【龔成問答信箱】（Q13921-Q13940）
Q13921：
老師你好，我係你2018年12月股票班嘅學生。
當時我下課後請教你應該如何XXXXXX...，因為我打算XXXXXX。多謝你耐心解答。
由當時到現在，我已經賺了大概$200,000，雖然並不多，但係對於一個全職大學生來講，兼職能夠在少於一年的情況下賺到這個金額也算還可以。
由六月開始政局不穩，雖然當時仍然能夠賺到收入，但我自己覺得近來生意不算理想。我應該點做？
（由於部分內容，對這學生的生意有關，因此不便全部公開）
龔成老師：
見到你可以在這個數，實在太好！
這是一個好開始，亦是對你這類肯行動的人，一個好好的鼓勵！你的方向正確，保持進行就得。
我地好多野，都要睇長期，香港的情況只是中短期，你不用太過擔心，保持長期發展就得。
------------------------------------------------
Q13922：
老師你好，你d書係澳門較難搵，書局九仗遠，不過都值得既，吸收到唔少經驗，希望你會係澳門多d開班啦。
我30歲，初次玩股果時，真係完全唔識，果日見邊隻升就買，或者有大跌就炒底，曾經係股市虧本左50幾萬
宜家已經有開始長揸，每次每隻股不定期買入2-3萬。
00002，500股，均價$82.6
00066，1000股，$44.4
00700，500股，$324
02388，1500股，$27
02682，60000股（新手時買入，嚴重入坑，好彩買得唔多），$0.43
02800，1500股，$27.6
手持現金100萬，未諗買樓，想將d錢放股票長期增值，平均月入10萬左右，唔知老師有咩建議？因為澳門股票買賣手續費都幾貴，交易一次買出買入就500蚊，感謝指導
目標，50歲後可以每月靠股票有2萬收入，另外買層500萬既樓，唔知有冇可能呢
龔成老師：
聽澳門網友講，水坑尾宏達較多貨，你可以一次過買多D，久唔久先去一次。之前在澳門開左2次班都好成功，我打算一年會在澳門開一次班，預期下次在2020年第三季，你到時可留意。
每個人最初投資，都總會虧損，有人會醒，有人唔識醒，最睇要識得學習，之後行翻正確的路。
你上述持有的股，基本上都是有質素的，你可以長線持有，可以久唔久加注。另外，建議你加入盈富（2800），可以令你的組合更為平衡。
潤利海事（2682），盈利有下跌情況，投資價值不高，加上行業在中短期仍有風險，不要加注。這股長遠要賣，但這刻全球貿易相關風險高，令佢股價受壓，這刻賣出又不值得，所以，你可以等貿易因素減少後，慢慢先慢出，這會較好。
至於你現時持有的現金，你可以動用$40萬，分注投資，以你的年齡，平穩增值股是適合你，除了你原有的股票外，可考慮：盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。同時，可考慮小注比亞迪（1211）、中生製藥（1177）。
當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。
例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。
------------------------------------------------
Q13923：
想問AAPL pe
達 22 是否過高可以買出
我買時只有13-15
但見到佢歷史pe值是越來越高
可能是市場覺得佢質素越來越好
想請教龔老師
謝謝你
龔成老師：
當企業的優質度增加，發展力仍強，市盈率估值較高，都可能可以接受。
APPLE是一間好強的企業，我相信大部分的貨，你都可以永遠持有，加上市場正在等5G，近年的智能手機銷售不算強，其中一個原因是無大突破，但如果進入新時代，情況就可能有點不同。
所以，考慮到佢本身因素，及增長力，現價只是合理區頂，未算貴，你如果貨多，可以再升時賣部分，但建議有部分貨，永遠持有。
