拿，班五毛成日話我崇英，今日我就同一眾五毛槍口對外，唱衰英國--- 英國劍橋及Crayford麥當勞員工宣布罷工！
原因？梗為因為為富不仁，壓榨勞工啦，唔通因爲老麥唔賣乾炒牛河咩？話說英國快餐業盛行「零工時合約」，即是有工就叫你返，冇你就等通知。嗯？有點像香港的「炒散」吧？這種合約方式，對員工收入極無保障，加上本身時薪極低，英國員工罷工也是很合理的。
說到麥當勞的工作，也是出名到入左字典，英文就真的有McJob一詞，形容An unstimulating, low-paid job with few prospects。用「沉悶、人工低、無前途」去形容在麥當勞裡當奴工的人，就是牛津大字典給麥當勞婊力四射的回應。
話說，英國班當奴人，口裡喊著時薪很低，你知道一小時人工多少嗎？£4.75，即是約47蚊港紙。很低吧？
騙你的，47蚊時薪是給未成年學生的價，成人員工一小時係£7.60，即係76蚊。
係呀，英國時薪76蚊叫貧窮，依家仲要罷工要求升到上一個鐘一百蚊。我非常肯定英國衣食住行唔會貴過香港一倍，咁點解香港最低工資係34.5?
我們這個國際大都會，幾多人時薪可以超過76蚊？幾多人連McJob 都算不上？更別說前途了。
註：圖片係荷蘭食的老麥，太耐冇在英國食，所以找不到相，頂住檔先。
#何不把悲哀感覺假設是來自你虛構
#英國罷工
#勿當奴
#不過冇五毛會話罷工搞到大肚婆食唔到麥記結果流產
#話說76蚊一個鐘等如你出152個五毛留言
#五毛們不如都罷工啦
#不過香港無集體談判權
#多謝左工聯會未
#嫻姨姨話好介意你地話佢出賣工人
#癡線根本無企過在工人那邊點算出賣
