關於 你哋嘅讚賞 ，我們在網路上蒐集到這些相關的討論、資訊與評價

尋日週六我哋嘅👉🏻日式咖哩包😋 係一道極速沽清嘅麵包系列之一🥳 呢個真係好好食！好惹味架👍外脆內嫩👍 都係大家手揉出嚟嘅麵團💪💪 係～真係特別好食啲嘅😋

🎉🎉7月嘅課程都出左啦！如果大家有興趣就快啲報名啦🤗 謝謝大家支持😘 

#你哋嘅讚賞 #就係我嘅動力
Conrad Kitchen 康溢廚房
#週六興趣班
#烘焙日

第一次聯展 完滿落幕🎉
感覺好似發咗場夢

萬分感謝大家大駕光臨同支持！
好幸福地得到你哋嘅讚賞認同
(同埋高質美味的餵食，隻手震到畫唔到直線)
時間會告訴你哋嘅投資係值得的！哈哈！(*´◒`*)

🌺
感謝禾男人 @johnhohoo 帶我進入火花世界
策展之二人: @arttugallery
場地提供: @pmqhkdesign

再次感激所有朋友🙇🏻‍♀️
攝影+展覽及畫家簡介文字編輯：
@cemwi
大會攝影：
@christopherlhw
服裝贊助： Carman
相機提供： Faat
畫框上色： Vincent
情緒支援： @venusphilosophy, Simmi
餵食：大肥, Cheuk, Debdeb, Juicy, Angela
贈花及小禮物：
@venusphilosophy , @a_r_y_u.c , Renee

特別鳴謝懂我的買家們
YC, Rondo, Salina

依家能量滿滿🔋
好想繼續做更加多任性嘅創作！👩🏻‍🎨

#火花之二人

我第一次收到一份會令到我哋手震嘅禮物,,真係太貴重啦,,一刻嘅我仍然手震緊,,
真係好多謝你地,,我哋 de odd 從來冇參與過任何比賽,,並沒有攞過任何業界嘅奬項,,一直以來我哋都係耷低頭做自己嘅事,,仲記得幫你地影Pre Wedding嘅時候,,妳突然間流淚,,果一刻嘅我哋真係嚇親,,以為你唔開心,,原來你係因為好感動我哋可以幫你,,實踐到你哋嘅夢想,,而感動流淚,,我哋好欣慰,,得到你哋嘅讚賞,,比起我哋攞任何奬項嘅意義來得更重大,,因為婚紗攝影嘅意義,,根本就係應該源於一對戀人的愛情故事,,常言道一輯相唔需要比全香港嘅人去認同,,一對新人滿意,,便以足夠,,因為拍拖有史以來最兩個人嘅事,,de odd crew!!!! 請大家繼續努力,,繼續團結起來,,因為我哋呢度叫 de odd ,,並不是叫 鄧英奇 婚紗攝影,,希望大家可以一直同我繼續傻落去,,繼續堅持落去,,

越南菜當中除了有分南北越，每個地方省份亦有一些特別的菜式。這個肉丸蟹粉，是極少數我小時候沒有吃過的越南菜式，是我長大後一次母親去美國探親，從阿姨的朋友家中食過，回來之後急不及待煮給我們吃，那味道鮮甜到不得了，一向最嘴刁最喜歡挑剔阿媽的我讚賞不已，娘親不曉得有多高興。

我和阿媽煮餸的最大分歧，是對食材的要求，阿媽的宗旨是非肥不可無肥不歡，我們家的食材以雞、豬肉和海鮮為主。不論是買雞買豬肉，都必須夠肥，海鮮一樣要，肥，即是要大條或者大隻。想當年我小時候的海黃花鷹鯧閒閒哋三四斤一條，巨型大龍蝦大花蟹，真正大場面，講起都流口水。我呢，最憎食雞皮肥豬肉，小時候不識時務，揀飲擇食嫌三嫌四，我就會變成藤條炆豬肉的豬肉。長大了就不同了，勇於表態了，不過我阿媽意見接受，態度照舊，我有我投訴，佢有佢照買照煮。即使唔夠肥，阿媽自會加多些油搭夠，你話我死唔死？

