列明的上限，一般是5%
. 持牌人必須親自經營管理，不能轉讓牌照等。
以上項目都比較容易執行，以下3項條件才是最難以執行：
(1) 你需要證明申請人是合適經營麻雀館；(2) 地區有確實的需要去開設多一間麻雀館(public demand)；以及(3)充分考慮區內人士可能會提出的反對。如果我家樓下突然開了一間麻雀館，我也一定會反對。
難怪行外人想申請麻將/天九牌照根本上是不可能。即使是行內人，也起碼要申請一年至一年半。期間還要納空租，所以麻雀館若非自己的物業是相當難申請的。
還有請你留意一下，中環/上環/西環/柴灣/小西灣/赤柱/ 將軍澳/九龍灣/青衣/東涌/沙田/上水等等地方，皆沒有麻雀館。 並非因為以上各區均沒有public demand，而是政府根本不願意通過申請。
第七: 麻雀館內有什麼設施呢？一進入門口，先見一見關公。記住營業期間要持續上香，避免得失意頭而導致輸錢。除了傳統祭品之外，最緊要擺放足夠的生薑，何解呢? 因為「夠薑」(夠膽)。 我錄這一條片都可以算是夠薑了。
茶水間，全場閉路電視，當然是以防有人出千，以防員工中飽私囊。牌例介紹， 若然不明白便可以問人解釋到你明白為止。牌種吊牌則顯示每張枱的注碼，當抽水後員工會拍一拍吊牌表示已經抽水。牆上面會有水兜，兜著已抽水的細額面鈔及銀幣；而水箱則用來裝金大額面鈔。
賽馬有分草地及泥地。而打麻雀亦一樣。舊式廣東牌用的是酸枝木檯面，因是啡色，故行內稱之為「泥地」。而新式的全沖牌(深圳牌)改用的電動麻雀枱，一般是綠色絨布檯面，故行內稱之為「草地」。 由於流轉量快及抽水量多，因此絕大部分都會選擇「草地」。
第六: 麻雀館規則
不要想得太複雜，比起廣東牌簡單得多。Really?! 我是麻雀門外漢，但我去了七間麻雀館打麻雀，一入去我就會選擇最細注碼的枱，通常100/200，與另外三個陌生人打牌，並說明我是初哥，會比較慢。他們都是很友善的，還會教我打牌。如果不夠4人呢? 沒關係，他們還有「檯面」，即是穿著制服的「戥腳」，方便幫人客湊夠4人開枱。
我雖然前後支付了一千多元的學費，但其實我都有食糊的。再加上其中幾間，一進去便給我利是，足足100元，對於我這個「運吉」的客人來說也算不錯。
牌例? 打法為大陸碰槓牌（即跑馬仔），以鬥快糊牌為目標。不用造牌或計番數，只準碰牌(例如三隻九萬)，不準上牌(例如一二三萬)。開槓即收錢 (例如4隻四萬)。以100/200為例，自摸明槓每位收100，自摸暗槓每位收200，打牌給對手槓，一人輸300，如槓後自摸或再槓就三家均需付款。出沖，一人輸200。自摸食糊每位收200，自摸之後再中獎馬，每位再收多200。何謂中獎馬呢? 意指你食糊後，會有一次機會，按你的位置要抽到以下的牌就可以贏雙倍錢。所有牌例要說也說不完，但基本上沒有什麼技巧可言。行內人會形容為八成靠運氣，兩成靠技巧。
試想想，我這個初哥，去了七間，也只是輸了一千多元。如果去澳門絕對不只這個數。與澳門不同的是，你是與賭場對賭。而麻雀館則純粹抽水，誰贏錢就抽水5%，可以說是沒有風險可言。
第五: 麻雀館員工如何分工?
持牌人—即是最終負責任人，任何責任均需由他來承擔。
頭排—即係店舖總管，通常會站在舖中間，一眼關七。
巡場—負責看守自己範圍內左右兩邊的麻雀枱
檯面—即是穿著制服的戥腳。麻雀館給他們的指引，一般都是「贏少少或是打和」，避免大輸大贏，以吸引客人繼續打下去。
圍場—即是穿便服的戥腳，又稱「特約客戶commissioned player」。免得讓人客有被三個制服人員包圍的感覺，好大壓力的!
