早排終於將「辦公室日報」由無限公司轉做有限公司，然後搞autopay出糧（之前我係手動走去入），申請埋公司信用卡，因為網上廣告呢行經常要做boosting，即係你成日loop FB見到「贊助」嗰種post，唔想下下claim嚟claim去，不如直接用公司卡畀呢條數。
你見我好似打幾句好簡單，其實當中有好多文件要交，擾擾攘攘搞咗成個月，咁仲未完呀，跟住落嚟要打大佬，因為有個新同事入職，所以又要搞強積金喇。呢樣我係真心驚嘅，事關手動出糧同埋冇公司卡都唔算咩大問題，反而強積金有咩甩漏的話，我作為僱主隨時會惹官非，嗱嗱臨搞咗先算。
開公司絕對唔簡單，paperwork有排你玩，但我明白呢個都係學習過程，如果間公司第日可以壯大，我答應所有position優先請讀者！
呢段時間我會學下點樣做一個好老細，點樣管理，仲有點樣可以順暢啲搞好後勤工作，起碼我而家知道點樣善用強積金受託人所提供嘅電子工具先啦，唔使下下print一大堆嘢，冇咁煩之餘，又唔使咁嘥紙，我唔想下世做樹呀！環保啲，錢都慳多啲吖嘛。
不過講咗咁耐，其實我公司得三丁友咋，三丁友都咁煩，中小企或者大公司真係不得了，所以要習慣用網上電子工具，的確方便快捷好多，如果有疑問都唔緊要，事關積金局搞咗個【#強積金電子工具體驗日】， #費用全免，活動當日仲有兩場研討會，花少少時間到場了解 #僱主數碼供略，點都係百利而無一害，我唔長氣喇，留低資料畀你哋慢慢參考：
「積金數碼體驗館」
日期：11月26日至27日（星期二至三）
地點：灣仔會議展覽中心展覽廳5F
（於「香港人力資源管理學會周年會議暨展覽會2019」場內）
【研討會*】
1) 積金數碼化僱主「供」略
時間：11月26日（5:00pm至5:45pm）
2) 積金易平台——為強積金生態系統帶來革命性改變
時間：11月27日（11:00am至11:45am）
*參加研討會嘅朋友記得預先登記～～
登記連結喺度︰https://bit.ly/2pIwfdt
#積金局 #MPFA #善用電子平台 #供MPF準確又快速 #做個積金好僱主 #綠色強積金
做個積金好僱主 在 循道衛理中心- 【⭐️循道衛理中心再度榮獲積金局嘉許為「積金好 ... 的推薦與評價
本機構向來重視員工 ，不但嚴格遵守強積金法例、亦不斷提升僱員退休福利，為他們提供更佳的保障 。 循道衛理中心將繼續關愛員工❤️，做個好僱主🎖️。 #積金好僱主# ... ... <看更多>