<兒歌不兒戲>
今日睇星期日檔案，
講起而家小朋友冇咩兒歌聽到，
其實我真係好認同。
依家啲小朋友一啲都唔得閑，
好多時放咗學就要去補習，
講真而家電視播thank big佢哋都唔知啦！
更何況係睇卡通片呢！
加上依家啲卡通片，
唔係唱歌換衫，
就係嗰啲卡喺度鬥嚟鬥去，
大部份歌都係日文，
真係無咩好唱。
五歲人仔同你講多啦A夢好悶，
你就知佢哋而家心智幾成熟。
到底而家啲小朋友咁成熟，
係真係佢哋咁成熟丫？
還是係我哋啲大人令到佢哋變到咁成熟呢？
以前放學時段係播卡通片，
但宜家小朋友都睇唔到，
佢哋只可以睇到八九點之後嘅劇集，
又或都睇到東張西望，
所以點解個個都識唱「越難越愛」呢？
點解佢地會知明星啲家事？
點解會返嚟講玩月餅食燈籠好搞笑？
係有原因嘅！
我細個好鍾意睇電視，
差唔多每首主題曲都識唱，
美少女戰士、婚紗小天使、咕嚕咕嚕魔法陣、
數碼暴龍、寵物小精靈、超時空少年、
皇家雙妹嘜、百變小櫻magic咭、爆旋陀螺⋯⋯
不過我最有印象係肥姐同欣宜嘅星星傳說！
我到而家都有同老公一齊合唱比個女聽架！
以前啲兒歌，
好聽好多！
你有冇一首好深刻嘅兒歌呢？
#我嘅童年很快樂
#星星傳說無得輸
#開始懷緬過去代表我老啦
#其實兒歌都係兒童文學一種好需要去比小朋友聽一啲優質兒歌
#小朋友係應該天真
#VVinnie