不過我永遠都有兩個選擇，一係食一係唔食。但是我們一家最注重的，就是一家人圍在一起吃飯的傳統。絕對是傳統，不是習慣！既然是傳統，我就不能不就範，幾肥幾油幾唔鍾意食都好，都要乖乖哋坐低一家大細三代同堂一齊食。

所以一見到這個肉丸蟹粉，終於冇油唔肥仲要咁好味，以為阿媽轉性聽我話。結果不看猶自可，一看嚇一跳，那個肉丸，之所以又滑又香，因為是真正半肥瘦，有一半是肥豬肉！再加上配的是廣東河粉，又係油，在我的強烈要求下，阿媽嫌我煩，改用了台灣米粉，還有金邊粉。

今次為大家示範的，是我的改良版，因為拆蟹肉太麻煩，我改為把花蟹斬件，味道一樣好，賣相一樣靚，方便大家跟住做，我係唔係好貼心細心呢？不過豬肉丸要好食，肥豬肉不能少，即使不用一半最低限度都要有三成肥豬肉。我曾經試過用全瘦肉，肉丸煮出來鞋熠熠，才知道當日阿媽的堅持，是有道理的。

另一個強烈推介，就是在泰國雜貨舖買的新鮮檬粉，我試過吃不完放入保鮮盒雪櫃儲存，第二天吃依然軟滑，有機會大家一定要買來試試。除了放湯，天時暑熱用香茅豬扒春卷配魚露，加一些青瓜絲芽菜香花菜撈來吃，滋味無窮！

湯底：
香茅 數支
洋葱 1-2個
月桂葉 數片
雞腳 半斤
豬腳 1斤
薑/南薑 適量
番茄 7個
紅蘿蔔 1個

所有材料洗乾淨，雞腳、豬腳先汆水，加入5公升水煮兩小時，取出材料保留湯水，加入魚露、鹽調味

材料：
半肥瘦豬肉 1斤
蛋白 1小碗
蝦膏 2湯匙（用暖水溶解）
胡椒粉 1小碗
魚露 少許
生粉及水 適量

所有材料加入豬肉中拌勻，最後加油，放入冰箱4小時以上

花蟹2隻（洗乾淨蟹身中間開半）
新鮮檬粉 1大碗
辣椒 適量
青檸 適量
九層塔（金不換） 少許
芽菜 適量

做法：
1.煲滾湯頭，取出豬肉結成肉丸狀，加入湯中煮熟，然後放入花蟹煮10分鐘，視乎花蟹大小可加減時間。
2.將泰國新鮮檬粉放在碗底，加入芽菜，淋上熱湯，放上肉丸、蟹，加青檸、辣椒、九層塔伴食。

Vietnamese Crab Meatballs Pho Noodle Soup

Soup Base:
Lemongrass Several pcs
Onions 1-2 pcs
Bay leaves Several pcs
Chicken feet ½ Catty
Pork hock 1 Catty
Ginger and galangal Some
Tomatoes 7 pcs
Carrot 1 pc
Note: Clean all ingredients, blanch pork hock and chicken feet in boiling water for several minutes. Cook all ingredients in 5L of water for 2 hours. Remove all ingredients, only keeping the soup. Add fish sauce and salt to taste.

Ingredients:
Half-lean, half-fat pork 1 Catty
Egg white 1 small bowl
Shrimp paste 2 tbsp (melt with warm water)
Black pepper 1 small bowl
Fish sauce Some
Corn starch water Some
Note: Mix all above ingredients with pork, add some oil, cover and marinate in the fridge for at least 4 hours.

Blue crab 2 pcs (clean and cut in halves)
Fresh pho noodles 1 large bowl
Chili Some
Lime Some
Thai basil A little bit
Bean sprouts Some

Steps:
1. Bring the soup to a boil, make meat balls with the marinated pork, boil in soup until cooked. Add crabs to soup and cook for 10 minutes, adjust the cooking time based on the size of the crabs.
2. Place pho noodles in a bowl, add bean sprouts, add soup, place meatballs and crab into the bowl, add lime, chili and Thai basil to finish.

