【你有無踏上slasher之路？】
上個Post我講做slasher會係大勢所趨，有咁嘅預測，唔單只香港人心態已轉變，唔再同公司談一世戀愛，更重要嘅係求生之道。如果從事單一行業，逗得一份糧，好似今次疫情來襲，市場環境話變就變，成個行業即時冰封，自己轉身唔切嘅話，隨時失業變提早退休。
不過成為slasher之前，好多人開始時都係做全職，到收工放假嘅時候先發展副業。當副業累積到足夠客源，就可以對主力份工依賴程度降低，到副業發展更為成熟時，就將主力份工都變為副業一部分，一步步成功轉型成為slasher。
聽落計劃好完美，但你可能會問，應該點樣入手做slasher，咁當然係由自己興趣同專業入手，圍繞本身事業發展周邊事業喇！例如做開graphic design，可唔可以發展成為紋身圖案設計師？一直打開籃球league，可唔可以考返個教練牌或者裁判牌呢？對自己手作仔有信心，會唔會開返個online shop賣下自家製成品或者開班授徒呢？平時鍾意揸車遊車河，又可唔可以客串做下職業司機呢？
今次疫情，對各行各業打擊真係好大，眼見身邊唔少朋友，或者年紀大嘅長輩頭都大埋。有句話係永恆定律，就係學多樣技能傍身，他日總會有用武之地。後生仔嘅優勢係學嘢快、適應力強、入行容易，喺香港地只要肯努力，腦力唔夠，勞力搭夠，絕對唔會餓得死人嘅！
冰封自己 在 你能融化谁的冰封之心 - YouTube 的推薦與評價
哈囉大家好 塔羅占卜| 你能融化谁的 冰封 之心 希望這個占卜解讀有緣與你共振、對你有幫助聽從 自己 直覺，決定是否繼續收看; 也可以看看下面留言和分享 ... ... <看更多>