做生意如果開加盟店就好易做？🤔
台灣雖然加盟店文化好普遍，但真係如加盟商所講咁好做嗎？如果真係間間都咁好做，台灣就冇窮人啦🤣，不過又係咪加盟就真係做唔過呢？首先要自己知道點樣分析計算。
里奧叔叔好鐘意食拉麵，係台灣好多大大小小拉麵店品牌，而且價錢都唔似香港咁貴，一般$90-$120台幣就有一碗好夠味「精」既拉麵，滿滿咁大件夾抵食，雖然知道D湯飲得多會口渴，但係台灣人似乎都好受落咁，里奧屋企有兩間平價拉麵店經常都座無虛席。
最近里奧屋企附近又開左間新既拉麵店，一睇就知道係加盟品牌，味度方面好唔好食就見仁見智，不過因為佢地每碗既定價係$130-$180之間「比其他貴少少」，而且餐廳個位置唔係正當大街，生意明顯比之前里奧食開嗰兩間少，不過亦可能係貴少少既關係，D湯又明顯唔會咁重味精，里奧依家都經常幫襯。
拉麵食得多，里奧叔叔既投資職業病又發作，走去聯絡下加盟商八卦下投資行情，之後又計下佢條數有冇得做，今日就嚟分享下啦。
做碗拉麵就好似煮公仔面咁簡單。
加盟商真係咁同里奧講🤔，佢地話經過加盟之後，每日只要用蔬菜豬骨煲好個湯底，再加入佢地為加盟店提供既「特制濃湯寶」，一個拉麵最重要既湯頭就大功告成，而且再配合佢地特制既各種拉麵，店老闆只需要將拉麵滾一滾，加入湯底和配菜，幾分鐘就可以出菜，非常hard sell🤣🤣🤣。
聽落去易做既係碗拉麵，但係咁樣加盟店又點賺到錢先？
對呢類型加盟店大致有問倆個重點問題。
1, 毛利率是多少？
加盟商一開口就同里奧講純利率大約25-30%，又話一間15-20坪既小店一般都有50萬生意一個月，里奧心諗佢地真係講得好聽，如果咁計一個月咪賺到15萬？咁賺唔到點先？🤣 里奧係問毛利率呀，因為由湯頭、拉麵到配菜，大部份材料都係由加盟商供應，所以佢地既供貨成本就直接影響到你既利潤，呢樣野對長期營運好緊要，一定要了解清楚，佢最後答案60%。
2, 以預設的規模去了解投資額
依家D加盟店唔會再例明比你睇各項費用，佢地一般都係全包式，由店面裝修到設備全部合共一個價，既然你要加盟別人品牌，錢就一定賺緊你架啦，只係要認真計算一下值唔值得。
最後答案 $180萬台幣。
好啦，我地就用加盟商提供既數字去計一計數先🤔
假設鋪面租金3萬+水電媒費1萬。
兩名員工午市4小時$160 x 4 小時x30日 x 2名 =$38400
晚市員工一樣係4小時3名= $57600
就咁計租金+人事成本係 $136000/月，如果以60%毛利率計算，一個月最保險都要做24萬生意。
如果以每碗拉麵平均$150計算的話，每日保險線要賣50-60碗，但如果要一年賺回投資的話，咁就要賣到保險線double 既量啦
就當一日真係賣到100碗，人手又夠嗎？
假設午市可以賣到40碗和晚市60碗計算，里奧之前預設既人手數目係可以的，而午晚重點時段2小時裡，每小時賣20碗和30碗以熟練人手的話都係應該配合到，睇嚟最難知道就係客人數量係咪真係可以達到預期啦。
所以萬一真係要投資加盟店前要計清楚條數，加盟商絕對唔會保你一定賺錢，全部聽加盟商講不如自己知道點計數。
今日就講住咁多先
里奧有個台灣好朋友剛剛開咗間全家便利店，有機會下次再同大家分享一下。
🙋🏻♂️🙋🏻♂️係啦，我地日希移民係5月10日星期日14:00 有個關於投資移民既網上講座，大家記得留意有關資訊去報名，名額有限呀！
#里奧叔叔
#投資移民
#移民台灣
#日希移民
全家加盟一個月賺多少 在 [問卦] 請問全家店長一個月賺多少錢- 看板Gossiping 的推薦與評價