關於 初生嬰兒 磅 數 ，我們在網路上蒐集到這些相關的討論、資訊與評價

《生仔後才懂的二三事》#懷孕媽媽必看

生仔係好自然的事，相信好多人都會咁唸，尤其是餵人奶，唸住有胸部自然就會餵到！很多關於生仔的二三事，「自自然然」就會做到係我生仔前好天真的想法，亦冇人話我知原來「自然做到」背後其實經歷左幾多辛酸、幾多堅持先會做到！

懷了第二胎，我又重走一次懷孕之路，在第二胎的媽媽谷認識很多新手準媽媽，想起自己成為媽媽已經兩年多，回望當初作為媽媽時的經歷，希望總結一些生仔後「如果當初有人早d話我知就好喇」的二三事，希望幫到各準媽媽一些心理準備！ 當然每個人走的路都不同，不過有過來人事先話定邊到有捷徑，邊到有沿崖，自己袋定法寶有兩手準備，遇到困難時就不會徬徨無助！

1. #想順產生唔係由你話事
記得我懷Timtam仔時，最令我苦惱是選擇順產還是開刀！其實自己一直想開刀生，但自從係youtube睇過開刀生產過程，被人切開個肚的情景太震撼，最後就決定順產生！

之後我就做很多運動，行路、行路梯、做孕婦yoga, 準備好身心理準備要順產生，結果我穿水催生捱了12小時陣痛後，最後因為Timtam仔心跳急跌而要緊急開刀！

一些朋友都唸住順產生，結果都因為種種原因最後都要開刀，如BB唔轉頭、或有妊娠糖尿問題，有朋友一直有做運動，一心唸住自己順產生完全冇問題，最後都係跟我一樣食左全餐！

所以要順產生的話也不一定最後能如願，臨時會有很多變數，最緊要聽醫生指示，選擇一個最安全的方法生，只要媽媽同BB都能平安就好！所以就算決定順產生，都要有開刀生的心理準備！

2. #餵人奶唔係自自然然就餵到
我一直都以為，餵人奶咁自然的事一定會餵到！又唸住自己乳房都有些斤兩，餵人奶應該冇問題吧！

結果當然係我太天真！唔係話要奶就一定比到足夠比bb, 每個媽媽體質不同，真係冇奶時用盡方法都係冇！又因為BB初初學習啜食人奶，好容易就會啜損乳頭，加上塞奶、石頭胸等問題，會令媽媽痛到入心，母乳路係一條崎嶇之路，一定要有披荊斬棘的戰鬥心！

當然每個媽媽都有自己的選擇，餵到就餵，餵唔到就餵奶粉吧！唔好用人奶奶粉黎定義自己係咪好媽媽，人奶媽奶粉媽都係好媽媽，最緊要媽媽有好的心理質素去照顧BB！照顧初生BB已經夠辛苦，何況你我大部分都應該是食奶粉長大的，現在一樣健健康康！奶的問題就隨遇而安吧！

3. #坐月比生仔更痛苦
網上很多媽媽會分享懷孕什至生產時的經歷，卻很少有產後的分享，因為大家都忙住照顧bb, 過後都冇時間再分享產後護理、坐月等事情！

上一胎我就掉以輕心，唸住「生左出黎先算啦！」真係要經歷過才知道，坐月的日子才是最黑暗的歲月！

我上一胎產前上左無數的產前講座，更自費參加陪月班，希望自己有足夠準備去應付照顧BB的事，但當真實有個肉團抱在懷中的時候，理論變成實戰時就會雞手鴨腳，加上身體要時間復原，又要餵夜奶的關係長期處於唔夠訓狀態，又要擔心餵人奶的問題，產後又要忙於自己到醫院傷口拆線或帶BB去健康院，真係身心俱疲！

我的經驗是最好有人幫忙，冇論是四大長老、請陪月、請工人還是老公請假，坐月的日子一定要搵多個人來幫手照顧BB, 一來新手媽媽產後需要時間休息復原，二來要餵夜奶會唔夠訓，一定要有人幫手睇bb, 等媽媽可以放心去休息！

而且媽媽會受賀爾蒙影響，心情會變得很波動，有人幫輕下媽媽，新手媽媽有足夠休息，心情就會好好多！

4. #一定要預備產後抑鬱來臨
之前寫過一篇文章關於產後抑鬱，我想很多人對此症初時的想法都會一樣：「抑鬱？我點會呀？唔會嘅！」

但係其實產後原來賀爾蒙的影響，連自己都會控制不到自己情緒！我自問也是性格開朗的人，從沒想到會有抑鬱症狀出現，幸好產前有幾個朋友不約而同分享佢地都受賀爾蒙影響，產後心情會變得很波動，叫我老公要加多注意，我才順利渡過！