------------------------------------------------
Q13924：
中國旺旺151、今次業績如何、可以買入嗎，謝謝你先
純利、比過往有大增
龔成老師：
中國旺旺（0151）最新的中期業績不差的，佢盈利的確有一定的增長，這是利好。不過，生意的增長卻不大，這點反映整體市場增長力不強，中國消費仍不是太好，有生意才能之後產生盈利，這是一個核心因素。
因此，整體業績算是不差，但又不能該好強，這企業仍有質素，有投資價值，但現價就只是合理，不算平。分注投資可以的。
------------------------------------------------
Q13925：
老師，你好。小妹現設有一個月供股票組合用作長遠收息用。
組合有 HSBC (0005) 和中電 (0002)，月供 2 x $2000 共 $4000，今年收息率為約 5.2%。
在平穩投資為大前提下，把月供股票組合的收息率提升至 7% 以上可行嗎？
如果可行，我又該如何優化組合？
希望老師可以給予意見，謝謝！
龔成老師：
上述都是有質素的股票，你可以投資，長期持有及月供。中電（0002）股息率合理，但不算好高，至於匯豐（0005），收息無問題，但唔好對佢的增長有太大期望。
至於你話7%。我地計股息率，會以收息除以買入成本，如果股息率要增加，佢的股息一定要在之後的年份向上先得，近年匯豐的股息無增長，至於中電，則有基本增長，所以，要較長時間先去到7%以上的股息率。
如果想優化組合，你可以加入其他優質股，因為太集中在2隻股，不是好事。
當我地進行人生財富累積，會運用「先增值，後現金流」作方法，所以，你可以考慮投資有增長力的股票，例如盈富（2800）。
如果你本身較保守，想集中收息，則可以增加收息股，例如陽光（0435）、置富（0778）、香港電訊（6823）等。
------------------------------------------------
Q13926：
龔sir有兩隻股想問下你意見
1. 滔博 (6110)
雖然呢隻係新股，但今年中國推出有利體育產業發展既政策，會唔會令呢隻股有更大潛力？
加上見到佢同好多國際品牌有合作，市場佔有率都唔錯，而且佢既會員計劃令到生意數據化，都合乎現時大勢所趨。
2. 中國中藥 (570)
醫藥股都係一個較睇好既行業，我估計中央政府黎緊都會有唔少支持行業既政策。而中國中藥業務範圍包含由研發到銷售，過去幾年盈利都有穩定增長。
請問以上兩隻股值唔值得長線投資？如果可以既話合理區大概係咩位呢，謝謝解答！
龔成老師：
滔搏（6110）主要係中國從事運動鞋服產品零售業務。佢大多數門店為單一品牌門店，以所售運動鞋服產品的品牌冠名。
現時同11個品牌合作，當中主力品牌為Ｎｉｋｅ、ａｄｉｄａｓ，其他品牌包括Ｐｕｍａ、Ｃｏｎｖｅｒｓｅ等。
零售網絡包括8300家直營門店，有好強大的網絡，過往業務不差，有增長，有盈利，有正現金流，只是新股類，分析與估值上較為困難。
如果以佢預期的盈利計算，初步推算市盈率在17倍-20倍左右，未算貴。不過，新股上市前一定整靚盤數數，所以要打折扣。
業務上，都有投資價值，但考慮新股上市不久，不建議大注。長線投資都可以。
中國中藥（0570），佢係中國大型現代化醫藥集團，透過旗下「聖通平」、「高德」、「西鳴堂」、「德眾」及「馮了性」五大主要品牌，生產涵蓋中成藥、化學藥及生物藥三大領域之藥品超逾200多個品種。
佢的生意同盈利都有不錯的增長，賺錢能力理想，但不算好強，前景正面的，這股有投資價值，但預期佢的增長力會減，因此估值上都減左少少，整體仍有質素，但就要注意股價波動風險。
------------------------------------------------
Q13927：
老師你好
我想問732 信利國際
明明有盈利 但股價一路跌? 點樣分析?
謝謝!
