關於 個人質素 ，我們在網路上蒐集到這些相關的討論、資訊與評價

【台灣人的悲歌】

一個疫情，將台灣領導人蔡英文無能的領導能力完全表露無遺。老實說，民進黨多年一直打與中央對抗的牌，但過往該黨的兩位為反而反的領導人，究竟對台灣做過什麼貢獻？

黑暴前我也經常走訪台灣，眼見現在的台灣跟二十年前真的相差很遠。當年的東區燈火通明，夜夜笙歌；現在卻「吉鋪」處處。到夜店消費，最花得起錢的都是香港及內地人。當「中港澳」經濟近年不段起飛，由其是內地；但當地經濟跟本不止原地踏步，而是比之前更為退步。當年與香港、新加坡、韓國並例為亞洲四小龍，為什麼現在卻大幅度比了下去？只靠半導體晶片去撐起整個地區的GDP，但鄰近國家地區也不斷發展半導體產業，究竟會否在不久將來又會被取締？台灣到時又有什麼出路？

與當地朋友閒談間，發現香港人十分仰慕當地的一人一票民選機制，原來也有弊處。當地朋友一句：「請香港不要像台灣⋯」，他說當地政局混亂，所有議案因爭拗而停滯不前。全因太過「民主」，而大家又沒有共識，所以很多政策改動也因不同黨派對衡而通過不了，令台灣原地踏步多年。

相信經過香港黑暴事件及反對派亂港，很多香港人也深深領略到了。反對派不斷利用「剪布」擺停立法機關；假新聞、誇大抹黑報道又可以誣蔑警隊及妖魔化祖國去荼毒港人。大家一直高估了香港人的質素，原來仍有一大班人的分析能力是這麼低。一些煽動仇恨、扮弱者被迫害的消息便可激發起這班人的同理心，而令他們是非不分地去支持犯法和暴力、甚至反政府反國家！請問這種沒有獨立思考客觀分析的港人又如何配得上擁有一人一票的真普選？若成事便等於步台灣及印度後塵吧！

一個疫症，暴露了領導人的無能。當全世界不同國家也主張國民速打疫苗的時候，蔡英文卻唱反調，更拒絕中國製造及贈送的疫苗。連抗疫也要被政治凌駕，實在替台灣有這樣的領導人而心痛。致人民的生死不顧，令台灣成為全球新冠疫症死亡率最高的地區。臨急抱佛腳去接受美國的疫苗，結果全球多國禁止使用的「阿斯利康」疫苗卻送給台灣人民去注射，更導致短時間內有67個注射後死亡的個案。看到這些，香港人你們會否覺得自己身在福中不知福？全球大部人沒有選擇下連高風險的疫苗亦被搶着去打，但香港有兩種最好的疫苗任君選擇你們卻不願去打。老是鬧政府不是，但比起其他國家香港真是那樣不濟嗎？比香港更差更遲緩的地方政府多的是吧。你看美國英國，注射疫苗不止是為個人利益，而是為保護人民性命安全的公民責任。香港人連這種責任也不願負，連全民抗疫也要扣上政治立場帽子，不去客觀為大局著想！還那有什麼資格去爭取什麼真普選？請好好提升個人質素再算吧。

朱庭萱

我在大台短暫的日子
一， 入行經過

好多年前我喺大台做過助理編導，亦即係PA。雖然日子非常之短（只係跟咗半套劇），好多嘢都冇親身經歷過（例如一啲特定類型嘅拍攝、海外拍攝、後期製作等），但仍然有唔少嘢可以同大家分享一下，唔知大家有冇興趣？我可能先寫一兩篇，睇下反應。如果大家都想知（而我又唔懶嘅），黎緊呢兩個月有時間，我就寫多幾篇關於我喺TVB工作嘅日子嘅帖文，等大家可以（好片面咁）了解一下喺香港電視台做PA究竟係咩一回事。

第一篇，講吓入行經過。

唔知有冇讀者有興趣去大台（又或者其他電視台/媒體）做PA，又或者大家第一個諗到嘅問題就係，究竟係點樣入行？使唔使讀啲咩專門學科？定係等電視台出招聘廣告呢？個答案係，其實我都唔知！我好好彩，係有人介紹入去，所以正式PA招聘渠道我係無經歷過嘅。而且，當年我嗰個時代背景有啲特別，我一陣再講。所以，我係完全唔知道而家大台請PA 有冇咩requirment、需求大唔大等等。

我嘅入行經過要由演藝學院嘅一個外展課程講起。當時我開始鍾意睇電影，但又唔肯定自己係咪同時鍾意做創作。我見APA 有搞一啲外展Course，有兩個同電影有關，一個係陳慧教嘅「愛情電影」；另一個係龍文康教嘅「電影編劇基礎班」。都係名字上嘅分別啦，前者好似唔太似我想讀嘅野，後者好似比較直接同創作有關，所以我就報咗後者。

