【困𨋢】（３）
（１）https://bit.ly/2PBDWvY
（２）https://bit.ly/2PMkEUN
＊＊下半部分有繁中華語＊＊
＊＊下半部分有繁中華語＊＊
Timmy喺按鈕位置寫上「１３」，肥叔突然大嗌：「唉！仆街！我個飯盒漏咗喺上面！可唔可以返去拎？」
「就算你而家返上去，都唔會係之前嗰部𨋢。」Timmy。
「你講乜春？」肥叔。
「我推測，只要離開身處嘅𨋢，無論係經過前閘、後閘、定係通風口，都會隨機轉移到另一部𨋢，至於機制係點我唔清楚，亦唔知總數有幾多。」Timmy。
「喂，我想攞返個飯盒啫，你講乜鬼嘢啫。」肥叔望一望我：「咸濕仔，麻煩你托一托我上去！」
「我唔夠力喎…」我。
「阿妹妳幫手，唔該你。嗰碟叉雞飯我留隻雞脾畀妳，OK？」肥叔又轉向阿瀅。
我同阿瀅出盡奶力都托唔到肥叔上去，Timmy見狀只好幫手，三人合力將肥叔半個身推咗上通風口。
「你喺上面見到啲乜，可唔可以話我知？」Timmy。
但肥叔無理佢，只係身體不斷蠕動，又伸手上去似乎喺度搵緊嘢。
「我頭先就係咁，離開咗部𨋢，就完全聽唔到你哋講嘢。」我。
終於，肥叔手執住個飯盒，縮返個頭落嚟：「得喇，放我落嚟！」
肥叔一臉得意：「嗱！咪就係咁簡單囉，講咁多嘢托咩！」
「大家都攰喇可，不如食飯先。」肥叔見我哋三個都喘晒氣，就舔住嘴唇打開個飯盒。
一打開，肥叔「屌！」咗一聲。因為飯盒入面唔係叉雞飯，而係佢自己屙出嚟嘅屎。
肥叔嬲到用力丟個飯盒落地：「屌！點解我盒叉雞飯變咗屎？！」
「既然會隨機換𨋢，不如我哋去下一部𨋢，我有少少想嘔…」我提議。
於是，我哋隨便打開咗道閘去下一部𨋢。當我哋閂埋道閘，升降機嘅燈光亮起，阿瀅即刻嚇到尖叫。
成部𨋢都被血染成紅色，地下有三條屍訓咗喺度，全身都係被刀刺傷嘅刀孔。而呢三條屍係我、肥叔同阿瀅。
我望住灘血仲不斷擴大，血液不斷喺各人嘅傷口處流緊出嚟，證明呢件事只係發生咗無幾耐。
「不如我哋返轉頭，我好驚。」阿瀅。
「一早對住啲屎咪幾好囉，走咩呢…」肥叔。
「我頭先都講過，見到我哋四個人嘅乾屍，但你哋唔信我…」我。
「你意思即係話…呢度有好多個『我哋』？」阿瀅。
「但點解呢度得三條屍？」肥叔踎咗喺地近距離望住地下幾條屍：「你條屍呢？點解你無事？」
「我點知…」Timmy神色沉重。
「我懷疑係你做嘅！」肥叔指住Timmy。
「我點會無啦啦殺你哋？之前我都講過啦，有其他人被困喺𨋢，可能就係佢哋做，我只係好好彩逃走咗啫。」我。
「我唔信，你打開個公文袋畀我睇吓！」肥叔用下巴指住Timmy手上嘅公文袋。
「裏面得啲文件…」Timmy：「有我同客嘅合約，唔方便畀你睇…」
「我一早知你有古惑！」肥叔撲上去想搶走Timmy嘅公文袋，Timmy死命唔肯放手。
兩個人喺纏鬥期間，肥叔唔小心被地下條屍絆倒，兩個人訓咗喺血泊上，全身被染紅，公文袋亦脫手飛開，入面嘅文件飛晒出嚟。
「挑你老味，我件衫好貴㗎！」肥叔成件白色背心都係血。
「你、你哋睇吓，係公文袋跌出嚟…」阿瀅手上拎住一把萬用刀。
「哦！仲話唔係你！」肥叔揪起Timmy衣領。
「你哋冷靜少少先…聽我解釋好唔好？」Timmy一手甩開。
「仲有咩好解釋！」肥叔擺出拳擊手姿勢。
「就算你哋真係被另一個Timmy殺死，都唔關我事㗎係咪？就算你而家殺死我，殺人嗰個Timmy都一樣會追殺你哋喎。」
「你明唔明佢講乜？」肥叔望住我。
呢個時候，我萌生咗一個想法。
「Timmy，我想你老實答我一個問題，你有冇一刻，幻想過…諗過要殺死我哋？」我。
