小心、慎入，又係曬命 post 😆
好想與正仔分享100毛的星期三港案，關於基層清潔工的辛酸故事。在播放片段之前，我設計了一張視聽資訊工作紙，幫助他思考、分析。在一起核對答案時，我又一再重複被訪者的工作慘況，不斷告訴他基層老人生活有多艱難。
「佢以前都可以做裝修維修嘅工作㗎，不過人老咗，冇人請，能力又不如年青人好，唯有洗廁所、執紙皮維持生活。我第時老咗，可以做得啲咩呢，都係執紙皮㗎喇。」
「但你有 3 個仔喎。」
「咩意思呢，你哋會照顧我同爸爸咩？」
「梗係會。你有 3 個仔㗎！」
「到時你哋年青，有能力，有自己嘅大世界，可能去外地工作生活呢！」
「我可以寄錢畀你㗎，我會由 USA 寄錢畀你用。」
聽著覺得好感動。
#正仔話約埋Tori姨姨一齊去平等分享
#仲話會努力保持公眾地方清潔