係嗰班入面有各式各樣嘅學生，包括有啲想教自己學生寫作嘅中學老師、有啲有志投身電視電影工業嘅年輕人（有一位真係做咗網絡作家＋電影導演，佢套戲好似已經拍完，排緊期上映，）、亦有啲真係純粹黎當讀吓興趣班嘅朋友。而其中一位學生係TVB嘅前PA，大家熟落咗之後，佢問我地有冇人有興趣入去大台做PA，咁難得有個咁容易入行嘅機會，梗係做啦。我（仲有一兩個同學）即刻畀資料佢，佢幫我地聯絡TVB嘅HR，好快我就收到電話約面試。

與此同時，上文話我嗰個時代背景有啲特別，特別在於HKTV正正就係嗰年成立。王維基嗰陣喺八大院校招FG，雖然我畢咗業返緊工，亦唔係八大出黎，但見機會難逢，都射咗波潛入港大個招聘會度扮HKU學生。招聘會當日，王維基講完啲開場白（即係佢嘅抱負云云），做咗個Q&A，然後就開始畀我地Group interview。我都唔記得面試內容，但我記得一組8-10 個人，質素好參差。反正應該都係因為自己對電影嘅認識稍稍比在場嘅其他同學仔為高，所以完咗之後，自己都幾肯定會收到follow up call。結果，好快佢地就打黎叫我去第二輪面試。

究竟TVB面試同HKTV面試有咩分別呢？分別真係好大。TVB面試流程係： 入到去填form，之後去見七樓（Drama製作部）HR。印象中佢係無考核過我（唔知係因為本身佢地請PA無乜要求，還是因為我係有人介紹嘅關係），只係問咗我想做戲劇定綜藝，同埋同我講啲「做PA 係好辛苦㗎，不過又唔係好似出面講到咁嘅，仲會學到好多野添」之類嘅說話。我只需要保持有禮貌嘅微笑，加上少少誠懇地點點頭，就搞掂咗個面試，成個過程我估大約10分鐘。

至於HKTV第二論面試，我記得先係有一個筆試，四五條題目畀半個鐘你答，有一條係問「如果去到荒島拍攝先發覺帶漏野，你會選擇點做」之類嘅處境題。筆試之後就係個人面試，面前係三四個監製。首先都係介紹下自己（老媽子教落，呢part 係唯一一part 你可以暢所欲言，大騷 quali嘅環節，如果講得又詳盡又好，一來可以畀到一個好好嘅first impression 對方，二來可以用盡interview 時間，減少打後對方問你啲鬼咁艱難問題嘅機會，所以呢，識得介紹自己真係好重要），然後佢就問吓你點解想做PA，知唔知PA職責，然後就深入啲問吓你有冇咩片種你唔想拍等等（我答咗古裝同Sit-com，因為前者製作水平越來越求其（嗰幾年係特別多穿崩野發生）；後者則千篇一律（我由細到大都好憎睇Sit-com，係直到後來開始睇外國sit-com，先知原來sit-com 可以咁好睇））。面試超過30分鐘，監製話覺得我好好傾，未試過同人in咁耐。佢覺得好係一個好好嘅candidate (well, of coz LOL；其實更大可能係因為一啲真係讀電影嘅畢業生，又點會去in HKTV/ TVB 吖...), 但同時Over-qualified, 驚我留得唔耐（嗯，結果都係吖），所以要考慮吓。

最後，兩間都有請我，但我揀咗大台。首先係因為，HKTV畀offer 我畀得遲，我已經喺大台返咗成個禮拜，所以就無謂又轉。二黎，嗰時HKTV係超級新，新到連廠房都無。而大台有齊晒配套，亦有系統。如果新人學野，好似都係大台好啲，所以我就決定拒絕咗充滿朝氣嘅HKTV，而選擇入TVB。當然，幾個月後嘅我就會知，原來點揀都好，我都係做唔長。哈哈。