龔成老師：
信利國際（0732）我無特別研遲究過。
初步睇佢過往的業績，如果將近年同過往年代比，佢盈利跌左好多，同時十分波動，就算考慮最新的半年業績，如果推算全年盈利，只是$2億、$3億，以佢現時的市值$30億計，其實合理。
相信是過往市場對佢估值太高，又或有其他期望，現時去翻基本面，加上佢本質業務波動，市場因風險因素而減少了估值，都是正常的。
------------------------------------------------
Q13928：
請問老師睇好 雲端5G同智慧城市既相關股或者etf?例如00268？有投資價值嗎？ 謝謝
龔成老師：
我無特別留意邊隻ETF是這類的，但我相信這都是一個選股的潛力方向。
新意網集團（1686）主要提供數據中心、設施管理、網上應用及增值服務，系統之安裝及保養服務。相信是大環境中，長遠其中一個受惠者，現價不算平，不過小注都可以。
至於金蝶國際（0268）都是科網類受惠股，長遠發展不差，不過現價貴，最好回少少先考慮。
------------------------------------------------
Q13929：
老師，我買嘅長和、長建、電能現時股價都低過我的買入價好多，只係利息可以抵銷番大部分嘅差價。
而之前都買過中銀(2388)幾年，賣曬賺咗d。咁而家應該賣邊隻股票好呢？因為我8成資金都喺曬3隻股票度。謝謝
龔成老師：
你太過集中在長和系，這會有集中風險出現。
我地分析一個組合，並不是睇佢的買入價，而是企業的質素、前是，你持有的股票，雖有質素，但就集中，因此要調整。
你要建立一個更平衡的組合，你可以考慮加入盈富（2800）。
由於你這刻現金不多，建議你先儲下現金先，令到你現金比例自然增加，之後如有適當時機，就賣出部分長和系，如果無適當時機，唔需要急賣，慢慢儲更多現金，之後先加入盈富。
如果日後再有資金，到時可再加銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）等，你可以了解下這些股票，然後從中選股。
------------------------------------------------
Q13930：
老師！最近我個美甲師係咁話儲唔到錢，無可能買樓，點都要成日旅行，我就記得你講過要延遲享樂，用而家去日本的錢可以換第日去歐洲
佢話唔知點投資話市貴，我就話咩為之貴，企業會成長xxxxx,可能今日20蚊平過之前10蚊，最後叫佢買了80後百萬富翁🤣佢話會inbox問你野，我話ok!等7-10日老師會覆你
同近日比亞迪電子帳面賺了7000幾蚊，d朋友叫我放，但我記得老師第一堂已講過升唔係放既理由，我地唔好賺粒糖，要賺間廠，要等待佢成長收成，謝謝老師！
龔成老師：
對呀，你無得一次過比太多知識佢，但我以從我的書入手，理財要慢慢調整的，一次過叫佢做太多野，可能會有反效果，先從基本的儲蓄著手，下一步就會做月供股票。
比亞迪電子（0285）有長遠增長力的，你可以長線持有。這要考驗你的耐心，以及心理質素，因為之後仍會不斷升升跌跌，你要克服。
------------------------------------------------
Q13931：
老師，我依加邁向54...
依加爭扎緊幾時退休
龔成老師：
幾時退休，最緊要是你計好數，你睇下滾存的財富，是否足夠你之後用，我地的體力會慢慢減，所以如果60歲前做得，都可以保持工作，有收入，累積更多財富。
好過到左75歲時，用晒D錢，到時要工作都較難。
所以，你最緊要計好數，各戶口在退休時，預計有多少錢，到時會點分配，是否足夠長期用，如不夠，就只有遲少少先退。
------------------------------------------------
Q13932：
Hello 龔Sir，請問中石化(386)的質素如何？
現價合理嗎？
龔成老師：
中石化（0386），質素算是不差，但又未到好好，始終這只是商品企業，沒有一些太大的優勢。生意近5年只是上上落落，無乜增長力，這是受油價等因素影響，反映佢處於一個被動的狀態。
如果佢之後的業務，無之前度咁樣，股息就會下跌，而佢過往的股息亦唔算太高。加上佢的股息不太穩定。
所以，這股作為收息股，適合度只屬中等。現價合理，如果不算太大注，其實都可以。
------------------------------------------------
Q13933：
請問現在的處境莎莎還有前景嗎？
還是買大快活好d呢？
龔成老師：
我地整個分析，最重要是睇長期，如果事件只是中短期，就仍有投資價值。
莎莎（0178）本質不差的，但受香港社會事件影響，令佢面對中短期好大的不利因素，但我地會以長期，例如3年作分析點。
3年後，你認為佢的生意如何？如果無問題，就有投資價值。
我相信，佢長遠仍有投資價值，只是中短期股價一定弱，你要投資後，耐心等收成。
相信對，大快活（0052）的中短期問題，無莎莎咁嚴重。但要睇翻你的投資風險與策略，永遠都是有危有機的。
------------------------------------------------
Q13934：