後生—即是跑腿，幫人客買零食/交電費/買餸等等
茶水—即是斟茶遞水
水袋—即是拿著錢袋到處走，負責幫人客找零錢及抽水
櫃面—負責現金收支
庶務—即是打雜
賬房—即是管數
以一間三十張枱的麻雀館為例，員工足足有六十人以上。麻雀館的工作，一般都被認為是「筍工」。每一位員工都入職數十年都不願意辭職。何解呢? 雖然上班12小時，但通常都包括膳食時間及小息時間。零售業通常上班六天才放假一天，但麻雀館則是上班兩天便放假一天。
何謂資本主義? 我現在就展現一個最完美的典範給你看。麻雀館行規，如賺錢呢? 老闆分六成，員工分四成。我重複，老闆分六成，員工分四成。基本上除底薪以外，按職級分份數多少，頭排分兩至三份，後生分半份。以二線區的麻雀館為例，每月每份花紅約七千元至萬蚊，如果旺區，如旺角，一個普通女工的月入隨時高達六至八萬。 以前就會日日結帳分紅，不過由於太麻煩了，現在已改為每個星期分紅。是否好過一般上班族要等到年底才有分紅呢？為什麼我會知? 不是我編的，而是「鷄鳴報喜」這本書有寫!
第四: 麻雀館如何賺錢呢? 了解完行內的術語你便會明白了。
銀頭—每日開店時做生意的現金
水份—麻雀館每日抽水生意的收入，一般都是抽贏家的5%。
上數/下數—即是指員工落場戥腳，贏錢就是上數，輸錢就是下數。行內人士稱，一般都是輸錢的， 因為一家對三家，卻只玩一會，輸錢的機會率當然比較大， 平均約10-20%。
看看這張「上下數」更紙。最頂的數字就是員工圍客編號，上半紅色字是「上數」，下半藍色字就是「下數」。
還有:
大閘—就是每日固定支出，例如人工，租金，水電等
小閘—就是每日不固定的支出，例如人客的餐飲費，利是，日用品等
哪麼麻雀館如何賺錢呢? 好簡單，你就要睇「收實」。
收實—就是水份(即是5%抽水)減去大閘、小閘(即是固定支出及雜項)、再加/減上下數、即等於每天的盈利或虧蝕。
但要緊記，老闆只收六成，其餘四成會分給員工，這樣才能夠上下一心，真是良心企業。我還未做得到!
第三: 麻雀館最大的成本是什麼? 店舖通常都是自己的物業，因此並無租金可言。員工人工? 賺錢才會分多點給他們。
要吸引新客，留住舊客，最大的成本當然是顧客服務。來到麻雀館打牌，舖內固然有免費茶水及小食，想叫跑腿幫手買零食或者叫外賣都無問題，想吃得比較好?魚翅/鮑魚/燕窩，都無問題。交水費/電費/去街市買餸兼接小朋友放學呢? No problem! 最緊要是你留低打得開心。當然大家做生意，如果你打得細，便不要要求太多了。
對於大陸豪客而言，正! 專車口岸接送，包飲、包食、包住、包shopping。聽說，人客撞壞了別人的車，麻雀館都會負責維修費。成本是否很高呢? 行內人士稱，這些貼身客戶服務的成本已佔了水份的二至五成。但如果你不是這樣做，而其他行家做，你便會流失客人。真是生意難做，這也是業界最擔心的成本失控。
第二: 麻雀館如何防範老千?
這些情節，過氣了。雖然間中都有報道，稱麻雀館有人出千。但近年真的不太多。如何防範呢?
(1) 麻雀館的麻雀牌一般比較大隻一點，較難用掩眼法。現在碰槓牌的新玩法， 簡單，快，亦都比較難出千。
(2) 一般幾個朋友入去，都要分開枱坐，免得幾個串通。四周圍都是閉路電視， 加上幾十對員工的眼睛望實哪個熟口熟面的老千出現，一見到你打牌的方法出現問題，就會馬上請你走並跟你說：「外面有人找你」，你便明白了。
最後，第一，麻雀館賺多少錢呢?
現在香港最大的麻雀集團就是瑞興麻雀，包括瑞昌、瑞豐、誠興麻雀館等。由前探長石鑑輝創立，人人都知道他身家幾百億。代表麻雀館，肯定賺到錢。新玩法、新移民、新遊客、新設備，成為麻雀館近年的四大新動力，但政府現在又難發牌， 我自己親身去了好多間麻雀館，都要排隊打牌。往往旺足12小時。現在就要跟你計數。
以一間麻雀館有三十張枱為例，每局玩三至五分鐘，即是一小時就能夠玩12局，三十張枱，12小時，全場全日就有4,320局。我明白，未必由朝旺到晚，就打個七折，即是每日3,000局。
注額平則街坊100/200，貴則旺區10000/20000，開槓馬上付款，自摸三家付，中獎馬又雙倍，就當每局平均係300/600，明槓每位300，再自摸食糊每家收600，合共2,700，抽水5%即係135。
《十大重建消失的舖》
今次走勻全港十區同你介紹「十大重建而消失的商舖」。不是按規模大小，而是十大特別有意義的項目。 因為重建，有幾多間舖消失了? 香港人均零售樓面又有幾多呢? 對未來有什麼啟示?