入行經過大概係咁。下一篇應該無咁長，可能會講吓返工第一日嘅事。

利申：以上都係好個人、好片面、好短暫，而且歷史久遠嘅經歷，並不代表所有PA嘅立場同經歷。

（圖片攝於n年前TVB見工日）

《咎由自取的失分 抹煞前線的努力 車路士對修咸頓賽後分析》
.
由三分變一分，相信除左令一眾睇住直播既球迷氣憤之外，對場上經已付出足九十分鐘既球員黎講亦難掩一份失落，個別球員「自殺式」犯錯可以話埋下失分既伏線，亦同時抹煞左前線球員喺比分上既努力，其實哩啲學費都已經交左接近一季去到依加都仲交緊，身為主教練既林伯特需要負上不能推卸的責任。
.
繼續源用4231陣式，正選陣容上有佩利錫正式復出，令添姆雲拿可以回歸正箭頭位置，身後支援既亦繼續係夏弗斯，而蒙特就依然兼任左翼鋒角色，雙中場分別用左佐真奴配搭簡迪，至於四人防線就用上蘇馬同基斯甸臣為中堅組合，賽前傳出有小傷既捷維爾亦趕及復出同艾斯派古達擔任左右兩間，而門將就由基柏接替於國家隊訓練時受傷既文迪，堤亞高斯華就因倦勤而並無在賽事名單之中。
.
以結果論黎睇著眼點過份側重於個別球員既失誤而引致既失波，但其實今場波理應平均分為入球與失球兩部份黎睇，雖然最終都唔能夠全取三分，不過喺進攻層面上其實有唔少值得觀賞既看點可以分析，先講組織攻勢，過往車路士由後場開始組織主要都以短傳同地面戰為主，不過自捷維爾接任左閘正選後，好多時後場既波都會經由右閘到中堅再到佢腳下，而捷維爾既視野同能力可以省略左中場轉換直接將皮球傳上前線發動攻勢，比起中堅同樣以長傳方式唔同既地方係，哩位英格蘭左閘除左可以選擇向前傳上邊線之外，亦可以以拋物線方式彎入中路，變相令進攻套路更加多元化。
.
由於添姆雲拿偏好走向左路發展，多番見到佢成功接應到捷維爾既長傳，德國人回歸正前鋒後可以得到更大既活動活間，可以令佢專心於前線捕捉機會，而今場波兩個入球亦見得到添姆雲拿既個人質素，早前亦多次強調球迷們無需過份擔心佢會有步向莫拉達後塵既機會，因為兩者係截然不同風格類型既前鋒；至於喺佢身後既夏弗斯亦漸入佳境，繼續以前場多面手既角色串聯攻勢以及為隊友製造機會，更同雲拿一樣正式取得英超入球，而佐真奴亦終於「擦出」助攻。
.
略略講完組織同入波喺進攻層面上既野之後，就係時候到令人氣憤既失球部份，而喺哩部份之中亦可分為兩個範疇，除左場上球員既失誤之外，另一個位就係林伯特既安排同臨場部署上同樣都存在失誤，先講前者，睇返三個失波，除左最尾禾確特彈射命中隊友改變角度入網果球略有幸運成份之外，前兩球都係由於球員個人失誤所造成，先由夏弗斯於中後場區域推失波所致，當時睇到哩個畫面之後第一時間令人聯想起巴克利過往既犯錯，同樣地係喺接近哩個位置推失波，其實唔係唔比你向後推，但係喺哩個位推真係好危險，基本上一推失就等同伏左後面既隊友，哩方面夏弗斯就真係要交下學費。
.
至於第二球失波，亦係大眾球迷著眼同車迷們氣憤既一球失波，蘇馬回傳力度不足派出「醫院波」，同時基柏喺禁區內撲救存在猶豫，撲救失敗後雖然有基斯甸臣試圖解圍，但最終都被對手以半空門方式射入，如果單計責任的話，蘇馬同基柏兩者難辭其咎，前者犯錯後無嘗試起跑跟返轉對手彌補自己既失誤，返而覺得龍門應份地幫佢補鑊，至於基柏既心理狀態其實都已經打唔起，多次自我犯錯或被防線「放伏」到就連自信心都無埋，而其實喺哩球失誤之前兩者都經已出現過誤會畫面，當時蘇馬呼喝基柏出黎將皮球沒收，其實果下對手都唔算壓迫得蘇馬太西利，理應自己由能力轉身再組織過，而基柏本人都覺得無必要出龍，蘇馬幾時變左後防大佬連出龍都可以由佢叫？場外人都睇到兩者明顯存在心病，對一條防線黎講絕無半點得益。
.
最後就講到林伯特，要講既野亦唔會比球員少，先講防守佈置，佢都執教過左一季時間，球隊依然喺防守死球時存在明顯漏洞，今場波對手兩下死球時都能輕鬆地喺禁區頂位置施射，而哩個區域係並無任何藍衫球員進行防守，變相只要解圍不遠，對手就可以有空間輕鬆起腳，防守唔洗教都唔識教係兩件事黎，而林伯特好明顯係後者；令一個問題就係臨場調動，其實球隊喺下半場已經開始失去壓倒性優勢，尤其係喺六十分鐘打後形勢已經交到修咸頓為主導，但感覺上林伯特好似無乜目標咁，換完薛耶治入黎就等完場咁，去到下一個換人已經係要數到八十六分鐘既占士，果時其實未被對手扳平已經係好彩。
.
你要縮既，其實理應六七十分鐘要開始換人縮，如果你要谷多粒既，就早啲換艾巴咸入黎跑下，唔係去到九十分鐘先換佢入黎踩下草咁，你臨完場前先換佢入黎請問有咩用？感覺上林伯特喺球隊仲係些微領先3:2果時係完全無方向，完全無任何為球隊再鞏固形勢既目標；最後一樣想講既就係喺戰術安排上，喺國際賽前對水晶宮時都有睇到同講過，果場波球隊既中前場除左做迫搶之外，亦好肯落腳去制止對手製造攻勢，講緊既係對手連半場都未過到時已經被打斷，果時明顯見到球隊係有刻意咁做，但今場波完全見唔返哩樣野，中前場肯落腳既就只有簡迪一個，其餘人就淨係企位迫之後就再無其他跟進動作，都講過咁做既話變相令對手好輕易咁透過短傳就破解到你哩招，無系統性既迫搶只係掛羊皮賣狗肉，亦無助為後場減壓。
.
學費唔係唔想交，而係交到有冇意義，都經過左一季多既時間，陣容上亦都有補充同提升，但內容上依然都好似維持原狀咁，失既波都依然繼續都係咁，根本上只係等邊位球員犯錯，而林伯特就好似永遠立於不敗之地咁既樣，如果係咁的話前線入幾多球，後面都真係同你失番咁多球。
.
《岩睇既比個Like支持我地啊！》
作者 : BluexLion車迷手記
-------------------------------
同場加映《令車迷們「瘋狂」的一個暑假 淺談藍軍大灑金錢的一個轉會窗 – 後場篇》
https://bit.ly/2T6r2YE
.
#Chelsea #車路士 #修咸頓 #英超
https://s.fanpiece.com/nnT7mUh

