https://www.patreon.com/posts/56419688
如無意外，今個星期五立法會小組委員會開會，政府全禁電子煙／加熱煙議案將會響小組委員會階段順利通過，跟住就會通過二讀、三讀程序，以而家垃圾會嘅「強國效率速度」，最快將會響年底正式立法。
有關唔禁為害更大嘅傳統煙、卻要全禁電子煙兼加熱煙嘅荒謬邏輯、完全拒絕接受電子煙加熱煙就係有轉移傳統煙民轉吸毒害較少電子煙嘅盟塞、老屈「電子煙連細路都買得倒」，卻唔提呢個正正係遲遲未進行規管嘅歪理，其實呢幾年黎已講完又講，所呢度已唔打算再次重覆，但至少要對所有協助通過呢條條例嘅幫兇進行清算，要佢地付出代價。
過去之所以對呢條規管電子煙條例咁著緊，係因為條例本身完全唔牽涉到政治立場問題，純粹就係判斷高官、政客嘅議政水準。事實上當飯民仍然響立法會時，堅定支持全禁電子煙嘅包括公民黨、民主黨、教協同醫護界，建制派反而因為有唔少票源黎自吸煙基層，立場反而偏向規管。
但響飯民總辭後，呢班「忠誠廢物」開始動搖：佢地一方面依賴批評政府強調自己仍有監察政府嘅價值，另一方面卻又怕響議會拉布、投反對票會被定性為「圖謀顛覆政府」，步飯民後塵被DQ。
不論建制非建制，響成場規管加熱煙議案論爭入面，邵家輝、鄭松泰算係堅定不移支持「以規管取代全禁」嘅兩大旗手，尤其係邵家輝，去到最後一刻仍然打算響立法會大會提出修正案，算係盡番佢作為零售服務界巧能組別議員嘅責任；
跟住就係自由黨經民聯張宇人、梁君彥以外嘅商界議員再加埋謝偉俊，雖然響政治壓力下目前已含糊其辭，去到最終投票時隨時跪低轉投贊成票，但至少都叫做一直企響市民一方，要屌都可以留力少少；
但去到民建聯、工聯會一堆「牆頭草」就開始令人極其討厭。例如黃定光明明知道全禁電子煙條例ON9，「長臂管理」網上廣告連《國安法》都未去到呢個程度；劉國勳亦曾經質疑政府全禁加熱煙係全無科學基礎，工聯會郭偉強響當年仲係委員會委員時提出過中止審議以避開社會分歧，但點知當林鄭政府一壓落黎，呢班明知條例不合理嘅「忠誠廢物」就立刻統一投票意向支持政府，連申請投票意向豁免表態都慳返。
跟住講到最應該聲討的，自然係果堆「堅定不移」嘅全禁派，當中包括陳沛然、李慧琼、新民黨、梁美芬、田北辰嘅禁煙膠，佢地一係純粹就係以為所有電子煙禁哂呢個世界就少啲危害，政府應該對市民自由作「無微不至」嘅規管，即使議題同國家安全完全無關；一係就純粹因為政府話乜就乜，連思考能力都喪失埋。
最後最後嘅罪魁禍首，當然要講到陳肇始同果堆禁煙塔里班。呢位反口覆舌嘅高官原先一直話對規管電子煙抱開放態度，點知去到後來就突然一轉變成堅定不移嘅全禁派；無論議員、團體點樣苦口婆心同佢講道理，話佢聽全禁電子煙唔單止惡化現況咁簡單，仲造成好多唔同嘅經濟損失，好多報攤隨時響立法後等死執笠，總之響陳肇治心目中，乜都禁哂就最好，正如今時今日明明香港已長期零感染，陳肇始就係堅持唔放寬食肆營業條件至回復正常，係要搞死經濟為止。
呢啲唔係治港，係搞死香港。每一個因為呢條條例立法嘅受害者，理應記得邊啲議員應該承擔責任
劉進圖政治立場 在 反黃人, 救香港- 明報現時的總編輯是劉進圖，基於這人的背景與 ... 的推薦與評價
明報現時的總編輯是劉進圖，基於這人的背景與泛民有關係，所以現時明報的立場是偏 ... 主席李柱銘的助理，1989年加入新聞界，曾在《信報》任職記者，主要跑政治新聞。 ... <看更多>