老師你好，我現在23歲，2017年開始每月月供了5000蚊盈富基金，直到現在也有持續月供。
因為想有每年10%的回報率，我是否應該改變現有的組合？資金大概想10年左右拿出黎置業或者給家人養老的，謝謝
龔成老師：
當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。
例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。
你這個年齡，是財富增值的黃金時期，要好好把握，盡你一切的力量去儲蓄、投資、學投資知識。
你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。
我會建議你試下選股，如果有少少選股能力。
你可以考慮盈富（2800）$2000。
另外再加2隻（每隻$1500）：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）等，你可以了解下這些股票，然後從中選股。
如果你不懂股，就集中供盈富$5000。
現時大市處合理區，可以一邊投資一邊留現金（即是你一定要留有一些現金），而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
------------------------------------------------
Q13935：
龔成你好，我今年26歲，月入約50-60K，能儲25-30K，希望45歲前能達至財務自由，剛剛買了你的書開始學習。我之前有買過股票，現時股票有700（1手），5（2手），1398（10手）
我現時現金有200K only
另外，我幾個月之前開始月供股票($12000)，分別為
3 ($1500)
12 ($2000)
66 ($1500)
823 ($2500)
1928 ($1000)
2388 ($1000)
2800 ($2500)
1. 700現時蝕緊錢(~4K)，你建議賣出然後買入其他股票，還是它還有升值潛力要保留？
2. 我希望選擇不同類型的月供股票(公用/地產/銀行/ETF/REITs)來diversity risk。現時月供的股票（選擇及比例）是否恰當？有沒有需要更改組合/加大月供金額？
3. 暫時希望在短時間內置業（打算買入6M樓），現時首期降為600K，你認為現時購買是否適合？我擔心局勢不穩會有短中期的下行壓力。
另外，有沒有需要因置業而暫停月供/出售手頭上的股票以儲更多的現金支付首期及其他雜費？
4. 除了股票收息，你建議還有什麼方法去製造更多的被動收入？(尤其像我90後的年輕人，買樓收租好像很遙遠）謝謝你！
龔成老師：
1）我地繼續持有一隻股票與否，最重要是企業的質素、前景，買入價不是重點。騰訊（0700）有質素，仍有增長力，你可以持有的。
2）現時月供的股票，都是有質素的，適合你投資。如果想優化，可以加大少少盈富（2800）的金額，這會提高組合的分散風險能力。
3）香港經濟中短期會向下，樓價都會有向下情況，但不會多，之後就會因香港情況穩定，經濟慢慢向好，加上本身供求問題，令樓價再向上。
因此，樓價最多只會跌少少，你可以現時，不斷睇樓，如果能以平過市價買到物業，就可以出手。
如果你打算買樓，現金不應動用，同時要減少少月供股票金額，儲較多現金。如果真的有需要，就要賣部分股票。
4）當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。
例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。
所以，你這刻唔需要太著重增加被動收入，你可以集中增值先。滾大資金最重要。
另外，多想想開源，兼職、小生意，都是方向。
------------------------------------------------
Q13936：
龔老師好, 有事請教。本人快40歲(不打算結婚) ,由於自己工作行業屬於公益行業，人工與同輩比較不算高，不過工作開心，所以未來日子不打算投身其他行業（意味未來工資增長也不會多）。
由於我是近年才開始考慮退休後的生活及投資的事情，三個月前才開始親身買第一隻股票，長遠希望可以創造被動收入。
去年與家人合資首期買了一個二手細單位(樓價360萬)收租(一萬多)，(連供款及管理費,每月倒貼1千元左右，因租客是基層家庭，加租空間不大)。所以想請教投資計劃及組合。
現時：
－月入3萬（每年只是按通脹增長）
－現時現金儲蓄有18萬現金可用 (另已備7萬作緊急用途)
-- 每月可儲大約8千元
現在手持股票：
。大快活－1手（分別２４元，打算２０元再買入一手）
。港交所－1手（２５元入, 打算２3元再買入一手）
。盈富－月供２０００元（１１月開始）
。小米－2手 (8.8 入)
。中銀－4手 (家人很早期代買)
問題:
1. 想了解我的投資組合可以如可配搭?需要加多一些進取型股票？
2. 如果想將18萬現金投資?有什麼類型股票可選？
3. 我希望可以在5年後買一個自住小單位?５年後首期目標為100萬可行嗎？現時可以如何投資或達到目標? 增加儲錢金額?