記得坐月時會為很少事而喊，又會成日浮現負面的思想，是自己控制不了的！所以作為新手爸爸，坐月呢段時間記得盡量忍讓老婆，唔好只關心bb, 更加要多關心老婆的需要，就算你要返工，就算你半夜幫唔到手餵人奶，比老婆知道你最著緊的永遠係佢、一直會支持佢就已經幫到好多架喇！各位新手爸爸記得呀！

5. #坐好月原來真係好重要
產前我係有嚴重經痛，痛到係會勁頭暈落唔到床，食哂止痛藥都冇乜用！但生完阿B之後，坐完月大約產後四個月再黎經期，從產後第一次黎經期開始，我的嚴重經痛完全消失，一d痛的感覺都冇，係黎左都唔知！完全冇唸過會咁神奇！個種感覺係猶如重生一樣！

我覺得因為我坐月坐得好，最多謝我好友臨生前提醒我要坐好月，不然就會好似佢咁產後反而令身體差左，好後悔冇乖乖坐月！

信我！如果你有任何女性小毛病，包括經痛、手腳冰冷、易頭暈，坐好月之後所有毛病都會得到改善！

有興趣了解更多，可重溫我之前的文章！我好快就要重新經歷以上種種，心情都開始緊張！回望過去，見到現在的Timtam仔健康活潑，一切付出都很值得！希望各準媽媽生產順順利利，BB健康活潑，好快戒夜奶，媽媽們都可以坐好月！

——————————————————
#舊文重溫：
《這樣坐月，體質像重生一樣好》https://bit.ly/2CusvQo

《【產後抑鬱】準媽媽一定要有的心理準備》
https://bit.ly/2OyXQVF

《【產後修身】如何3星期瘦10磅》https://bit.ly/2CpFa7q

#懷孕 #準媽媽 #生仔 #產前需知 #產後 #坐月 #產後抑鬱 #準爸爸 #初生嬰兒 #產後瘦身
#順產 #開刀 #餵人奶 #母乳 #媽媽blogger #懷孕29週

當我們聖誕節諗送什麼禮物俾人時
不妨考慮下幫一幫發展中國家的人

即使在如此發達的香港，生仔都是搵命博的時候
剛果的孕婦是在過著怎麼樣的生活呢？
花幾分鐘睇一睇

Dr Who

近排溫書，讀到一種怪病。呢種怪病係好耐之前已經有文獻紀錄。

患者染上左寄生蟲之後，呢隻寄生蟲會係幾個星期裏面開始生長，透過患者嘅血液吸收營養、氧氣，而患者身體會因為寄生蟲而作出反應，令到患者出現火燒心、大小便不暢、水腫、嘔吐等等嘅情況，嚴重者甚至會出現高血壓、視力下降、精神錯亂，每年全球死亡數字都會達到幾萬人。有趣嘅係，呢種病嘅成因大家好早就知道，但係大家都無所謂。絕大部份人甚至係自願患病，去懷上呢一粒係四十星期裏面生到四公斤大嘅寄生蟲。明知患病期間可以有好多併發症，多到醫科要有一科專科專門睇佢，大家依然爭相患病。

年輕人，呢個係愛定係責任？

睇到呢到，我估大家都知道我講嘅「病」，就係懷孕。

平時要靚唔要命，願意係十月增肥幾十磅，傾家蕩產買保健品，狂啪大家都識嘅 Materna；
唔煎唔炸唔煙唔酒、食魚生要搵火機彈熟佢，飲各式湯水飲到痾出黎都係花生眉豆同埋雞腳；
各路親戚濟濟一堂，唔比踎低起身剪頭髮繞電線，大暑當日出街都要痴住暖包著住三層羽絨；
痛足十個鐘，索住都唔知有無開嘅笑氣同埋聽住個啲古典音樂，屎尿屁都出哂就係未出個仔。

大家要知道，自然分娩其中一個風險係陰道口撕裂。
程度有分四等，最嚴重者，係陰道裂至肛門。
無錯，係「監生」扯過去，無麻醉藥，一嘢紅隧殺到西隧，兩隧合一。

懷孕分娩根本係搵命搏嘅一個旅程。係香港，我地有先進設備，有床有產房有消毒，唔再係「幫我搵盤熱水黎」就叉隻手攞去嘅古裝片。我地甚至開始可以唸點樣對母子更好，提倡母嬰接觸、爸爸剪綵、餵哺母乳、打齊疫苗。係地球另一邊嘅角落，唔好意思，你都係幫我攞盤熱水黎啦。

無乾淨水？泥水啦。無電？燒柴啦。母乳？疫苗？咩黎啦。

媽媽撐到去分娩、生完可以保命、透順條氣之後個小朋友未死，條條都係難關。剛果一個國家，每年 96,000 個小朋友，擺唔到滿月酒；當中嘅一半，一生未見過兩個日出，壽命比你岩岩拍死左個隻蚊仲短。飛蛾尚可以撲火，呢位小朋友，生出黎就要死。

