早前收到意大利🇮🇹牌子 @orasi嘅邀請，試左佢地嘅植物奶同植物牛油黎同大家介紹下。其實係接觸orasi之前，B仔已經成日買植物奶，雖然我超中意飲牛奶🥛，且牛奶營養都非常豐富，但係始終牛奶就係有牛嘅激素，除左容易刺激生痘痘之外，好似我呢啲有過敏體質嘅人，成日飲始終都會有不良影響。所以近年就開始減少飲牛奶，試下搵下牛奶嘅替代品。奈何搵黎搵佢，都無一隻植物奶令我覺得好中意，可以成日買黎飲，直至試到orasi。😆(利申：無收錢，純試飲😂）Orasi係B仔暫時試過嘅植物奶入面，最濃郁嘅牌子，佢地有好多種口味，而我今次就試左大豆飲、糙米飲、可可、杏仁同核桃奶。
-
#大豆：豆味天然濃郁，甜度適中，飲落比市面上起碼9成豆奶都濃厚得多，有種飲緊豆奶版北海道3.6牛奶嘅感覺，由於好濃厚，亦非常飽肚，可以作代餐。
-
#糙米：質地比起大豆稀薄好多，飲落帶淡淡嘅甜味同強勁嘅穀物味後勁，係比較小清新嘅選擇。
-
#杏仁：一倒出黎杏仁香亦一齊湧出黎，飲落似濃厚版少糖杏仁茶，如果你鍾意杏仁茶嘅話一定會鍾意到不得了。但係B仔一向都唔鍾意杏仁茶，所以就唔係特別愛呢款。
-
#核桃：係咁多款入面，甜度最低，非常順滑，濃厚度屬中間，飲落有淡淡嘅堅果味。
-
#可可：最令B仔有驚喜嘅一款，濃厚度係各款之最，可可味香甜濃郁且不苦澀，老實講好飲過好多朱古力牛奶。
-
另外我仲用咗佢哋嘅植物牛油同豆奶整左拉絲豆乳小餐包🍞食譜如下：比大家參考下☺️
「材料」
- 高筋麵粉 500g
- Orasi 豆乳 250g
- 雞蛋2隻 （留起1/4最尾掃蛋液）
- Orasi SOIA 牛油 70g
- 砂糖 40g
- 煉奶 10g
- 酵母 6.5g
「步驟」
將所有材料撈埋揉成麵團，等待發酵至2-3倍大，整成你鍾意嘅形狀，分成八份，輕壓排出空氣，蓋上保鮮膜，再發酵至約2.5倍大，再放入焗爐以180℃焗15分鐘就大功告成㗎啦！😘
利申無收錢 在 Fullcomma - 【利申無收錢】... | Facebook 的推薦與評價
【利申無收錢】 黎緊又有假期啦，廿六號星期一重陽補假。如果唔想又on居居留係屋企一日，不如幫自己搞個秋季旅行啦。fullcomma收集左四間訂房送消費額的酒店比大家參考 ... ... <看更多>