食譜： https://bit.ly/33tkl7s

===================================

? 8折全年睇《蘋果》即慳$121！
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube： http://bit.ly/2Md5V2k
Facebook： http://bit.ly/2MJejcp
Instagram： http://bit.ly/2EA3qpR

相關影片:
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【街市尋寶】慈雲山街市 二百幾萬機器鮮製$24午餐肉 肉彈味濃無添加日賣500份 (飲食男女 Apple Daily) (https://youtu.be/rTrYPzECHI0)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女 Apple Daily) (https://youtu.be/svAF8pKszw0)
【假如沒有天價租】「福食」三老　唔靠綜援靠自己 (果籽 Apple Daily) (https://youtu.be/aUE2oQIDoV0)
【籽想旅行】直擊東南亞首個人妖騷後台　變性舞台一姐的日與夜 (果籽 Apple Daily) (https://youtu.be/CBBq_D0-Lsg)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 AppleDaily) (https://youtu.be/e3agbTOdfoY)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)

#越南菜食譜 #Son姐 #越式蟹肉肉丸檬粉
#飲食男女 #StayHome #WithMe #跟我一樣 #宅在家

飲食男女 打卡大街小巷搵食地圖
https://hk.adai.ly/e/gPF0DIjsB9

《蘋果》每日為你增值 立即訂閱
https://hk.adai.ly/e/kbo0wDsxB9

岑老先生以五仁伴上半生，姪子承其念默默耕耘。 若稱苦瓜為半生瓜，那五仁月餅就是半生月餅了。年少不懂，嗤之以鼻，閱歷加深，才識甘香。當冰皮、奶黃、榴槤月當道。

位於皇后大道西的老餅家，仍舊只做傳統月餅，其中五仁果子月，更是台柱，用足欖仁、杏仁、核桃、瓜子、芝麻， 堅持人手製作，吃起來，口感複雜，有軟有硬，味道細膩，連甘帶甜，直如半世人生， 順逆相纏，甜苦交錯，形成百般滋味，點滴在心頭。 西環，屬舊社區。所謂的舊，不限於建築外觀，更指內涵。不少傳統老店，動輒半世紀歷史，老味盎然。 皇后大道西這家老舊中式餅店，每逢立秋過後，總見水洩不通。 「一個豆沙燒餅唔該！」「兩件桂花（糕）兩件芝麻（糕）。」「五仁月點賣？」

餅店名叫卓越，每年臨近中秋，都在忙個不停做月餅。門外餅櫃，除了各式唐餅、南瓜燒餅、缽仔糕、豆沙酥餅外， 早已騰出一半空間放售月餅，五仁、金腿、豆沙、豆蓉、蓮蓉蛋黃，盡是傳統款式，每款數量不多，都是即做即賣，確保新鮮熱辣。月餅都在舖後工場做，兩旁各有一張工作枱，工具和材料放得井然有序，乾淨企理。工作枱前，只見一個人，穿汗衣、低着頭、全神貫注地工作， 將一個又一個的圓粉糰壓進模中，用力敲打，啪一聲，敲出一個餅印清晰分明的月餅來。

他是老闆岑俊傑，卓越由他叔叔岑兆卓於四十多年前創立，最初在土瓜灣，後來搬至西環，兩叔姪拍住上製餅，六七年前，年約七旬的岑兆卓打算退下火線，由於兩名女兒無意接手，餅店續交阿傑打理。

入行前，阿傑只是普通打工仔，在地盤做測量工作。直至2003年沙士來襲，面臨失業，徬徨之際，叔叔跟他說餅店師傅想辭職不幹，叫他回去幫手，「咁我又無工開，咪試吓囉。」就這樣，放下測量尺，拿起麵粉棒，由低做起，成了餅店學徒。

十幾年過去，學徒變成老闆，身份變了，責任大了。雖然阿叔最初經常落店助陣，但阿傑直言壓力好大，不信自己有能力傳承，又怕不能達到阿叔要求。可是每當想到，如果不接手，餅店就結束，便捨不得，硬着頭皮撐下去。繼承了餅店，也繼承了傳統，每年堅持手做月餅，未曾間斷，因為單靠機器做不到最佳口感，惟有人手才能達到要求。月餅一盤接一盤出爐，要數最受歡迎的，定是招牌五仁月。

五仁月製作工序繁複耗時，加上口味複雜不及蓮蓉討好，這年代沒太多人懂欣賞，市面也較少有。但阿傑自知小店，做蓮蓉月不夠大品牌鬥，倒不如專心做自己最耍家的五仁月，期望殺出一條血路。

