唔知大家有冇留意，其實上兩星期都連續出左羅賓漢行動的推廣，原本打算一個月才出一篇，但一來廣告商高質兼盛情難卻，二來我又覺得無理由有錢唔賺，有食唔食罪大惡極，所以都係食左先講。何況都係幫人為主，我諗大家唔會怪我違反一月一篇這個承諾吧？不過就算你要怪我，由於在下奉行「勇於認錯，死不悔改」的良好家訓，所以你都係慳返啖氣暖下肚好過。接了兩個廣告商，換句話說，我一口氣拿下了四千大洋，這次就當是提早出雙糧了哦！
好吧，老規距，繼續由我去提議這四千捐給誰，24小時內大家投票贊成或反對就可以了，截票後只要贊成票多於半數，我就會自動捐款，再把單據放上來。
這次，我動議的受助人是：患上初期淋巴癌的雄哥。
https://hk.news.appledaily.com/…/…/article/20171028/20197365
原因很簡單，淋巴癌初期的存活率達８成，如果佢唔太黑仔，捱得過呢一步就應該無問題，加上仲要已經搵到岩嘅骨髓，依家臨門一腳，籌埋最後幾期標靶藥就大功告成，我無理由唔幫拖吧？而且，幫完佢之後，佢又可以番出黎做野養家，到時候幫到嘅唔止佢一個，仲有佢老婆同埋一對讀緊中學的仔女，一石二鳥符合成本效益。
此外，我相信緣份，呢單新聞出街正好是母親大人的生日，我遠在倫敦沒能為她買些什麼禮物，反正這筆錢也是要捐的了，就來個借花敬佛吧。
最後，其實有人問過我，為什麼要弄這個吃力的羅賓漢行動？人之道，損不足以奉有餘；天之道，損有餘以奉不足。我很清楚我是一個何等幸運和幸福的人，我被太多的人寵愛著和保護著，要是我霸佔了太多幸福，也不是件什麼好事，「亢龍有悔，盈不可久也」正是此意。既是如此，與其等待上天把我擁有的拿走，不如由我自己主動送走多出來的時間、財富和幸福。要是你不信這個世界還有好人，你就當我平時婊人太多，依家當買贖罪券就好了。
最後的最後，再次衷心感謝 Focus Optical 匯澄眼鏡 和 Phoenix Sweets 兩位的鼎力贊助，為手無寸鐵的羅賓漢送上一把如梭金箭。
#三千寵愛在一身的楊貴妃倒沒什麼好下場
#最慘仲要係出名肥呀
#有咩慘得過俾人唱你肥唱足一千年
#就算肥得黎靚都係咁話
#真心我死左之後你點唱我都得
#但唔可以唱我肥
#堅翻臉
#這叫baby_fat好不好
