【為第二季做準備：《全裸監督》第一季短評幾句】
當日上架冇睇到，見咁好評第二季上架前睇咗佢，果然好嘢。
作為一個正常男人，你話自己冇睇過日本AV應該你正常極有限😂，對佢點樣拍攝、幕後秘聞都的確係有夠獵奇，尤其是我哋已經「線上看」，左J乜乜右乜乜hub，一個唔覺意有埋「無碼流出」時，咩奇招雜技都睇過，睇返當年紫醉金迷嘅咸書咸帶世代，成班咸濕仔諗盡辦法捽甩咸書「格仔」、為買咸帶要大排長龍都幾搞笑。
更估唔到係，套劇要呈現拍AV過程，真係拍到成套AV咁大膽，大膽到somehow有少少超出劇情所需，再搵嚟AV同肉彈客串演出－－而佢哋都係交足戲，動作戲當然夠勁，感情戲都做得好好。你平時睇AV要收收埋埋的話，呢套都唔好以為係傳統日劇，第一集已經「激戰連場」，雖則果位已經RIP。
睇曳曳嘢背後奇聞當然大開眼界，係Netflix先可以咁樣出街，但更好睇係個傳奇發跡史故事。雖然世界各地唔少色情大亨故事都搬上過大銀幕，拍到呢套咁熱血就好少有。你好難想像真人真事真係咁樣，導演村西透俾人拉咗七次，而套劇亦集集都有意外、集集都有高低潮，但同時邊度跌低就邊度起返身；既然已經一無所有，不如盡地一鋪玩大佢，成個創業故事睇佢點樣遇強越強、諗更癡線idea，係幾有追看性。
一世流流長遇到個好老細就無悔，一班同事堅信呢個騎呢怪嘅理念，無論佢幾霉都對佢不離不棄、訓身支持（當然班同事或多或少都係騎呢怪），夏威夷果集堅感動到眼濕濕，成班同事之間嘅關係寫得好好，令個有少少離經叛道故事說服力大增。
或者村西透本人故事太傳奇，劇情同支節難免有所刪改，因此你睇佢初頭成個傻仔咁，突然就變成商界奇材、對家明明好威，轉個頭就做個咁「決定」，而劇情為鋪下一季反目成仇，某角立場都轉得幾快。
山田孝之唔係第一次做呢類角色，除咗形象大膽冇話超驚喜，最勁都係森田望智。原來佢第一次演出就整個咁大膽角色，而且感情戲同眼神完全力壓同場所有演員，如果唔被定形做慾女，前途無可限量。
長文睇埋第二季先一次過寫，懶😂
‼️電影網店全新貨品已上架，低至$5起，快啲嚟搶購啦：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
仇笑癡演員 在 Re: [爆卦]仇笑癡過世二十七週年- 看板Gossiping 的推薦與評價