Timmy猶疑咗一陣：「有…但我係聽你講過咩科幻電影，所以我先幻想，可能殺晒你哋，我就可以走出呢部𨋢。但我只係幻想咋，我無打算真係咁做。」
「我有一個大膽假設…唔知你哋有冇聽過『平行宇宙』，即係每做一個決定，都會衍生出一個『平行宇宙』。而呢部𨋢，就係所有平行宇宙嘅總和。」我。
「總和？」Timmy。
「當一開始你話嘗試打開部𨋢嘅閘門時，我有幻想過不如繼續留守喺度等人救。雖然現實我都選擇咗跟你哋一齊走。但亦衍生咗一個『等人救』嘅平行宇宙出嚟。於是，喺某一部𨋢，就會出現四條乾屍…」我。
我見Timmy同阿瀅聽到一頭霧水，我決定再舉多個例子：「之前阿瀅都講過，見到Timmy用筆寫上號碼，佢都有過同樣諗法。亦即係話，阿瀅衍生咗一個『由佢去刻字』嘅平衡宇宙出嚟。」
「你意思係，之前有人用硬物刻咗『２９』呢個數字，係另一個我刻上去嘅？」阿瀅。
「所以我哋愈係亂咁幻想，呢個空間就會出現愈多個我哋？」Timmy。
「無錯，但呢個亦係出去嘅方法，只要我哋唔好再諗殺人，唔好再諗屙屎…向住逃出生天嘅方向去思考，就會出現好多個版本嘅我哋，去幫手試晒各種辦法，最後一定可以逃出去！」
呢一刻，我覺得自己係天才。
下一刻…我好後悔。
呢個時候，升降機嘅通話機突然發出「沙…沙…沙」嘅聲音。
然後，傳出一把沙啞嘅女人聲。
「你衍生出無數個平行宇宙，點肯定逃出去嗰個係自己？」
「阿姐，妳邊位啊？係咪看更啊？我哋困𨋢啊！」肥叔向住對話機大叫。
我記起喇，呢個女人把聲…
就係打電話畀我，叫我去拎咖啡豆嘅人…
（待續）
想加速下集，分享300立即有下集
喜歡故事，Like & Share
買小說支持創作：
https://bluegodzistore.boutir.com/
＝＝＝＝＝＝＝＝＝＝＝
＝＝＝繁中華語版＝＝＝
＝＝＝＝＝＝＝＝＝＝＝
Timmy在按鈕位置寫上「１３」，肥叔突然大喊：「唉！仆街！我的飯盒遺漏在上面！我可以回去拿嗎？」
「就算你現在回去，都不會是之前的升降機。」Timmy。
「你在說什麼？」肥叔。
「我推測，只要離開身處的升降機，不論是經過前閘、後閘、還是通風口，都會隨機轉移到另一部升降機，至於它的轉移機制我不太清楚，亦不知道升降機總數有多少。」Timmy。
「喂喂，我只是想把飯盒拿回來，你在講什麼鬼！」肥叔看一看我：「好色仔，麻煩你把我托上去好嗎！」
「我不夠力…」我。
「阿妹妳也幫忙吧，上面那盒叉燒雞飯，我把雞腿留給妳，OK？」肥叔又轉向阿瀅。
我和阿瀅出盡奶力也抱不動肥叔，Timmy見狀只好幫忙，三人合力將肥叔推上通風口。
「你在上面看到什麼，可以告訴我嗎？」Timmy。
肥叔並沒有回應，只是身體不斷蠕動，又伸手上去似乎在找什麼東西。
「我剛才也是一樣，只要離開升降機的範圍，就完全聽不見你們說話。」我。
終於，肥叔成功拿著飯盒，把頭退下來：「行了，把我放下來！」
肥叔一臉得意：「看吧！就這麼簡單，你說什麼理論有個屁用！」
「相信大家都累了，不如先吃個飯吧。」肥叔看我們三個氣喘虛虛，就舔著嘴唇把飯盒打開。
一打開，肥叔「幹！」了一聲。因為飯盒裏的不是叉燒雞飯，而是肥叔自己的大便。
肥叔生氣得用力把飯盒丟在地上：「幹！為什麼我的叉燒雞飯變了屎？！」
看來Timmy說得沒錯，剛才肥叔上去，升降機也隨機轉移了。
「既然會隨機換升降機，不如我們去下一部升降機看看吧，我看到之後很想吐…」我提議。
於是，我們隨意打開閘門去下一部升降機。當我們把閘門關上，升降機的燈光亮起，阿瀅馬上嚇到尖叫。
整部升降機都被染成血紅色，地上躺著三具屍體，全身都佈滿被刀刺傷的刀孔。這三具屍分別是我、肥叔和阿瀅。
