《公院私院大比併-上集》
好多媽媽一聽到我係執媽，就會問我，
「到底去公立醫院生定私家醫院生好呀？」😩😩
而我見網上都有d文章係媽媽生完之後再比較兩者分別
咁不如就等我呢個執媽上下比較，睇卜
下同你地心目中所想晚有冇出入喇
1)環境
好多人都有一個感覺，環境一定係私家醫院靚過公立醫院喇！🏩💒
但經我親身走訪咁多間公私立醫院，發覺原來唔係架！
私家：
某d私院例如 x灣xx安、x水x寶x、中xxx、九xxx會xx舊x等等，
有返咁上下年紀既醫院，環境其實好一般架咋！
電梯大堂燈光昏暗、地板用舊式磚等等，但係就一定全部都係電動床，
你知喇！生之前腰骨痛、生完之後會陰+恥骨痛，冇電動床都咪話唔辛苦呀！
咁當然好似 x田x安xx、xx地x和xx、某d翻新左既就梗係靚到酒店咁走喇，
有reception走埋黎問你想揼中式定泰式呀(🤣講笑）
公立：
反而有d翻新過既公立醫院，
例如xxx利x伯xx、xxx華xx、x灣東xxx呢d就真心唔錯架！
走廊寬敞、光線充足、床位同床位間一定放到櫃筒同一張櫈🛏🛋🚪
咁我當然淨係講產科喇！
內外科果d諗都唔都諗喇，
加床加到去廁所門口已經算幸福喇！
咁未翻新果d梗係唔計喇，
有d仲訓緊手動床！
迫爆起上黎訓加床架咋！想坐起身餵奶？坐起身食飯？會陰又撕裂痛，諗起都慘！
護士
私家：
首先，產科護士一定係女人，冇男護士既，👱🏻♀️👱🏻♀️👱🏻♀️👱🏻♀️👱🏻♀️
其次，靚唔靚好主觀既，但「天下間沒有醜女人，只有懶女人」係真既
經我觀察，私家既姑娘真係普遍靚過公立既姑娘，💄💋💅🏻
起碼望落去有化妝返工既佔一半以上，嘩！化個妝人都精神d喇！
想當年學生時代，
我呢d公立小薯第一日orientation 兩個鐘就開始落ward做野，
而私家同學仔係有一星期orientation,
其中仲有化妝班教埋添架！
羨慕死一眾小薯
仲有私院姑娘個個都溫柔到極點，
又笑容滿臉又nice!
仲要係忙住都識笑！超nice
公立：
而公立醫院姑娘當然都有靚女，
但經我多年觀察，
即使開始係幾咁明艷照人、天仙下凡，
只要經過幾年輪姦式洗禮，⏰🕰⏱
剩低既只有眼袋、黑眼圈、粗大毛孔同埋虧到不能既身體😩😩😩
明明私院姑娘都好忙好多野做，
入院出院都好多，
點解佢地可以咁靚咁明艷照人架呢？
有冇私院靚女可以教下我？😩😩😩
可能因為忙、殘、累，
公院姑娘面色都比較黑👱🏿♀️、講野比較大聲🗣🗣同埋語氣比較倔強🤣🤣🤣
但請相信我，佢地心地都好好既！
💡💡💡💡點解淨係比較外表？💡💡💡💡
因為我地執媽個個都係拎同一個註冊護士牌，
再進修同一個助產士牌，仲要係同一間助產士學校讀書
所以冇嘢可以比較，
因為學嘅知識都係一樣，
咁當然有人讀書叻有人比較差，
但識既野大多數都一樣
係公立同私家生過既媽媽可唔可以分享下
你地果次分挽經歷其間分別鐘意/唔鐘意d乜野？
有冇d令你地好氣憤/好感激既事情？
我都想學下野
#公私院大比併
#醫院環境
#護士質素
#之後仲有重要野
#敬請留意
