汀汀
我變了，
他老了，走了，
不會再回來了⋯⋯
11年的時間過很快，我還記得汀汀（兔仔）初次到家的喜悅，記得一個又一個微細的畫面，記得一個又一個佢等我回家的片段，佢渴求被愛的心情。
小時候，我很喜歡動物，屋企就好似動物園一樣，同一時間有5 隻倉鼠，好多魚，有天竺鼠，但我一直都想養狗，但我屋企總係唔鍾意，所以最後我退而求其次，買左兔仔。
由我18 歲那年，我的兔仔小汀汀，就這樣陪了我11 年⋯⋯
我以為兔仔會似狗仔咁，會有時挨過嚟同我玩，但我又真係想太多了，佢成日都唔理我，我摸一摸佢，佢已經閃電俠咁跳走左。
佢好鍾意跳上草球，居高望我地。
佢最鍾意就係咬電線，特別係光纖線，咬下咬下，我就上唔到網。
佢除左食草，最鍾意就係食薯條，薯片同朱古力。
以前我地會一齊玩點鼻仔，有時我唔開心，就摸住汀汀喊。
但到我上大學之後返工，我對佢嘅愛比以前少了很多，關注亦少了很多。有時我媽：「你得閒就摸下佢啦，佢最鍾意就係同你玩。」但佢等了又等，仲係等唔到我嘅關注。
我關心的事，由18 歲那時只有佢同高考，就沒有其他，但人大了，關心的事更多，佢嘅重要性愈嚟愈下降。
不是說被眼淚沾過的身軀，可以死而復生嗎？
但哭到眼腫的我，他還是一動也不動。
我不是一個好主人，現在的我只是帶着無盡的悔疚。如果我對佢好啲，我唔會咁難過。我很內疚，我本身有機會做得更加好，但我一年又一年錯過了，點解我可以錯過了11 年。
現在，我卻在請求原諒！我摸着他不停發抖的身軀，說：「你原諒我好唔好？呢幾年，對唔住！」
時間過了，就追不回來，愛最重要及時。
不要等不能重來的時候，才請求別人的原諒。
Life is too short to waste!
感謝我嘅小汀汀這11年帶給我們無限的歡樂。