Answer in video:
全文:
...................
東涌，青衣，將軍澳，馬鞍山，西九，啟德除咗都係新發展嘅地區同埋有個共通點，無舖賣。 舖同樓唔同。 樓會越來越多，但舖(我講緊街舖， 尤其是市區嗰啲 )則只會越嚟越少。 可以買賣的更加少。 點解? Now I tell you why!
第10: 我後面原本係著名嘅灣仔喜帖街，即係利東街。 由於市建局2003啟動重建，利東街/麥加力歌街一帶佔地八萬九千平方呎， 2010年2月起利東街永遠封閉。 150間街舖從此消失， 變成咗我後面呢個囍滙商住混合項目嘅項目。 而家信置同埋合和揸住曬，咁仲有冇鋪賣，zero!
第9: 經皇后大道東走向金鐘方向幾步，近PP3嘅保華大廈、安頓街、蘭杜街一帶嘅舊樓， 佔地一萬二千八百平方呎，太古於2017年底就以20.55億強拍買入，其中一間400呎嘅舖之前仲升咗2393倍，先以1.41億被收購。可惜呢度30間街舖亦將會消失。可能變成另一個PP4, 一個發展商揸住曬，無舖賣!
第8: 最近好hit嘅topic， 梗係新世界喺北角英皇道嘅皇都戲院項目啦。 皇都戲院係1952年落成， 佔地三萬五千平方呎，當年為戲院、商場同埋住宅嘅大型綜合建築項目。 戲院係1997年結業， 而家部分改為桌球會。 新世界收下收下收下， 收到八九成業權啦，就係2018年10月正式向土地審裁處申請強拍。 之前我都逐一逐一報道過， 唔少舖都高於市值5至8成賣咗， 擺到明就係被收購。 強拍重建落實後，80間舖從此消失。 又係一個發展商揸住曬，唔賣!
第7: 又係太古， 不過今次拍埋恒基。 喺太古王國旁邊，鰂魚涌呢道嘅濱海街16至94號連同英皇道983至987A號， 連埋瑞士樓呢一列嘅十多幢舊樓， 成條街長300米，佔地四萬四千呎， 2018年11月啱啱申請強拍， 估值26.6億。 重建後，太古梗係唔會賣啲鋪啦，40間舖從此又唔見晒。
第6: 返番中環半山卑利街/嘉咸街一帶， 由中環中心行上嚟些小， 佔地約五萬六千呎，而家工程進行得如火如荼。 市建局把地盤分成ABC三個，先後分別同信置(A)，長實(B)，永泰同資本策略(C)合作發展， 2007年啟動，預期2022年全部落成， 到時呢道有冇舖賣? 唔知，但係可能都係零。近100間舖可能又從此消失。
第5: 今次梗係要過下海啦， 因為大部分重建都喺九龍區。 淨係睇市建局啟動過嘅75個重建項目， 57個都係九龍。 新界(除咗荃灣嗰兩個楊屋道及萬景峯嘅項目以外)基本上係無重建嘅。
先嚟旺角買返對波鞋先， 波鞋就越嚟越多 , 不過可以賣買嘅舖又少咗38間。 點解? 因為市建局2007年開始，就收咗波鞋街呢度一楂嘅舖， 佔地三萬六千平方呎，同新世界起成咗呢K28嘅商住項目， 同K11一樣，啲舖梗係唔賣啦， 大家又要行商場啦。
第4: 男士們，以前多唔多嚟尖沙咀金巴利道嘅香檳大廈呢? 我都係聽人講㗎咋， 呢度曾經係一樓一鳳，色情事業嘅聚集地。 佔地二萬六千呎，香檳大廈於1957年落成， 雖然只得八層高，曾經係半島酒店之後，當時九龍最高嘅建築物。 亦曾經係香港著名相機同攝影器材嘅集中地， 80年起開始沒落， 90年代多個單位被劏成為一樓一鳳， 曾經盛極一時叫做香港「性」地。
由於樓齡過咗50年，近年不斷傳出財團收購嘅消息。 好似2018年1月時， 恆基就向霍英東家族買咗地下同LG層合共十個舖位，作價1.15億。 之後上個月(2018年10月)恒基再用多1.25億買入多十間舖，我之前都有報導過(第998-999成交)。 雖然依家應該仲未收齊八成業權門檻申請強拍， 相信收下收下距離收齊唔遠。 重建之後， 啲舖肯定好似對恒基自己對面美麗華廣場咁唔會再賣散，到時尖沙咀又無咗90間可以買賣嘅舖啦。