我一路以黎都相信，聖誕節係一個將關愛傳比每一個人嘅節日。我人生第一個用自己名義捐助嘅機構，就係聯合國難民署。呢排假期多，好好同屋企人相處，唸返起面前呢位女士，點樣唔要靚亦唔要命咁生你呢隻異形出黎。順手㩒入下面網頁了解多啲。唔想交咁多稅，仲可以贊助一下佢地。

我唔知幾多錢可以救到一個小朋友，我剩係知道你地比嘅每一分每一毫，對呢班小朋友都非常重要。

#DrWho特約廣告系列
#聯合國難民署
#UNHCR
#DrWhoHK

《讓孩子安全地來到世界上：請你送出「黃金一小時」，拯救初生嬰兒的生命》
https://www.unhcr.org/hk/golden-hour-at

《讓孩子安全地來到世界上：立即捐款，為難民提供迫切的生命援助》
https://donate.unhcr.org/hk/children/~我的捐款

🔻🔺🔻🔺🔻🔺🔻
IG: DrWho.HK (instagram.com/DrWho.HK)
FB: DrWho.HK (facebook.com/DrWho.HK)
🔻🔺🔻🔺🔻🔺🔻

近排溫書，讀到一種怪病。呢種怪病係好耐之前已經有文獻紀錄。

患者染上左寄生蟲之後，呢隻寄生蟲會係幾個星期裏面開始生長，透過患者嘅血液吸收營養、氧氣，而患者身體會因為寄生蟲而作出反應，令到患者出現火燒心、大小便不暢、水腫、嘔吐等等嘅情況，嚴重者甚至會出現高血壓、視力下降、精神錯亂，每年全球死亡數字都會達到幾萬人。有趣嘅係，呢種病嘅成因大家好早就知道，但係大家都無所謂。絕大部份人甚至係自願患病，去懷上呢一粒係四十星期裏面生到四公斤大嘅寄生蟲。明知患病期間可以有好多併發症，多到醫科要有一科專科專門睇佢，大家依然爭相患病。

年輕人，呢個係愛定係責任？

睇到呢到，我估大家都知道我講嘅「病」，就係懷孕。

平時要靚唔要命，願意係十月增肥幾十磅，傾家蕩產買保健品，狂啪大家都識嘅 Materna；
唔煎唔炸唔煙唔酒、食魚生要搵火機彈熟佢，飲各式湯水飲到痾出黎都係花生眉豆同埋雞腳；
各路親戚濟濟一堂，唔比踎低起身剪頭髮繞電線，大暑當日出街都要痴住暖包著住三層羽絨；
痛足十個鐘，索住都唔知有無開嘅笑氣同埋聽住個啲古典音樂，屎尿屁都出哂就係未出個仔。

大家要知道，自然分娩其中一個風險係陰道口撕裂。
程度有分四等，最嚴重者，係陰道裂至肛門。
無錯，係「監生」扯過去，無麻醉藥，一嘢紅隧殺到西隧，兩隧合一。

懷孕分娩根本係搵命搏嘅一個旅程。係香港，我地有先進設備，有床有產房有消毒，唔再係「幫我搵盤熱水黎」就叉隻手攞去嘅古裝片。我地甚至開始可以唸點樣對母子更好，提倡母嬰接觸、爸爸剪綵、餵哺母乳、打齊疫苗。係地球另一邊嘅角落，唔好意思，你都係幫我攞盤熱水黎啦。

無乾淨水？泥水啦。無電？燒柴啦。母乳？疫苗？咩黎啦。

媽媽撐到去分娩、生完可以保命、透順條氣之後個小朋友未死，條條都係難關。剛果一個國家，每年 96,000 個小朋友，擺唔到滿月酒；當中嘅一半，一生未見過兩個日出，壽命比你岩岩拍死左個隻蚊仲短。飛蛾尚可以撲火，呢位小朋友，生出黎就要死。

我一路以黎都相信，聖誕節係一個將關愛傳比每一個人嘅節日。我人生第一個用自己名義捐助嘅機構，就係聯合國難民署。呢排假期多，好好同屋企人相處，唸返起面前呢位女士，點樣唔要靚亦唔要命咁生你呢隻異形出黎。順手㩒入下面網頁了解多啲。唔想交咁多稅，仲可以贊助一下佢地。

我唔知幾多錢可以救到一個小朋友，我剩係知道你地比嘅每一分每一毫，對呢班小朋友都非常重要。

#DrWho特約廣告系列
#聯合國難民署
#UNHCR
#DrWhoHK

《讓孩子安全地來到世界上：請你送出「黃金一小時」，拯救初生嬰兒的生命》
https://www.unhcr.org/hk/golden-hour-at

《讓孩子安全地來到世界上：立即捐款，為難民提供迫切的生命援助》
https://donate.unhcr.org/hk/children/~我的捐款

🔻🔺🔻🔺🔻🔺🔻
IG: DrWho.HK (instagram.com/DrWho.HK)
FB: DrWho.HK (facebook.com/DrWho.HK)
🔻🔺🔻🔺🔻🔺🔻