主持：陳士齊(齋Sir)、楊穎禧 嘉賓：范國威

把花生留住，請付費支持：轉賬至滙豐銀行 023-280233-838，抬頭 HONG KONG INTERNET RADIO LIMITED
花生網頁: www.hkpeanut.com
PayPal 付款賬號: hkangrypeanut@gmail.com
FB專頁: https://www.facebook.com/hkpeanut/

第一屆香港青年服務領袖獎獎勵計劃

http://www.hkysla.org/

香港青年服務領袖獎獎勵計劃

我們希望建立由年青人主導社會服務平台，透過以下青少年發展五步曲完善青少年的成長和對社會的貢獻：

1 / 青少年服務團體 學習群體生活、個人紀律、互相尊重、領袖技巧等書本上學習不到的個人質素。

2 / 事業發展訓練 教導正確的職業道德和工作態度等課堂上學習不到的事業發展要訣。為社會培育可信的人才。

3 / 領袖訓練 學習如何成為真正的領袖。透過不同的機會互相學習、共同進步，成為有作為、有貢獻的未來領袖！

4 / 與CEO對話 讓年青人直接與成功領袖交流，體驗他們的處事態度、人生觀、對社會的承擔等的風範。

5 / 青少年主導的社會服務平台 除了讓年青領袖可以聯同其他團體的青年領袖共建以他們為主導的服務平台，實踐領導力和影響力，亦可以更有效地讓青少年人解決青少年的問題。

在香港，很多商界組織和慈善團體都熱心公益、積極服務社會。希望這個由青年領袖主導的服務平台可以聯繫商界和其他熱心服務社會的機構，攜手合作、各展所長，更有效地解決社會問題和幫助需要的人士。 所以，這個獎勵計劃不是純屬為了獎勵和頒獎，而是透過這計劃建立可持續的領袖訓練和由年青人主導的社會服務平台。並聯合商界和社福界，共同培育熱心社會服務的年青人，鼓勵他們回饋自己的團體，更作為領袖去以生命影響生命。

背景
科技的進步和社會的改變都在改變各項社會和青少年問題，現在的青少年問題不再只是貧窮和學習的機會，而是港童、濫用藥物、吸毒、宅男宅女、欺凌、網上罪行等等。在他們有問題的時候，家長、老師和朋友未必可以給予和適當的幫助和引導。所以我們認為從年少時，應該開始為他們建立正面的朋友圈子，習慣有紀律、互相幫助的群體生活，學習正確的價值觀和人生態度。所以，我們應該鼓勵下一代參加青少年服務團體。經過這些團體多年培訓的青年領袖，我們應該讓他們擁有更多信心和資源、鍛鍊他們的領導力和影響力，鼓勵他們回饋培育自己成長的團體，並團結有心有力之士，共同解決青少年問題和貢獻社會。「我話事、共創造」，讓青少年解決青少年的問題，與我們共同創造更美好的未來！

HKonlineTV 衝破傳統框框,開創一個意想不到的網上電視台。

Official Website : http://www.HKonlineTV.com
YouTube : https://www.youtube.com/user/HKonlineTV
Facebook : https://www.facebook.com/hkonlinetv

Produced By SunnyIdea HK