//成長期嘅男仔，總會FF過有女仔睇中自己然後主動行埋黎。叫得FF即係現實無發生過，於事開始學識袋定幾招喺身，例如冷笑話。//
《EP06 - 其實怕被忘記 至放大來演吧》
成長期嘅男仔，總會FF過有女仔睇中自己然後主動行埋黎。叫得FF即係現實無發生過，於事開始學識袋定幾招喺身，例如冷笑話。
記得FB曾經有個page叫「一日一爛gag 考試都變叻」。嗰陣成日睇去修煉一下自己嘅功力，未到爐火純青都叫見得下人。經過幾個台灣女仔嘅經驗，預到阿柔我開始有信心可以由冷笑話入手。
可惜人外有人，天外有天，阿柔原來都係一個冷笑話高手，而且笑點並不低。港式同台式笑話始終受語言限制，笑位唔同，雖然大家輪流出招好似好有交流，其實都唔係好笑得出大家講嘅gag。咩叫搭錯線？我正正經歷緊。
更甚嘅係，對方對自己無興趣，你幾努力去表㺺自己都係嘥氣。阿柔原來對香港男仔不感興趣，已經係死症。加上佢外表cool cool地，甚有性格嘅感覺，我完全係比拒諸門外。尷尬指數幾何級數咁上升，心裏面只係想快啲逃離現場，唔想再好似小丑咁seven落去...
呢一役之後，我發現曾經誤以為自己已經由成長期嘅亞古獸，進化左做成熟期嘅暴龍獸。可惜要令自己進化之餘，都唔可以忘記對手嘅屬性。假如對方剋住你，任你再勁，效果都係會打折扣。
唔理你靚定醜，最緊要搵啱對手。
阿柔參數
攻擊力：*****
防禦力：*****
續航力：*
親和力：*
摩擦力：*
［待續］
====================================
ViuTV
波盛
+886MM 逢星期五晚 免費電視99台 ViuTV
重溫：http://viu.tv/encore/886-mm
#viutv #886MM #波盛 #阿柔 #雖然佢叫阿柔 #但感覺好強悍 #唔係咁易招架 #張相影得好開心 #但真實係咪咁 #答案喺篇文 #呢啲先叫真圖文不符
