【#別為心急愛錯人】
最近睇完一套日劇《東京白日夢女》，講三個三十歲嘅單身女人因為年紀唔細，想喺2020年東京奧運前結到婚嘅「求婚 」故事。我同身邊好多就快三十歲嘅女仔朋友睇完，都一齊覺得講得好中！
劇中女主角因為自覺「時日無多」，同時又驚覺自己喺市場上嘅價值愈嚟愈低，於是好想隨手搵個救生圈，唔理好醜，總之為求可以盡快上岸就拼命去搵啲嘢捉住⋯⋯
女仔過咗廿五歲之後就會忽然發現，緣份唔再好似以前中學大學時期咁，easy come and easy go。再搵一個可以拍拖嘅對象都已經係好困難，唔再好似細個嗰陣，身邊一堆差唔多年紀嘅男仔可以選擇，加上好多好男人已經被佔有之下，市場真���愈嚟愈窄。於是不安感會侵蝕大家，不如求其妥協搵個「過得去」嘅人一齊，總好過自己一個孤獨終老嘛！
如果照字面講「有拖拍」「有人陪」係比「單身」無咁孤單嘅⋯⋯但實際上，有人陪唔係等於幸福，因為同一個根本唔愛根本唔夾嘅人一齊，嗰種無法真正溝通真正心靈交流嘅關係，其實係更更更更孤獨。婚姻同去旅行一樣，唔係求其搵到個人同行就開心，千其唔好因為驚孤獨就選擇屈就妥協，求其捉個漏氣水泡，可能先係不幸嘅開始。
/
ig: hkgirlfriend
港女友 Hong Kong Girlfriend.
