<<弊家伙,細佬個背囊唔見左>>
昨日講開嗰次我同弟妹去旅行差啲在火車站被人偷嘢,
幸好發現得快,
無任何損失,
但其實就在到達摩洛哥第一日時,
我細佬就唔見左個背囊 !!!
我哋三個先由突尼西亞玩了兩個幾星期,
由於突尼西亞去摩洛哥因為隔住亞爾及利亞,
所以不可以用陸路過去,
所以在突尼斯購買機票去摩洛哥,
我還很記得2010年時突尼西亞購買機票不可以用信用卡,
又不可以在網站用外國信用卡購買機票,
所以唯一只可以找間旅行社購買,
我好記得如果購買突尼斯往casablanca機票價格是大約1900港元,
但是如果購買突尼斯去摩洛哥Essaouria的價格也是一樣1900港元,
按照原本我們的計劃就是從摩洛哥casablanca坐車去Essaouria,印象中是需要六小時,
既然價格相同,
係人都揀飛去Essaouria,
反正價格就相同,
但就可能因為係咁,
我細佬個背囊就唔見左 !!!
我哋在機場寄行李時,
唔記得邊個提議細佬將個細背包寄倉,
反正佢無咩貴重嘢,
我哋嗰細背包有相機同netbook,
因為諗住上機輕鬆啲轉機又無咁麻煩.
我哋於是將佢嘅細背包連埋大背包放在寄倉行李袋內一齊寄,
仲開開心心咁上機,
期待著摩洛哥的旅程.
經過轉機,
大約夜晚六點終於落機,
Essaouria不是國際機場所以好細,
我哋在遊人唔多嘅情況下只有我們三個要通過當地入境程序,
其他當地人都直行直過,
那個工作人員手拿我們的特區護照懷疑我們沒有做簽証,
但事實特區護照入境摩洛哥是免簽證三十日,
但應該甚少遊客直接第一站是Essaouria,
只見工作人員不斷打電話問人,
其實已經有點開始想鬧人,
解釋了好多次又不相信我們,
英文他們又不太懂,
眼見全機場只剩下我們三個人,
真的心急到唔知道點!!!
幸好那個工作人員還算有禮貌,
只是好像查家宅般不斷問問題,
差不多半個幾小時,
他終於肯在我哋嘅護照上吸入境印,
正開心可以走嘅時候,
我細妹第一個走去攞行李,
到我吸入境印時我已經聽到我細妹大叫:"細佬俾人偷左個背囊(因為機場係細到在等候吸印嘅地方就見到行李輸送帶)
吖,摩洛哥俾我哋嘅第一印象就係俾人偷背囊同差啲入唔到境!!!
偷背包嘅人就在行李寄倉袋裡面偷走了整個細背包,大背包完全沒有唔見,
我哋三個都即時檢查背包裡面都係無遺失,
多年領隊經驗話我知道要即去搵航空公司,
幸好遇上一個英文尚可溝通嘅女工作人員,
佢除了安慰我們,
然後佢登記了我們遺失的物件和背包,
寫了一封信給我們去就近的航空公司辦事處索償,
而且很好人地幫我哋叫了車去市區,
因為已經天黑,
我們乘坐的班機是最後一班機,
機場準備關門,
折騰了差不多兩個小時的唔見行李事件暫且完結.
後來經點算被偷的背囊裡面遺失了細佬的所有衣物,
我們全部的平安藥物,
還有差電綫等等.........
幸好我的另一位妹妹將在四日後在casablanca加入我們的行程,
可以再帶點衣物和藥物給我們,
但我細佬就慘啲要第二日即買替換衣物,
但不幸中的大幸是沒有遺失重要嘅証件和貴重財物.
直至現在我們也不知道究竟在那個機場被偷,
細佬當時在機場好嬲咁講邊個偷晒我哋啲藥越食越病!
但以後更加提醒我們重要嘅一定要跟身,
以及幸好我們有購買旅遊保險.
#旅行#被偷#意外#旅遊保險#北非#摩洛哥#突尼西亞#背包#
六小時 工 安 證 遺失 在 結訓學員遺失勞工安全衛生教育訓練結業... - Facebook 的推薦與評價
請問一下我是在台中市西屯區的工業區上的課可是我找不到原本受訓的單位了但是我的證書也以經遺失了我想要申請補發請問一下我該向那個單位申請呢以及所需具備什麼文件 ... ... <看更多>