$500斤欖仁做餅

他也真的跟足傳統做，五仁包括欖仁、杏仁、核桃、瓜子及芝麻，只挑最高質素。欖仁最貴，只買西山出產，質量最好，今年約$500一斤，每手月餅就得用上四五斤。百物騰貴，不少餅家或會選擇降低用料質素和份量以節省成本，阿傑卻不這樣做，因他深信客人食得出，亦過不了自己那關，只好實牙實齒幹下去。果仁要先放到焗爐烘香，核桃焗完更要以人手把外衣捽走，以免苦澀味影響成品。只是市場有去衣核桃供應，何不使用呢？「去咗衣嗰啲食落去就無咁重嘅核桃味，所以到最後都係唔用，自己辛苦啲啦，嘥啲時間啦！」

除了果仁，金華火腿更是麻煩，斬件後去走肥肉，蒸約一小時至軟身。待腿肉稍涼，再把肉塊拆絲，放機器中打成肉鬆才能使用，如此工序，又花大半小時。「始終金華火腿有個硬度，畀啲老人家食，食落去好似食咗支牙籤咁，打成肉鬆食落鬆軟啲。」他續解釋。還有冰肉，即肥豬肉，份量少卻效果大，加了便如畫龍點睛。「加咗令個餅潤啲、好食啲。」但處理冰肉，又是工夫，切粒加入酒和糖醃過夜，才可辟走臊味。他又下桔餅，要先搣成小顆粒才可用；檸檬葉又要切成碎，樣樣都是工夫竇。

材料備好，好戲才來，要把大盤散收收的材料黏合，得落糕粉，即熟糯米粉。而開糕粉必需用水，此舉最考師傅功夫。糕粉非常吸水，粉落太少，餡硬如磚；粉落太多，又不成形。阿傑笑指老師傅最怕這個工序，「做到叫救命㗎！」阿傑邊說邊從工作枱拿起一盤糕粉，慢慢撒在材料上，再加水，加點麻油、糖、玫瑰露，着手搓捏。只見他一聲不吭，專注的搓呀搓，力度時重時輕，從容自若，手法純熟，就如當年阿叔一樣有氣勢有功架。不消一會，餡料搓成小球，棒球般大小，非常足秤。餡料做好，開始做皮，糖漿加麵粉搓勻即成。糖漿也是自家製，用砂糖慢火煮稠，得花三四小時，要有耐性睇火，否則煮過頭變硬，不能搓捏。煮好的糖漿攤涼至少一整日，絕不可以沾到水，不然會「返砂」，即糖又凝結回砂粒狀。

堅持人手打月餅

月餅皮搓好再分成小球，包好餡料就可以入模。一按一壓，用力在枱邊敲兩敲，月餅就輕易的敲出來了。過程看似輕鬆，但其實壓模時力度要得宜，用死力會塞實餅模，不易敲出。敲打也如是，太用力會打鬆月餅結構，太細力又敲不出來，好考技術。月餅旺季，日打數百個，阿傑笑指年年打到手肘痛。一個一個倒模的月餅，放上鐵盤，餅與餅之間留合宜空間，月餅才能平均受熱，入爐前再髹上兩層蛋液，以添焦色。烘餅仍用舊式電焗爐，三層分為三段火力，焗月餅還得搬爐，先用大火焗出皮色，再搬到中火層慢烤。有別於現代化的焗爐，校好時間就會熄火，阿傑需要不時觀察爐內月餅的變化，一切全憑經驗。

約四十分鐘後，月餅終於出爐，餅香四溢，令人垂涎。卓越的月餅，色澤均勻，表皮偏褐色，側皮呈金黃。顏色明顯比起電視廣告上見到的深兩度，以致不少客人認為是焗燶了。原來這顏色為最好，太淺色的其實未焗透。「一個月餅好唔好食，最基本要求，睇個餅夠唔夠熟。」要判斷熟透與否，要看側皮是否帶青，淺黃色都不合格。餅焗不透，除了影響口感，裏頭仍有水分，自然就容易發霉。就連食月餅都有學問，建議最好「涼一晚冷氣」，讓內餡回油，口感更潤。

