趁今日71一出即刻睇咗《閃光的凱薩威》。本身係好期待佢點樣演繹響一個極權政治之下，作為一個恐怖份子點樣同地球聯邦政府周旋嘅故事，但好可惜整套嘢只得個半鐘，所以當個重點放在響KIKI身上之後，其他內容就只能夠以走馬開花形式帶過鳥。
其實如果劇情至少做多半粒鐘的話，至少哈薩威點解會加入馬法堤、兩部Gundam嘅來龍去脈講清楚多少、甚至舖排多少少哈薩威自從《馬沙之反擊》之後嘅心路歷程，個效果應該會好過而家個性模糊，好似一個阿寶失敗Clone咁撚樣。
成套動畫作畫水平基本上係同Unicorn系列睇齊，但唔知係咪要強調動作精細嘅關係，有啲行路動作感覺反而好唔自然；至於戰鬥場面同樣畫面係有一流水準，但同Unicorn劇場版一樣，去到重頭戲Gundam對決都係有啲急同亂。尤其可能因為小說劇情關係，戰鬥場景比較少，其實大可以將戰鬥節奏拖慢少少，等觀眾至少分得清楚邊部Gundam打邊部，效果應該會好好多。
但相比起動畫本身，我更加想講嘅係抗爭組織「馬法堤」。雖然哈薩威厭惡借恐怖活動，但佢卻從來唔怕沾污雙手，以勇武作為手段甚至不惜犧牲無辜；而「馬法堤」之所以能夠成長至一定規模，好明顯亦有太空移民嘅募款支持。
然後大家試諗下如果《閃光的哈薩威》如果發生響今日香港（唔係kiki想去嘅新香港），「馬法堤」一定會比老燒劉細良話係鬼，攻擊酒店一役一定會比班黃屍狗話係「自騙自導自演」，班移民更加只會課金比冷氣軍屍細良世七，勇武派「馬法堤」？畫面唔靚呀，睬你都傻啦！
