【A股雙底】
今日同大家分享既呢一個圖，係反映緊响互聯互通既機制底下，北向淨流入滬深（紅）同淨流入深圳（橙）响過去一個月既情況。
圖中所見，月初既淨流入勁多，完全配合左A股升到爆廠，連帶港股都生猛埋，每日錄得2000億樓上成交果段行情。之後，A股同港股都熄晒火，北向仲响14同24號錄得鉅額既淨流出添。不過，資金似乎未有完全放棄A股呢一個寶藏，仲趕得切响月尾既最後一日返返黎。
總體黎講，外資買A股既行情就好似一個W型，一頭一尾較高，中間就有兩個凹位。你留意下，即係同上證，以及滬深300指數响上個月既走勢一模一樣渦，一樣係响高位整固做雙底，W型升穿左中間頸線。大家仲記唔記得我响上星期教過：A股單日升超過1.1%就可以買？
結果，兩個指數都响上日出現左突破（上證3333、滬深4714），係咁即係話：進一步確認可以做好！至於你問兩個指數可以做邊個會比較好？你不如睇下由21號開始，到底係橙色棍棍come back先丫，抑或係紅色棍棍come back先丫拿？好明顯地，盲既都見到係橙色既棍棍先。
再睇真d，深圳個市（橙）响21、27同28號，即係兩市合共（紅）淨流出既時候，原來係淨流入架！換言之，做好既當然係要揀滬深300而唔係上證指數啦，咁就可以留意由南方東英發行既，睇好滬深300指數既正向兩倍ETF（7233）。只要滬深300升1%，佢地就升2%架喇！
具體既操作可以係咁：現價買入，目標睇4852，破頂再去盡佢；支持位4714，跌穿4505就止蝕。贏就谷，輸就縮，像極了愛情。
#南方東英 #CSOP #滬深300指數 #槓桿 #反向 #交易所上市基金 #ETF
交易所上市基金 在 ETF 基金公道伯 的推薦與評價
深度解析與評論財經新聞、股市、ETF、基金， 希望貢獻所學所知給大家最真實、更 ... E及Nasdaq交易所前500大市值公司為母體，以公開透明的規則，結合多因子指標與聯準 ... ... <看更多>