五仁月怎樣為之好食，未必人人都有相同答案。坊間的五仁月，總是硬邦邦，味道偏鹹，又或是果仁太少，口感層次不夠。但切開卓越的五仁月餅，只見餅皮透薄，餡料分佈平均。吃來潤而不膩，夾雜香脆果仁，軟硬適中。細嚼慢嚥，滲出橘子般的清甜，又有絲絲金腿鹹香，味道均衡，層次分明。有質量，自然有客人支持，難怪餅櫃的五仁月賣得特別快。真材實料，每年一到中秋，就吸引不少老街坊前來捧場。不過他們總在尋找岑兆卓的身影，求個「質素保證」。阿傑形容阿叔是店鋪「吉祥物」，只要阿叔出現，客人就認為月餅質素一定最好。

口硬心軟叔姪情

曾經有客人向阿叔投訴，指姪兒接手後，月餅味道變差了。阿叔總替姪兒護航，「佢咪話，『唓！呢幾年你食嘅餅咪又係佢（阿傑）整嘅！』」對客人評價，阿傑往往一笑置之，並不會放在心上，認為只需用心、盡力做好自己就夠。直到近兩三年，都再沒有聽到類似說話了。其實岑兆卓平日較少現身，但卻非常緊張中秋，最重視月餅出品，每年此刻都會落店幫手。惟都只是輔助，畢竟年紀已長，不能操勞。阿傑一貫幽默，指阿叔現時已成為一位好學不倦的「學生」，每日都要留意着股市狀況，通常收市才看到他。語音未落，門外有位老人站在餅櫃前，正凝視着那堆月餅——原來阿叔剛「下課」，回到店舖巡視業務。頭髮花白、身形瘦削的岑兆卓，甫進店就直奔餅房。仔細檢查工作枱上剛出爐的月餅，五分鐘過去，仍一言不發，阿傑慢慢走到他身旁，隨即揚聲挑剔，「呢件髹得唔夠蛋漿啦，睇吓啲字！」及後又着阿傑一同走到焗爐，繼續指點。工作上，即使是兩叔姪都無面畀。岑兆卓對阿傑更是嚴苛，諸多挑剔，沒半句讚賞，有時又嫌姪兒手腳慢，「佢就他他條條（做餅），以我咁嘅年紀，舊年我嚟幫佢開工，我快過佢好多！」

愛之深，責之切。阿傑心底裏其實毫不介意，「長輩啊嘛，咪留返啲空間畀佢?囉！」年少時期父親離世，阿傑早已當阿叔是「半個老竇」，對他敬而重之。 男人老狗嘛，都是口硬心軟。儘管在百般刁難，但看着阿傑做的餅，岑兆卓面上不時流露着笑容，堅定地說：「我哋呢個（五仁月）夠膽去打擂台㗎！」言談間就知道他對姪兒的出品絕對有信心。阿叔將畢生心血交託於手，阿傑當然不敢做壞招牌，「始終間舖係阿叔開，我點都有個責任維持住，真係唔想喺我手衰。」他自言稱不上大師傅，沒有阿叔十成功力，「始終我阿叔都累積咗咁多年經驗，如果你話做嗰十幾年就可以Cover咗佢，我就覺得，我有啲自大囉！青出於藍，我應該未去到呢個境界」，謙虛的他總在自嘲，「學到呢門手藝呢，就係對於一個以前讀書唔得嘅人，總算攞番啲技能喺身，唔使話將來靠乜搵食啦，呢樣真係要多謝阿叔嘅！」岑俊傑自知做唐餅不能發大財，已是夕陽行業，可自己不是搵錢至上的人，縱使前路難行，只要仍有能力，他都堅持守住招牌，保住阿叔的心血。

夕陽西下，他繼續走進餅房默默打拼，把僅有的傳統味道，傳承下去。

撰文：張芷澄
攝影：謝致中

卓越食品餅店
地址：西環皇后大道西183號地下
電話：2540 0858
詳情： https://bit.ly/2lD1lkP


足本訪問：https://bit.ly/2QLEAYo
===================================


? 8折全年睇《蘋果》即慳$121！
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube： http://bit.ly/2Md5V2k
Facebook： http://bit.ly/2MJejcp
Instagram： http://bit.ly/2EA3qpR

