［香港最黑暗一天！］嗚哇！今日有人話即時諗起我
話說早期排到笑，仲鬧出笑話（*），本人早幾年啲文成日寫「中村藤吉」，係麥格芬多過母題，主要係講香港人幾富貴同埋香港女仔（寫「港女」又有人不高興）。連profile pic都成日用
後來？就係「要戰勝恐懼必先成為恐懼本身」。我唔止幫襯，仲去埋日本宇治店（一樣等幾個鐘，但可以行開），京都站店（排九個字），東京銀座Ginza Six店（呢間唔使點排）。打後就好少成日提。
要講嘅係，其實中村藤吉之前，正確嚟講係去日本前，我係好抗拒綠茶甜品或一切食物。綠茶我會飲（但有得揀都紅茶），但雪糕絕對唔食。直至去咗中村藤吉。
同樣地，去日本之前，我係唔食海膽的。「日本真好」。好似啲女平時乜都唔肯，遇到洋腸就乜都得（例如去博物館之類，你諗緊乜？）
Anyway ，居然係星島獨家。固然可能有人通水，或者佢順手煲大反修例。但星島都有獨家料（非政府消息），人生充滿希望
*故事係乜乜「蕨餅」，限量供應，嗰時打崩頭。某人出post鬧唔公平。話另一人明明在the One 電梯 遲過佢入lift，但到樓層條友就一個箭步衝出去，快過佢達陣，排咗佢前面。固然令網民恥笑，話「不如由出門口計起」，但亦證明真係不能一秒鬆懈，complacency 好大鑊。同埋「忍屎最易出事永遠係最後十米，無數咁多忍到成條屯門公路嘅人都在最後十米出事」