第3: 嫌香檳同波鞋個項目細? 整個大啲畀你睇睇。 我而家企咗喺土瓜灣， 庇利街/榮光街/啟明街/鴻福街/銀漢街一帶， 可能你呢世仔都未來過， 但再唔嚟, 呢度嘅大約二百間舖就好快冇晒啦。 呢度每間舖市建局收緊大約千二至千八萬。
土瓜灣真係好多重建，淨係呢幾條街，市區重建局就落實咗七個重建項目， 睇住我地圖框住呢七個， 合共佔地二十三萬九千平方呎。 預計呢七個項目喺未來十年相繼落成，到時有冇舖賣? 我唔知。我只知道肯定唔少變成商場， 大發展商自己揸住曬。 即使有商場內嘅細舖劏出來，大家記住千祈唔好貪平買。 地舖頂多輸一兩成，劏舖分分輸剩你一兩成。
第2: 未來嘅消費，我相信唔止係南向北移，而且係東向西走。 因為港珠澳大橋，高鐵通車同埋西隧減價都係西邊，東邊反而只係本土消費多啲。 講重建消失嘅舖，梗係要講下九龍西啦。
呢度係大角咀，好吖。 重建一流呀， 如果唔係市建局都唔會喺度落實咗十個重建項目。 未計已經落成嘅洋松街新鴻基形品▪星寓，必發街華人置業嘅 i-Home, 櫻桃街南豐嘅海桃灣， 埃華街信置嘅 Park Ivy， 其他仲起緊嘅六個地盤就係呢度，六個地盤合共佔地六萬四千平方呎，重建後又有約70間地舖將會唔見啦。
呢楂舖唔夠多? 最勁嘅應該係恒基係大角咀道以西，近奧海城嗰邊嘅利得街、福澤街、 嘉善街、角祥街一帶嘅利奧坊重建項目，分為五期發展，合共約佔地超過11萬平方呎。
未起前有大約80間地舖係利奧坊呢道，起好後? 又變成好似係我後面呢個商場咁啦，一個發展商揸住曬，無舖賣。 連同之前市建局起緊嗰六個地盤嘅七十間舖， 大角咀又將會對一百五十間舖講拜拜啦。
第1: 梗係要講我由細浦到大嘅觀塘裕民坊啦。 呢個係市建局同埋香港有史以來最大型嘅市區重建項目。 主地盤及月華街地盤合共佔地57萬平方呎， 係我上面講嗰九個地盤嘅總和， 牽涉超過1600個業權，三千個居民，同520間舖。
呢個項目早於1998年已經由前土地發展公司公佈 ， 2007年市建局起正式啟動， 分五期落成， 當中會有住宅，office, shopping mall, 酒店, 政府辦公室，社區中心，公園， 交通交匯處等綜合設施 。預期2026年完工。 前後預期要搞近30年。頭三期係由信置同埋華人置業發展緊。 咁大個項目，起好之後肯定好似APM咁，又係冇舖賣。 嗰五百幾間舖從此又消失。
根據政府統計處及差餉物業估價署數字，香港依家大約有280萬個住宅單位。 零售方面，總面積有1.2億平方呎， 除以740萬個香港人，即每個香港人有16呎嘅零售空間。每年新落成就大約有120萬平方呎嘅新零售樓面。 但記住喎，呢啲絕大部分都係商場、樓上舖及銀座式商廈。 喺條街嘅地舖係無新供應之餘，仲不斷地減少緊。 我重複，係無新供應之餘，不斷地減少。
粗略估計香港大約有十萬間街舖， 由於收購重建，可以買賣嘅街舖不斷地減少緊，淨係上面嗰十大個案就已經冇咗千四間舖。 市建局只佔市區重建少數，我估計佢哋咁多年嚟就收咗大約二千間舖。私人發展商仲多，大約萬幾間啦。
買鋪無非等收租，等加租，等升值，博重建。經濟理論101教我， 如果一樣商品只會減少，沒有新供應，而永遠有基本需求的話，唔怕買，長遠必升。 除非啲人開始識飛天，我就怕。因此我咁多年嚟都鐘情於街舖， 去證監會攞正牌成立埋香港首間商舖基金，2009年至今買賣接近一百間單舖， 算有些少成績。你.... 又會唔會想買呢?
第10: 灣仔喜帖街(利東街) - 150舖
第9: 皇后大道東保華大廈、安頓街、蘭杜街 - 30舖
第8: 北角英皇道皇都戲院項目 - 80舖
第7: 鰂魚涌濱海街/英皇道瑞士樓 - 40舖
第6: 中環卑利街/嘉咸街 - 100舖
第5: 旺角波鞋街 - 38舖
第4: 尖沙咀金巴利道嘅香檳大廈 - 90舖
第3: 土瓜灣庇利/榮光/啟明/鴻福/銀漢街 - 200舖
第2: 大角咀市建局及恒基利奧坊 - 150舖
第1: 觀塘裕民坊及月華街 - 520舖
合共消失1398舖
