千字文，無耐性唔好睇，希望大家白紙都照買！
今日香港變天，我睇到都好唔安樂，有感而發！
第一，係我衰仔，忙到唔記得公佈第一次徵文大賽得主，所以我先自隊一杯，罰自己再送。第一次徵文比賽得主係"Quif Qe"。隨時上店show你Facebook領獎就可以，獎品為日本手造保溫瓶一個。
第二，就係罰自己，再徵文比賽，只要大家係8月13日或之前係呢個post留言一句“香港人”嘅真心話寄語大家並付上8月11日蘋果實體報嘅照片，寫得我最啱睇就送你一個我用汗水同錢換返嚟嘅藤原浩FRGMT MYST 355ml 水樽一個。
第三，有朋友仔從香港寄嚟手信希望轉交藥房老闆，我已做了，老闆一家好開心，佢話可以回禮就係眼前嘅日本口罩，由於太多我房都放唔落，老闆就親自同我一齊搬一小部份回酒店先寄。你哋留咗言我哋會按次序call大家，請耐心等候。個幾星期已處理了超過10000個口罩，係一個極大量嘅工程。
第四，多謝大家支持搵我代購，亦幫格子園訂口罩，我唔可以安排到每個人每樣貨都一齊到店，有先後次序係在所難免。有到過我店嘅大家都見到貨量之驚人紙箱已經包圍成間店，因為好多新貨亦好多遲遲未取嘅貨。大家多了選用順豐嘅原因我理解，現在順豐都頂唔順我店嘅每日收貨量，同事默默去做但積壓嘅貨就越來越。更大問題係有客人再三更改送貨，要等埋新訂貨品先寄，一個人可以向同事推遲三次寄，但就whatsapp我問點解齊貨仲唔寄？你改再包唔洗排唔洗等嫁？唔好意思你嘅貨我一件都唔寄，錢已payme返你，吹咩？
第五，由今日開始如大家收到“到貨通知”如果你選用順豐請清楚列明是次順豐共幾多物品，確定後不可更改任何資料亦不能合寄其他物品。運費唔係我收，唔好再好似有啲“人”咁老馮咁洗我同我哋公司上下。
第六，由於貨量之多已超出想像，要處理咁大量順豐不單我方需時，順豐都收唔切，我亦唔會亦唔准許同事搬十幾kg貨去順豐站排長龍幫大家寄貨，所以如選順豐我哋無能力係你俾資料我一兩日內一定寄出，如等唔切就自己過嚟攞，如果仲係有人自以為上等人有優先權咁我以後只係店賣，你嚟唔到我都無辦法，你咁巴閉咪好似我啲客咁叫保鏢叫管家叫司機嚟排隊買囉，你咁高尚！
第七，所有我已應承了已幫你排Starbucks x 藤原浩嘅各位，如未收到我付款通知可whatsapp我一次，因店員講今星期會再返一次貨，我點數睇下仲做唔做到。
第八，如大家已通知我要順豐但仲未收到貨品的，請將未收到的貨品數目whatsapp我一次。而今日起，口罩將會獨立處理，不可合寄其他產品，因為口罩嚟緊太大量。
我已經俾銀行玩咗四日，今日仲好明確將責任推俾銀座超級大店和光百貨！連銀座WAKO係乜都唔知就話係店攞咗我錢，井底之蛙！依家話乜都做唔到只有等，我就等律師出信去不同地方，人哋和光仲緊張過我，日日同我講對唔住，幫我追唔同地方，你呢個所謂銀行呢？一句無嘢可以再做只有等！等你老。。。。。！
我依家愛上了係公園可以靜靜飲一杯咖啡充完電就再衝！
