【電影節選片調查】
拎到電影節本書，最投入嘅影迷，理應會慘過讀書時期溫通宵，一夜刨曬（或者返工時睇？）然後即刻買飛。
有經驗者自會知道書仔果一段仔文字，信佢一成、雙目失明，寫得愈奇詭愈吸引，可能就正正因為套戲伏到震冇賣點，所以要大灑鹽花。當你覺得「伏味甚濃」時，一係睇埋英文介紹，一係上imdb或youtube搵下乜片嚟，如果唔係只會令你在文化中心或大會堂昏睡三小時，甚至更長。Well，或者中途離場，係憤然離場果隻。
人生最正觀影經驗之一，相信電影節會係其中之一次；但人生最難頂觀影經驗，相信好多時都係電影節發生（沒有之一）。
個人而言，揀到啱Channel嘅戲好比緣份，普遍嚟講，都係靠第一感覺啦。
唔知大家又有冇咩選片準則？見到三級片一定睇（小弟曾經係，但好多時都極伏）？明知上正場一定唔睇？只係睇有中文字幕嘅戲？又有冇人好似小弟咁，一拎本書第一時間一定睇「我愛午夜長」環節先？有冇咩國家、咩導演（小弟係有嘅，但為免俾人＿，廢事分享啦）嘅戲，係一定會睇／唔睇？場地方面又有冇咩規限（以前只要見到排片太空館，更好睇我都一定唔會買飛）？
不如分享一下丫。
＝＝＝＝＝＝＝＝＝＝＝＝＝＝＝＝＝
全新網誌：http://travelerwithmovie.com