我看住血泊不斷擴大，血液不斷從各人的傷口處流淌，證明這命案只發生在不久之前。
「不如我們回去吧，好恐怖…」阿瀅。
「對著我的大便還好，現在你看看啊…」肥叔。
「我剛才也說過看到我們四個人的乾屍，但你們不信我…」我。
「你的意思…這裏有很多個『我們』？」阿瀅。
「等等，為什麼這裏只得三個人的屍體？」肥叔蹲在地上近距離看著屍體：「你的屍體呢？為什麼你沒事？」
「我、我怎麼知道…」Timmy神色沉重。
「我懷疑是你做的！」肥叔指著Timmy。
「我怎麼可能會殺你們？之前我也說過，有其他人被困在升降機，說不定是他們的的，我只是好運逃脫罷了。」我。
「我不信，你把公文袋打開給我檢查！」肥叔用下巴指向Timmy手上的公文袋。
「裏面只有文件…」Timmy：「有我和客戶的合約，不太方便給你看…」
「我早就知你有陰謀！」肥叔撲上去想搶走Timmy的公文袋，Timmy死命不肯放手。
兩個人在纏鬥期間，肥叔不小心被地下的屍體絆倒，兩個人躺在血泊上，全身被染紅，公文袋亦脫手飛開，公文袋內的文件飛散一地。
「幹你娘，我這件衣服很貴的耶！」肥叔整件白色背心都是血跡。
「你、你們看看，從公文袋掉出來的…」阿瀅手上拿著一把萬用刀…
「呵呵！你還不認！」肥叔揪起Timmy衣領。
「你們冷靜一點…聽我解釋好吧？」Timmy一手甩開。
「還有什麼好解釋！」肥叔擺出拳擊手姿勢。
「就算你們真的被另一個Timmy殺死，也跟我沒有關係吧？就算你現在殺死我報仇，殺人的那個Timmy都一樣會追殺你們，不是嗎？」
「他在說什麼鬼？」肥叔望住我。
這個時候，我萌生出一個想法。
「Timmy，我想你老實回答我一個問題，你有沒有一刻，幻想過…要殺死我們？」我。
Timmy猶疑了一陣子：「有…但我是聽你說科幻電影什麼的，所以我才幻想，可能殺光你們，我就可以逃出這部升降機。但我只是幻想而已，根本沒打算這樣做。」
「我有一個大膽假設…不知道你們沒有沒聽過『平行宇宙』，即是每做一個決定，都會衍生出一個『平行宇宙』。而這部升降機，就是所有平行宇宙的總和。」我。
「總和？」Timmy。
「一開始，你說要嘗試打開部升降機閘門時，我有幻想過不如繼續留守在這裏等待救援。雖然現實我選擇了跟你們一起走。但亦衍生了一個『等人救』的平行宇宙。於是，在某一部升降機，就會出現四具乾屍…」我。
我看Timmy和阿瀅聽到一頭霧水，我決定再舉多一個例子：「之前阿瀅也說過，看到Timmy用筆寫上號碼，她也有過同樣的想法。亦即是說，阿瀅衍生了一個『由她去刻字』的平衡宇宙。」
「你意思是，之前有人用硬物刻了『２９』這個數字，是另一個我刻上去的？」阿瀅。
「所以我們愈是胡思亂想，這個空間就會出現愈多個我們？」Timmy。
「沒錯，但這個亦是逃出去的方法，只要我們不要想殺人，也別再想大便…只朝住逃出生天的方向去思考，就會出現很多不個版本的我們，去幫忙嘗試各種辦法，最後肯定可以逃出去！」
這一刻，我覺得自己是天才。
下一刻…我後悔了。
這個時候，升降機的通話機突然發出「沙…沙…沙」的聲音。
然後，傳出一把沙啞的女人聲。
「你衍生出無數個平行宇宙，怎麼肯定逃出去的是你真正的自己，而不是衍生出來的分身？」
「阿姐，妳誰啊？是保安嗎？我們被困在升降機啊！」肥叔向著對話機大叫。
我記起來了，這把女人的聲線…
就是打電話給我，叫我去拿咖啡豆的人…
（待續）
想加速下集，分享300立即有下集
喜歡故事，Like & Share
買小說支持創作：
https://bluegodzistore.boutir.com/
