🍽六月份自助餐推介🍽
-
出名嘅自助餐，例如JW，君悅，洲際等等相信大家都都試過又或者有唔少人介紹過🍴 今次依家九龍維景酒店做緊優惠，性價比出乎意料地高😍 雖然裝潢方面有少少古舊(香港懷舊風味😂)，但嘢食方面有幾個highlights 贏返啲分返黎！
-
刺身部分已經切好哂擺出黎，唔洗排隊等攞啦😛 吞拿魚，希靈魚，三文魚等等大路嘅魚生都會有！水準一般，種類可以多少少🤓 海膽係按人頭送一板！唔食生嘅更加可以叫餐廳幫你整海膽炒蛋添。
海鮮方面落重本有凍鮑魚❤️ 細細隻，幾爽口，食多幾隻都冇問題！其他海鮮都幾新鮮，refill速度幾快，絕對唔會完左頭個輪就冇哂😙 唯獨係長蟹腳味道唔係話好鮮，但肉質都結實嘅~
食肉獸注意喇⚠️ 肉類款式幾多，即切又有 鐵板燒又有，串燒都有🤩 必食羊扒同鵝肝！頭個輪可能要等一陣，但之後想食幾多都冇問題！
甜品控福利: 任食movenpick🍦 有朱古力，雲呢拿同合桃味！絕對係回本嘅其中一個選擇😋
-
成人openrice 優惠價平日星期一至四$458
Yahoo團購價$316
-
棕櫚閣西餐廳 (旺角)
旺角窩打老道75號九龍維景酒店1樓 @ 九龍維景洒店
