有一日，我如常喺馬鞍山石灘散步，思考人生。
突然，一個斑馬頭破地而出。佢頭頂生咗一棵竹芋，又粉紅又白，好靚。隻斑馬再爬上少少，後面竟然有個海龜殼，殼上面仲有一朵原生自沙巴嘅大王花，好紅好大，仲真係好臭。我頂唔順，想伸手鏈住個鼻，但係俾忽然傳來嘅「呱」一聲嚇窒咗。我探頭一望，原來呢隻動物嘅斑馬頭下面，仲有個青蛙頭，啱啱仲伸條脷出黎食咗一隻蚊，速度之快，真係好驚人。望住呢隻雙頭動物，我意識到我已經唔可以再叫佢做斑馬，但係亦都唔知叫佢咩好，斑馬大花龜殼蛙？龜殼大花蛙斑馬？
原來仲言之尚早。隻動物繼續向上爬，用四隻有蹼嘅雀仔腳慢慢企咗起身，露出後面尾巴嘅第三個頭：一個蛇頭！佢望住我，扭下扭下，我驚到唔知點反應，淨係識得攞部手機出黎影相。由大學讀生態學到依家咁耐，都未曾見過咁樣嘅野生動物：三頭、四腳，有殼有翼有花。到底係乜嘢黎? 我應該點算好啊?
「梁彥宗你要保持冷靜啊，要思考啊！」我同自己講。
我立即用大腦高速思考，然後，我發現我喺馬鞍山。
但係我知只係得呢個資訊係冇用。於是我大腦再用力諗，頭頂開始出煙，終於俾我諗到多啲嘢：我喺海邊。
我知仲未夠。我再出埋最後一度飲奶力，大腦以最高速轉動，眼前影像開始變成一個個螺旋。啊，諗到喇！仲未到2021年9月30號！
原來，我可以攞呢張相參加「光影 ‧ 赤灣」攝影比賽2021手機組！實在係太開心喇！「光影 ‧ 赤灣」攝影比賽係一個大自然攝影比賽，接受「地理景觀 (Landscape) 」同「自然生態
(Life) 」兩個主題，喺船灣海、吐露港同赤門海峽海岸影嘅攝影作品。呢幅自然生態相咁稀有，又喺馬鞍山海邊影嘅，用黎參加比賽，一定嬴梗！
正當我歡喜若狂之際，呢隻馬鞍山獸個龜殼下面一對細細隻嘅蝴蝶翼輕輕拍咗一拍，成隻動物立即升起，向住夕陽嘅方向飛走咗。
我亦都慢慢掙開眼。原來，我喺床上，一切只係一場夢。
佳作冇咗，我有啲失望，不過我望一望手機，好彩仲未過截止日期2021年9月30號。諗起仲可以隨時參加「光影 ‧ 赤灣」攝影比賽2021手機組，我真係開心到笑出黎，牙都唔刷立即出發去船灣海、吐露港同赤門海峽一帶發掘海岸地理景觀同自然生態。最後我喺海邊周圍影相，度過咗愉快的一天。
多謝你睇完呢個故事。如果你都想度過愉快的一天，就記得參加「光影 ‧ 赤灣」攝影比賽2021手機組喇。大自然嘅美好同驚喜，等緊你。
《「光影 ‧ 赤灣」攝影比賽2021》詳情：
比賽主題：地理景觀｜自然生態
比賽組別：學生組｜公開組｜手機組
立即報名：https://bit.ly/lot21entry
比賽詳情：https://www.afcd.gov.hk/english/conservation/con_mar/TKPlus/tkcom2021.html
截止日期：2021年9月30日23:59
完。
#好啦
#P圖係會被取消資格嘅
#影自然生態好喇
冷靜english 在 【#不緊張#要冷靜】 #樂仔編... - HOPE English 希平方學英文 的推薦與評價
不緊張#要冷靜】 #樂仔編朋友要告白時很緊張、同學上台要報告很緊張、女朋友有事問你很緊張 想要提醒別人、自己「別緊張」、「冷靜」的英文怎麼 ... ... <看更多>