4. 另外，如果希望在60歲後可以每月有3-5萬元被動收入現時可以如何做？
5. 你提過優質股可以長HOLD，但最理想(滾動價值)方法是否，優質股去到高位放，賺左再投資？還是一直HOLD到天荒地老?
6.你的課程會教授被動收入的計算方法？個人理財計劃？另, 合理股價的計算複雜嗎?
感謝！
龔成老師：
1）上述持有的，基本上都是有質素的股票，你可以持—，由於你近期才開始投資股票，經驗始終不算多，因此，這刻不建議你太過進取。
你40歲，亦比較適合投資「平穩增值型」的股票，暫時只建議你增加盈富（2800）。
2）盈富、銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）等，你可以了解下這些股票，然後從中選股，都可以考慮。你唔好急用這$18萬，多學習，及研究上述股票先，同時，現時大市未到平，你最多只能用$8萬。
3）如果每月儲$8000，未必能成功達到你的目標，你最好提高至$12000。同時增加知識，之後開始小注投資潛力股，以及把握投資時機，這就要有估值等知識，你一步步學習。
4）你保持每月基本儲蓄，投資就得。
如果每月能儲$10000，假設回報率為10%（股息要再投資），20年後，會滾存$684萬。
到時再集中投資收息股，6%，每月平均收$34000。
5）表面上，當然是低買高賣，在高位賣出時，等之後再入，是最好的。但實際上，較難操作，所以，我會建議較多資金，極長線投資優質股，如果你有捕捉時機、企業估值的能力，都可以做一些長線的買賣（即是較貴時賣出的動作，但只能部分股，不建議全部）。
6）課程主要以股票為主，收息股這類被動收入會較，股票幫你增值會教。股票班適合初學者的，因為整個課程的設計都是針對初中階投資者的，課堂頭3堂都是初階的內容，只要你課後好好溫習，能跟到之後的內容。
每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
另外，你上課之前，多睇理財、股票類的書，留意一下財經新聞，到時就較易跟到。
完成課程後，你會掌握：自己設定投資策略、掌握資金分配、低風險爭取合理回報方法、能分辨股票優劣、為企業優質度評分、懂得自行尋找優質股、掌握5種選股方法、掌握大市買入及沽出時機、能評估現股價處平或貴、掌握企業估值、懂得閱讀企業年報、懂得分析財務報表。
------------------------------------------------
Q13937：
老師你好，請問288萬州國際
是否一隻優質股嗎？
龔成老師：
萬洲國際（0288）質素唔算差的，但潛力就不算強，只是平穩增值的類別。
這企業過往的生意保持平穩，業務基本上是平穩的，只是因貿易等問題，令股價較為波動，成為這股的風險。投資這股，可說是平穩增長，以及收下息咁，不要對股價太有期望。
這股現價處合理區，分注投資都可以，因股價有可能波動。
------------------------------------------------
Q13938：
老師你好，自從看了你的書，開始月供股票：
1299 2000
1211 1000
1398 1000
2388 1000
66 1000
823 1000
2800 2000
另持有10000股 435
請問老師：
月供股票組合會唔會有分散？還是要散中幾隻股票？
435因在高位時買入，如果想再入，現價合理嗎？還是需要再等市場穩定d再買入？
另想請問月供1848作長線收息，可以嗎？
謝謝！老師。
龔成老師：
上述你所月供的，都是有質素的股票，你保持月供就得。基本上都唔算散，但部分股每隻供$1000，金額有點少，不過，如果你打算較長期月供，咁就無問題，5年以上。
至於陽光（0435），無可避免受香港的情況影響，現價合理，你可以小注增持，但你要留意同一股票唔好佔整個組合的比例太多。
中國飛機租賃（1848）有質素的，佢係一家飛機租賃公司，專注於中國市場。
佢會直接飛機購買及租賃交易，向飛機製造商購買飛機，並出租予航空公司。另外，飛機售後租回交易亦是佢的業務，佢由航空公司承租人挑選飛機，並由集團購買。
由於佢仍然不斷投資擴張，而過往的財務數據理想，生意不斷上升，可見佢的前景不差，有投資的價值。
但要留意，佢的本質是利用大額借貸，然後買入飛機，然後出租，原理是賺息差。由於負債高，因此這企業點都有一定的風險，因此，你月供只能小注。
現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
