鯊海47米狂鯊出籠
47MetersDown:Uncaged
香港人撚狗
史泰龍二女深海撚鯊
老實講，睇海報，
諗住都係好似第一集咁，
小成本困獸鬥，不過不失。
但今集同第一集相比，
明顯成本提高左，
場景畫面豐富左，
進步不少！
全新一章《鯊海47米：狂鯊出籠》，
講述女主美雅
跟著研究瑪雅文明嘅老豆
移居墨西哥，
但與繼家姐薩莎成日嘈交，
為了解決家庭嫌隙，
老豆老母決定放生兩條女
去海馬公園去探鯊，
點知被家姐兩名損友(其中一名史泰龍女兒飾）
捉左去潛水探險。
四條女巧遇潛鯊。。。
可能街上面太多狗，
今年好多動物片，
可以比大家入場睇下
其他動物調劑下個心情，
依齣係繼噬逃險鱷之後另一佳作，
起碼係本人二刷左兩次神戲 #小丑 後，
仍然覺得依齣係值得入場之作。
困獸片離不開
絕望變希望，希望變危機，危機變生機模式，
「製造緊張」唔難，
但突唔突兀就會有高低之分，
而鯊片就做得唔錯，
初段有啲似The Descent 講幾條女入洞，
進入瑪亞洞穴制造懸疑感，
亦令觀者大約知道環境設定，
到中段鯊魚衝擊嘅緊張局勢，
後段嘅逃生人性黑暗面，
劇情上來得流暢，
令觀者有超過十成程度嘅窒息感
同幽閉恐懼感。
戲中聰明用上週邊物件
營造唔同嘅危機，
唔洗下下齋用鯊魚咬咁悶。
導演刻意在重要時刻用上慢鏡處理，
令畫面更Dramatic同唯美，
亦令齣戲多份個人特式，別樹一格，
有別於日常動物災難片。
又，史泰龍個女首登銀幕吸晴度高，
演技雖然未及配角華人搶鏡，
但仍指日可待！
#今日上啦！
#Cult片介紹返 #47MetersDownUncaged
#鯊海47米狂鯊出籠 #CorinneFoxx
#SistineStallone
感謝 Edko Films Ltd. 安樂影片 邀請
