早排有個做皮革製品嘅客打嚟話要請sales manager，佢本身自己請咗人，不過做兩日走咗，等等先，有伏早啲出聲喎，咪害我啲求職者。
「冇伏呀！條友用假學歷，我send email去佢間外國大學check，人哋話冇呢個學生，諗住只係誤會，睇下個新人仲可以提供咩資料啦，第一日返工已經支吾以對，第二日問又話之後補返，第三日就唔見人喇。」
我：「點解你唔check晒先請佢？」
「一般都係做working experience嘅reference check，點諗過學歷會假啫。」
我：「新聞早排都有單用假學歷做政府工啦！」
「其實我哋唔要求大學畢業，出招聘稿都冇提，老細話經驗同能力重要啲，做得sales manager都係睇條數，冇數話之你牛津畢業啦！幫到公司賺錢讀牛頭角津貼中學都得，不過佢一嚟就咁報，程序上咪要check埋畀總公司囉！係咪攞嚟搞吖！」
呢個客嘅老細算好人性化喇，唔係話學歷唔重要，但有啲position應該係能力秤先，一間公司有時唔係要最好嘅人，而係要最適合嘅人。由Jennifer Lopez主演兼監製嘅《職場女王攻略》就係講一個有實力但冇學歷嘅熟女，畀朋友瞞住佢「改造」CV，跟住誤打誤撞做咗跨國企業高層，佢喺戲入面都提到：「如果社會可以將經驗等同學歷就好」，究竟佢最後點樣用實力證明自己勝過有沙紙呢？咁就留畀大家喺戲院搵答案喇！
#冇學歷 #有實力《#職場女王攻略》#SecondAct
1月24日 升呢做高層
預告: https://goo.gl/X6GeBq