------------------------------------------------
Q13939：
龔sir 你好，小弟早幾年有緣參與過你地舉辦的cash flow boardgame & 投資堂
現時想請教有關數隻房信託基金的投資問題, 2778, 0778, 0405等比較低門檻的基金。 那隻比較推薦或最近現時是否入市機會。謝謝
龔成老師：
這3隻都是不錯的房託，都有投資價值。
冠君產業信託（2778）由於花園道3號的租客較集中，因此會略有風險，加上股息率這刻不算高，因此這刻的投資值博率只算一般。
至於越秀房產（0405）及置富產業（0778），這刻的投資值博率會較高，而越秀由於是收人民幣租金，因此會有人民幣相關風險。
這兩房託，現價都合理，都可以投資，分注進行就得。
------------------------------------------------
Q13940：
Hello 你好呀老師 有關1848 中國飛機租賃 想請教吓 我見佢息好高 上落唔算太大 你覺得入泥收息好唔好？ 唔該晒：）
龔成老師：
中國飛機租賃（1848）有質素的，佢係一家飛機租賃公司，專注於中國市場。
佢會直接飛機購買及租賃交易，向飛機製造商購買飛機，並出租予航空公司。另外，飛機售後租回交易亦是佢的業務，佢由航空公司承租人挑選飛機，並由集團購買。
由於佢仍然不斷投資擴張，而過往的財務數據理想，生意不斷上升，可見佢的前景不差，有持有的價值。
年報會發現佢有些部分仍然增長，但有部分則有倒退，例如融資租賃收入，其實下跌左1成。
不過整體來說，佢仍是正面的。
但要留意，佢的本質是利用大額借貸，然後買入飛機，然後出租，原理是賺息差。由於負債高，因此這企業點都有一定的風險，投資注碼不能太大。
所以，你投資收息可以，但唔建議太過大注。
----------------------------------------------
多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。
另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。
中國信託 財富管理門檻 在 [閒聊] 中國信託新一代財富管理- 看板Bank_Service 的推薦與評價
剛剛從電視廣告看到相關的資訊, 就上網查了一下.
個人財富管理的門檻從100萬降為50萬(創富家).
稍微整理一下相關的資訊, 詳細的內容可以到網站上面看.
https://www.chinatrustwealth-2013.com.tw/
門檻(萬) 跨提 跨轉/櫃台 轉入補貼 生日贈點 機場接送
傳富家 3000以上 98 10 10(1700點) 8000 4
鼎富家 1500-3000 98 5 6(1020點) 8000 2
首富家 300-1500 98 3 5(850點) 無 無
創富家 50-300 5 1 1(170點) 無 無
比較特殊的是有了家庭會員的設計, 可以與關係戶一起計算資產總額.
稱「關係戶」係本行客戶得申請將其配偶、一親等血親、保險受益人或其他親友
設定為其關係人，經本行核准後即可組成一戶關係戶。
本行保有准駁客戶申請加入關係戶之權利。
門檻(萬) 跨提 跨轉/櫃台 轉入補貼 機場接送
家庭會員A 6000以上 98 10 10(1700點) 4
家庭會員B 3000-6000 98 5 6(1020點) 4
家庭會員C 600-3000 98 3 5(850點) 無
除了機場接送是每年全家共享外, 其他都是每人每月.
當同時滿足個人和家庭的資格時, 除了機場接送是額外提供,
其他優惠都是採較優的計算.
送的財富點說明書上寫可以與中國信託信用卡所累積的紅利點數合併使用.
信用卡紅利點數3000點可以換1000哩, 或網路購物1000點折80元
所以轉入補貼1次170點相當於56哩(1哩0.4計算的話大概22.7元),
或折抵網路購物(13.6元), 也可以換7-11禮券或是折抵銀行手續費(10點1元)
點數也可以在關係人間轉移.
結論:
個人財富管理的優惠吸引力還是普通, 但家庭會員還不錯.
如果家中有長輩是中信的客戶, 可以透過設定關係人拿到一些好處.
不知道中信對親友的認定嚴不嚴格, 不然可以大家一起糾PTT親友團～
--
※ 發信站: 批踢踢實業坊(ptt.cc)
◆ From: 220.136.40.180
... <看更多>