相關影片:
【生命鬥士】值得鄭秀文都讚 前女歌手車禍癱足27年 靠聲控製花椒辣椒油：即使手腳不能動 腦袋仍可很靈活(飲食男女) (https://youtu.be/gREGjaLELTg)
【大廚出軌實錄】居酒屋大廚挑機做小炒 堅持飲住酒開工 蟶子炒到又燶又韌 自家製辣霸鮑魚好惹味 (飲食男女) (https://youtu.be/hdKT95_zh3E)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女) (https://youtu.be/svAF8pKszw0)
【問問日本人】點樣分辨中國人VS香港人中國旅客經常大聲說話？ （果籽）(https://youtu.be/MaMNuX7464I)
【白化病】全身白色途人見到即彈開 白化三兄弟：變相唔使排隊都幾好 (果籽) (https://youtu.be/eZfM1wgm84w)
【的士急色男女】 男女車廂纏綿全城睇晒 業界轟放片者累死同行 20200712 (壹週刊) https://youtu.be/qCtU5Lc07Sg


#月餅老字號 #西環餅家 #飲食男女 #StayHome #WithMe #跟我一樣 #宅在家

音樂的能量有多大？它可以為一個獨居的六旬老人帶來生命寄託。

上月網上流傳短片，一名白髮老翁坐在一部棄置街頭的鋼琴前，彈奏一曲《滄海一聲笑》獲網民激讚，更有人說希望了解這位「流浪樂師」背後的故事。幾經波折《港。故》找到了片段主角，他就是現年64歲、人稱深叔的阮華深。

談到自己一夜間成為「網紅」，深叔不禁沾沾自喜：「有些朋友都問我，深叔！你又上咗Facebook喎。我就話經常都有啦，唔算係咩。」

天台的「音樂天地」

深叔稱得上是音樂發燒友，他雖居於工廠大廈天台，只約二百呎的鐵皮蝸居內，卻收藏了各式各樣的樂器：電子琴、結他、鼓等，這地方就是獨居深叔的音樂天地，他每天在家都會彈琴，也愛約知音朋友到來夾Band玩音樂。

音樂等於生命

「音樂對我嚟講係生命。」如此具份量的話，不代表他現在孤獨得只剩下音樂，而是一個早在半世紀前已許下的志願：深叔十多歲時受兄長影響，接觸當時的流行音樂，期後他不理家人反對，買了一部電子琴回家，開啟他一生的音樂事業。

成為酒廊樂手

深叔當時已視音樂為自己的將來，及後亦如願以償成為酒廊樂手，在八十年代時與其他樂隊成員在尖沙咀一帶的酒廊演出，「嗰陣差唔多一晚跑五、六場，呢度九個字、嗰度九個字，一班樂隊四個人，一個月五千蚊，你話少唔少？」

雖然人工微薄，深叔當時白天需要做的士司機以應付生計，但他仍十分享受，直言是自己的黃金年代，「當時後生，志在有得玩又有錢，又可以養家，點會唔高興。」

開音樂室授徒

其後酒廊紛紛轉用唱片，Live Band(現場樂隊)再沒有市場。深叔與隊友一度轉往台灣發展，幾年後回流香港，「始終同大家唱嘅歌親切啲，你哋點咩歌我都可以唱，喺台灣唱閩南歌我唔得。」

回港休整數年後，深叔與昔日戰友成立音樂室開班授徒，「我哋當時無話幾多級，最緊要係學識作為原則。」然而礙於年紀老邁，身體開始退化，加上隊友都各散東西，有的更加已離世，因此深叔近年都較少教授學生。

「行到邊，彈到邊」

除了隊友，深叔的家人現在都不在身邊。太太數年前離世，子女又長期居於外地，幸好還有他最愛的音樂作為精神寄託，他經常到處彈琴，琴行、商場、甚至是一部被棄置在街頭的鋼琴，都有他彈出的樂章，他亦十分享受這樣的生活。

「我喺街又可以玩、喺商場又可以玩，可以陶醉兩、三個鐘，日日都接觸音樂，點會唔滿足，你哋都係因為我喺街玩先搵到我。」

深叔怎樣看待網民對他的讚賞？「我彈出嚟唔係要人讚我，自己開心最緊要，唔開心坐喺公園等死，咁我情願玩下琴，難聽啲講，玩到我走為止。」

今集《港。故》用7分鐘，為大家介紹這位帶着音符，四海為家的老樂師。

-------------
《港。故》：東網每周專題習作，講故事、講香港人的故事，請關注《港。故》fb：https://bit.ly/oncckonggufb