關於 全套 性病檢查 ，我們在網路上蒐集到這些相關的討論、資訊與評價

話說最近見到一個post有人話自己偷食中了HIV

但最近口爆過另一半，覺得應該assume另一半中了HIV，所以不用跟一半講

我想講，你中了的話是

一。定。要。同。另。一。半。講！

除了另一半外，你還要跟最近三個月或以上偷食過的對象講，通知所有最近三個月有去過而又有進行過高風險性行為嘅娛樂場（例如按摩場或SAUNA或團P地點），讓他們可以testing和contact tracing

除了你本人要盡快治療外，你的另一半和所有最近性交過的對象都需要接受檢測，如確診便需盡快治療以控制病毒量。

另外，如果你去按摩場所，按按下突然好想食個快餐，請定必

【1. 使用安全套；使用安全套；使用安全套】

【2. 性交前先洗澡將所有按摩油清乾淨，按摩油可破壞安全套結構】

如果經常偷食或去娛樂場所，而又對安全性行為嘅認知不足嘅話，講你去諮詢醫生考慮服用PrEP

如果你進行完高風險性行為，認為有感染風險，請於72小時內盡快諮詢醫生進行PEP投藥減低風險。

【Sexual health tips】
1. 熱愛Rimming的直男直女LGBTQ，可考慮接種甲型肝炎疫苗

2. 所有考慮進行性行為的人類，如仍未接種乙型肝炎，可考慮接種

3. 所有考慮進行性行為的女性和LGBTQ，可考慮接種HPV疫苗

4. 如你經常偷食or有多名性伴侶or經常去娛樂場所or經常進行高風險性行為，可考慮每三個月進行基本性病檢查，如HIV、梅毒、淋病和衣原體感染

5. 如不幸中HIV，請及早求醫和治療以避免惡化至AIDS，長期良好的病毒控制可令患者如同常人般生活和享受正常壽命

此post只作分享用途，如有疑問請諮詢你的家庭醫生或傳染病科醫生意見。

在這裡再作呼籲，麻煩偷食都要注重安全，為己為人，別讓自己後悔一生。

【MISS SEX繼續講】可能拍條片仲易明……

續前文，我同女性朋友咁講：「如果今次冇Bingo，咁你不妨參考吓我個當時嘅做法呀：
1. 一決定要有BB就開始食Materna 去「調理身體」；2. 用排卵棒去check 自己今個月嘅排卵日係Day幾，有個預算先；3. 再喺下一個月同一Day左近啪啪啪 …… 我就係咁Bingo咗了。」
「一定要食Materna？睇中醫得唔得？」
「點調理其實各施各法嘅～ 不過Materna有齊基本營養，可以balence番 OL成日出街食垃圾嘅問題(喂)，仲有佢有葉酸同碘，一般飲食係吸收唔到，所以要早啲開始食。有咗BB之後，公立醫院都會免費開Materna你食，食到生為止！ ((((所以呢個唔係惠氏Materna廣告)))) 」

「係喎，係咪仲要做身體檢查？我地都喺婚展Book咗做婚前檢查。」
「係啊，婚前檢查一定要做，Check吓精子質素呀，BB有冇機會有地中海貧血之類。另外如果唔係咁窮，最好做埋全套性病測試啦。」
「吓～應該唔需要呀，我得佢一個男人，佢又唔係會玩女果啲人。」
「我唔知佢係咩人啦，總之如果佢有同其他女人做過，你地做埋性病檢查會穩陣啲。咁講，就算你信你男人，咁你係咪信埋佢個ex先？佢個ex可能又有幾個ex㗎喎，你係咪信晒果啲人？」

我知呢一點好難說服到自問同未婚夫都係「正當人家」嘅友人：「性病呢，有啲病徵一眼睇得出，但有啲中咗好耐都唔知㗎。如果女仔中咗，可能會引致流產，或者傳俾BB令佢有先天缺陷。所以都唔係你信唔信你男人嘅問題，而係要相信科學。為生BB去check埋佢，求個心安理得囉。」

呢方面，似乎好多人都唔信科學，只相信自我塑造嘅形象－－「我係好女仔(好男仔)，呢啲嘢唔關我事嘅」－－或者大家就係覺得，如同伊波拉只會喺非洲感染到(?)，性病都只會喺一樓一感染到…… 但真實情況並唔係咁，性病比你想像更易中招。更慘係因為咁，好多人又相信「身有屎先會走去check」，個個都唔肯check。其實只要大家都當係保健用途去check，咁咪幾好，不過又係唔知幾年之後大家先會進步了。

(繼續亂用插圖，All day breakfast好好味🤣)